www.internetpk.com
 
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Fort William College

Fort William College is a learning center of many languages. It was founded on 10 July 1800 in Kolkata, British India and it’s established by Lord Wellesley, the founder of Fort William College is 1st Marques’s Wellesley and Richard Wellesley and here it is the highlight of the college over a thousand books have been translated into Bengali, Hindi, Sanskrit, Arabic, Persian and Urdu languages. The purpose of establishing this college was to be to teach British officers of Indian Languages. For the purpose of education, here has been established a library and put the many historical books. Later, this library known as Calcutta public library and come to be knows as the national library. The court of directors of the British East India Company was never in support of a training college in Kolkata (Calcutta). Then a separate College, East Indian Company College was established in 1807 at England but the Fort William College was the center for teach different languages. Fort William College located in Strand Road, Fort William, Hastings, Kolkata, West Bengal 700021, India. In this page you will read and find information about Fort William College in Urdu and Hindi.
 
 

History:

Fort William College us waqt ke governor general of British India janab Lord Wellesley ne ba-tour taleemi markaz banaya jahan maqami zaban sikha ja sake. Es ka qayam Kolkata mein 10 July 1800 ko wajod mein aya. Aur es College ki khas baat ye hai ke yahan 1000 se zyada books ko Bengali, Hindi, Sanskrit, Arabic, Persian, aur Urdu zaban mein tarjuma (translate) kiya gaya. Es college ke qayam ka maqsad ye tha ke British hakkam ko Indian zabanein (languages) se roshanas (sikhaya) karaya jae. Taleem ke maqasid ke liye yahan aik library bhi qaem ki gai aur us mein degar tamam porane masodat wale books la kar rakhein gaey. Ye library baad mein Calcutta Public Library aur ab National Library ke naam se pehchana jane laga hai.

East Bharti company ke director Kolkata mein aik tarbeyati college ke haq mein nahi thein. Aur es tarha ke tarz per college chalane ke liye humesha aik fund ki zarorat hoti. Es maqsad ke liye es ke baad aik alag College, east Indian company college England mein 1807 mein qaem kiya gaya. Ta-hum Fort William College mukhtalif zabanein (languages) sekhne ka markaz bana raha.

Jang plassey (1757) ke baad angreezon ke qadam Hindustan mein mazboti se jam choke thein aur shomali Hindustan ka ek bara area inke qabze mein tha. Es ke intazam-o-insaram ke liye ye zarori tha ke angreez hukkam aur tajjar mulki zuban sekhein. Etne wase elaqe ke intazami mamlat nibtane ke liye ab mutarjamon ke zariye kaam nahi chalaya ja sakta tha. Angreezon ne es haqiqat ko bhi mehsos kar liya tha ke fateh qoum ki zuban, rasm-o-rewaj, adapt-o-atwar, tarekh aur mazhabi aqaed waghera se waqfiyat ke begher hokumat nahi ki ja sakti. In tamam baton se agahi fateh qoum ki zuban sikhe bagher nahi hasil ki ja sakti. Lehaza es zarorat ke pesh-e-nazar 1800 mein Fort William College Kolkata mein qaem howa aur doctor John Gilchrist es ke principle muqarar howe.

Fort William College ki Khidmat (Service of Fort William College):

Fort William College ke qayam ne Urdu nasar ki taraqi mein besh baha khidmat anjam dien aur Urdu nasar ka aik naya dor shoru howa. Warna shumali hind mein mazhabi rasalon ke elawa nasri tehreeron mein fazli ko woh majlis “Karbal Katha” thi jo 1722-23 mein likhi gai aur Mulla Hussain Waez kashfi ki Farsi kitab roza-tul-shohada ka tarjuma hai jis ko mukamal nasri Urdu ki kitab tou nahi ka ja sakta albatta woh es zamane ki Urdu nasar ka aik umda namona zaror kahi ja sakti hai. Es tarha aik mukhtasar namona es zamane ki nasar Urdu mein soda ka dibacha hai jo in ke kulyat ke shuro mein mojod hai jo nasar se zyada nazam kaha ja sakta hai aur es per Farsi rang ghalib hai. Insha ki rani ketki ki kahani aur daryae latafat mein likhi gai tehreerein es dor ki Urdu nasar mein shamil hein Fort William College ke qayam se qabal ki aik aur mash-hor kitab Mir Atta Hussain Khan Tehsen ki nu-tarz hai jo Farsi qissa chaar darvesh ka Urdu tarjuma hai jis ki ebarat nehayat rangeen aur Farsi aur Arabic alfaz se milta howa hai.

Ye Fort William College ka karnama hai ke es ke zariye asan Urdu nasar ka aghaz howa aur es ki taraqi ki rah khul gai.

Fort William College ke qayam ka maqsad angreezon ko desi zaban ki taleem dena aur mulki tarekh-o-tehzeeb aur muashrat sikhana tha es liye es ke nigrah Doctor John Gilchrist ne college mein aik shoba tasneef aur tarjuma qaem kar ke sare mulk se Hindu aur Muslim ahl-e-qalam (writer) ko jama kiya aur un se asan zuban mein kitabein (books) likhwaein aur tarjuma (translate) karaein. In writers mein Mir Amman, Hyder Bakhsh, Hyderi Kazim Ali Jawan, Sher Ali Afsos, Bahadur Ali Hussaini, Lallo Lal Gi, Nihal Chand Lahori, Mazhar Ali Dalla, Bini Narain aur Mirza Ali Lutf waghera shamil thein.

 
© Copy Rights 2012 -1015     www.internetpk.com All Rights Reserved Contact Us