www.internetpk.com
 
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Doctor Ruth Phau

Doctor Ruth Phau is a German lady. She was born on 9 September 1929 in Leipzig Germany. They fifty years of his life were spent in Pakistan against leprosy. Her four sisters and one brother. Ruth studied medicine at the Universities of Mainz and Marburg in Germany. They completed their studies from Universities of Mainz and Marburg. After graduation she became joined Catholic Order of 'Daughters of the Heart of Mary'. It was a woman look extremely beautiful. In 1958 her age is only 30 years. Beauties of life in their way was strewn but life in this strange they decided to she was the eradication of leprosy in Pakistan. People here understand the disease was God punishment. So Dr. Ruth Phau came to Karachi from Germany and they started to fight against leprosy. She makes a small center of leprosy in McLeod Road and began to treat leprosy patients. Their intention was clear passion and true therefore God gave them healing hands. She treats patients of leprosy and the disease ends. The Dr.I.K.Gill also had her join them. In 1963 both are made Marie Adelaide Leprosy Centre in Karachi and started patient services. Both doctors together were started training of doctors of Pakistan, paramedical staff and social worker. In 1956 it became the center of the hospital. Doctors would be saved from this disease above 60,000 patients. In 1996 World Health Organization has identifies to Pakistan leprosy control country. In 1988 Pakistan's government gave them citizenship of Pakistan. She was awarded the Jinnah Award, Sitara-e- Quaid-e-Azam, Hilal-e-Imtiaz and many more. In this page you will read and find article abou Dr. Ruth Phau social work in Pakistan and life history in Urdu and Hindi.
Doctor Ruth Phau
 

Ibtadai Zindagi (Early Life):

Dr Ruth Phau aik jarmon khatoon hein woh 9 September 1929 ko Leipzig Germany mein peda hoein in ki chaar behnein aur aik bhai hein (4 sisters and 1 brother). Inho ne apni zindagi ke 50 saal (years) kodh ke marz (leprosy) ke khelaf Pakistan mein guzar diye. Inho ne apni taleem Universities of Mainz aur Marburg, Germany se hasil ki. Graduation ke baad who Catholic Order ke 'Daughters of the Heart of Mary' se munsalik ho gaien.

Ye intehai jazb nazar aur tawanai se bhar-por aurat thein aur yeh Europe ke shandar tareen mulk (country) Germany ki shehri bhi thein, zindagi ki khobsurtiyan in ke rastein mein bikhri hoi thein lekin zindagi ke es dor mein inho ne aik ajeeb fesla kiya in ka fesla tha ke woh Pakistan mein Kodh (leprosy) ke marz ka khatma karein gi lehaza Dr Ruth Phau Germany se Karachi aaein aur unho ne Pakistan mein Kodh (Leprosy) ke khelaf jihad shoru kar diya aur Dr Ruth es ke baad bhi Pakistan se wapas nahi gaein. Inho ne Pakistan ke kodh ke mareez (patient of Leprosy) ke liye apni jawani apna mulk (country) yahan tak ke apna khandan aur apni zindagi tak sab qurban kar di. Inho ne Karachi railway station ke piche McLeod Road per Leprosy ka chhota sa center banaya aur kodh ke mareezon (patients of leprosy) ka ilaj shoru kar diya.

Samaji Khidmaat (Social Work in Pakistan):

1958 mein Dr Ruth Phau ne 30 saal (30 years) ki umer mein Pakistan mein kodh, jazaam (leprosy) ke mareezon ke bare mein aik film dekhi aur es film ko dekhne ke baad unho ne ye fesla kiya ke woh es marz ke khelaf kaam karein gi. (kodh “leprosy” aik aesa marz hai jis mein mareez ka jism galna shoru ho jata hai, jism mein peep par jati hai aur es ke sath he insan ka jism tot tot ke girna shoru ho jata hai, ye aik aesa marz hai jo aik dosre se lagta hai, aur es marz ke jism se shaded boo bhi aati hai, leprosy ke mareez apen jism ko kapron se lapaet kar rakhte hein, yeh marz la ilaj samjha jata tha, ye marz la-ilaj samjha jata tha aur jis insan ko yeh marz la-haq ho jata tha usey shehar se baher phenk diya jata tha aur woh mareez sisak sisak kar dam torh deta tha).

Pakistan mein 1960 tak Leprosy ke hazaron mareez mojod thein ye marz tezi se phel bhi raha tha. Kodh (leprosy) ke mareezon aur in ke rishtadaron ne es rarishta sift khatoon doctor ko herat se dekha kyun ke es waqt tak log kodh (leprosy) ko Allah ka azab samjhte thein, logon ki soch thi ke ye bimari Allah ke taraf se gunahon ki saza hai aur log es marz ke mareezon ko saza bhukatne ke liye tanha chhor dete.

Doctor Ruth ke liye pehla challenge es tasawar ka khatma tha inhein bimari ko bimari sabit karne mein bohat waqt lag gaya lekin ye logo ki soch badalne mien kamyab ho gaein, es ke baad mareezon ke ilaj ka silsila shoru howa ye azeem khatoon apne hathon se mareezon ko dawa bhi khelati aru in ki marham patti bhi karti thein jin ko in ke apne khandan ke log bhi chhor gae thein. In ka jazba sachha aur niyat saaf thi lehaza Allah tala ne in ke hath mein shifa de di woh kodh ke mareezon ka ilaj karti aur in ka marz khatm ho jata. Es doran Dr.I.K.Gill ne bhi inhein join kar liya in dono ne 1963 mein Karachi mein Marie Adelaide Leprosy Centre banaya aur mareezon ki khidmat shoru kar di. In dono doctors ne mil kar Pakistani doctors, paramedical staff aur social worker ki training ka aghaz bhi kar diya aur ye center 1956 tak hospital ki shakal ikhtayar kar gaya. Inho ne Leprosy ke khelaf agahi ke liye social action program shoru kiya in ke doston (friends) ne chanda diya lekin es ke ba-wajod 70 lakh rupees kum ho gaey Ruth Phau wapas Germany gaein aur jholi phela kar khari ho gaein, Germany ke shehariyon ne inhein 70 lakh rupees de diye aur youn Pakistan mein kodh (leprosy) ke khelaf inqalab aa gaya. Inho ne Pakistan mein jazzam ke 156 center banaya aur doctors ne es doran 60,000 mareezon ko zindagi di aur marz se nijat delaya aur ye log aam insano ki tarha zindagi guzarne lagein aur bil-akhir Almi adara sehat (international health organization) ne 1996 mein Pakistan ko Leprosy Control mulk qarar de diya.

Pakistani hakumat (government) ne 1988 mein in ko Pakistan ki shehariyat (nationality) de di. Inhein sitara-e-quaid-e-azam, hilal-e-pakistan, nishan-e-quaid-e-azam aur Jinnah award bhi diya gaya. Agha Khan University ne inhein doctor of Science ka award diya. Germany ki hokumat ne inhein Order of Merit se nawaza. Ye tamam awards shandar hein lekin ye himmat wali khatoon es se kahin zyada ki haqdar hein, jawani mein apna abai watan chhor dena aur es mulk mein aa jana jahan insanon ko aqidat aur mazhab ki bunyad per achha ya bura samjha jata hai wahan aa ke bas jana aik na-qabil-e-yaqeen baat hai.

Doctor Ruth Phau ka jawani mein Pakistan aana aur apni zindagi ajnabi mulk ke aese mareezon per kharch kar dena jinhein in ke apne rishte-dar bhi chhor jate hein waqei aesi khatoon ki azmat ko salam hai. Dr Ruth Pakistan ke har us shehri ki mohsina hein jo kodh ka mareez tha ya jis ka koi rishta-dar es mozi marz mein mubtala tha. Ye aik haqiqat hai ke ye khatoon aur in ki sathi Sister Bernice aur Dr.I.K.Gill Pakistan na aate aur pani zindagi aur khidmat es mulk (country) mein kharch na karte tou shayad humare mulk mein lakhon kodh ke mareez mojod hote aur dunya hum per apne darwaze band kar diye hote. Ye log humare mohsin hein hein in ki awards se barh kar izzat, ahtaram aur qadar karma chahiye.

Awards:

• Sitara-e- Quaid-e-Azam
• Order of Merit
• Hilal-e-Pakistan
• Hilal-e-Imtiaz
• Ramon Magsaysay Award
• Jinnah Award
• Doctor of Science
• Nishan-e-Qaid-e-Azam

 
© Copy Rights 2012 -1015     www.internetpk.com All Rights Reserved Contact Us