www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Arq e Gulab (Rosewater)

Arq e gulab (Rose Water) is very helpful and good for all type skin problems. It is an outstanding beauty product. Its keeps apply the face and get glowing and fresh skin and arq-e-gulab (rosewater) mix with glycerin and lemon juice and apply your face it cure dark spots and pimples. We provide you benefits of arq-e-gulab, rosewater tips, rose water for eyes and skin, rose water recipe. In this page you will find, read and free download arq-e-gulab benefits in Urdu and Hindi.
 
 
 
 
 

Arq e Gulab Benefits in Urdu (Pure Rose water):

Aj se 20, 30 saal pehle humare yahan ki khawaten apne chehre kid al-kashi ke liye qudrati ajza se bani hoi ashya estamal karti thien jis ki wajha se in ki sehat-o-tandurasti aur husn-o-shadabi bilkul no-jawanon ki tarha bar-qarar rehti thi. qudrati ashya aur jadi botiyon ke stamal se in ka chehra saf-o-shafaf aur taro taza rehta th. Aesi khawaten husn o zebaesh ke liye aur khososan jildi amraz se bachne ke liye gulab ka arq (rosewater) aur lomo ka rus estamal kiya karte thin. Bad mein jaded tib ne in dono chezon ko dil-kashi aur jild ki sehat ka amin qarar diya. aj jildi amraz ke bare bare doctor arq e gulab aur degar qudrati chezon ki amezish ke sath aesi qudrati adwiyat estamal karne ki hedayat karte hein jin ki wajha se insani jild humesha taro taza aur sehat mand reh sakti hai aur insan masnoi aur bazari adwiyat se bacha reh sakta hai.

Agar garmi ki shidat se chehre ka rang sanwla ho jae tou es ka edrak aur rangat ke nikhar ke liye khuskh gulab ki patiyon ko pes lein aur pher es safof ko hum-wazan besan mein mila kar es mein dodh dal kar pest bana lein. Hafte mein 1 bar chehre ko achi tarha 2, 3 bar thande pani se dho lein es ke bad gulab ki es ubtan ko chehre aur garden per achi tarha lagaein aur khushk hone per thande pani se chehra aur gardan dho lein. Es se jild per surkhi aati hai aur rangat bhi nikhar jati hai.

Agar chehre per kel muhase hon tou inhein dor karne ke liye arq-e-gulab aur glycerin hum-wazan le kar mila lein es ko chehre per mask ke andaz mein laga lein. Chand bar ke estamal se he chehra saf ho jae ga. Es ke elawa gulab ki taza patiyon ko pani mein josh de kar es pani se nahane se jism ki jild nikhar jati hai aur tazgi ka ahsas hota hai.

Rosewater for Skin:

Arq e gulab ksi tonic se kam nahi, ese har ghar mein har waqt hona chahiye. Gharelo estamal ke sath sath jild ki shadabi ke liye bhi estamal kiya jata hai. maslan ghar se bahar nikalte waqt suraj ki tapish jild ko jhulsane lagti hai es ke alawa pasine ke ikhraj mein bhi zyadti ki wajha se jild mein pani ya nami ki maqdar kam ho jati hai aur jild be-ronaq aur rokhi nazar aati hai aese mein arq-e-gulab ka estamal jild mein pani ki kami ko dor karta hai. roi ke phae per rozana din mein 1 martaba arq e gulab laga kar chehra aur gardan saf ki jae tou es se jahan ek janib pasine ke ikhraj mein kami waqa ho gi, wahin chehre per kel mohason ke khatrat bhi kam ho jaein gey.

Rose Water Tips in Urdu:

Chehre ke rangat behtar karne mein humesha qudrati ashya ka estamal karna chahiye.

Rangat gori karne mein bhi arq-e-gulab ka estamal bohat muffed hai. Arq-e-gulab, glycerin aur lemo ka rus ( lemon juice) hum-wazan le kar mila kar rakh lein, rozana rat ko sone se pehly lagaein aur 15 minute ke bad thande pani se chehra dho lein. Chand he dino mein farq mehsos ho ga aur ap ki rangat mein nikhar peda hoga.

Arq e gulab sardiyon ke mosam mein behtaren moisturizer hai. agar es mein glycerin bhi shamil kar lein tou zyada muffed hai. arq-e-gulab aur glycerin ka murakab sasta aur muffed moisturizer hai. es ke rozana estamal se chehra matter rehta hai aur jild ki khushki bhi dor ho jati hai. arq-e-gulab (rose water) ko har mosam ka qudrati nuskha kaha jae tou ghalat nahi hoga.

Arq-e-gulab insani jild ke liye ek gohar-e-nayab hai aur jildi amraz ke doctor inhein mutadad bimariyon ke liye estamal karate hein. Maslan:

• Arq e gulab jild ki qowat-e-mdafat barhata hai. yeh jild mein pani ki sahi maqdar qaem karne mein madadgar sabit hota hai jis ki wajha se jild mulaem, chamakdar aur humwar rehti hai.

• Arq-e-gulab jild se pani ke zarorat se zyada ikhraj ko rokta hai, amoman garmiyon ke dino mein jinhein zyada pasina aata hai, arq-e-gulab ka estamal inhein pasine ki badbo se nijat delata hai.

• Sardiyon mien insani jild bohat khushk ho jati hai jis ki wajha se jildi imraz maslan, eczema la-haq ho jati hai, arq-e-gulab es bimari se bachata ha.

• Sardiyon mein bachon ke chehre per safed khurdare nishan ban jate hein jin ko amoman calcium ki kami samjha jata hai, hala ke yeh bilkul ghalat hai. yeh nishan Pityrasis-Alba kehlate hein jo ek jildi bimari hai. Arq e gulab ke musalsal estamal se na sirf es marz ka ilaj mumkin hai balke es marz ki rok tham ke liye yahi qudrati dawa sasti aur moasar taren sabit hoti hai. Doctor arq-e-gulab aur glycerin brabar maqdar mein mila kar bachon ke chehre aur jism per lagane ki hidayat karte hein.

• Factory mein kam karne wale mazdor, mistiri, raj waghera aese log hein jin ko cement aur chemicals se allergy hoti hai. in ki jild surkh aur sakht ho kar phat jati hai jab ke hath paon bhi phat jate hein. Jis ki wajha se woh kam nahi kar sakte . es khof nak marz ke liye arq-e-gulab mein glycerin ki amezish kar ke inhein dawai estamal karwai jati hai.

• Chaiyon se nijat hasil karne aur jild ki rangat mein nikhar peda karne ke liye amoman bazari creams estamal ki jati hein magar jildi amraz ke mahir doctor arq e gulab ko tarjeh dete hein. Nez in he doctors ka yeh mashwara bhi hota hai ke chehre ki khushki aur jhuriyon se bachne aur rangat gori karne ke liye arq-e-gulab aur glycerin aur lemo ka rus mila kar estamal kiya jae tou matloba nataej bar-amad hon ge.

• Gharelon khawaten jin ke hathon ki ungliyan kapre aur bartan dhone wale sabun, sirf aur rim se khurdari ho kar phat jati hein aur in mein zakham ban jate hein aesi khawaten glycerin aur arq-e-gulab rozana 3 se 4 martaba estamal kiya karein tou es mozi marz se bacha ja sakta hai.

• Baz mard wa khawaten ki adiyan phat jati hein agar woh arq e gulab aur glycerin ka mixture lagaein tou in ki yeh bimari khatam ho jae gi.

• Arq-e-gulab zaiton aur shehad ke satha mil kar jild aur meda ki hifazat ke mutaed amor anjam deta hai. khosusan sirf arq-e-gulab pine se qabz dor ho jata hai aur yeh antdiyon ko jarasim se pak-o-saf rakhta hai goya arq-e-gulab husn aur sehat ka aesa mazhar hai jis ke andar qudrat ne insano ke liye shifa rakhi hai.

• Arq e gulab jildi amraz ke elawa insane ke har azu ke liye kar-amad dawa ki hesiyat rakhta hai. jaded tib ne arq-e-gulab ko ankhon ka noor kaha hai aur aj maholyati alodgi ke zamane mein es ka estamal na-guzer qarar diya hai.

• Arq-e-gulab dil aur dimagh ke liye ek maqvi aur rahat amez dawa ahi. Yeh kamzor dil aur dimagh ko tawana aur chust kar deta hai. humare yahan depression aur aesabi dabao ki wajha se aksar log sakon awar adviyat ka estamal kar rahe hein jis ki wajha se in ke mamolat-e-zindagi badal kar reh gay hein. Yeh log fitrat se es qadar dor ho chuke hein ke in ki zindagiyan be-sakoni ka shikar ho kar reh gain hein. Inhein sakon aur rahat ke liye mehngi adwiyat ka sahara lena parta hai jin ke estamal se woh waqti tour per sakon ki nend pori kar lete hein magar ek waqt aesa bhi aata hai ke jab yeh adwiyat un ke sath kambal ki tarha chimmat jati hein aur mukhtalif aowaraz mein mubtala ho jate hein. Zindagi ki gehma gehmi ka shikar log arq-e-gulab, shehad aur aspaghol ko apni khorak ka hissa bana lein tou inhein in tamam awaraz se nijat mil sakti hai.

• Gulab ke phol mein qudrat ne be-shumar bimariyon ke liye shifa rakh chori hein. Yahi sari khososiyat arq e gulab mein muntaqil ho jati hai. atba ka kehna hai ke arq-e-gulab kan ke mutadad bimariyon ke liye bhi faeda mand hai. agar ksi ke kan mein dard ho tou 2,2 qatre kan mein dalne se dard se nijat mil jati hai. jab ke naksir photne ki sorat mein agar arq e gulab ke chand qatre nak mein dal liye jaein tou naksir foran band ho jati hai.

• Arq-e-gulab ek khoshbo, dawa, gheza aur mashrob hai. sakht garmiyon mein 2 chamche shehad aik glass pani mein ghol kar es mein chand qatre arq e gulab ke mila liye jaen tou yeh ek farhat bakhs mashrob sabit hota hai. es se badan ki garmi dor hoti hai aur garmi ki shidad se bhi bachata hai. elawa es se badan mein chusti aur taqat peda hoti hai. arq e gulab ke chand qatre mashrobat mein milane se farhat aur tazgi ka ahsas hota hai. Magar jab ese mithey khano khososan cake, pudding, firni waghera mein estamal kiya jae tou es ka zaeqa aik nai lazzat se ashna kare ga.

• Arq e gulab moun ke jumla amraz ke liye bhi aik sod-mand aur kargar dawa ahi. Yeh danton ko chamkata aur masdon ko sehat mand banata hai. arq e gulab ki yeh khososiyat hai ke esy jis qudrati dawai ke sath estamal kiya jae yeh apni khasiyat barqarar rakhta hai.

• Siyah mirch ko arq-e-gulab mein pes kar danton per es ka lep kar diya jae tou dard se foran nijat mil jati hai jab ke arq-e-gulab mein siyah mirch ko paka kar es ka mathe per lep kiya jae tou sardi ka nazla dour ho jata hai.

• Nakhonon per dhabe par jaein tou arq-e-gulab mein lemon ke chand qatre brabar maqdar mein dal kar nakhoon dho lene se dhabe utar jate hein aur nakhonoon ki qudrati chamak aur afzaesh barqarar rehti hai.

• Arq-e-gulab qudrat ki aik aesi soghat ahi jise har ghar mein rakhna chahiye kyou ke apne matano estamal ki wajha se e ski ksi bhi waqt zarorat pesh aa sakti hai. you tou bazaar mein mutadad tibi adaron ke arq-e-gulab dastiyab hon gey magar husn aur sehat hasil karne se beshtar yeh tasali zaror kar lein ke kahien ap naqis aur milawati arq-e-gulab tou nahi khared rahe kyou ke kuch log khalis arq e gulab ki bajae gulab ke esons dal kar logo ko dhoka dete hein. Khalis arq e gulab apni khushbo se pehchan liya jata hai jab ke milawati arq-e-gulab ki khoshbo talkh mehsos ho gi aur won dekhne pe bhi bad-mazah ho ga.

Tips: yad rakhye sirf khalis arq-e-gulab he fawaed ka hamil hota hai.

 
© Copy Rights 2012 -1015     www.internetpk.com All Rights Reserved Contact Us