www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Beauty Tips for Face with Oats

Oats is the curing material with great healing power for face and Oats is a very good substance for all types’ skin. There are homemade beauty tips for fair skin with using Oats in Urdu and Hindi.
 
 
 
 
 

Beauty Tips for Face with Oats:

Jai (Oats) ki tibi khusosiyat se mahireen se zamana qadeem he mein aagahi ho gait hi. Babae tib, Buqrat ka kehna hai ke oats ko jild ki kharabi ke elaj ke liye estamal kiya jae. Sathrawi sadi mein bartaniya ka aik mashor mualij Oats ki plats se phoroun ka elaj kiya karta tha. Es ne jazam ke zakhmon tak ka elaj Oats se kiya. Woh kharish ke elaj ke liye bhi Oats ka lep estamal kiya karta tha. Jhaiyan aur dhabe dor karne ke liye jai ko sir ke bal mein ubal kar chehre per es ka lep kiya jata hai. Fitrat se elaj mein yaqeen rakhne wale logo mein aesi khawateen shamil hein jin ki jild ki shadabi badi umer mein bhi bar-qarar rehne ka raaz ye hai ke woh no-jawani mein chehre per Oats ke daliye aur shehad ka lep kiya karti thien.

Europe mein bohat si sehat bakhsh masnoaat jin mein adwiyat, ghezaein aur lep shamil hein, jai se tayar ki jati hein. Khususan ye masnoat chanbal aur degar jildi kharabiyoun ke liye estamal mein lai jati hein. Inhein bodhe logon ki khujli ke elaj aur jild ko narm karne ke liye bhi estamal kiya jata hai.

France mein Oats se tayar shuda ashya bare pemane per estamal hoti hai. In se jild ko narm aur shadab rakha jata hai. Jai (Oats) ki imtayazi khusosiyat ye hai ke es se aese logo ke liye aaraesh husn ki ashya tayar ki jati hein jinhein aaraesh-e-husn ki aam masnoat se allergy hoti hai aur woh sozesh aur warm ka sabab ban jati hai. America mein to ab sarkari tor per tasleem kar liya gaya hai ke jai (Oats) jild ko shadab banati hai aur es mein sehat bakhsh asrat hote hein.

Aap bhi apni jild ko khobsurat banane ke liye jai (Oats) ko apni ghezaoun mein shamil kijye aur shadabi ke liye oats ke dalye mein shehad mila kar chehre, garden aur peshani pe es ka lep kiya kijye. Ebtada mein es ka lep rozana 15 minute se aadhe ghante tak laga rehne dein pher agle hafte mein 1 din chod kar aur tesre hafte mein aur es ke bad hafta mein 2 din ka mamol apnaeye. Aur ese mustaqil mamol bana lijye. Ager ap ki jild taqaza kare to rozana lep ka mamol zyada dino tak bhi apnaya ja sakta hai.

 
© Copy Rights 2012 -1015     www.internetpk.com All Rights Reserved Contact Us