www.internetpk.com
 
 Poetry
 Beauty Tips
 Health
 
 

Foods For Natural Beauty

Natural beauty is a very important of beauty of face. You will read and find here benefits of foods for natural beauty with tips of healthy hair and beautiful eyes, soft and smooth skin and hair. Healthy foods are very important our skin, hair, teeth, eyes, hand, leg and all body. I will give you information about healthy foods and his benefit for your body’s and skin care. Also give you info and benefit about vitamin A, vitamin B complex, vitamin C, vitamin D, vitamin E, Protein, Fats, water, Calcium and Phosphorus, for your skin and body.
foods for natural beauty, hair growth, beauty, healthy skin, energy, eye health, healthy hair

 
 

Fitri husn ke liye ghizaien
(Foods For Natural Beauty)

Jis tarha sehat aur ghiza ka qarebi taluq hai usi tarha ghiza aur husn ka gehra taluq hai. Hum jo kuch khate hein es ka bharpor asar humari beroni namod aur jismani sehat per padta hai khush-numa nazar aane ke liye aik misali ghiza use qarar diya jata hai jo aap ko sehat aur khobsorti ke liye darkar tamam zarori ghizai ajza farahum kare. Ye zarori ghizai ajza koun se hein aur in ke hosol ke zarae kya hein un ki tafsel hum bayan kar rahe hein.

Tips for Beautiful Hair and Eyes:

Vitamin A: (For healthy hair and beautiful eyes)

Ye vitamin sehat mand balon aur ankhon ke liye zarori hai. Roz mara ghizaon mein es ki mojodgi humari jild ko infection se mehfoz aur saf rakhne mein bhi bunyadi kirdar ada karti hai ye jild ki khushki ko dor karne ke sath sath jhoryon se bhi mehfoz rakhti hai. Sehat mand doran khon ke liye bhi vitamin A zarori hai. Dorane khon durust ho to jild mein nikhar aa jata hai vitamin A ki kami baz oqat acne ya kil aur phansiyon, nazar mein kharabi aur balon ko khushk aur khurdara banane ka sabab ban jati hai. Vitamin ke bade bade zarae machli ka tel, dairy masnoat, gajar, sabz paton wali tarkariyan, tamater, pap’pita aur tarboz hein.

Tips for Beautiful Skin and Hair:

Vitamin B complex:

Vitamin B group ke tamam arkan ka bara-he-rast taluq jild aur balon ki sehat se hai. B group ke tamam vitamins jawan saal nazar aane aur balon ko tawel arsa tuk safed hone se bachane ke liye zarori hai. Ye vitamin dabao ka muqabla karne mein madad dete hein. Zehni aur jismani dabao aap ki beroni namod per manfi asar dalte hein.
B complex vitamins ki kami se balon mein chiknai badh jati hai aur sikri ke sath sath jild ki khushki, surkhi, suzish aur jhariyan peda ho jati hein. Baal kam’zor ho jate hein ya in mein safedi aa jati hai. In vitamins ki qudrati zarae mein gandum aur degar salim ajnas, dalein, maghazyat, sabz paton wali tarkariyan, shera, gosht aur khamer shamil hai.

Tips for Eyes and Teeth:

Vitamin C:

Ye vitamin balon, aankhon aur daton ki sehat, infection se tahafuz, zakhmon ke andmal aur jild ki bafton ke estehkam ke liye zarori hai. Ye jild ke dagh dhabon ko khatam karne aur masdhon se khon rokne mein madad deti hai. Es ki kami jild ko khushk aur varidon ko tung karti hai. Ye vitamin sabz tarkariyon, taza phalon, khusan tursh phalon maslan, lemo, sangtara aur ananas ke elawa aamla aur chaney aur mong ki kompalon mein wafer maqdar mein pai jati hai.

Vitamin D:

Ye vitamin danton, hadiyon aur nakhono ke elawa jism mein phosphorus aur calcium ke injazab ke liye zarori hoti hai. Es ki kami danton ka inhatat peda kar deti hai. Es ke qudrati zarae dhop, dodh, makhan aur phote howe bij hein.

Vitamin E:

Ye vitamin husn-o-jamal ke shobe mein aik taza tareen daryaft hai. Ye jhuriyon, khushk jild, budhape ke khastari dhabon aur sikri se mehfoz rehne ke liye zarori hai. Es ka ba-qaeda husol doran-e-khon ko behtar banata hai aur phode, phansiyon aur jal jane ke dhabon ko tehlil karta hai. Un-chane aate ki roti (hole wheat bread) salim anaj, gandum ke dane, dodh aur kache ya phote howe beaj aur maghaz es vitamin ke qudrati zarae hein.

Protein:

Munasib maqdar mein protein sehat mand balon, danton, nakhuno aur mustehkim jildi bafton ke liye zarori hoti hai. Es ke bade bade qudrati zarae mein gosht, dairy ki masnoat, maghzyat, dalein, gandum aur khamir shamil hai. Gosht se hasil hone wali protein ka zyada estamal jism ko bhada aur be-hangam banane ka sabab banta hai. Chanancha aetadal zarori hai.

Chiknai (Fats):

Jild aur balon ki khushki dor karne vitamin A, D aur E ko jazo badan banane ke liye chiknaiyan zarori hoti hein. Mazkora vitamin chiknai mein hal ho jate hein chancha in ke husol ke liye chiknaiyan roz-marra ghiza ka hissa banai jati hein. Chiknaiyon ke zarae mein, makhan, vegetable oil, aur maghazyat shamil hein. Hewani chiknaiyon ka zarya gosht aur machli hai lekin es mein machli ko tarjih di jae. Hewani chiknaiyon (dodh, makhan, charbele gosht, desi ghi waghera) ka estamal aetadal se kiya jana chahiye.

Calcium and Phosphorus:

Ye dono madni ajza bahum mil kar sehat-mand danton, balon, nakhuno aur hadiyon ke liye kam karte hein. Ghizaon mein calcium ki kami danton ka inhatat aur masodho mein sukdan peda karti hai. Calcium ke bade bade ghizai zarae, dodh, dodh ki masnoat, salim gandum, paton per mushtamil sabziyan, sangtare aur lemo hein. Phosphorus, anaj, dalon, maghzon, phalon ke juices dodh aur phaliyon mein bhi pai jati hein.

Pani (water):

Pani wafer maqdar mein pina chahiye. Aik din mein kam as kam 6 se 8 gilas. Albat’ta khane ke doran es ka estamal na karein. Ye jild ko zarori ratobat aur shbnami jhalak deta hai. Ye tamam fasid mado ko kharij karne ki nazam ko madad karta hai aur khon ko alaesh se pak rakhta hai. Pani jild ko kil, mahaso se bhi mehfoz rakhta hai. Agar kum maqdar mein pani piya jae to jism apni dakhli zaroraton ke liye apne pani ke zakhair ko estamal mein le aata hai. In zakhaer mein jild bhi shamil hai. Chnanch woh khush aur bejan ho jati hai.
Mazkora bala ghezai ajza aap ko aesi khorak se wafer maqdar mein mil sakte hein, jin mein beij, maghaz, salim anaaj, sabziyan aur phal hon. Ye ghezai bunyadi ghezai group kehlate hein aur in per mushtamil khane ach sehat aur haqiqi khobsorti barqarar rakhne ke liye nehayat zarori hein. In ghezaon ki mazed tafsel darja zail hein jo darja zail hein.

1. Beaj, maghazyat aur Anaaj
2. Sabziyan (Vegetable)
3. Phal
4. Khusosi Ghezaien, Dodh (Milk), shehad (Honey) aur vegetable oil
5. Khana ko thek tarha pakana (Properly Cook Food)

© Copy Rights 2012 -1014     www.internetpk.com All Rights Reserved Contact Us