www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Hair Care Tips

Beautiful hair is a very important of our personality. If your hair is shiny, healthy, silky, beautiful and long so you are looking beautiful. In this page you will get and learn about beautiful, healthy hair tips in Urdu. Hair is made of protein so also you can use oil from your hair and get shiny and healthy hair. I will give you tips and straightening treatments, shampoos, foods for healthy hair, conditioners for balon ki hifazat, care of hair in Urdu andh Hindi.
 
 
 
 
 

Balon ki Hifazat:

Ksi bhi fard ki shaksiyat aur khoborti mein degar aehum awamil ke sath sath bal zabar dast aehamyat rakhte hein. Khawaten ke bal tou in ki shakhsiyat ko mukamal karne aur khososi andaz bakhshne mein bunyadi kirdar ada karte hein. Mashriq mein abhi tak aurton ki aksaryat ghane, siyah, reshmi aur lambe balon ko pasand karti hai. baqya khawaten chahe lambe bal pasand karein ya na karein, inhein reshmi baal zaror pasand hote hein. Balon ko khushnuma banane aur pher in ki khushnumai bar-qarar rakhne ke liye zarori hai ke humein balon ke bare mein bunyadi malomat hasil hon. Bal protein ki ek qisam keratin nami made se bane hote hai. yahi mada hathon aur paon ke nakhono mein bhi shamil hota hai. baal 3 tahon per mushtamil hote hein. Bunyadi teh ko medulla kehte hein jo spongy bafton se banti hai es mein rangdar mada bhi ho sakta hai. darmiyani teh ko cortex kehte hein. Yeh lambe aur patle khaliyon se bani hoti hai aur yahi teh balon ko lachak aur rang mohaiya karti hai. beroni teh cuticle kehlati hai. yeh nehayat barik chilkon ki sorat mein hoti hai.

Balon ki Iqsam (Hair Types):

Balon ki 4 iqsam hoti hein. Normal hair, chikne (silky hair), khuskh (dry hair) aur chikne khusk (silky dry hair). Normal bal chamak-dar tou hote hein lekin chikne nahi hote. In ko banana aur sambhalna asan hota hai. chikne bal (silky hair) shampoo karne ke bad 1 ya 2 din tak achy tou zaror nazar aate hein lekin pher jald he laghar aur maryal ho jate hein. Khushk balon (dry hairs) ko shampoo karne ke bad banana mushkil hota hai. shampoo karne ke bad yeh be-ronaq ho jate hein kyou ke in ke sire khuskh ho kar phat jate hein. Chikne khuskh (silky dry hair) bal amoman lambe hote hein aur sir ki jild ke pas yeh cihkne magar ikhtatam per khushk rehte hein.

Tips for Healthy Hairs:

Balon ki behtari ke liye balon mein tail zarori hai hesiyat rakhta hai, sab se zyada dhayan es bat ka rakha jae ke khoshbo-dar tail estamal na karein balke khalis sarson, nariyal ya badam ka tail estamal karein, hafte mein 2 bar balon ko tail lagana zarori hai lekin balon ko tail lagate howe yeh khayal rakha jae ke in se narmi mulaemat ka bartao kiya jae zor zor se malish karna qat-an faeda-mand nahi halke hathon se balon ki jaron mein tail (oil) jazb karne ki koshesh karein. Esi tarha yeh bhi zarori nahi ke ap balon mein sari rat tail laga kar chor dein. Balke sir dhone se 2 ghante qabal bhi tail laga liya jae tou wahi faeda hasil hoga.

Balon ko hafte mein 2 se zaed martaba shampoo na karein aur na he antidandruff shampoo ka estamal mustaqil karein balke behtar condition hone per esey rok dena chahiye. Balon ko gard-o-ghobar se bachana aur dhop ki shidad se mehfoz rakhna zarori hai. balon ke qabal-az-waqt safed hone mein mukhtalif awamil asar andaz hote hein.

 
© Copy Rights 2012 -1015     www.internetpk.com All Rights Reserved Contact Us