www.internetpk.com
 
 
 Poetry
 Beauty Tips
 Articles
 Health
 
 

Hands Care Tips

Hathon ki hifazat (hand care tips) there are some tips of hands care, hathon ki hifazat urdu, hand care tips at home, home remedies for hands, home treatment for hands in Urdu and Hindi.
 
 
 
 
 

Hathon ki Hifazat (Care of Hands):

Khobsurat hath ksi bhi aurat ki hasen shaksiyat ko mukammal karte hein. Munasib nighadasht ki badolat koi bhi aam se hath khobsurat banae ja sakte hein. Inhein khobsorat aur khushnunma banaya jana es liye bhi zarori hai ke in ki halat ko ap dosron ki nigahon se her waqt chupa kar nahi rakh sakte. Ap chahe jitni bhi koshesh kar lein, apne hathon ko dosron ki nazron se oujhal nahi rakh sakte. Bare-e-sagher mein mosam ke taqaze aur samaji mahol hathon pe har waqt dastano (gloves) ki ejazat tou bilkul nahi dete aur pher aesa kiya bhi kyou jae jab ke hathon ko chupane ki nisbat in ki dekh bhal zyada asan hai.

Hath aur ungliyan insani jism ke masrof taren hissy hein. Yeh her qisam ke mosam ki zad mein bhi rehte hein. In ka wasta bar bar pani se bhi parta hai. jis mein baz auqat mukhtalif qisam ke taqat-war kimiyai made bhi hote hein. Maslan washing powder, sabun, bleach aur washing liquid waghera. Yeh kimiyai made hathon ki jild per aser andaz hote rehte hein. Wese bhi hath insani jism ka woh hissa hai jo sab se pehly adam tawajjah, ghaflat aur burhape ke asar ko zahir kar dete hein. Chunancha hathon ko khobsorat aur khushnuma rakhna nehayat zarori hai ager ap khud tou dilkash shakhsiyat ke malik hein lekin ap ke hath khurdare aur bad-numa hein tou ap ki tamam tar shakhsiyat daghdar ho kar reh jati hai. Naswani Husan ki takmel ke liye hathon ki nighedasht kis tarha yaqini banai jae es ke kuch tips hum yahan pesh kar rahe hein jis per amal kar ke ap apne hathon ko khush waza rakh sakte hein.

Natural Tips for Hands (Tahaffuz):

Hathon ki munasib dekh bhal ke zaman mein sab se aehum nukta yeh hai ke jab bhi ap pani estamal karein aur yeh geley ho jaein tou kam mukamal karne ke bad inhein ksi toliye se achi tarha khushk karein. Jis qader zyada arsa tak hathon ki jild pe pani rahe ga, esi qader yeh khushki ke shikar hon gey. Zarori hai ke inhein es tarha tahafuz diya jae ke yeh bara-he-rast chemicals se aloda na hon aur yeh alodgi zyada der tak bar-qarar na rahe. Kapre aur bartan dhone ke liye aj kal chemicals ka estamal khob rarogh pa chukka hai. jab bhi ap es tarha ke gharelo kam kaj karein, apne hathon pe rubber ke gloves charha lein. Kuch khawaten ke liye gloves ka estamal pareshan kun hota hai who inhein pehan kar achi tarha kam nahi kar saktien. Lekin yeh sorat-e-hal amoman ibteda mein hoti hai. kuch din ke mamol ke natije mein aur achi qisam ke gloves ke estamal ke sath yeh masla khatm ho jata hai aur pher jab koi in ka aadi ho jata hai tou pher aesi asani aur rawani se kam kiya jata hai jo gloves ke begher karne ki aadat hoti hai. ager aesa kam karna ho jis mein pani ka estamal shamil na ho tou pher soti dastane bhi pehne ja sakte hein.

• Hathon ko jawan aur khobsurat rakhne ka ek muffed nuskha, inhein kalaiyon tak dodh mein doboe rakhna hai. kuch der tak dodh mein bhigoe rakhne ke bad hathon ko khushk kar lein aur in per aik khane ka chamcha tilon ka tail aur 3 khane ke chamchey lanoline ke mixture se kalaiyon tak narmi se massage karein yeh amal hafta mein 1 bar kiya jae.

• Hathon ki warzish bhi inhein lachak-dar aur khobsorat banane mein madad deti hai. warzish ke natije mein hathon mein khon ki gardish behtar ho jati hai chunancha pattho aur jild ko taqwet milti hai. darja-zel warzeshein rozana 6 se 10 bar ki jae tou ap ke hath lachakdar aur narm ho jaein gey.

Exercises for Hand Care:

1. Apni muthiyon kko 1 second ke liye sakhti se bhunche aur pher ungliyon ko tezi se khol kar jis qader phela sakte hein, phelaein.

2. Apne hath apne agey siney ke baraber es tarha laein ke hatheliyon ka rukh nichy ki taraf ho. Dono hathon ki ungliyon ko aik dosre ke khelaf zor se dabaein aur pher inhein hata kar jis qader phela sakte hein phelaein. Ek hath ki ungliyon dosre hath ki ungliyon pe bhi rakha ja sakta hai aur inhein aik dosre mein pewast bhi kiya ja sakta hai. 1, 2 second ke bahemi dabao ke bad inhein aik dosre se hata kar jis qader khola aur phelaya ja sakta hai phelaein.

3. Hathon ko dhela chor kar kuch der ke liye latakne ki ejazat dein, pher inhein kalaiyon se daeron ki sorat mein gardish dein, phely clock voice pher anti clock voice. Ager ap ke hath thake howe hon tou inhein 2, 4 minute tak nim garam pani mein doboein rakhein lekin es pani mein pehly 2, 3 khane ke chamche namak shamil kar lein. Namak wale pani mein hathon ko rakhna inhein sakon deta hai. hathon mein khon ki gardish behtar banane ke liye aik muffed tarkeb inhein bari bari garam aur thande pani mein dabona hai yeh amal aesab ko bhi pur sakon karta hai.

Hathon ki safai:

Rozana raat ko apne hath ksi halke phulke sabun se dhoein aur pher in ko ksi face brush se manjhein. Ager ap ki jild sakht hai tou pher apne hathon ko jhanwa pather se ragdein. Ager ap ke ungliyan sabzi katne ya nakoten ki wajha se daghdar hai tou in per lemo ragre. Lemo ka rus dagh dhabon ko tehlel kar de ga. Pher inhein sada pani se achi tarha dho kar toliye se khob khushk kar lein.

Apne hathon ko hafta mein 1 ya 2 bar ksi achi cream se massage ka treatment dein. Es se pehley hathon ko 5 se 30 minute tak zaiton ya badam ke tail se tar rakhein. Yeh tareqa-kar khushk hathon aur nakhono ke liye aik umda treatment hai.

 
 
© Copy Rights 2012 -1014     www.internetpk.com All Rights Reserved Contact Us