www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Natural Beauty

You will read and Follow these tips and tricks to look naturally beautiful with soft skin. Read in following Natural beauty tips in Urdu and Hindi.
 
 
 
 
 

Fitri Husn

Natural Beauty Tips:

Fitri husn ek kamyab neymat hai. Yeh hamari dakhli sehat ka aks hota hai, jese kisi tarha mavin husn masnoi zaraey se hasil nahi kiya ja sakta. Agar aap pori tarha acchi sehat ki malik nahi (yeh zehni or jismani dono tarha ki sehat ki baat hai.) to aap ki jild or baal dono bejan or khurdare nazar aainge. Esi tarha agar aap ki jild saf nahi hai to koi cream, koi lotion chahe who kis qadar mehenga or khososeyat rakh ne wala kyun na ho aap ko khush numa nahi bana sakta. Ek sehat mand jism or khush-gawar zehni kefiyat hi dar-asl haqiqi khubsorti ke bunyadi anaser hain.

Fitri husn naam hai shaffaf jild, roshan ankhon,chamakdar baalon, or damakte howe danton ke saat pur-kasesh khad-o-khal ka. Agarcha kesi ke khad-o-khal to tabdil nahi keye jasakte liken khad-o-khal ko khudrati husn ka aaina dar banana wale bunyadi lawazmat pore karne ke leyeh bohat kuch kiya ja sakta hai.

Khubsorat nazer aane ki kosish mein koi bhi khatoon menge cosmetics aur beauty parlor ki khidmat hasil karne ke liye be tahasha dolat kharch kar sakti hai aur ye sab kuch ksi khami ya chaiyon ko chupane ke liye to behtar rasta ho sakta hai lekin fitri husn ka husol kabhi nahi ban sakta.

Khawateen humesha se jazb nazar jawan saal dekhai dene ke liye pur-josh rehti hein’ inhein es maqsad ke liye qadeem wa jaded tareqon aur nukhson ki talash rehti hai. Qadeem zamane mein khobsorti ka mayar jawan saal aur pur-kashesh jild ko qarar diya jata tha aur khawateen apni jild ko taweel arsa tuk khush-numa aur pur-kashesh rakhne ke liye jadi botiyon ka estamal kiya karti thin. Pher synthetic ka dor aaya aur jo zor dar eshtehari muhmo ke sath es tarha khawateen ke zehno per asar andaz howa ke wo husn bakhsh fitrat ke atyat ko bhol gain. Unho-ne samajh liya ke chemical labortriyan na sirf in ke masail hal kar sakti hein balke bohat kum waqt mein aesa kar sakti hein.

Lekin ab rujhan aik bar pher mazi ka aada kar raha hai. Haliya barson mein aesi beauty products ki maqboliyat ne uroj hasil kiya hai jin ke ajza fitri mado per mushtamil hai. Es rujhan ne ghar mein cosmetics banane ka amal pher se zinda kar diya hai- qudrati ghizaien- phal, sabziyan, bij, maghazyat, dalein aur degar qudrati made natural cosmetics ki tayari mein wasi tor per estamal ho rahe hein. Ye made na sirf jild aur balon ke husn mein azafa karte hein balke inhein tahafuz bhi dete hein.

Es rujhan ki wajha se ab khawateen ki aik badi tadad natural cosmetics ki taraf rujo kiye howe hai. Her modern khaton apni qadeem hum jins ki tarha dilkash jild aur chamakdar reshmi baal chahti hai. Lekin khobsorti ki talash mein woh aesi tajarti masnoaat ke behkawe mein aa jati hai jin ke bare mein dawe kiye jate hein ke in ka estamal jild ki ranaiyon aur baalon ki chamak mohiya karta hai. Lekin in mein Harmon’s, antibiotics ya aesey zaror rasa made hote hein jo faede ke bajae nuqsan se do char kar dete hein. Aese cosmetics ke rad-e-amal mein jild ki khushki, jild ka phat jana, sozish, kharish ya surkh bad jese masael peda hote hain.

Fitri husn bakhsne wale gharelo cosmetics mein badhti hoi dil-chaspi ka aik sabab peson ki bachat bhi hai. Commercial beauty products ki kharidari pe athne wale ekhrajat ka mawazna agar ghar mein banae jane wale cosmetics kiya jae to numaya farq samne aata hai aur agar saal bhar ke ekhrajat ka mezan samne rakha jae to ghar mein banne wale cosmetics ke ekhrajat nehayat mamoli sabit hote hein. Ab to khawateen ko ye bhi malom ho gaya hai ke qudrati ejza, synthetic ejza se zyada mosar aur mehfoz hote hein.

Ye baat mehaz gharelo chutkilo aur totkon ki nahi hai. Guzishta kai barson se maherin jaded science bunyadon per qudrati mado per tehqeq kar rahe hein. In ki tehqeq ke nataej ne sabit kiya hai ke badam, lemon, aado, haldi, shehad, gulab, sandal aur hina (mehndi) ko jild aur balon ki khobsorti ke liye estamal karna nehayat muffed hai. Ritha, aamla, barhami boti, sika-kai aur esi tarha ki degar nabatat jo afzaesh husn karne wali masnoaat mein shamil hoti hein, ye jild aur baalon ko dar-pesh masael bhi hal karne mein madad deti hein. Bar-e-sagher ki meras ye nabatat chezon ko mehfoz karne ke kaam bhi aati hai. Chanancha natural cosmetics ko in ki wajha se taweel arsa tuk botalon mein mehfoz rakha ja sakta hai. In ki wajha se aese chemicals ka estamal bhi tark ho raha hai jo chezon ko der tuk mehfoz rakhne ke liye estamal hote they aur apne manfi asrat se neqsan pohchae begher nahi rehte they.

Natural cosmetics ka medan bohat wasi hai. Nabatat ke ejza aur in ke fawaed ka elm mukhtalif aur makhsos zaroryat ke liye darkar cosmetics ki tayari mein madad de sakta hai. Qudrati ghizain aur jadi botiyan jo afzaesh husn ke maqsad ke liye amomi tor per aur wasi tor per estamal hoti hai woh insani jild ke liye bohat muffed hai.

Fitri ejza ka sab se aehum pehlo ye hai ke kimyawi mado ki tarha in ka estamal ksi qisam ka manfi rad-e-amal peda nahi karta aur jahan tuk in ke muffed asrat ka taluq hai in ka mutabadil ksi bhi jaded tareen laboratory mein tayar nahi kiya ja sakta.

 
© Copy Rights 2012 -1015     www.internetpk.com All Rights Reserved Contact Us