www.internetpk.com
 
   Hair Dye Tips   Meningitis Fever   Ronaldo   Civil Hospital   Neetu Singh   Marie Curie   Thomas Edison   Rose   Ruth Phau   Royal Rumble
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health



Weight Loss Tips in Urdu

Cold and Flu

Bob Dylan

Benazir Bhutto Hospital

Salman Khan

Francis Crick

The Little Fish

Natural Skin Care

Natural skin care is important of the body’s, skin care can be improved by using the right natural tips for skin type. We provide natural skin care tips, home beauty secrets and ideas for skin care at home. For dry skin tips, oily skin, normal skin and combination skin tips.
 
 

Jild - Aik herat angaez nizam (Skin – an amazing system)

Jild (Skin): insani jism ka ghilaf aik heart angaez mechanism hai. Ye jism ka sab se lamba aur pecheda ozou hai. Es ka wazan jism ke majmoei wazan ka 16% hota hai. Jild ki munasib nighadasht umer ke her hisse mein zarori hoti hai. Jab aap jawan hote hein to ye nighdasht nojawani ke dor ke masael maslan jild chiknahat aur acne ke masael se tahafuz mein madad milti hai. Pher jab budhapa aata hai to jild ki khushki aur aur khurdare-pan ka muqabla karne ke liye zarori hoti hai. Agar ksi ko ye malom ho ke jild ki hifazat kese ki jati hai to woh umer ke her hisey mein ese khobsorat aur khushnuma rakh sakta hai.

Jild ki nighadasht ka zikar amoman chehre ke hawale se kiya jata hai kyun ke jism ka ye hisa dosre shison ki nisbat zyda tawajah aur aehtyat chahta hai. Aap ka chehra he to sab ke samne rehta hai. Shaded sardi ke mosam mein jab baqya pora jism garam kapdon mein lipta hota hai to tab bhi chehra nanga aur numaya hota hai. Chancha chehra he insani jism ka aesa hisa hai jise thek nazar aana chahiye. Aur pher chehra he sab se pehle budhape ke asar dekhata hai.

Jild ke faraez: (Functions of the skin)

Jild bohat se faraez anjam deti hai. Ye jism pe hamla aawar hone wale nuqsanda bacteria aur infection se tahafuz ke liye dhal ka kaam karti hai. Kharij anasir ko jism mein dakhil hone se rokne ke sath sath ye jism ke fazil aur fasid mado aur carbon dioxide ko kharij karti hai. Jild aik hasas azou hai ye jism ke darja hararat ko ba-qaedgi deti hai. Pasine aur jism ke metabolic process mein es ki kar-kardagi bunyadi aehmyat rakhti hai.

Jild ki 3 tehein hoti hein. Sab se nichli ya gehri teh ko lower dermis, darmiyani satah ko dermis aur beroni teh ko epidermis kehte hein. Sab se nichli teh se he mukhtalif ghadod jin mein chiknai aur pasine ke ghadod shamil hein, beroni teh mein madakhlat kar ke fasid mado ko khatam karte hein. Ye andaroni teh charbeli bafton per mushtamil hoti hein. Ye baqya jild ke lye aik kashan ka kam deti hai. Es mein barek aur taqsem shuda pathe hote hein jo jild ka darja hararat ba-qaeda aur barqarar rakhta hai.

Jild ki darmiyani teh ka sab se aehum kam pasena kharij karna hota hai. Es teh mein khon ki an-gint barik naliyan aik jal ki tarha pheli hoi hoti hein. In sab ke sire is teh mein khatam hoti hein. Yahin se ye beroni teh ko khorak farahum karti hein . jild ki hayat dermis yani esi darmiyani teh se mutaean hoti hai.

Jild ki beroni teh yani epidermis jism ke mukhtalif hiso mein mukhtalif motai rakhti hai. Pao ke talwe mein ye aik inch ka biswa hisa moti hoti hai jab ke chehre pe jild ki motai aik inch ka do sawan (1/200th) hisa hoti hai. Ye khalyon ki mutaedad taho per mushtamil hoti hai. Khalyon ki beroni ya balai teh musalsal jhadti rehti hai aur es ki jaga nai teh leti rehti hai. Jild ke ye teh aesabi sire rakhti hai. Chiknai aur lpasine ke ghadod epidermis mein khulte hein.

Jild ki Iqsam: (Types of Skin)

Jild ko badi badi char 4 qismon mein taqsem kya gaya hai. Inhein normal skin, dry skin, oily skin aur mix skin kehte hein.
Asani se ye janne ke liye ke ksi ki jild kis qisam ki hai. Subha bedari ke waqt chehre ko ksi khushk tea show paper se pcha jata hai. Agar tea show paper per chiknai paei jae to zahir hai ye chikni jild (oily skin) hogi. Ager tea show paper ka darmiyani hissa (teh shuda tea show paper ka darmiyani teh) per chknai ho to ye mili juli jild (combination skin) ho gi aur ager chiknai na pai jae to ye khushk jild (dry skin) ki alamat hai. Normal jild pochne per bhi tea show paper per chiknai nahi hoti. Ager jild pe phelne ka aesas paya jae ya zyada kasi hoi mehsos ho, chamakdar aur khushk ho to khushk jild kehlati hai. Lekin ager ye malaem, narm aur chamakdar ho to normal hoti hai.

Normal Skin:

Es qisam se taluq rakhne wali jild (skin) malaem, umda sakht aur chaiyon se pak hoti hai. Aesi jild rakhne wali khawaten ko ayam-e haiz se pehle baz auqat keel aur phansiyon ki shikayat ho jati hai jis ka sabab hormones ki kasrat ki wajha se chiknai wale ghadod ka zyada faal ho jana ho jata hai. Normal skin rakhne walon ko albatta acne kabhi masla nahi banti. Es qisam ki skin na to chikni hoti hai aur na khushk. Ye aik khobsorat jild hoti hai lekin es ko tawel arsa tuk khushgawar kefiyat mein rakhne ke liye khob tawajjah ki zarorat hoti hai. Ghaflat ke natije mein budhape ke aasar aur jhuriyan jald namodar ho jati hein.

Tips for Normal Skin:

Normal skin ko rozana pani (water) aur sabun (soap) se dhona chahiye aur pher arq-e-Gulab jese ksi moatadil moisture se ton-up karte rehna chahiye.

Oily Skin:

Es qisim ki jild chamakdar, moti aur gehre rang ki hoti hai. Es pe black hades ka hamla hota hai. Es qisim ki jild mein chiknai peda karne wale ghadod bohat zyada faal rehte hein aur es ki zarorat se zyada chiknai peda karte rehte hein. Skin ke masamon se chknai rasti rehti hai aur ese chamak mohaya karti hai. Masam phel jate hein aur jild khurdari nazar aane lagti hai.

Tips for Oily Skin:

Oily skin ko sabon (soap) aur wafer maqdar mein nem garam pani (water) se dhone aur saf karne ki zarorat rehti hai take masam band na ho jaein. Aesi jild rakhne wali ladkiyon ke masamon se tail ya chiknai ka ikhraj anfawan shabab mein bohat zyada aur pher umer badhne ke sath sath kum ho jata hai. Hamal aur sun-yas ke doran hormones ka adam tawazan chiknai ke tawazan ko bhi bigad deta hai aur chiknai peda karne wale ghadod ki sir-garmi badh jati hai.

Dry Skin:

Es qisam ki jild haddiyon pe sakhti se kassi hoi hoti hai aur amoman es per chilke ban jate hein. Es mein chiknai aur ratobat dono ka faqdan hota hai ye humesha beronaq si nazar aati hai aur ye kefiyat khas tor per rukhsaron aur ankhon ke gird dekhai deti hai. In maqamat pe choti choti lakirein mehsos hoti hein jo dhane ke kono per bhi mehsos hoti hein. Es qisam ki jild mein chiknai peda karne wale ghadod jild ki zarorat ke mutabiq chiknai peda nahi karte chanancha khushki numaya ho jati hai.

Tips for Dry Skin:

Dry skin ko sabon (soap) aur pani (water) se dhona mail kuchail to utarta hai lekin es ke sath sath jild ko tahafuz dene wali qudrati chiknai se bhi mehrom kar deta hai.

Dry skin bohat zyada tawajah chahti hai. Ese khob lekin narmi se dhona chahiye aur wafer maqdar mein es pe oil and moisturizer ka estamal (massage) waghera ba-qaeda banana chahiye. Ese izafi nighadasht aur tawajah ki bhi zarorat hoti hai. Moisturizer skin ki beroni teh mein pani ki maqdar badha dete hein aur es mein narmi peda karne ke sath sath nami ki jhalak bhi peda kar dete hein.

Combination Skin:

Combination skin ke kuch hisse chikne aur kuch khushk ya normal hote hein. Peshani, naak aur thodi chikni aur rukhsar khushk ho sakte hein.

Tips For Combination Skin:

Es tarha ki jild bohat aam hoti hai aur es ki nighedasht es tarha ki jani chahiye jese do mukhtalif tarha ki jild pe bal-tar-teb tawajha di jati hai. Khushk hison ko narmi se dhone aur saf karne ke elawa ba-qaedgi se tail waghera ka masaj kar ke gehri cleansing ke sath tone kya jae. Albatta khushk aur chikne dono hisson ko moisturizing ki zarorat hoti hai.

Allama Iqbal  Eyes Treatment  Wasi Shah  Baqai Hospital  Virat Kohli  Natural Skin Care

Sun Protection Tips  Dilip Kumar  Arq e Gulab Benefits  Bill Gates  Brain Weakness Treatment

© Copy Rights 2012 -1016     www.internetpk.com All Rights Reserved Contact Us