www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Pairon Ki Hifazat

Pairon ki hifazat Urdu: You are read and free download Beauty tips for homemade foot care. Pairon ki hifazat in Urdu and Hindi, crack feet tips, cracked feet treatment at home, paon ki safai and home remedies for foot care.
 
 
 
 
 

Pairon Ki Hifazat “Paon” (Foot Care Tips in Urdu):

Pairon ki nighedasht se mehaz es liye be-niyazi nahi baratni chahiye ke yeh chupe rehte hein aur chunke ksi ko nazer nahi aate, es liye jese bhi hein aur jis halat mein bhi rahein koi farq nahi parta.

Pehli baat tou yeh hai ke ager jism ka yeh hissa zyada ter dosron ki nazron mein kam aata hai tou es ka matlab yeh nahi ke es per tawajah na di jae. Dosri baat yeh hai ke bar-e-sagher mein jurabo waghera ke estamal ka mosam bohat kam aur mamoli shiddat rakhta hai. chunancha paon dhake howe nahi rehte. Khusosan khawaten ke jote aesy hote hein jin mein se paon nazer aate rehte hein. Peron ke deda-zeb nazer aane se qata nazer in ki dekh bhal es liye bhi zarori hai ke in mein chandiyan aur gaty na parein. Aesi sorat-e-hal baz ouqat paon mien zaberdast dard aur taklef peda kar deti hai. thake howe aur dard mein mubtala pair intehai khobsorat chehra rakhne wali shakhsiyat pe bhi manfi aser dalte hein. Es se chal ka tawazen barqarar nahi rehta aur nafsiyati tour per tanao aur barhami peda ho jati hai.

Tang jote zyada tar pairon ke masail peda karte hein. Chunancha humesha aramda joton ka intekhab kiya jana chahiye. Jote aesy hone chahiye jo paon ki mehrab ko sahara dein aur panjon ke liye kushadgi rakhein. Ounchi aiddi aur nokdar panjo wale jote kabhi na pehnein kyou ke yeh nuqsanda sabit hote hein.

Hathon ki tarha pairon ko bhi asan warzishon ke sath achi waza qata mein rakha ja sakta hai. paon ke liye achi warzishein takhno ki mehrab banana, panjo ko morna aur pore paon ko khum dena hai. yeh teno warzishein subha bedar hone ke bad sab se pehly ki jaein tou zyada mosar sabit hoti hein. Walking paon ke liye sab se achi warzish hai. din bhar ki bhag dor ke bad thake howe, dard se labrez aur soje howe paon ko aram dene ka behtaren tariqa lait kar inhein ounchi jagha per rakhna hai. paon rakhne ki jagha ki ounchai sir se zyada hona chahiye. Ounchi jagha per kuch der rakhne se paon mein jama hone wale khon ka bahao wapas dil ki taraf rawan ho jata hai. pher in ka halka phulka massage kiya jana chahiye. Ager pair thande hon tou zaiton ke tail ki malish karein. Yeh massage bohat muffed rehta hai. thake howe paon ka aik qadem elaj inhein bari bari garam aur thande pani mein dobona hai. akhri martaba inhein thande pani mein rakhna chahiye. Epsom Soult ya makhsos feet Soult mily nim garam pani mien paon ko kuch der tak doboe rakhna inhein sakon pohchata hai lekin aese pani mein se pairon ko nikalne ke bad inhein khushk kar ke youdi clone ki malish karni chahiye take zyada narm ho jane ke asrat ko zael kiya ja sake.

Care for Feet and Nails:

Paon ke nakhon ko bhi etni he tawajah deni chahiye, jitni hathon ke nakhonoon ko di jati hai, sangtare ya malte ke phal wali tehni ke tukde per roi lapait kar paon ke nakhono ko charo taraf se saf kiya karein. Khas tour per nakhonoon ke kinaron per tawajah dena chahiye kyou ke yahan gard-o-ghobar jama ho jata hai. pher koi moisturizing body lotion wafer maqdar mein tamam paon pe lagaya jae. Yeh lotion massage ke andaz mein lagaya jae.

Paon ko bou se pak aru taro-taza rakhne ke liye, bil-khusos garam mosam mein, aesa talcum powder rozana subha paon dhone ke bad ungliyon mein chirka jae jo bou ka tadarak karta ho, ager jurabein estamal ki jati hon tou rozana dhoi hoi pehni jaein.

Ghotno ko bhi ap ki tawajah ki zarorat hoti hai. inhein pani se achi tarha dhone ke bad 2 khane ke chamchey mong phalli ke safof mein 1 khane ka chamcha namak dal kar achi tarha ragar kar malna chahiye. Chand minto ke bad inhein dobara dho kar in per tillon ke tail mein 2 ya 4 qatre sirka mila kar lep sa kar diya jae. Es andaz mein ba-qaeda massage ghotno ko achi halat mein rakhta hai.

 
© Copy Rights 2012 -1015     www.internetpk.com All Rights Reserved Contact Us