www.internetpk.com
 
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Ahmad Nadeem Qasmi

Ahmad Nadeem Qasmi was born on 20 November 1916 in Angla District Khushab, Sargodha. His family name was Ahmad Shah. His father name was Peer Ghulam Nabi. Ahmad Nadeem Qasmi is the most famous poets of Urdu. He was the Pakistani poet, literary, journalist, dramatist and short story author. His also known in Indian and Pakistan people and he is the famous poets in the world. He had also interest in literature. He wrote many literary, fiction and poetry books. They have two children, Naheed Qasmi and Nauman Qasmi. Ahmad Nadeem Qasmi died on 10 July 2006 in Lahore, Pakistan. In this page we give you information, life history and biography about Ahmad Nadeem Qasmi in Roman Urdu and Hindi.
Ahmad Nadeem Qasmi
 

Biodata:

Name: Ahmad Nadeem Qasmi (Ahmad Shah)

Personality: Poet, Author

Born (Birthday): 20 November 1916

Birth Place: Angla District Khushab, Sargodha

Fields: literature

Children: Naheed Qasmi, Nauman Qasmi

Parents: Peer Ghulam Nabi

Biography:

Ahmad Nadeem Qasmi ka khandani (family) naam Ahmad Shah tha. Ap 20 November 1916 ko angla District Khushab Sargodha mein peda (born) howe. Awan qabile se thaluq tha. Abao ajdad Arab se Iran, Iran se Multan aur pher district Khushab mein deni dawati jazbe ke tehat tashref laein they, walid ka naam (father name) Peer Ghulam Nabi hai, in ke walid ka intaqal 1924 ko howa aur 1925 mein Qasmi sahib ne primary air 1930 mein BA kiya.

1931 mein 15 baras (year) ki umer (age) mein in ki pehli nazm Mohammad Ali Johar ke anwan se roznama siyasat mein shaya (published) hoi, chhoti umer (age) mein he tabqati shaor ujagar ho gaya tha. Yatimi ne ahsas zimadari ko barhaya Graduation ke baad 1936-37 mein reforms commissioner Lahore ke office mein 20 rupees monthly mein moharer ke tour per mulazim howe. Unho ne hafta-war (weekly) “Tehzeeb-e-Niswan” ke liye gher mulki afsano ke tarajum tehreer kiye aur 9 din (days) telephone operator aukara ke tour per kaam (work) kiya. 1939 se 1941 mein excise mein sub inspector ki hesiyat se kaam kiya 1946 se 1948 tak Peshawar radio station se ba-hesiyat scrip writer wabasta rahe aur mukhtalif radiai drame likhein 14 August 1947 ko Pakistan ke aelan-e-azadi ke moqe per Peshawar radio station ne apne programs ka aghaz Ahmad Nadeem Qasmi ke naghmon (songs) aur tarano se kiya tha.

Ahmad Nadeem sahib ki shadi 1948 mein in ke qaribi azezon mein hoi jo wadi-e-soon ke aik gaon soorki mein muqeem thein.

Ba-qaul Ata-ul-Haq Qasmi, Nadeem sahib Pakistan ke bohat bare shayar (poet) bohat bare afsana nigar (Playwright) aur Pakistan ke sab se waqei adbi jaride (Literary paper) “Funoon” ke auditor they. “woh Anjuman taraqi pasand musan-nafeen ke akhri general secretary bhi they.

Ahmad Nadeem Qasmi ne taraqi pasandana nazaryat ki wajha se qed-o-band ki sobatein bhi bardasht ki woh tehreek-e-pakistan aur muslim league ke ke jalson mein shamil rahein aur nazmein aur tarane (poems and songs) parhte rahe.

1952 mein daily Imroz mein hurf hikayat ke anwan se likhna shoru kiya. 1953 mein daily imroz mein pohanch darya ke anwan (title) se column ka aghaz kiya ye silsila 1959 tak jari raha, 1959 se daily imroz se alehdgi ke baad “Hilal Pakistan” Lahore mein “Mauj dar Mauj” aur punch “Punch Darya” ke naam se column likhein. Es ke baad “daily Ahsan” se wabasta ho kar mutaebat aur “Punch darya” ke naam se column likhein. Baad mein dobara “daily imro” se munsalik ho kar “anqa” ke naam se column likhein.

1942 mein Jang Karachi mein “Lahore Lahore hai” ke anwan se hafta war column ka aghaz kiya baad mein “Daily Hurriyet” mein “Mauj Dar Mauj” aur “Lahoryat” ke naam se likhna shoru kiya.

April 1972 mein dobara daily imroz mein “huruf-o-hikayat” aur Jang mein “Lahore Lahore hai” ke anwan se column likhna shoru kiya.

1945 se 1959 tak mukhtalif rasael-o-jaraed haft roza phool, haft roza tehzeeb-o-niswan, monthly adab-e-latif, monthly savera Lahore, monthly naqoosh Lahore, monthly sehar Lahore, daily imroz Lahore mein adarat ke faraez anjam diye.

1963 mein Nadeem Qasmi sahib ne “Funoon” jari kiya. Molviyon ne ap ko humesha na-pasand kiya Kyun ke woh taraqi pasand thein lekin taraqi pasandon ne bhi ap ko na pasand kiya keh ap aetadal pasand thein. Woh al-kitab ko apna rahnuma bana kar khare aur khote ki kasoti mutaeyan karte rahe in ke nazaryat per Quran ka gehra asar hai woh khud farmate thein ke!

“maine apni taleem ka aghaz Quran Majeed se kiya es waqt meri umer 4 baras (year) ki thi, gaon ki Masjid mein dars lena shoru kiya ibtadai 5 parey parhe they ke silsila munqata ho gaya. Pher maine Quran ki taleem dena shoru kiya taleem Quran ko nazra parhne tak mehdod na thi bal-ke es ke sath matan ke urdu tarjume ke alawa aik mufsil tafseer (
Commentary) bhi thi. Ye tafsir haqani thi pher panchi jamat (5 class) se BA tak maine Arbi ki taleem hasil ki aur youn Quran Majeed ki tafhim (Understanding) mein khasi madad mili farigh-ul-tehseel hone ke baad Quran ke muta-ad-dad tarajim aur tafsir nuskhe zer-e-mutala rahe lekin ab mera yeh tariqa hai ke tarjume (translate) ki sehat malom karni ho tou Ashraf Ali Thanvi ka tarjuma dekh leta hon aur ksi ayat ki tafseer pesh nazar ho tou molvi abul kalam azad se istafada karta hon.”

Intaqal (Death):

Alm-o-adab ka yeh azeem khursheed 10 July 2006 ko gharoob ho gaya aur janab Ahmad Nadeem Qasmi sahib ka naam rehti dunya tak qaem rahe ga.

Books for Ahmad Nadeem Qasmi:

Ahmad Nadeem Qasmi per kai kutab (books) tehrer hoein aur kai khusosi number ap ke hawale se jaraed ne nikale jese January February 1975 Mujalla Afkar Karachi ka Nadeem Number aur Ahmad Nadeem Qasmi Shakhsiyat aur fun nand kishore-o-karam aalmi Urdu adab Delhi 1996 Nadeem ki shayari aur shakhsiyat (tehqiq) Jamil Malik, Ahmad Nadeem Qasmi ke behtareen afsane murat-tab Mohammad Tufail waghera shamil hein. Es ke alawa English, rosi, Chine, Japans, Hindi, Punjabi, Bengali, Sindhi, Gujrati, Marathi aur Farce waghera mein be-shumar mazamee ap per tehreer kiye gae.

Awards:

Aeza-zat aur inamat mein Adamjee award barae dasht wafa (shayari 1963), Adamfee adbi award barae moheet (shayari 1975), Adamjee award barae dawaam (shayari 1976), Pride of Performance hokumat-e-Pakistan ka ala civil aizaz 1968, sitara-e-imtiaz hakumat e Pakistan ka ala tareen civil aizaz 1980 almi farogh urdu adab, doha Qatar waghera shamil hein.

Afsana and Adbi Kitab (Literary Books and Fiction):

Qasmi sahib ke 17 afsanvi majmoe shaya (published) howe. 7 kutub (books) shayari, 3 bachon ke adab per books aur 3 tehqeeq-o-tanqeed aur 6 books tarjuma tarteeb wagher se taluq rakhti hein.

Pehli nazm 1931 mein Mohammad Ali johar ki wafat per kahi pehla shayari majmoa dharkanein 1942 mien shaya (published) howa aur pehla afsanvi majmoa chopaal 1939 mein shaya (published) howa.

Shayari ki kitab (Books of Poetry):

• Dhadkanein
• Rim Jhim
• Shola Gul
• Dasht-e-Wafa
• Moheet
• Dawam
• Loh-o-Khak (Asateer Lahore 1988) waghera shamil hein.

 
© Copy Rights 2012 -1015     www.internetpk.com All Rights Reserved Contact Us