www.internetpk.com
 
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 
 

Asthma in Children

Importance of Iodine

Dandruff Solution

Bhatia Hospital

Holy Family Hospital

PIMS Hospital

Domino English Learning Centre

IBAGRADS

 

Ayatollah Ruhollah Khomeini

Ayatollah Ruhollah Khomeini (Ruhollah Mostafavi Moosavi Khomeini) was born on 24 September 1902 in Khomeyn, Iran. His father name was Shaheed Syed Mostafavi Musavi and grandfather name was Syed Ahmad Musavi. Khomeini’s wife name was Khadijeh Saqafi and they have five children. His religion is Shia Islam and he was a first leader of Iran. Khomeini was 5 months now that their father was killed. Then Khomeini was raised by his mother and aunt. This gentleman received his early education from his older brother then he went to Iraq for further education. He was a political and religious person. Khomeini worked very well for Islam in Iran. He also played an important role in politics. After that he was died on 3 June 1989 in Tehran, Iran. In this page you will read and find biography of Ayatollah Ruhollah Khomeini in Urdu and Hindi.

 
Ayatollah Ruhollah Khomeini

Biodata:

Name: Ayatollah Ruhollah Khomeini

Personality: Former Leader of Iran

Born (Birthday): 24 September, 1902

Birth Place: Khomeyn, Iran

Fields: Politics

Wife Name: Khadijeh Saqafi

Children: Zahra, Mostafa, Farideh, Ahmad, Sadiqeh

Parents: Shaheed Syed Mostafavi Musavi

Death: 3 June 1989

Biography:

Ayatollah Ruhollah Khomeini (Ruhollah Mūsavi Khomeini) 24 September 1902 ko iran ke shehar Khomeyn mein paida howey. Aap ke walid ka naam Shaheed Syed Mostafavi Musavi hai. dada marhom Syed Ahmad Musavi ka taluq ek rewayat ke mutabiq “aqabat al anwar” ke musanif marhoom mir hamid hussain nishapuri ke khandan se hai, jo Hindustan ke shehar Lucknow se aakar abad ho giya tha.
Ayatollah abhi panch (5) mah ke bache thin ke un ke walid ko sharpasandon ne Qatal kar diya, us ke bad aap ki parwarish aap ki walida muhtarma or aap ki phopi sahiba ne ki. Aap abhi 15 baras ki umer ko bhi nahi pohchey they ke ap ki phophi sahiba bhi daghe mufarqat dey gain. Inhone ap ki parwarish aur tarbeyat mein bada aehum kirdar ada kiya tha. Imam Khomeini abhi sambhalne bhi na pay thy ke walida mohtarma bhi duniya se rukhsat ho gain kam umri mein ye sadmat in ke liye na-qabil-e-bardasht they.
Imam Khomeini ibteda mein he bade zahen aur mehnati they ghar per ibtedai talem pane ke baad maqtab mein dakhkil kiye gay. Pher ap ko aik jaded madarse mein bheja gaya inhone apne bade bhai Hazrat Ayatullah Syed Murtaza se sirf wanho aur mantaq ki talem hasil ki es ke baad mazed talem ke liye Iraq gay, marhom Al Haj Shaikh Abdul karim Haeri yazdi ki mumtaz dars-gah mein zanwae adab teh kiya aru asatza-e-fun se adbiyat ki talem hasil ki, chand baras baad es dars-gah ko khum muntaqil kar diya gaya tou Ayatollah Khomeini bhi Khum aa gay aur nai dars-gah mein nehayat mehnat aur koshesh ke sath hosul-e-elm mein masrof ho gay, 1345 hijri mein aala jamato ki talem mukammal kar li aur es qabil ho gay ke marhom Al Haj Shaikh Abdul karim Haeri yazdi ke dars mein shirkat kar ke fiqqa wa osul mein apni elmi bunyado ko mazbot kar sakein.
Imam Khomeini khum ke aasman per aik darakhsha sitara ban kar chamke, in ka shumar darsgah khum ke muntakhib ulma mein hone laga. Unhone fiqqa he mein mumtaz muqam hasil nahi kiya balke elm hai, falsafa, hikmat aur irfan mein bhi darja-e-kamal tak pohach gay. Imam Khomeini es haqiqat per yaqen rakhte they ke haqiqi elm taqwa ke begher hasil nahi ho sakta. Esi liye woh hosul-e-elm ke sath tamer-e-sirat ke taraf bhi matawajh rahe aur aghaz-e-shabab mein he tehzeb-e-nafs aur khud sazi mein masrof ho gay woh dor-e-jawani he mein apne zamane ke naik aur parhez-gar logo mein shumar hone lage. Khum ki buzrug elmi aur rohani shaksiyaton aur aam logo mein in ki qadro-manzilat peda ho gai.
Imam Khomeini sirf mazhabi mamulat ki had tak he apne nizam-ul-auqat ki sakhti se pabandi nahi karte they bal-ke unhone apni pori zindagi ko nazm-o-zabt ka paband banaey rakha in ki samaji masrofiyat hon ya siyasi sargarmiyan sab aik saft-e-nazm mein bandhi hoi thin, woh apne ouqat-kar ki etni sakhti ke sath pabandi karte they ke in ke aehl-e-khana in ke bedar hone, istarahat ke liye bistar per jane, dars ke liye masjid jane, chehal qadmi karne, mutala aur tehrer ka kaam karne aur mutala khatam karne ko dekh kar he waqt ka andaza laga lete they.

Siyasi Sargarmiyan (Political Activities and Career):

1961 mein jab Shah Iran ne “safaid inqalab” ke naam se islahat nafiz ki woh islahat jin ka taluq taqsem-e-arazi, mazdoron ki nafa mein shirkat, qanon intakhabat, talem aur baz degar omor se tha 6 nikat ki sorat mein pesh ki gai aur un ke bare mein awam ki ray malom karne ke liye referendum ka elan kiya gaya.
Imam Khomeini ne nehayat wazni dalael dete howe referendum ki mukhalfat ki, unhone kaha ke Iran ke qawanen mein referendum ki koi gunjaesh nahi. Jin mamalik mein referendum karaya jata hai wahan ghor-o-fikar ke liye kafi waqt diya jata hai. aesa nahi ke chand din ki mohlat dey kar referendum mein hissa lene ke liye kaha jae. Iran ki awam ki aksaryat in 6 nikat ko pori tarha samajhne aur ray dene ki aehalyat nahi rakhti. Referendum ke liye khof aur lalach ke beghaer ray dene ki azadi honi chahiye lekin bad-qismati se Iran mein aesa nahi hai. imam Khomeini ne kaha ke in 6 nikati islehat ko nahi balke islam ke iqtasadi nizam ko ulma-e-islam ke tawon se nafiz kiya jae. Es sorat mein pori millat Iran asaesh-wa-khushali se behre-andoz ho sakti hai. es jabirana referendum ka maqsad mazhab ko be-dkhal karna hai.
Imam Khomeini ne ulma se appeal ki ke woh jis waqt bhi islam aur Quran ke liye khatrat mehsos karein musalmano ko es se aagha karein take Allah tala ke hozur qasor war qarar na paey Iran ke es buzrug rah-numa ka aelan shah ki hokumat ke liye aik kali zarb sabit hoi Shah ko ye tawaqa nahi thi ke imam Khomeini ki taraf se itna qatai aur shaded rad-e-amal zahir kiya jae ga.
Referendum ke khelaf imam Khomeini ka bayan shaya hote he Tehran ke bazaar aur karkhane band ho gay aur awam sadkon per nikal aai. Iran mein logo ka etna bada jalus es se pehle bohat kam dekha gay esi tarha khum mein bhi imam khumeini ki appeal per hartal rahi aur referendum ki mukhalfat mein jalos nikale gay. Jis din referendum munaqad howa mushad per wehshat-angez khamoshi chahi hoi thi bohat kam log vote dalne aaey zyada tar sandoq police, fouj aur khofiya police “sawak” ke admiyon ki parchiyon se bhare gay.
Imam Khomeini ki appeal per muzahere sirf khum aur mush-had tak he mehdod nahi rahe balke Azerbaijan, gailan, Khuzestan, Faris ke sobon aur Isfahan, Karman Shah, Yazd kashan, Najafabad jese bade bade shehro mein Shah ki islehat ke khelaf aehtajan bazaar band rahe. Her jagha ulma aur khatibon ne imam Khomeini ka pegham padh kar sunaya. Mahe Ramzan-ul-mubarak mein mehrab-wa-member per udasi chahi hoi thi waez, khateb aur Quran wa Hades ka dars dene wale jail ki kotriyon mein band they.
Imam Khomeini ki tehrek ne awam mein Islami aur siyasi shaur buri tarha bedar kar diya tha Eid ke moqe per Imam Khomeini ne majmoa se mukhtasar khetab kiya lekin es mukhtasar khetab mein zindagi, hararat aur josh aur jazbe ka woh tofan tha jis mein awam ke azam-o-yaqeen ko aur bhi pukhta kar diya unhone kaha “Logon tum jahan kahin bhi ho aur jis hesiyat mein bhi kam kar rahe ho, es hukomat ke sharyat aur qanon ke khelaf aqdamat ke muqable mein pori himmat wa istaqlal ke sath dat-tey raho. Es ki kamzor aur zang alod sangino se na darro, yeh sangenein bohat jal tot jaein gi. Koi aamir hokumat apni sangino ke bal per awam ke samne zyada der tak nahi thehar sakti. Sarbarahe mumlikat ko tou aesa hona chahiye ke woh ksi kam ka irada kare aur awam se tawon ki appeal kare tou awam dil-o-jan se es ki takmel ke liye amada ho jaein. Na ke mukhalfat per kamer bandh lein aur woh jab in se apni himayat mein in ki raey talab kare tou 2000 afrad bhi es ki himayat mein ray na dein. Hum nahi chahte ke Iran ke hokumran es anjam se do-char hon, woh ibrat hasil karein aur apne tarz-e-siyasat per nazer sani karein. Woh ulma ko jailon mein dalne aur awam per sangenein tanne ke bajae in ke marzi ke agey sir taslem khum kar dein aur yeh samajh lein ke taqat ke zariye na woh awam ko khamosh kar sakte hein aur na he ulma ko apna deni farz ada karne se rok sakte hein. Ager Ulma-o-Khutba ke bari tadad ko qaid kar liya gaya tou baher reh jane wale Ulma-o-khateb apni zuban se kam lein gey. Inhein sirf in ki zubanein kat kar he islam ki himayat se roka ja sakta hai.
Referendum ke bad yeh Imam Khomeini ki pehli taqrer thi lekin Imam Khomeini ne apni es taqreer se jhote propaganda ke qalai khol di aur pehli bar Shah ke khelaf intehai sakht zuban istamal ki. Hokumat ke qehar-o-jaber ke muqable mein Imam Khomeini ki es walwala angez aur jurrat mandana taqreer ne logon ki na umedi aur mayosi ko khatam kar diya aur in ke dilon mein zindagi aur khon mein aik nai hararat peda kar di thi. woh jalse se aik nai qowat aur inqalabi jazba ley kar nikle jo log thori der pehley ghar ka darwaza band karne ke liye dorte they woh Imam Khomeini se hokumat ke qatil sipahiyon ka muqabla karne ki ijazat talb karne lage.
Akhir kar Shah ka ghez-o-ghazab bharak utha aur Imam Khomeini ko griftar kar liya gaya. Imam Khomeini ki griftari ki khabar jab Tehran pohchi tou awam gharon se baher nikal aaein, dokanein band ho gain, tulba University ke ahatey mein jama ho gay. Tehran mein sab se pehle tulba ne apne rad-e-amal ka izhar kiya. Woh university se nikal kar sarkon per phel gay aur “Khomeine ko reha karo” ke falag shagaf nare buland karne lage. Dekhte he dekhte her maktabah fikar ke hazaron lakhon log muzaheron mein sharek ho gay. Yahan tak ke Fouj ko fairing karni pari kisano ne mout ya Khomeine ka nara laga kar Fouj per hamla kar diya. Es din kisano ka aesa qatal-e-am howa ke jis ki missal nahi milti aik andaze ke mutabiq in muzaheron ke doran 15000 afrad halak howe in halat ne Shah ko bari mushkil mein dal diya. Awam aur Ulma ke shaded rad-e-amal ki bina per 12 rabi-ul-awal 1383 hijri ko Imam Khomeini ko reha kar diya gaya.

Jala Watni Ka Dour (The Period of Exile):

Shah Iran ne achi tarha mehsos kar liya ke Iran mein Imam Khomeini jesi taqat-war shakhsiyat ke hote howe apne program ko jari rakhna mushkil hai chunancha tang aa kar shah Iran ne June 1963 mein Khomeine ko jala watan kar diya. jese he Khumm, Tehran aur dosre shehron ke awam ko Imam Khomeini ki jala watni ki itala mili woh sarko per nikal aay aur shaded rad-e-amal ka muzahera kiya.

Imam Khomeini awam se dor Iraq mein apne shab-o-roz guzar rahe they lekin 15 saal ke tawel arsa mein 1 din ke liye bhi Iran mein Islami inqalab barpa karne ka nisb-ul-aen in ki nazron se oujhal nahi howa. Woh Irani awam tak apna peham pohchane ke liye her mumkin zariye ko istamal karte rahe. Ahista ahista Iran mein in ke peghamat, taqrero ke caset aur in ki tasanif phelane ka aik nizam wajod mein aa gaya.

Iran mein haq-o-batil ke qatai moarke ka aaghaz es waqt howa jab 20 September 1977 ko Tehran mein shaya hone wale Akhbar (news paper) “Ettelaat” mein aik zehar bhara mazmon shaya howa jis mein Irani awam ke mehbob rahnuma Imam Khomeini ke bare mein bari aahanat amez batein tehrer ki gai thien es mazmon ki ash-aat ke sath he Khumm mein sakht iztarab aur ghuse ki lehar dor gai. Nou jawan tulba, Ulma aur awam ne es ke khelaf pur-zor ahtajaj kiya aur muzaheron ka na khatam hone wala silsila shoru ho gaya. Akhir September 1978 ka woh alam-nak din aa gaya jo Irani tarekh mein “Juma Siyah” ke naam se mash-hor hai. es din Tehran ke zala medan mein aik jalus nikalne ka program tha lekin hokumat ne esi roz Tehran aur dosre 11 shehro mein marshallow nafiz kar diya jis ki wajha se logo ko itela na ho saki, log joq dar joq subha sawere Zala medan mein jama hone lage jis ka natija yeh nikla ke Shah ki fouj ne fire khol diya jis se hazaron log shahed ho gay. Es zaberdast khon kharabe ke bad Ayatollah Khomeini jese aaheni azam rakhne wale insane ki jagha ager koi aur hota tou es ke qadam lar-khara jate aur woh masalehat ki rah ikhteyar karte lekin Imam Khomeini ka apne awam ke naam yahi pegham tha ke woh pore azam-o-istaqamat ke sath apni jadojehad jari rakhein aur us waqt chain se na bethein jab tak Shah takht se bardar na ho jae.

Shah ne Imam Khomeini ko khamosh karane ke liye Iraq hokumat per dabao dalna shoru kar diya jis ke bad Imam Khomeini ke liye es mulk mein rehna mushkil ho gaya chunancha woh Kuwait chaly gay lekin jab Kuwait ki sarhad per pohche tou hakkam ne shah ki hokumat ke sath taluqat ki nazakat ke pesh-e-nazer maazrat kar li. Ji ke bad Imam Khomeini France chaly gay aur Paris pohach kar aik mazafati basti “Nofil Naushad” mein aqamat ikhteyar ki. Yahan pohach kar almi zarae ablagh ke sath in ke bara-e-rast rawabit peda ho gay aur un ke peghamat zyada tezi ke sath duniya ke goshe goshe aur Irani awam tak pohachne lage.

Agercha Imam Khomeini Iran se hazaron mil dor Paris ke aik mazafati elaqe mein muqem they lekin Iran ke karoro awam in ke isharon per harkat kar rahe they. Iran mein in ka he farman nafiz ho raha tha aur shah ka hokum fouj ke sipahiyon aur sawaq ke kar-kono tak mehdod tha bil akhir Iran mein yeh khaber mash-hor ho gai ke shah Iran mulk chor kar chale gay hein yeh khaber sun kar awam khushi se dewane ho gay mulk bhar mein mithaiyan taqsim ki gain.

Ab awam Imam Khomeini ka istaqbal karne ke liye be-chain ho rahe they lekin Shahpur Bakhtiar apni hokumat bachane aur Imam Khomeini ki amad mein takher peda karne ki na-kam koshesh kar raha tha es ne Mehrabad ke hawai addy ko band kar ke es ke atraf tanks ka pehra laga diya. Lekin awam ke samne es ki tamam tadberein nakam ho gai aur woh din bhi aan pohcha jab Irani awam ke her dil aziz rahnuma aur Islami inqalab ke qaed Ayatollah Ruhollah Khomeini 15 sal ki jala watni ke bad Iran pohchey. Jese he air France ke tayare ne Iran ki sar zamin ko bosa diya fiza “daro daber Khomeine” ke naron se gonj uthi her taraf insano ka thathey marta howa samandar dekhai deta tha.

Wafaat (Death of Ayatullah Ruhollah Khomeini):

Imam Khomeini apni riyasat ko aik azad aur khud mukhtar reyasat ke tour per dekhne ke bad 1989 mein Allah ko piyare ho gay.

Quotes of Ayatollah Khomeini:

• If a fly gets into the throat of one who is fasting, it is not necessary to pull it out.

• One thing I congratulate everyone on is the great explosion which has occurred in Washington's Black House and the very important scandal which has gripped leaders of America.

• Islamic state means a state based on justice and democracy and structured upon Islamic rules and laws.

• Americans are the great Satan, the wounded snake.

• If one commits the act of sodomy with a cow, a ewe, or a camel, their urine and their excrements become impure, and even their milk may no longer be consumed. The animal must then be killed and as quickly as possible and burned.

• We are not afraid of economic sanctions or military intervention. What we are afraid of is Western universities.

• When anyone studies a little or pays a little attention to the rules of Islamic government, Islamic politics, Islamic society and Islamic economy he will realize that Islam is a very political religion. Anyone who will say that religion is separate from politics is a fool; he does not know Islam or politics.

• It is better for a girl to marry in such a time when she would begin menstruation at her husband's house rather than her father's home. Any father marrying his daughter so young will have a permanent place in heaven.

• What country is stabled than Iran? Where else in the world would an assassinated prime minister be so quickly replaced?

• After the Shah's departure from Iran, I will not become a president nor accept any other leadership role. Just like before, I limit my activities only to guiding and directing the people.

 
© Copy Rights 2012 -1016     www.internetpk.com All Rights Reserved Contact Us