www.internetpk.com
 
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Bob Dylan

Bob Dylan was born on 24 May 1941 in Duluth, Minnesota, U.S. He is an American Musician, singer, artist and songwriter. His father name is Abram Zimmerman and mother name is Beatty Zimmerman. Bob Dylan real name is Robert Allen Zimmerman. Bob Dylan Married the tow time and his 1st wife name was Sara Dylan “Divorced” (1965–1977) and they have four children, and his 2nd wife name was Carolyn Dennis “Divorce” (1986–1992) and they have one child. His children name is Jacob Dylan, Jesse Dylan, Sam Dylan, Desiree Gabrielle Dennis-Dylan, Anna Dylan and Maria Dylan. We provide you life and career history with biography of Bob Dylan in Urdu and Hindi.
 
 
 
Bob Dylan

Biodata:

Name: Bob Dylan (Robert Allen Zimmerman)

Personality: Musician, singer, artist and songwriter

Born (Birthday): 24 May 1941

Birth Place: Duluth, Minnesota, U.S.

Fields: Music

Wife Name: Sara Dylan (Divorced), Carolyn Dennis (Divorced)

Children: Jacob Dylan, Jesse Dylan, Sam Dylan, Desiree Gabrielle Dennis-Dylan, Anna Dylan and Maria Dylan

Parents: Abram Zimmerman, Beatty Zimmerman

Biography:

Bob Dylan ka asal naam Robert Allen Zimmerman hai, Bob Dylan 24 May 1941 ko American riyasat Minnesota ke aik qazbe Duluth mein peda howa es ke dada, dadi yahoodi they Lithuania aur Ukraine se aa kar America mein aabad howe. Bob Dylan ke walid Abram Zimmerman aur walida Beatty Zimmerman muqami yahoodi brotheri ki sar-garmiyon mein barh charh kar hissa lete they. Bob Dylan 7 years tak Duluth mein raha es ke baad Hibbing qasbe mein bachpan guzara esy radio per mosiqi sunne ka junoon tha, high school ke zamane mein inho ne kai musical band tashkeel diye aur talent show mein numaya kar-kardagi dekhai. September 1959 mein University Minnesota mein dakhla liya aur Minneapolis city mein rehne laga folk music ke mukhtalif groups se munsalik ho gaya aur gane ke sath mukhtalif saaz bajane ki mashq karne laga esi doran Bob Dylan ke naam se apne aap ko mutaruf karwane laga. Es ne apni khurd-o-nosh chronicles ke naam se tehreer ki aur es naam ki wajha Scotland ke ksi badshah ke naam se musha-be-hat qarar di.

1965 mein Bob Dylan ne Sara Dylan se shadi ki es ke chaar “4” bacchey howe. Sara ke pehle shohar se hone wali beti Maria ko bhi es ne beti ka pyar diya Bob ka sab se chhota beta Jakob Dylan bhi aik kamyab glukar hai. Aik beta Jesse Dylan aik achha film director aur kamyab tajir hai.

1977 mein Bob Dylan aur Sara ki talaq (divorced) ho gai es ke baad 1986 mein Bob Dylan ne aik archaster ki sathi glukara (singer) Carolyn Dennis se shadi kar li in ki aik ‘1’ beti hai. 1992 mein Bob aur Carolyn mein bhi talaq (divorced) ho gai.

Pehly saal ke taleem mukammal karne per collage ko alvida kiya aur 1961 mein fun ka muzahera karne New York pohcha wapsi per New Jersey ke hospital mein woh folk music mein apni ideal shakhsiyat Coody Gilthvie se milne gaya yahan Bob Dylan ki mulaqat mash’hoor mosiqar Jack Elliott se hoi jo es ki tarha Coody ki ayadat karne aaya tha in dono funkaron ne Dylan ki zehni tarbiyat mein aehum kirdar ada kiya, Dylan ki performance se mutasir ho kar New York mein mosiqi ke ek naqad Robert Shelton ne New York Times mein ek tarifi note tehrer kiya jis ke natije mein Music business ki naami giraami shakhsiyat John Bremond ne Dylan ko bula kar “Columbia Records” ke liye muhaeda kar liya es ki pehli album bohat maqbool hoi. August 1962 mien es ne New York ki Supreme Court mein ja kar sarkari tour per apna naam tabdeel kara liya.

1963 mein Bob ki dosri album release hoi to glukar aur geet nigar ki hesiyat se es ki shohrat door door tak phel gai. Es ne aik geet (song) Blowin in the wind ki dhun ghulamon ke riwaeti song ab “humein apni ghulami qabool nahi” ki tarz per banai thi.

Bob Dylan ne apni geeton (songs) mein na-insafi, nasal parasti, shehri haqooq aur mashrati masael per tawajah di aur in ka lehja baghiyana aur aehtajaji raha. Bob ne kasht-karon aur kaan-kanon ki haalat-e-zaar ki taraf bhi tawajah delai.

Ab tak Bob Dylan sekron songs ga chukka hai aur es ki 44 albums release ho chukki hein. Rock n roll music ki duniya mein Elvis Presley, John Lennon aur Michael Jackson ki tarah aik hero ki hesiyat rakhta hai. 2004 mein es ka release hone wala song ‘Like a rolling stone’ hum asar duniya ke 500 azeem tareen songs mein sar-e-fehrist qarar paya.

American jaride Time ke mutabiq beeswi sadi ki 100 sab se asar aafrein aur pur-kashesh shakhsiyat mein Bob Dylan ka shumar kiya gaya hai. esy muta-ad baar adab ke shobey mein Nobel prize ke liye naam-zad kiya ja chukka hai. es ka naam “Rock n roll hall of fame” mein darj hai woh “Grammy lifetime Achievement award” hasil kar chukka hai “Polar Music Prize” aur “Candy center honors” sameet be-shumar aala tareen aezazat us ke pass hein. Bob apne songs khud likhta hai, esy Gitar, keyboard aur Harmonica sameet muta-ed saazon per aboor bhi hasil hai. Dylan ke albums ki 25 caror se zaed copies farokht ho chuki hein woh jitna bara singer hai utna he bara geet nigar bhi hai Dylan ne awal awal folk music ki bunyad per duniya ko fatah kiya pher John Lennon ke naqsh-e-qadam per chalte howe “rock n roll” ke medan mein apne fun ka muzahera karne laga.

December 1997 mein sabiq American sadar (ex president) Bill Clinton ne Dylan ko “Candy Center Honor” diya. 2000 mein Dylan ke songs things have changed ko jo es ne film “wonder boy” ke liye likha, behtareen songs ka academy award aur Golden Globe Award mila. Guzishta 2 ashron ke doran woh aik saal (1 year) ke doran kam-o-besh 100 taqareeb mein perform karta raha hai. America ke tamam riyasaton aur Europe ke tamam mumalik mein es ke dory jari rehte hein. Es ke fun aur shakhsiyat per darjano kitabein (books) aur sekron mazameen tehreer ho chukke hein. Es ka career 40 saal (year) per mohit hai.

October 2004 mien es ki khord-o-nosh sawa-neh umri chronicle pehli baar manzar-e-aam per aai aur esy best seller ki hesiyat hasil ho gai. 29 August 2006 ko e ski release hone wali album modern times farokht ke aetbar se America, Australia, Canada, Denmark, Ireland, New Zealand aur Switzerland ke “Billboard charts” mein sar-e-fehrist rahi. 65 saal ki umer mein yeh aezaaz hasil karne wala pehla mosiqar (musicition) tha.

Bob Dylan Best Songs List:

• Like A Rolling Stone
• Just Like A Woman
• All Along The Watchtower
• Lay Lady Lay
• Blowin' In The Wind
• The Times They Are A-Changin
• Don't Think Twice, It's All Right
• Mr. Tambourine Man
• I Shall Be Released
• Gotta Serve Somebody
• Joker man
• Everything Is Broken
• Shelter From The Storm
• If Not For You
• Knockin On Heaven's Door
• Forever Young
• Tangled Up In Blue
• Oh, Sister

 
© Copy Rights 2012 -1015     www.internetpk.com All Rights Reserved Contact Us