www.internetpk.com
 
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 
 

Asthma in Children

Importance of Iodine

Dandruff Solution

Bhatia Hospital

Holy Family Hospital

PIMS Hospital

Domino English Learning Centre

IBAGRADS

 

Colonel Muammar Gaddafi

Colonel Muammar Gaddafi was born on 7 June 1942 in Qasr Abu Hadi, Libya. His father Abu Meniar was a merchant of camels. His mother name was Aisha. Gaddafi married the tow time, his first wife name was Fatiha al-Nuri and his 2nd wife name was Safia Farkash. Muammar Gaddafi have eight children, seven Sons one daughter. He became an officer in the army, his heart was lit up by the light of faith. Army and many people became his fans. He was the changed to old system with new system in Libya. He and his partner slept three hours and twenty hours worked. He had made Libya to advance country. He was a former prime minister of Libya from 1969 to 2011. After that on 20 October, 2011 he was killed in Sirte, Libya. In this page you will read and find information, life story, political career and biography of Colonel Muammar Gaddafi in Urdu and Hindi

 
Colonel Muammar Gaddafi

Biodata:

Name: Muammar Muhammad Abu Minyar al-Gaddafi (Colonel Muammar Gaddafi)

Personality: Former Prime Minister of Libya

Born (Birthday): 7 June 1942

Birth Place: Qasr Abu Hadi, Libya

Fields: Politics, Army

Wife Name: Fatiha al-Nuri (1969–1970), Safia Farkash (1970–2011)

Children: Saif Al-Islam, Al-Saadi Gaddafi, Moatassem-Billah Gaddafi, Hannibal Muammar Gaddafi, Khamis Gaddafi, Saif Al-Arab Gaddafi, Muhammad Gaddafi and one daughter, Ayesha Gaddafi

Parents: Abu Meniar, Aisha

Death: 20 October 2011, Sirte, Libya

Biography:

Colonel Muammar Gaddafi 7 June 1942 ko Libya mein ounto ke aik tajir ke ghar peda howe sehrai khemo mein parwarish pai. Jab school pohchy tou in ke sine mein Shah Idries ki purani hokumat ke khelaf nafrat ka alao roshan tha. Jab fouj mein officer muqarar howe tou in ka sina iman-o-eqan ki norani kirno se jagmaga utha. Fouj aur awam ki bari tadad in ki paristar ban gai chunancha jab unhone Shah Idries ki hokumat ke khelaf elm-e-jehad buland karne ke azam ka izhar kiya tou tamam sathiyon ne lab-baik kaha. In officers ne Shah Idries ke khelaf uth khara hone ka jab halaf uthaya tou un ka pehla halaf yeh tha ke woh zindagi bhar sharab ko hath na lagein gey, Cigarette nahi piye gey, zana nahi karein gey. Aesh-o-tarb ki zindagi guzarne ke bajae sadgi aur pakizgi aur taharat ki zindagi guzarein ge. Yeh ikhlaq ki woh lazawal khobiyan thien jo iman-o-yaqen ban kar in ke dilon mein beth gain.

Colonel Gaddafi jis bat ki talqen karte thein es per khud bhi amal karte thein aur jis per amal karte thein us ki talqen karte thein. Woh khud sada zindagi basar karte thein un ke sare sathiyon ka rehan sehan bhi un he ki tarha sada thai. Un ke wazer-e-azam Major Abdul Salam Jalloud ne jab shadi ki aur shadi ke bad aik khobsurat bangla le kar usey rehne ke liye arasta kiya. Jab Colonel Gaddafi ko es bat ka elm howa tou unhone Major Jalloud ko apni dulhan ke sath ser-o-tafreh ke liye beron-e-watan bhej diya aur un ke jate he bangle se tamam saman utha kar wapas Barracks mein un ki purani qayam gah mein pohcha diya. Jab Major Jalloud wapas aaey tou un ka hawai addy per Colonel Gaddafi ne istaqbal kiya aur gari mein betha kar Barracks mein pohcha diya. Es insan ki azmat ka andaza lagaiye ke es ne zaban tak na kholi.

Colonel Muammar Gaddafi ne jab Libya mein purane nizam ki jagha nay nizam ki bunyad rakhi tou unhone qoum se hargiz yeh wada nahi kiya tah ke woh in ko roti, kapra aur makan mohaiya kare gey kyou ke who khokle naron ke aadi nahi they unhone sirf etna kaha tha ke woh mulk mein Islami nizam qaem karein gey aur Islami nizam khud sabit kar de ga ke es mein kis qadar jan, jamiyat aur sadaqat hai. es mein woh tamam wasatein mojod hein jitni zindagi mein ho sakti. Chunancha unhone sharab aur jowe per pabandi laga di. Aurton ke bal tarashne ki jis qader dokanein thein in ke malikon se kaha ke woh apni dokanein band kar dein kyou ke Islam es amar ki ijazat nahi deta ke aik na-mehram mard ksi aurat ke balon ko hath lagae. Aurton se kaha ke woh maghrabi bod-o-bash ko tark kar dein aur shama-e-mehfil banne ki bajae chiragh khana banein. Apni gharelon zindagi ke andheron ko apne husn-e-kirdar ki roshni se roshan karein.

April 1973 mein Colonel Gaddafi ne qoum se khitab karte howe saqafati inqalab lane ki appeal ki aur mulk ke tamam qawanen ko mansokh karte howe alan kiya ke mulk mein islam qawanin nafiz kiye jaein gey. Tamam gher mulki nazaryat ko malya mat kar diya jae, hum burai se pak mashre ka tahaiya kiye howe hein. Chunancha Gaddafi ke hukam per cinema gharon aur saqafati marakaz per nou-jawano ne bare pemane per hamle kiye aur gher mulki kitabon aur films ko jala dala.

Es mard-e-momin ki shabana roz mehnat ka najia hai ke aj khush-hal aur fariqh-ul-bali aam nazer aati hai. rehne ke liye makan hokumat mohaiya karti hai, talem muft hai, kitabein hokumat faraham karti hein, tibi saholatein her shakhs ko moasar hein aur adwiyat sarkari khazane se mohaiya ki jati hein. Awam ki khush-hali ka andaza es bat se lagaya ja sakta hai ke Libya ke darul-hukomat Tripoli mein 1970 mein abadi 3 lakh 50 hazar nafos per mushtamil thi 50 hazar cars thien aur es tadad mein her mah 2000 cars ka izafa ho raha tha awam ki mah-war amdani pehly ki nisbat 10 gunah se bhi zyada thi.

Tail se hasil hone wali dolat na sirf Libya ko jaded taren banane per sarf ki jati rahi balke es dolat se dosre mulk bhi mustafed hote rahe aur 1967 se Libya, Misr (Egypt) ko 12 karor 50 lakh dolor salana batour imdad de raha tha 4 karor 50 lakh dolor sham diye jate they aur 2 karor 50 lakh dolor Palestine hurriyat pasando ko mil rahe they. Es sir chachma faizan se sir Arab mumalik ya Muslim he apni tashnagi nahi bujha rahe they balke Africa ke kai mumalik bhi serab ho rahe they. Colonel Gaddafi her zarorat mand ka daman talb-da-do-pesh se bhar dete.

Mali imdad hasil karne walon mein Mali, Shad, Uganda aur Nigeria bhi shamil hein. Es se Colonel Gaddafi ke insan dosti ka pata chalta hai. yeh aik haqiqat hai ke Muslim teh dili se Islam ki talimat per amal pera ho aur Khuda ka khouf es ke rag-o-reshy mein saraiyat kar jae tou es per koi dosra khouf ghalib nahi aa sakta. Saf goi aur suchai es ka shouar ban jati hai. yahi hal Colonel Gaddafi ka hai woh bari se bari taghoti qouwat aur taqatwar se taqatwar insane ke samne bhi haq-o-sadaqat ka daman hath se nahi chorte jo dil mein hota hai woh un ke zuban per aata hai.

Woh aur un ke sathi sirf 3 ghante sotein aur 21 ghante kam karte thein. Ek martaba aik Francese akhbar nawes ne in se sawal kiya tha ke ap aram kyou nahi karte bimar ho jain gey? Tou es mard-e-momin ne jawab diya mein jab bhi Islami tarekh per nazer dalta tha tou yeh dekh kar shashdur reh jata tha ke muthi bhar Muslims jin ke pas na sawari hot thi, zarra bakter tou kya tan dhanpne ke liye pora libas tak na hota tha hathon mein toti hoi kand talwarein ley kar jab Arab ke tapte howe sehraon mein uthte they tou kil katey se pori tarha les lashkaron ke dil un ki satot-o-habet se kanp jate they akhir kyou? Yeh Kyou humesha sawal ban kar mere dil-o-dimagh per chah jata tha maine sochna shoru kiya tou main es natije per pohcha, un ki azmat aur kamyabi ka raaz yeh tha ke in ki ratein choti aur din lambe hote they. Aj Muslims ki zillat-o-ruswai ki wajha yeh hai ke in ki ratein lambi aur din chote hote hein.

Colonel Gaddafi jante they ke tamam muashrati buraiyon ke khatme ke liye zarori hai ke awam ke dilon mien Islami nizam ki jamiyat, amliyat aur sadaqat per iman-o-eqan pukhta kiya jae aur inhein yeh bataya jae ke Islami nizam-e-hayat he ek aesa paedar aur jandar nizam hai jo pore duniya ke jaded nazaryat per ghalib aane ki salahiyat aur istadad rakhta hai. Unhone Islami talimat per khud amal karna shoru kiya aur awam ko talqen ki ke woh bhi Islami talimat per amal karein aur mardana war in nazeryat ka muqabla karein jo muashre ko dimak ki tarha ander he ander char rahe hein in ki koshesh summer hours hoi aur Libya mein aik naya muashra ubharna shoru ho gaya jo Islami hone ke baes jandar aur mazbot ha

Colonel Muammar Gaddafi ka Intaqal (Death of Gaddafi):

Inho ne 40 saal (years) se zyada Libya mein hokumat ki. Wo 1969 se 2011 tak Libya ke prime mister rahe aur in ki hokumat m he inhe in ke abaai shehar mein 20 October 2011 ko maar diya gaya.

 
© Copy Rights 2012 -1016     www.internetpk.com All Rights Reserved Contact Us