www.internetpk.com
 
 Poetry
 Beauty Tips
 Health
 
 

Fatima Jinnah

Fatima Jinnah Biography: Fatima Jinnah was born 30 July 1893 in Karachi. Her real name was Fatima Bai, She called is mother of nation . She was the youngest sister of Quaid-e-Azam Mohammad Ali Jinnah. Her parents name was Jinnah Poonja and Sakeena Mithi Bai. Fatima Jinnah died on 9 July 1967. There you will read Mohtarma Fatima Jinnah Biography and life history in Urdu and Hindi.
 
 

Biodata:

Name: Mohtarma Fatima Jinnah

Personality: Member of Muslim League

Born (Birthday): 30 July 1893

Birth Place: Karachi, British Raj (Now Pakistan)

Education: University of Calcutta

Siblings: Muhammad Ali Jinnah

Died: 9 July 1967 Karachi

Fields: Leader

Biography:

Mohtarma Fatima Jinnah 30 July 1893 ko Karachi mein peda hoin Quaid-e-Azam in se 2 saal bare they 1902 Bandra Canvent school mein dakhil hoen.Saint Patrick mein 1906 mein dakhil hoen aur matric yahan se 1910 mein kiya. Matric ke bad boarding house ke pas aa gain high court jate waqt Quaid-e-Azam inhein bhi apne sath betha lete raste mein inhein bari behan Begum Maryam abdin peer bhai ke ghar chor dete wapsi per Fatima kop her le lete aur dopehar ka khana mil kar khate es doran woh najji tor per senior Cambridge ki tayari bhi karti rahien aur mukammal tayari ke bad senior Cambridge ka imtehan diya. 1913 mein najji umed-war ki hesiyat se kamyab hoin inglistan se wapas aane per 19 April 1918 ko Quaid-e-Azam ne Mumbai ke aik ameer parsi gharane ke sir-barha Dansha ki aik-loti beti Ruttan Bai (Maryam Jinnah) se shadi ki to es waqt maryam Jinnah 18 saal ki thin jab ke Mohammad Ali Jinnah 42 saal ke aur Fatima Jinnah 40 saal ki thein.

Es doran Fatima Jinnah ko dandan saz ban-ne ka shoq howa to Quaid-e-Azam ne inhein 1919 mein Doctor Ahmed Dental College Calcutta mein dakhil karwa diya aur qayam hostel mein rakha aur woh 1923 mein dandan saz ban kar wapas Mumbai aa gain. Mrs Ratti Jinnah 20 February 1929 ko intaqal kar gaen jis per Fatima Jinnah ne apna matab band kiya aur bhai ke pas aa kar rehne lagein ab udas aur gham-zada bhai ka wahid sahara aap he thein aap ne apne bhai ki khatir umer bhar shadi nahi ki aur sari zindagi apne bhai ki khidmat mein guzari.

Tehreek-e-Pakistan Mein Fatima Jinnah ka Kirdar (The Role of Fatima Jinnah in Tehreek-e-Pakistan):

1935 ko Mohammad Ali Jinnah aur Fatima Jinnah englistan se Mumbai aaein to Jinnah sahib ko Muslim League ka sader muntakhib kar liya gaya. Es ke bad Quaid-e-Azam ke zemadariyan barh gaein aur aap Tehreek e Pakistan ke liye goya waqf ho gae. Aese waqt aur halat mein her jagha Mohtarma Fatima Jinnah apne bhai ke sath nazar aatien. Tehreek-e-Pakistan aur aurton ki talem ke liye unho-ne giran qadar khidmat anjam dien aur in maqasid ke hosul, jalus aur in se khetab karne ke liye aap ne Delhi ki tareek galyon mein bhi kaam kiya aur aurton ko tehreek-e-Pakistan aur taleem aur ezat-e-nafs aur khud-dari ki taleem di.

Fatima Jinnah as a Member of Muslim League:

Mohtarma Fatima Jinnah ko 1938 mein Mumbai professional Muslim League ka rukun banaya gaya. Mohtarma Jinnah Muslim khawateen mein aazadi ka shaour bedar kiya wahien inhein taleem ki taraf bhi tawajah delai aue es ke liye aap ne Muslim women federation bhi qaem kit a-ke Muslim talbat tehreek-e-azadi mein badh chadh kar hissa lein. Es ke liye Fatima Jinnah ne pore mulk mein Muslim talbat ki anjumanein qaem ki. 1945 mein Muslim women students federation Delhi ke jalse se khetab karte howe kaha ke “ab es baat ki zarorat hai aur es ki koshesh ki jae ke Muslim mohallon mein bachon aur khawateen ke liye school kholein jaein jahan inhein taleem di jae aur aese kaam sikhaein jaein jin se woh aaenda zindagi mein apna pait pal sakein”. 30 June 1949 ko sader binat-ul-Islam Karachi ki iftetahi taqreeb se khetab karte howe bhi larkiyon ki taleem per khususi zor diya. Fatima Jinnah ne talbat ke liye kai school kholein jo bad mein college bane in ki kawishon se khatoon-e-Pakistan school khola gaya unh one ese Quaid-e-Azam fund se 1 lakh rupe ki mali imdad di. 1962 mein yahi school Khatoon-e-Pakistan College ban gaya.

Mohtarma Fatima Jinnah ka Intaqal (Death of Fatima Jinnah):

Etwar (Sunday) 9 July 1967 ko Fatima Jinnah ka Karachi mein intaqal ho gaya. Magar aap ka naam Pakistani qoum kabhi faramosh nahi kar sakti.

© Copy Rights 2012 -1014     www.internetpk.com All Rights Reserved Contact Us