www.internetpk.com
 
 
 
 
 Urdu Quotes
 TV Channels
 Jokes
 Lyrics
 Computer
 Mobile Phones
 Coaching Centre
 Postal Codes
 Poetry
 Beauty Tips
 Articles
 Blood Bank
 News
 Schools
 Sports
 Cricket
 National Songs Of Pakistan
 Urdu Nazmain
 Urdu Kids Stories
 Health
 
 
 

Asthma in Children

Importance of Iodine

Dandruff Solution

Bhatia Hospital

Holy Family Hospital

PIMS Hospital

Domino English Learning Centre

IBAGRADS

 

Partap Singh Kairon

Partap Singh Kairon was born on 1 October 1901 in Kairon, India. He belongs to Sikh family. His father’s name was Nihal Singh Kairon. In 1956, He became the Chief Minister of Punjab, The economic condition of Punjab at that time was very bad. In 1947, Due to the partition of Punjab, the economy of Punjab was destroyed. But during his eight-year rule, the economy of East Punjab grew rapidly. Their method of government created political opposition on all sides. In 64, he retired from the ministry. On 6 February 1965 in Rohtak, they were killed. In this page you will find and read biography of Partap Singh Kairon in Urdu and Hindi.

 
Partap Singh Kairon

Biodata:

Name:Partap Singh Kairon

Personality: Politician

Born (Birthday): 1 October 1901

Birth Place: Kairon, India

Fields: Politics

Death: 6 February 1965 in Rohtak

Children: 2 Sons and 1 Daughter

Parents: Nihal Singh Kairon

Biography:

Partap Singh Kairon 1 October 1901 ko darya-e-bayas aur darya e Ravi ke darmiyan majha ke elaqey mein peda howe. In ka taluq sikh farqa se tha. In ke aabao-ajdad jo peshey ke lehaz se kisan they, pehley Muslim hokumrano aur pher angrez hokumrano se bar sar pekar rahe. In ke walid Nihal Singh Kairon “Singh Sabha Tehreek” ke pero they jo aurton ko azadi aru talem dene ki hami thi. in ki walida apne gaown ki aik ba-asar khaton thin. Woh es waqt aik gaown aur bhatey ki malik thin jab aurtein aam tor per parde mein rehti thin. Katra kali hone ke ba-wajod sardar Kairon ka master Tara Singh ke sath es baat per shade ikhtalaf peda ho gaya ke woh dosri jang-e-azeem ke doran bartanvi Fouj mein Hindi sipahiyon ki bharti ke khelaf thein. Es ke baad sardar Kairon Gandhi gi ki hum-nawa ban kar Indian national congress mein shamil ho gaey aur martey dam tak congress he mein shamil rahe. Apne qatal se sirf 12 ghante pehley he woh Mister Shasteri ko congress se mohabbat aur wafa-dari ka yaqeen dela chuke they.
Partap Singh Kairon apni ibtedai zindagi he mein nider aur be-dharak waqa howe they. Zila Amritsar ke gaown sarha se nikal kar woh America chaley gaey es waqt in ki umer taqreban 25 saal thi. unhone Michigan University mein dakhla le liya. Esi doran in ki mulaqat Hindustan ke inqalabiyon ki aik jamat “Ghader Party” ke ara-keen se hoi. Es waqt se siyasat in ki zindagi ka lazmi hisa ban gai.
1956 mein jab woh Punjab ke wazer-e-ala bane es waqt Punjab ki muashi halat badi na-gufta-ba thi. 1947 mein Punjab ki taqsem ke natejey mein Punjab ki iqtesadiyat tabah ho chuki thi. lekin in ke 8 sala aaeni dor iqtedar mein mashriqi Punjab ki maeshat ne tez raftari se taraqi ki. In ke tarz-e-hokumat ki wajha se her taraf siyasi mukhalfat peda ho gai. In ke khelaf bad-anwani ke elzamat aed kiye gaey. Akhbarat ne bhi khulam khulla aesi khabrein shaya ki. Jab awami aehtajaj ne zyada shedat ikhtayar kar li tou markazi houkumat ne in per lagae jane wale elzamat ki chan ben ke liye aik commission “Daas Commission” qaem kiya. Daas Commission ne tamam waqeat ki tehqiqat karne ke baad in per kadi nuqta chini ki jis ke natije mein inhein June 1964 mein wazarat-e-ala se subakdosh kar diya gaya. Es tarha woh shastari hokumat ke pehley shikar howe.
Opposition ka kehna tha ke in ke betey ne bap ke uhde se na-jaez faeda uthaya jis ne sirdar Partap Singh Kairon ko bad-naam kar diya. Unhone khud bhi es baat ka aetraf kiya tha ke in ke betey ne bad-anwaniya ki thin.
Wazer-e-ala se subakdosh hone ke baad se woh bilkul tanhai ki zindagi basar kar rahe they aur amli siyasat se alehda ho chuke they. Albatta waqtan fa waqtan siyasi mamlat per mazamen likhtey rehtey they jo Bharti akhbarat wa jaraed mein shaya hote rehte they.
Sirdar Partap Singh Kairon ki pori zindagi saiyasi ekhtalafat aur tanazat ka mazhar rahi aur agar-cha in per guzishta chand barson mein bad-anwani aur na-jaez tor per rupey kamane ke kai elzamat lagey lekin in ke sakht tareen mukhalfon ko bhi es baat ka aetraf tha ke Punjab ki taraqi mein unhone bade karname anjam diye they. Aur ye taasur bhi aam tha ke bad-anwaniyon ke jitne bhi elzamat in per lagtey rahe woh dar-asal in ke betey ki bad-aemaliyon ka natija they.
Apne guzishta siyasi zawal ke baad woh kuch arsa tak siyasi gumnami mein rahe, pher unhone siyasi mazameen likhna shoru kar diye jin mein unhone Bharti leaders per sakht nukta-chini ki. In ikhtalafi mazameen ki wajha se in ka naam padi tezi ke sath akhbarat mein chapne laga tha. Ye mazameen unhone ek Punjabi hafta-roza ke liye likhe they. Woh 6 February 1965 ko apne mazameen ke silsile mein apne khayalat ki wazahat ke liye Lal Bahadur Shastri ke pas aaey they ke Delhi se 17 mail dor Chandigarh ke raastey mein inhein qatal kar diya gaya. Ye 1947 mein Gandhi ke baad dosra aehum siyasi qatal tha. Es waqt in ki umer 63 saal thi.
Gauwn rasoi jahan qatl ki ye wardat hoi wahan ke bashindon ka kehna tha ke qatil jo raefalon aur revolver se maslah they subha he se gauwn pohach gay they. Unhone Chandigarh jane wali sarak per aesi jagha talash ki jahan guzar-gah tang thi. jab in ki cream color ki fat car nazar aai tou qatil car ko rok kar daein baein khrkiyon per aa gaey aur unhone fori tor per goliyan chala din.
Partap Singh Kairon aur in ke secretary fori tor pe halak ho gay. Hokumat-e-Punjab ki joint director jinhone bad-qismati se car mein lift le thi goli lagne ke baad car se baher nikley lekin baher in ko dosri goli mar di gai. Jab police Rasoi pohchi tou Partap Singh Kairon ki lash surkh pagdi aur bhorey coat mein car ki pichli set per pari thi. qatilon ne sardar Partap Singh Kairon ko tou safah hasti se mita diya tha lekin Kairon ka naam jo apne carnamo ki ba-dolat mashriqi Punjab ki siyasi tarekh mein humesha zinda rahe ga, woh kese mita sakte hein.
Taweel qad-o-qamat ke sath duble patle jism ke malik baresh siyasi rahnuma taqreban 16 saal tak mashriqi Punjab ki siyasat per chaey rahe. Unhone 8 saal tak wazer-e-aala aur 8 saal tak baaz dosri hasiyaton se siyasat mein hisa liya. Woh sakht muntazim sabit howe. Yah wajha thi ke in ke bohat se mukhalif peda ho gay aur bala-akhir woh apne mukhalfeen ki goli ka nishana ban gay.

 
 
© Copy Rights 2012 -2020     www.internetpk.com All Rights Reserved Contact Us