www.internetpk.com
 
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Ragini Khanna

Biography of Ragini Khanna
Ragini Khanna was born on 9 December 1988 in Mumbai; his father name is "Praveen Khanna" mother name is "Kamini Khanna" and borther name is "Amit Khanna". Ragini is an Indian film and TV actor, she is the niece of Indian actor Govinda, she is a talented actor and there is a good singer and dancer. She has played in the television serial Sasural Genda Phool on Star Plus. Ragini started her showbiz carrier in 2008.
 
 
 
Ragini Khanna

Kuch chehrey aise hote hain jin’hen bar bar dekhne ke bawajood niyat nahi bharti aur dill chahta hai ke wo hamesha hamari nazron ke samne rahe! Ragini Khanna bhi aesa he aik chehra hai jis ne roz awal se nazreen ko apna garvida bana rakha hai, us mai wo tamam khobiyan mojod hen jo aik kamyab adakara mai honi cha’hiye yani wo Beautyfull, smart, zaheen, samajhdar, dill’kash chehrey wali aur adakara salahiyato se bhar’por hai! Es ke sath he us ne gane aur raqs ki bhi tar’beyat ley rakhi hai! Television per es ne sirf 3 fiction shows kiye hain lekin dekhne walon per apna bhar’por ta’sur qaem karne mai kamyab rahi hai! Khas tor per “Sasural Genda Phool” mai ‘Sohana’ ke corrector mai es ki adakari ki jitni bhi tareef ki jae wo kam hai, in dino wo popular dance reality show ‘Jhalak Dikhlaja 5’ main Manish Pal ke sath hosting ke faraez anjam de rahi hai aur bohat se logon ka kehna hai dance performance se zyada Ragini ko dekhne mai dil’chaspi rakhte hain!

Ibtadai Zindagi (Early Life):

Ragini Khanna 9 December 1988 ko Mumbai mai peda hoi! Baap ka naam ‘Paraveen Khanna’ maa ka ‘Mani Khanna’ jab ke bara bhai umeet khanna ha! Ragini ne metric tak ‘R.N.Shah High School’ mai taleem hasil ki aur pher Mumbai University se commerce mai master ki degree li, wo mash’hor filmi adakar Govinda ki bhanji’ TV actor Crishna’ aur actress Sonya seth ki cousin hai, wo adakara hone ke elawa tarbeyat yafta singer aur dancer bhi hai.

Carrier:

Ragini Khanna ne apna showbiz carrier aik print add ki modeling se kiya, television per us ka pehla show ‘radha ki betiyaan kuchh kar dikhayengi’ tha jo N.D TV amchan se dekhaya gaya! Es show mai us ne radha sharma, ki dosrey number ki beti Ragini Sharma ka role play kiya tha, es ke baad Ragini, ko aik aur television show ‘Bhaskar Bharti’ mai cast kiya gaya jo Sony TV se dekhaya ja raha tha, ye show Ragini, ke carrier mai aik aeham mor sabit howa, in dono serials ko khasi maqbolyat hasil hoi aur in ki wajha se Ragini Khanna bhi lime light mai aa gai! March 2010 mai use Ravi Ojha, ki prodection “Sasural Genda Phool” mai cast kiya gaya jo Star Plus se on-air hoi! Pehley he mahine mai es show ne maqbolyat ki bulandiyon ko cho liya, es ke sath he Ragini Khanna ka character Sohana, bhi nazreen mai bohat popular howa, us ne sohana, ke rop mai aik aesi larki ka kirdar ada kiya tha jis ki Maa bachpan mai he marr jati hai aur bap us ki parwareish karta hai, wo bohat bara businessman hai aur apni beti ki tamam khahishat pori karta rehta hai jis ki wajha se wo shahana tarz zindagi ki aadi ho jati hai aur nahi janti ke ghareeb ya mata’wasat tabqe ke log kis tarha zindagi guzarte hain pher us ki shadi Eshan (Jay Soni) nami larke se ho jati hai jis ka taluq middle class society se hai! Yahein se kahani aik naya mor leti hai aur us mai glamour ke sath sath kai pechidgiyan bhi samne aane lagti hen, es character ko Ragini Khanna ne bari khobi se nibhaya aur us ka shumar television ki behtareen adakaraon mai hone laga, ye show aik achi TRP ke sath apne schedule ke mutabiq ekhtatam ko pohcha lekin es ke bawajod log aaj bhi Suhana ko yaad karte hain!

Entry in Bollywood:

Ragini Khanna ne 2008 mai apna showbiz carrier start kiya tha jesa ke pehly bataya ja chuka hai ke wo mash’hor film star Govinda ki bhanji hai aur es taluq se us ke liye Bollywood ki ksi film se apna carrier shuro karna kuch mushkil na tha lekin us ne govinda ka sahara lene ki bajaey apne zor bazo per bharosa kiya aur choty perdey se carrier shuro kar diya! Dill’chusp baat ye hai ke na to es ne Govinda se madad mangi aur na he Govinda ne es ki ungli pakar kar Bollywood mai ley jane ke barey mai socha al’bat’t jab Ragini ne apne pehle show “Radhaa Ki Betiyaan Kuch Kar Dikhayengi” mai umda performance dekhai to khandan ke degar doston ki tarha Govinda neb hi e ski bhar’pr hosla afzai ki aur usey acting ke barey mai khas tips diye! Sirf 2 saal ke arsey mai Ragini Khanna television ke zarye be’misal shoh’rat hasil kar chuki thi aur film industry ke logo ne use apni filmon mai cast karne ke barey mai sochna shuro kar diya! 2011 mai us ki pehli film “Teen Thay Bhai” release hoi jis ke director Margh Deep aur producer Rakeysh Omprakash Mehra they go ke es film mai female lead hone ke ba’wajod us ka role mukhtasar tha ta’hum logo ne us ki acting ko saraha, un dino wo aik aur film “Zindagi Live” mai female lead role play kar rahi hai, us ka kehna hai ke wo film ki bari adakara ban’na chahti hai lekin television se apna taluq khatam nahi karey gi qeu’ke usey esi medium ne shoh’rat aur maqbolyat di!

Other Activities:

Ragini Khanna ne apne aap ko sirf television aur film acting tak mehdod nahi rakha bal’ke wo television ke degar programs mai bhi waqt’tan fa’waq’tan hissa leti rehti hai Amchan TV ke show “Big Money” mai teen television adakaraon ki team ki qayadat ki aur aik lakh rupey ka inaam jeta! 14 August 2010 ko us ne TV show ‘Meethi Churi’ mai hissa liya es ke elawa Salman Khan ke show ‘Das Ka Dam’ mai bhi bator participant sharek hoi, usey Amitabh Bachan ke show ‘Kaun Banega Crorepati’ mai shirkat ka bhi aizaaz hasil hai jahan us ne sarhey bara lakh rupey jeet kar charity mai de diye! Esi show mai us ne Amitabh Bachan ki aik purani film ka gana ga kar hazrin wa nazrin ko mast kar diya pher usey apne dance skills ka muzahera karne ki sojhi aur wo ‘Jhalak Dikhlaja 4’ mai hissa leney pohanch gain, go ke us ki rasai final tak na ho saki lekin us ne apni umda performance se sabit kar diya ke wo bari se bari dancer ka muqabla kar sakti hai! Dance ke bad us ne singing reality show ‘Star Ya Rock Star’ mai hissa liya aur wahan bhi apni dhag betha di! Es ke elawa wo kai award function aur nonfunction show mai hissa leti rehti hai us ne kuch ishtaharat mai bhi kaam kiya hai, in dino wo ‘Jhalak Dikhlaja 5’ mai sathi anchor Manish Paul, ke sath es show ki anchoring kar rahi hai aur nazreen us ke dill’chusp andaz se khoob meh’zoz ho rahe hain!

Ragini as Anchor: (Ragini ba’hesiyat Anchor)
Ragini Khanna beautiful aur smart hone ke sath sath bolney mai bhi apna jawab nahi rakhti, use hindi aur English per mukammal abur hasil hai, yahi wajha hai ke usey beshtar shows mai ba’hesiyat mad’o kiya ja raha hai, us ne sirf Star Plus ke he nahi bal’ke dosrey channels ke show ke liye bhi anchoring ki hai jin mai ‘Star Parivaar Award’, ‘Star Parivaar Tehwar’, ‘Diwali Rishton Ki Mithas’, ‘Big Star Young Entertainment Awards 2012’ ke elawa kai dosri taqareeb bhi shamil hain!
 
© Copy Rights 2012 -1015     www.internetpk.com All Rights Reserved Contact Us