www.internetpk.com
 
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Zulfikar Ali Bhutto

Home Biography
Zulfikar Ali Bhutto was born on January 5, 1928 and he have four children’s Benazir Bhutto, Murtaza Bhutto, Sanam Bhutto, Shahnawaz Bhutto and his wife name is Nusrat Isphahani. Zulfikar Ali Bhutto was the only son of Sir Shah Nawaz Bhutto. Shaheed Zulfiqar Ali Bhutto finished his early education from Bombay’s Cathedral high School in 1947; he joined the University of Southern California, and later the University of California at Berkeley in June 1949. You will read Biography of Zulfikar Ali Bhutto in Urdu, Hindi and English.
 
 
 
Zulfikar Ali Bhutto

Biodata:

Born (Birthday): 5 January 1928

Birth Place: Larkana

Died: 4 April 1979 at Rawalpindi

Wife: Nusrat Ispahani

Children: Benazir Bhutto, Murtaza Bhutto, Sanam Bhutto, Shahnawaz Bhutto

Parents Name: Shah Nawaz Bhutto, Khursheed Begum Bhutto

Books: The Myth of Independence

Education: Oxford, Christ Church, University of Oxford, University of Southern California, Cathedral and John Cannon School, Berkeley

Biography:

Zulfikar Ali Bhutto 5 January 1928 ko Larkana mein peda howe. Sindh ke aik bade aur ba-asar khanda mein peda hone wale Bhutto bachpan se he awam ke hoquq ke khatir ladne ka jazba rakhte they. School ke dor mein 26 April 1995 ko Quaid-e-Azam Mohammad Ali Jinnah ke naam likhe gae apne khat mein unhone Quaid-e-Azam ki rah-numai mein aik nae mulk ke khawab ko paya-e-takmel tak pohchane ke liye apni khidmat pesh ki thien. Es khat mein Bhutto ne likha “main school mein padh raha hon, es waqt to apne mulk ke liye kuch khas nahi kar sakta lekin jab waqt aae ga to apni jan tak qurban kar don ga”. Quaid-e-Azam ne Bhutto ko jawabi khat likha, jis mein in ke shouq-e-siyasat ko saraha aur inhein taleem mukammal karne ke baad ramoz-e-siyasat ke bare mein mazeed padhne ka mashwara diya. Pher Zulfikar Ali Bhutto ne Quaid-e-Azam ki janib se “Direct Action Day” ki call per apne college mein hadtal karai, in ke es karname ko Quaid-e-Azam ne bhi bohat saraha tha.

Higher Cambridge mukammal karne ke baad Zulfikar Ali Bhutto ne 1947 mein America ki University of Southern California mein siyasat padhne ke liye dakhla le liya.

1949 mein unhone apna tabadla University of Southern California Barkley mein kara liya aur wahan se 1950 mein degree hasil ki, es ke baad unhone bartaniya ke university of Oxford se L.L.B, L.L.M aur Political Science mein Masters ki degree lien, pher London ke “Lincoln’s inn” se 1953 mein Baar ke liye muntakhib howe. Tehsel-e-elam se faraghat ke baad Bhutto ne medan-e-siyasat mein qadam rakha. 1958 mein Bhutto ko bijli aur pani ka wazeer muqarrar kar diya gaya. Ab Zulfikar Ali Bhutto ka siyasi sitara uroj ki taraf gamzan tha. 1960 mein inhein tijarat, sanat aur mawasilat ka wazeer bana diya gaya. 1963 mein Bhutto ko Pakistan aur Chin ki paedar dosti ki bunyad rakhi, unhone bator wazeer kharja sweet union se bhi marasim astawar kiye. September 1965 ki jang ke baad Ayoub Khan ki janib se Tashqand mein kiye jane wale muhaede ke khelaf Zulfikar Ali Bhutto ne kabina se estafa de diya. Esi estafe ne Pakistan ki siyasat mein es tabdili ka aaghaz kiya, jis ke natije mein Pakistan Peoples Party ne janam liya.

General Ayoub ki kabina chorne ke baad Bhutto ne mulk bhar ke dore shoru kar diye, jin ke doran unhone mehsos kiya ke awam halat se tang aa chuki hai aur tabdili chahti hai. Bhutto jahan bhi jate …. Sadkon, galyon, chaton per, gharz her jaga aur her taraf logo ka hujom hota, jo Bhutto kodekhne aur sunne ke liye betab hote they. Zulfiqar Ali Bhutto shola baya muqarar thein, khuda ne inhein ghazab ki khatibana salahiyaton se nawaza tha. In jalse jalosu aur taqarer ke doran he 1967 mein Bhutto ne Pakistan Peoples Party ki bunyad rakhi. Es jamat ne bohat kam arse mein jo awami maqboliyat hasil ki, es ka sehra Bhutto ke sir tha, ye inhi ki karishmati shaksiyat ka sehar tha ke Lahore ke Nasir bagh mein log barish mein bhegte rahein aur Bhutto ka khetab sunte rahein es moqe per ksi ne Zulfikar Ali Bhutto ke sir per chatri tanne ki koshesh ki to unho ne chatri ko pare phekte howe kaha “Jab awam bheg rahein hon to main kese chatri ke niche reh sakta hon” es tarha ki batein awam ke liye bohat mutasir kun howa karti hein Bhutto ki taqrerein awami masael ke bare mein hoti thien in ke rop mein Pakistan ke bebas wa nadar awam ko goya aik tarjuman mil gaya tha. Bhutto ne Pakistan ke awam ko es baat ka yaqeen delaya ke mulki mamlat mein in ke vote ki aehamiyat sab se zyada hai aur pher 1970 ke intakhabat mein maghrabi Pakistan ke logo ne Bhutto aur in ke falsafe ko bhari aksaryat se muntakhib kar liya.

Saneha 1971 ke bad Zulfikar Ali Bhutto Pakistan ke pehle civilian marshmallow administrator, sader mumlikat aur 1973 se 1977 tak wazer-e-azam rahein. Es arse mein Zulfikar Ali Bhutto Pakistan ke 90,000 jangi qediyon aur 10,000 muraba mile ka maqboza raqba bharat se chudane mein kamyab rahein. Bhutto ne es doran mulk mein zarai eslahat kiye, jis ke natije mein bade bade jagirdaron se zameen le kar ghareeb kashtkaron mein taqseem kar di gain. Bhutto ne mulk mein labor qawanen mutaruf karaein, jis ke bad mulazmeen ko union sazi ke huqoq mil gaein. Bhutto hokumat ne badi badi sanaton aur adaron ko qomi tehwel mein le liya es ke elawa bohat se shobon mein aesi bunyadi tabdiliyan ki gain ke jin ki badolat mulk mein eslahat ka aik silsila chal pada. Pakistan ke liye Zulfikar Ali Bhutto ki zaraei khidmat mein 1973 ka aein dena …… aik aesa karnama hai jis ki badolat inhein humesha yad rakha jae ga. Pakistan ke johri program ke khaliq ke tor per bhi Bhutto ke khidmat ko kabhi bhulaya na ja sake ga. Unhone Bharti Atomy tajurbe ke baad kaha tha “hum ghas khaein ge lekin Atom Boom zaror banaein ge”.

Zulfikar Ali Bhutto ne siyasat mein tabdeli ka jo falsafa mutaruf karaya, woh Pakistan mein daein bazo ki siyasi jamaton ke liye na-qabel-e-qabol tha, jo samajhti thin ke Peoples Party ki maqboliyat in ke siyasi azaem ki rah mein rukawat hai lehaza jab 1977 ke intakhabat mein in jamaton ko shikast hoi to unhone pehle to 1970 ki qematon ko wapus lane aur nizam-e-Mustufa Salallaho wa aalehe wasalam ka nara buland kar ke civil na-farmani ka aaghaz kar diya aur youn mulk mein aesi sorat-e-hal peda ho gai jise bunyad bana kar General Zia-ul-Haque ne Bhutto ka takhta ulat diya.

Zulfikar Ali Bhutto per aik siyasi hareef ke walid ke qatal ka muqadma bana kar inhein jail mein dal diya gaya, es doran inhein aik bar zamanat per reha kiya gaya tou lakhon log in ke istaqbal ke liye her jaga mojod thein es per foji tala azma ko aehsas howa ke halat qabo se baher ho sakte hein chunancha General Zia ne zyada arsa Bhutto ko baher nahi rehne diya pher Lahore High court se sazae mout aur supreme court se mubaiyana aksaryati faisle ki bunyad per es ki touseq ke bad 4 April 1979 ko Zulfikar Ali Bhutto ko Phansi de di gai.

Zulfikar Ali Bhutto se chutkara pane ke bad shaed daein bazo ki jamaton ka khayal tha ke ab in ki party se bhi jan chot jae gi lekin haqeqat es ke bar-aks nikli Bhutto mar kar amar ho gaya aur awam ke dilon per raj karne mein “Dhahed Bhutto”…. Zinda Bhutto per bazi le gaya Zulfikar Ali Bhutto ki kawishon ke natije mein ameer islami mummalik tail ki aamdani se ghareeb Muslim mulkon mein sarmaya kari ke liye tayar ho gae thein Muslim mummalik ke darmiyan tarjeh tejarat aur degar taraqiyati umor per kaam kiya ja raha tha lekin aalmi sarmaya-darana nizam ke liye ksi bhi sorat mein ye qabele qabool na tha ke arbon ka America aur Europe ke bajae kahin aur chala jae youn Bhutto aik benalaquami sazish ka bhi shikar howe. Kaha ja sakta hai ke in ki mout baaz andaroni aur beruni anasir ke gat-jod ka natija thi.

Behar hal Bhutto ko mar kar ese qisae parina banana ki koshesh karne walon ke bare mein dunya shaed kabhi etna na likhe ya kahe gi jitna Zulfikar Ali Bhutto ke bare mein kaha aur likha jata hai. Pakistan ki siyasat Bhutto ke sehar se ta-hal baher nahi nikal saki, aaj bhi cast hone wala her vote Bhutto ka hota hai ya pher Anti Bhutto ka establishment aur daein bazu ki jamatein ab bhi peoples Party ko etna he na-pasand karti hein jitna ke Bhutto dor mein karti thein lekin Pakistan ke awam aaj bhi Bhutto ke ksi na ksi ehsan ke badle mein apna vote People Party ki jholi mein dal dete hein. Ye baat teh hai ke Pakistan mein Zulfikar Ali Bhutto ka name aaj bhe dilon ko garma deta hai chahe woh garmi mohabbat ki ho ya nafrat ki.
 
© Copy Rights 2012 -1015     www.internetpk.com All Rights Reserved Contact Us