www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Benefits of Vitamin C

Vitamin C is the most important vitamin in the human body. Vitamin C help and control to allergy, skin problem, boons diseases, yes and teeth problem and its control to quantity of blood in human body. Vitamin C complex is helpful to all types’ injury to healing. In this page we are going to discus about Benefits of Vitamin C in Urdu and Hindi.
 
 
 
 
 
Tibi nuqta-e-nazar se ghiza mein Vitamin C ki mojodgi aankhon, danton, aur mashodon ke amraz se mehfoz rakhti hai. khon ki kumi aur jism ki laghari ko rafah karti hai jildi bimariyan, fasad-e-khon waghera se mehfoz rakhti hai. Hadiyon ki mazboti, nasho-numa ki moawin aur binai ki mohafiz hai. Ghiza mein “Vitamin C” ki kumi ya gher mojodgi bohat se amraz ka pesh khema sabit hoti hai maslan, hadiyon ke mumla amraz Vitamin C ki kumi se peda hoti hein. Amoman danton ki kharabi aur bimariyon ka bhi yahi baes hai. In amraz se mehfoz rehne ke liye Vitamin C ke hosul ki tadabir ikhtayar karni chahiye aur aesi ghizaein estamal karni chahiye jin se khatir khoa vitamin C jism insani mein mohaiya ho sake.

Wazah rahe ke Maa banne wali aurton (pregnant women) aur shirkhoar bachon wali khawaten ki ghiza mein Vitamin C ke ajza mamol se zyada darkar hote hein. Chonke yahi chez sahi mano mein bache ki parwarish karti hai. Vitamin C ki kumi Maa aur bache dono ki sehat per buri tarha asar andaz hoti hai. Vitamin C khosusiyat se nabatat se makhos hai. Sabziyan, tarkariyan aur phal Vitamin C ka mukhzin hein. Magar yeh bat humesha yad rakhni chahiye ke basi, gale sadey aur khushk phalon, tarkariyon aur sabziyon ke Vitamin bilkul zaya ho jate hein.

Vitamin C ke ajza khosusiyat se be-had latif aur nazuk hote hein. Jo bohat se zyada dhone, ragarne, pakane, bhonne aur aksar khula rakhne se bhi zaya ho jate hein aur sirf phok baqi reh jata hai jis se mehaz shakam puri ke siwa koi faeda hasil nahi hota. Kyou ke es se juzo badan banne wale ghizai ajza bilkul mafqod ho jate hein. Es liye jahan tak mumkin ho kuchi ashya khani chahiye. Sabziyan maslan salad, gajar, moli, shalgham, tamater, piyaz, khera, kakdi waghera, es qisam ki ashya ko paka ke khane se koi muffed natija akhaz nahi kiya ja sakta inhein kacha he khana munasib hai.

Foods for Vitamin C:

In chezon mein “Vitamin C” ke ajza ma-kasrat pae jate hein. Har qisam ke saag (pate wali sabziyan) khosusan palak, kahu, piyaz, karam kalla, gobhi, shalgham, lobiya, choqandar, gajar, moli, amla, tamater aur tamam taza aur mosami phalon maslan sangtara, narangi, saib (apple), angor (grapes), lemon, papita, aam (mango), annanas (pineapple) mein Vitamin C bohat zyada pai jati hai, tamater waghera ka rus nanhe bachon ko din mein 2 se 3 martaba dena chahiye, taza phalon ka arq pila dena Vitamin C ki kumi ki talafi ke liye bohat he muffed hai. Dodh (milk) aur gosht mein Vitamin C bohat he kum pai jati hai.

Warning : This information is just for information and knowledge of medical care. Please contact your doctor for treatment.
 
© Copy Rights 2012 -1015     www.internetpk.com All Rights Reserved Contact Us