www.internetpk.com
 
   Hair Dye Tips   Meningitis Fever   Ronaldo   Civil Hospital   Neetu Singh   Marie Curie   Thomas Edison   Rose   Ruth Phau   Royal Rumble
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health



Weight Loss Tips in Urdu

Cold and Flu

Bob Dylan

Benazir Bhutto Hospital

Salman Khan

Francis Crick

The Little Fish

Benefits of Vitamin D

Benefits of Vitamin D Urdu: Vitamin D is a very important vitamin to our body. It’s called the “sunshine vitamin”, because the human bodies gain that vitamin D direct from the sunlight. Vitamin D is different from other vital vitamins because human bodies can manufacture it with sunlight. It is important from the newborn baby, over age man, women and all over people.

Vitamin woh namyati madey hein jo hayatiyati jismani aff-aal aur nashonuma mein aehum kirdar ada karte hein. Yeh vitamins sakht aur aff-aal ke lehaz se kai qisam ke hote hein. Barson pehly log vitamin D ke naam aur es ki afadiyat se shayad na-waqif hon lekin vitamin D ki talef ke sab se bare qudrati zariya suraj (sunlight) ki roshni ke muffed asrat se zaror waqif thein. Log apne chotey bachon ko khas doraniye ke liye halki dhop mein leta dete thein. Yahi nahi balke bare aur buzrog afrad ki aik bari tadad subha ke auqat mein suraj ki roshni se ab bhi faeda hasil karte nazar aate hein. Bohat se mumalik mein sun bath ki estalah bhi bohat maqbol hai. gaon aur des ke nisbat shehri elaqon mein ab es amal mein kami waqae hoti ja rahi hai. jaded aur taraqiyafta dour mein tez raftar masrof zindagi ke sath makanat ki tameer mein bhi es baat ka khas khayal nahi rakha jata ke es ke ksi aik hissy mein suraj ki roshni ka guzar ho sake, jis se gharelo khawateen, chote bacche aur buzrug ba-asani suraj ki roshni se faeda hasil kar ke vitamin D ki zaroriyat qudrati tour per pori kar sakein. Jis ki wajha se bachon samet her umer ke afrad mein sehat se mutaleq jo masael samne aa rahe hein, in mein ek vitamin D ki kami bhi hai. vitamin D her umer ke logo ke liye zarori hai, lekin bacchon ki ibtedai nasho-numa mein es ki aehamiyat ko nazar andaz nahi kiya ja sakta. Qudrati tour per vitamin D suraj ki roshni (sun light) se hasil hota hai, jo es ka sab se moaser zariya hai, masnoi tour per es ko baaz ghezaon juice, milk ya adviya (medicine) mein supplement ke tour per shamil kar ke faraham kiya jata hai.

Vitamin D qudrati tour per bohat kam ghezaon mein paya jata hai, mukhtalif machliyon (fish) maslan Salmon fish khas qisam ki khas qisam ki naqal makani karne wali machliyon Tuna Fish surd aur sab se zyada maqdar cod machli ke jigar ke tail mein pai jati hai. es ke elawa thori maqdar gay (cow) ke jigar, ande ki zardi aur panir mein bhi mojod hoti hai. Vitamin D ek charbi mein hal-pazer vitamin hai. yeh vitamin jism mein qudrati tour per peda hota hai suraj ki roshni jab humari jild per parti hai tou in mein mojod balay banafshi shoaein jild mein vitamin D ki tayari ko tehrek deti hai aur jild mein mojod 7D hydro cholesterol ko pri vitamin D3 mein tabdel kar deti hai. jo bad mein vitamin D3 ban jata hai, suraj ki roshni se banne wala vitamin D hayatiyati tour per be-amal hota hai, ta-hum ese faal hone ke liye jism mein hydroxylation ke 2 marahal se guzarna hota hai sab se pehle jigar mein vitamin D25 hydroxyl vitamin D mein tabdel hota hai, jise calci die awal aur dosri taraf gurdon (kidney) mein hayatiyati tour per faal 25 die hydroxyl vitamin D mein badal jata hai, jise calci travel bhi kaha jata hai. Vitamin D ki kami us waqt hoti hai jab suraj ki roshni se samna kam hota hai, khorak mein us ki sifarish karda maqdar mein kami aur gurde (kidney) aur jigar vitamin D ko faal halat mein tabdel na karein ya woh afrad jo storied therapy per hon. Borhe afrad ki jild mein qudrati tour per vitamin D ki talefi salahiyat kam hoti hai aur aesy mard aur khawateen jo umer rasida hone ke sath sath zyada waqt gharon mein guzarte hein, woh bhi vitamin D ki kami ka shikar ho sakte hein. Kyou ke qudrati ghezaon mien bohat kam pae jane ki wajha se un afrad mein zarorat ke lehaz se es ki itminan bakhsh maqdar mohaiya nahi ho pati, lehaza orange, juice, dodh (milk), dahi (yogurt) aur tayar shuda ajnas mein supplement ke tour per shamil kiya jata hai take vitamin D ki kami ke shikar afrad ba-shamol bacchey doctor ke mashware se estamal mei la sakein.

Vitamin D aanton mein calcium ke in-jazab ko tehrek dey kar serum mein calcium aur phosphate ke irtakaz ko mayari satah per barqarar rakhta hai, jis se hadiyon mein madani namkiyat ka tawazan qaem rehta hai aur calcium ki kami ki wajha se hadiyon mein peda hone wale khechaon aur akran ko bhi rokta hai. Vitamin D es liye bhi zarori ahi ke hadiyon ki nasho-numa aur haddi banane wale khalyat stave blast aur hadiyon ke nakara aur gher zarori hisson ko tabah karne wale khalyat, stave clast ke zariye hadiyon ko dobara sahi halat mei lane mein es ka kirdar aehum hai. vitamin D aur calcium 60 saal se zyada umer ke logo mein hadiyon ki sakhti tabdiliyon aur hadiyon ki bafton ke sukarne aur hadiyon ke made mein kami ke amal ko ostave process jis se hadiyan kamzor hone ka aehtamal hota hai aur fracture ka khatsha barh jane ke amal se bhi tahafuz faraham karta hai.

Yeh jism mein aesabi, azlati, mamoni pechidgiyon aur aashobi keffiyat ko kam karne ke elawa kai qisam ke sartan (cancer) maslan colon, prostrate aur chati ke sartan (Brest cancer) se bhi tahafuz farahum karne mein maawon hota hai. vitamin D ki mayari ya munasib maqdar bachon mein rectus, umer rasida logo mein calcium aur phosphate ke zaed injazab ki wajha se hadiyon ko narm hone se bachati hai bisvi sadi ki ibtada mein German physician ne yeh baat note ki ke card jigar oil ke estamal se rectus ki bimari per qabo paya ja sakta hai. 1930 se dodh (milk) mein vitamin D ka estamal shoru howa jis se America mien bachon mein rectus ki bimari ko bari had tak control mein laya gaya hai.

Ghezaon aur dawaon mein supplement ke tour per shamil vitamin D ke ghalat aur gher zarori estamal se es ki toxicity ki wajha se muzar asrat bhi muratab ho sakte hein jin mein bhok ki kami, be-raghbati, peshab ki zadti, dil ki ridham mein tabdili ke elawa khon (blood) mein calcium ki zaadti ki wajha se khon (blood) ki naliyon aur bafton ki classification waghera shamil hai, nez kuch dawaon ke sath reaction bho ho sakta hai, lehaza in he wajho ki baes es ke estamal se qabal doctor ka mashwara zarori hai.

Es ke bar-aks suraj ki roshni se banne wale vitamin D se muzar asrat murattab hone ka aehtamal nahi, kyouke suraj ki hararat ki wajha se jild per ziyai tehlel se izafi pri vitamin aur D3 bante he in ki izafi maqdar tehlel ho jati hai, jis ki wajha se vitamin D ka tanasub matawazan rehta hai, lekin es amar ka zaror khayal rakhna chahiye ke suraj ki roshni se mehdod waqt ke liye he faeda uthaya jae, kyunke suraj ki roshni mein mojod balae-banafshi shoaon se bohat zyada der tak samna karne se jild per muzar asrat muratab hone ka bhi aehtamal rehta hai muhaq-qe-qen tajwez karte hein ke subha 10 baje se dopehar 3 baje ke doran 10 se 30 minute hafte mein 2 ya 3 martaba suraj ki roshni ki shidad ke lehaz se jism ke mukhtalif hisson maslan pair, bazo, chehre aur kamar ki pusht ko sun screen ke begher samna karane se vitamin D ki munasib maqdar ki talef ho jati hai. Mosam, din ka doraniya, asman per badalon ka chae rehna aur jild mein melanin ki maqdar suraj ki roshni ke ikhraj mein rukawat bante hei. Ager asman per badal chae hon tou balae-banafshi shuaein taqreban 50% pohach pati hein. Mahol mein bohat zyada alodgi bhi suraj ki roshni ke bara-e-rast husol mein rukawat banti hai. es ke elawa sun screen aur suraj ki roshni se bachne ke liye estamal hone wale awamil bhi vitamin ki talef per bara-he-rast asar andaz hote hein. Es liye ke qudrati tour per talef shuda vitamin D se muzar asrat murat-tab hone ka aehtamal nahi hota, lehaza behtar hai ke qudrat ki ata ki hoi es nemat se bhar-por faeda uthaya jae.

Warning : This information is just for information and knowledge of medical care. Please contact your doctor for treatment.

Allama Iqbal  Eyes Treatment  Wasi Shah  Baqai Hospital  Virat Kohli  Natural Skin Care

Sun Protection Tips  Dilip Kumar  Arq e Gulab Benefits  Bill Gates  Brain Weakness Treatment

© Copy Rights 2012 -1016     www.internetpk.com All Rights Reserved Contact Us