www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Care of Teeth

Care of Teeth (Danton ki Hifazat): You confirm that your teeth are proper care. If you have fresh, shiny and healthy teeth so you should use a brush twice a day. It’s important to have good verbal health routine to save dental problem. In this pag you will read, find and free download care of teet, danton ki hifazat in Urdu and Hindi.
 
 
 
 
 

Care of Teeth (Danton ki Hifazat):

Danton (teeth) ke liye kai qisam ki moatter aur khoshbo-dar powders aur dental creams ki ijad ke bawajod danton ki kharabi ka marz alamgir ho gaya hai. Bar-e-sagher mein jab tak maghribi tehzib ne qadam na rakha tha, danton ki kharabi ka marz es qadar aam aur huma gir na tha. Maghrib zada mard, aurtein ghaze aur powder ke estamal se tou kabhi ghafil nahi hote lekin danton ki hifazat ka khayal inhein bhol kar bhi nahi aata. Humari fashion parasti ne humein danton ki taraf se bilkul ghafil kar diya hai. Aksar aurtein subha uthte he kanghi, choti aur powder ka estamal tou kar leti hein lekin jis chez ki nighedash ki ashad zarorat hai. esy ksi aur waqt per chor deti hein aur pher kam kaj se farigh na ho sakne ki sorat mein danton ki dekh bhal reh jati hai.

Doctors ka mutafaqqa faisla hai ke dant humari sehat ke zamin hein. Jo gheza hum khate hein agar danton se achi tarha na chabai jae tou meda ese hazam nahi kar sakta, insane ke jism mein gheza pisne ki 2 chakiyan hein. Aik moun mein aur aik pait mein. Pait ki chaki ko meda kehte hein. Aur moun ki chaki ko dant. Es liye hukma kehte hein ke gheza ko danton se khob chabana chahiye. Kyou ke yeh pehla hazam hai aur meda ka hazam dosra hazam, jis tarha khuda ne meda mein baaz haazi ratobatein rakhein hein. Esi tarha masodon mein bhi aik hazim mada rakha hai jo gheza ke hazam karne mein madad deta hai.

Khane ke bad achi tarha kulli na karna bhi danton se dushmani karne ke mutradif hai. Kulli na karne se gheza ke chote chote zarre danton mein phase rehte hein aur pher sad kar bou peda karte hein. Bou peda hone se danton mein jarasim peda ho jate hein. Danton mein jarasim peda ho jana ek muhlik marz “Peoria” ki alamat hai Peoria who mozi marz hai jis mein danton ko jad se ukhad phenkne ke sewa aur koi chara nahi hota. Es liye es marz se mehfoz rehne ke liye ibtada he mein khane ke foran bad kulli karne ki adat dalni chahiye. Khane ke foran bad agar khalal karne ki zarorat mehsos ho tou khalal kar ke moun aur danton ko saf kiya ja sakta hai. Lekin es silsile mein yeh bat qabil-e-ghor hai ke bachon ko kulli karne ka aadi tou zaror banana chahiye lekin inhein khalal har-giz nahi karne dena chahiye kyou ke aesa karne se bache ke danton mein rekhein parne ka khadsha hai.

Mithai aur gosht ka zyada estamal bhi danton ke haq mein muzar hai. Garam garam khan eke foran bad thanda pani pi lene se bhi danton ki jadein kamzor ho jati hein danton ki sab se zyada qemti chez in ki chini hai, enamel kehte hein agar danton ki chini zaya ho jae tou danton ki chamak damak jati rehti hai aur in ki jadein kamzor ho jati hein. Garm aur sard gheza ko bardasht karne ki qowat mafqot ho jati hai. Aam tour per paan ke zyada estamal se bhi yeh chezein kharab ho jati hai. alawa azein paan ka ba-kasrat estamal masodon mein bhi kharash peda karta hai. Danton ki hifazat ke liye sab se sasti aur behtaren chez neem ya kikar ki maswak hai. Maswak ka sahi estamal yeh hai ke ese danton ke tol mein nahi balke arz mein kiya jae. Basora degar mashode oper ko charh jate hein. Aur danton ki jadein bahir nikal aati hein. Har roz subha danton per namak with tail ki amezish mal lene se bhi danton ka mail aur mashodon ki ghalez ratobat nikali ja sakti hai. bazahir yeh choti choti batein hein agar in choti baton per tawajha di jae tou hum danton ki bimariyon se mehfoz rehne ke elawa apne danton ko mazbot aur der-pa bana sakte hein. Humein danton ki taraf pori tawajha deni chahiye. Kyou ke danton ki hifazat aur safai per humari sehat ka daro-madar hai.

Warning : This information is just for information and knowledge of medical care. Please contact your doctor for treatment.
 
© Copy Rights 2012 -1015     www.internetpk.com All Rights Reserved Contact Us