www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Dandruff Solution

Dandruff SolutionDandruff is a common skin problem of human. This disease due to growth of fungus and bacteria on the skin. We provide you guide to the causes of dandruff and how to avoid this infection. Also includes of home treatment for dandruff in Urdu and Hindi.
 
 
 
 
 


Dandruff Solution in Urdu:

Khushki ya bafa se murad sir ki jild pe peda hone wale bhosey jese safed chilke hein jo balon mein jama hote rehte hein aur pher baraf ke zarrat ke tarha eyebrow, kandhon aur kapron pe girte rehte hein. Khushki balon ko nuqsan pohchane ke alawa dekhne mein bhi buri lagti hai. yeh balon ki sakht tareen dushman hai. amoman yeh jismani kamzori ya khon ki kami ka natija hoti hai. jism ki qowat madafat ghat-ti hai tou zer jild chiknai peda karne wale ghadod ki kar-kardagi ka tawazan bigar jata hai. In se kharij hone wali ratobat ki maqdar barh jati hai yahi ratubat jild pe barek jhili ki tarha jam jati hai aur pher chatakh kar chote chote chilkon mein tabdel ho jati hai.

Khushki ya bafa ki shikayat sir tak mehdod nahi rehti. Yeh marz tamam jism per ho sakta hai lekin es ka zyada zor sir ki jild aur kabhi chehre aur nak per hota hai. kamzori ki wajha se, garmi, sardi lagne se, pasene ke ikhraj aur es per gard-o-ghobar ke jamne se barek bhosi urne lagti hai. Es ki wajha se sir mein kharish bhi hone lagti hai.

Balon ko brash karne ya ungliyan pherne se khushki sikri ke zarrat ki barish badh jati hai. baz auqat sir mein sakht qisam ki kharish hone lagti hai aur khujane se jild surkh ho kar matoram ho jati hai.

Amomi sehat mein kharabi, khon mein fasid madon ke azafe, qabz aur infection wale amraz ke bad qowat hayat mein kami, es shikayat ke bare asbab hein. Es marz ko farogh dene wale degar awamil mein jazbati tanao, sakht qisam ke shampoo, sardi lagna aur amomi zaaf shamil hein.

Natural Dandruff Cure:

Ibteda mein ager taklef mamoli ho tou jarasim kash shampoo aur sabun waghera ke estamal se yeh shikayat dor ho jati hai. es ke ba-wajod yeh taklef mojod rahe tou zyada qawi qisam ki jarasim kash adwiyat istamal ki jati hein. Lekin ager ap khushki sikri se der pa chutkara hasil karna chahte hein tou bazaar ke shampoo ke bajae gharelon nukhson per amal karein kyouke bazaar mein dastiyab mukhtalif qisam ke medicated shampoo khushki ka elaj karne ke sath sath balon ki jadon ko na-qabil-e-talafi nuqsan pohcha dete hein.

Sab se pehle jo bat pesh-e-nazer rakhna zarori hai woh balon aur sir ki jild ki ba-qaeda safai hai take murda khaliyon ka ijtama kam se kam ho. Balon ko rozana brash kiya jae es se bhosi utarne ke elawa sir ki jild mein khon ki gardish behtar ho jati hai. Sir ki jild ka khushk massage bhi rozana hona chahiye. Yeh massage ungliyon ki poro se aik tarteb ke sath pore sir pe kiya jae.

Bohat se gharelo nuskhe khushki dor karne mein kamyab sabit ho chuke hein.

1. Methi ke bijo ka istamal bohat muffed hai. Es nuskhey ke mutabiq 2 khane ke chamchey Methi ke bij rat bhar pani mein bhigo rakhein. Agli subha yeh narm ho chuke hon gey. In narm bijon ko kot, pis kar past bana lein. Yeh past sir mein lagain. Aadhey ghante tak ese laga rehne dein. Pher Retha ke pani ya Sika Kai se dho lein. Bad mein sada pani se sir dohote howe 1 chay ka chamcha taza lemo ke ras ke sath akhri bar balon ko khangal lein. Es se na sirf balon ki chamak bar-qarar rahe gi balke khushki sirki se bhi tahafuz mile gi.
2. Hafta mein 2 bar balon ko dahi mein mong ka safof mila kar dhona bhi acha nuskha hai.
3. Rat sote waqt zaiton ya nariyal ka tail (oil) khob sir mein jazb kiya jae. Es tarha bhosi yani sikri ya bifa ki papdi achi tarha phol kar jild se alag hone ke liye tayar ho jae gi. Subha Amla, Sika Kai aur methi ke bijo ka safof jise rat bhar pani mein bhigo liya ho, balon ki jaron mein achi tarha laga kar Neem garam pani se sir dho liya jae. Es tarha khushki dor ho jae gi. Yeh amal kam as kam hafte mein 2 ya 3 bar zaror kiya jae.
4. Sir ko Chuqander ke pani ya Besun se dho kar kuch roz roghan-e-gul mien khalis sirka mila kar achi tarha lagain aur subha Besun, gandum ki bhosi, methi ke bij, rai aur khatmi ke saffof mein arq gulab aur sirka mila kar balon mein khob ragarne ke bad 20 minute bad dho dalein. Shikayat dor ho jae gi.
5. Khushki se nijat ke liye basi dahi ka istamal bhi muffed hota hai. aesa dahi jise 3 din tak khuli jagha per dhanpe beghair rakha gaya ho, balon mein malne se khushki dor ho jati hai. Dahi mein chand qatre lemo ka ras aur amla ka juice mila kar rozana rat ko sone se pehle balon mein lagana bhi faeda mand hai.
6. khushki dor karne ke liye ek aur tariqa sirke ka istamal hai. sirka ko masawi maqdar pani mein mila kar esey roi ke sath shampoo karne ke doran balon mein lagain. Balon ko dhone ke bad akhri pani mein sirka mila kar khangalna bhi khushki se nijat deta hai.

Warning : This information is just for information and knowledge of medical care. Please contact your doctor for treatment.
 
© Copy Rights 2012 -1015     www.internetpk.com All Rights Reserved Contact Us