www.internetpk.com
 
 
 Coaching Centre
 Poetry
 Beauty Tips
 Articles
 Health
 
 

Eyes Treatment

Eyes treatment tips for beautiful eyes. Useful and homemade treatment for the care of your eyes. Here is Eyes Dark Circles Treatment in Urdu and Eyes Wrinkles, Lines Treatment in Urdu. In this page you will read and find eyes treatment in Urdu and Hindi.
 
 
 
 
 

Khobsorat aur chamakdar ankhein ap ke chehry ke husn ka zarori hisa hoti hai. yeh aik behtareen asasa hai jis ki hifazat karna nehayat zarori hai. ap ke khobsurat nazer aen ke liye in ka khobsurat hona na guzer hai. Ankhon ki khobsurti dar asal in ki sehat mein posheda hai. sehat mand ankhein bazat khud aik tab-o-tab rakhti hein aur pher ankhein he rabte ka sab se aehum zariya hai.

Damakti hoi roshan darakhsha ankon ke liye sab se pehli zarorat behar hal in ka saf aur sehat mand hona hai. ager aankhein humesha kharab rehti hon ya binai ka koi nuqs ho tou munasib elaj ke liye ankhon ke ksi mualij se zaror rabta karein. Ankhon ki kuch takalif aesi hoti hein jo zyada sangin tou nahi hoti lekin aankhon ko qabil tawaja nahi rehne deti. Yeh takalif aur in ke qudrati elaj yahan pesh kar rahe hein.

Siyah Halqe (Dark Circle):

Aankhon ke erd gird pai jane wali jild bohat hasas hoti hai. yeh bohat patli aur asani se jhuriyon ka shikar ho jati hein. Ankhon ke nichet pae jane wale siyah halqon ka sabab kharab sehat maslan khon ki kami, hez ki kasrat aur jigger ka nuqs hota hai. aesi sorat-e-hal mein ksi doctor se zaror mashwara karna chahiye lekin baz auqat mamoli aur arzi asbab ke natije mein bhi yeh halqe namodar ho jate hein. Jin mein nend ki kami aur gher matawazan khorak shamil hein. Kabhi kabhar yeh siyah halqeksi ki rangat ka hissa hote hein. Ager yeh halqe morsi nah on aur in ka sabab degar wajohat hon tou darja zel elaj madadgar sabit ho sakte hein.

Eyes Dark Circles Treatment in Urdu (Home Remedies):

Ksi aesy sakht bister per lait jaein jis ka sir wala hisa paeti ki nisbat zara sa ouncha ho. Es ke liye sarhane wale hisey ke nichey kuch rakha ja sakta hai. es maqsad ke liye koi takhta ya takhton wala pad istamal karna munasib hai. ab thande khere ke qatle band aankhon per rakhein. 10 se 15 minute tak khud ko pursakon aur aram ki halat mein rakhein.
Frizzier mein rakhe howe T-bag bhi khere ke qatlon ki jagha istamal ho sakte hein.

Eye Wash:

Ager siyah halqon ke sath ankhein thaki hoi aur surkh bhi hon tou eye wash estamal karein.

Eye banane ke liye 1 cup garam pani mein 1 khane ka chamcha Epsom Salt shamil karein. Es pani se ankhein dhone ke bad chand qatre eye drops zaror estamal karein. (Epsom Salt ka estamal ankhon ke liye doctor ke mashware ke begher kabhi na karein mumkin hai yeh ap ke liye munasib na ho). Gulab ka arq bhi aik acha eye wash hai. es ka estamal bujhi bujhi ankhon ko taro-taza aur chamakdar bana deta hai.

Massage:

Narm aur dhima massage bhi thaki hoi aur dard karti hoi ankhon ko aram deta hai. dono hathon ki darmiyani ungliyon ki poro ko istamal karte howe halke se dabao ke sath yeh massage nak ki balai hadi se shoru kar ke papoton ko thapthapate howe ankhon ki beroni kono ki taraf aaein aur pher ankhon ke nichey se hote howe wapas nak ki hadi ki taraf aa jaein. Daery ki sorat mein yeh amal kam as kam 6 bar karein. Pher nak ki hadi ke balai his eke dono taraf ungliyon se ankhon ko ander ki taraf ahistagi se dabaein.

Eye Soiling:

Kuch logo ki ankhon ke nichey pai jane wali jagha pholi hoi nazer ati hai. yeh bhari hoi thaliyon numa sojan (soiling) bhi aik amomi masla hai kharab sehat ke natije mein bhi yeh kefiyat peda ho jati hai aesi sorat mein ksi maher amraz chashm se mashwara karein. Ager sojan ali-ul-subha namodar ho tou yeh bafto mein pani ruk jane ki wajha se banti hai. es ka sabab rat ko kapra urhe begher sona hai.

Treatment for Eye Soiling:

1. Fori hal ke liye nem garam pani ka aik bada glass subha uthte he piye. Gurde mutehrik ho jaein gey aur bafton mein ruke howe pani ko khech kar peshab ke zariye kharij kar deingey. Ankhon ki yeh theliyan tehlil ho jaein gi. Ager ap ko yeh elaj ras aa jae tou esey apna mamol bana lein.

2. Aankhon ke nichey banne wali theliyon ka aik elaj alo ka estamal hai. 1 kacha alo kash karein aur yeh kash kiya howa goda 2 eye paid bana kar dono ankhon pe rakhein. Paid banane ke liye soti kapre ke 2 murabba tukre estamal karein. In mein goda rakh kar ankhon ke nichey 20 minute tak pare rehne dein. Pher in ko hata kar thande pani ke chetey ankhon pe rakhein.

3. Ek aur elaj injer ka istamal hai. taza injer ley kar ese 2 hison mein kat lein. In dono tukron ko kate howe rukh per ankhon ke nichey barahe-rast rakhein aur 15 minute tak pare rehne dein. Garmiyon ke mosam mein injer ki bajae taza khera kash kar ke istamal kiya jata hai. ankhon ke nichey pehley garam aur pher baraf mein thande kiye howe T-bag bhi 10 minute tak bari bari rakhna madad deta hai.

Jhuriyan aur Lakirein: (Eyes Wrinkles and Lines Treatment in Urdu)

Jhuriyan aur lakirein barhti hoi umer ke sath sath namudar ho jati hain aur yeh ksi had tak na-guzer hein. Kuch khawateen ke chehron per “muskorahat” ki choti choti lakirein jawani mein barh jati hein yeh lakirein jild ki izafi khushki aur ankhon ke gird pai jane wale chote chote pathon ke dheley par jane ki wajha se peda hoti hai. mutasara muqam ki cleansing aur toning ke bad ksi achey moisturizer ka khob istamal muffed rehta hai. corn oil ya kasamba ka tail yap her koi bhi halka phulka tail ankhon ke erd gird narmi se massage karna bhi qabal az waqt jhuriyon aur lakiron ko ghaeb karne mein madad deta hai.

Warning : This information is just for information and knowledge of medical care. Please contact your doctor for treatment.
 
 
© Copy Rights 2012 -1014     www.internetpk.com All Rights Reserved Contact Us