www.internetpk.com
 
 
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Hair Fall

Guide to the causes of hair fall and how to avoid them. Also includes reason of hair fall, hair fall solution, tips for hair fall, gharelo totkay, home remedies and how to get you healthy hair in Urdu and Hindi.
 
 
 
 
 

Reason of Hair Fall:

Balon ki taraf se khawaten ki aik pareshani yeh bhi hoti hai ke in ke baal tot rahe hein. Baal ka girna ya totna aik qudrati amal hai. ager purane baal gire gey nahi tou nay baal kesy aaein gey? Ager ap ke baal zyada maqdar mein gir rahe hein tou pher tashwesh ki baat hai.

Aj kal nu-jawani mein he balo ka girna aik aam shikayat ban chukka hai. bar-e-saghir ki khawaten ki pareshani qabil-e-feham hai kyou ke lambe aur ghane baal he yahan khubsorti ke alamat samjhe jate hein.

Awael umer mein baal girne ka matlab hai ke ap ki sehat mein kuch gar bar hai kyou ke es shikayat ka sab se bara sabab na-munasib ghizaein hein. Yahan tak ke ksi aik ghizai jazo ki kami bhi balon ko girane ka sabab ban jati hai. maslan jin afrad mein vitamin B-6 ki kami ho in ke baal girte rehty hein aur jin logo mein folic acid ki kami ho woh bilkul ganje ho jate hein lekin in vitamins ka bhar-por istamal shoru karne per balon ki mamol ki afzaesh aur nashonuma bahal ho jati hai.

Baal girne ka ek aur aehum sabab zehni dabao hai. jis mein pareshaniyan, iztarab aur achanak pohachne wala koi sadma hai. zehni dabao jild mein aur khusosan sir ki jild mein shaded qisam ka tanao peda kar deta hai. es ke natije mein zarori ghezai ajza ki rasad pe manfi asrat parte hein aur balon ki afzaesh mutasir hoti hai. amomi kamzori jo tawel arsa tak rehne wali bimariyon ke natije mein peda ho ho woh bhi baalo ki sehat kharab karti hai aur mukhtalif masael peda ho jate hein. In bimariyon mein typhoid, aatishk, purana nazla, influenza aur khon ki kami shamil hai. yeh bimariyan balo ki jadon ko kamzor kar deti hein. Chunancha baal girne lagte hein. Sir ki jild gandi rahe tou bhi baal girne lagte hein. Gandagi se sir ki jild ke masam band ho jate hein chunancha balon ki jadein kamzor ho jati hein. Morosi asrat bhi aesa aamil hein jo baal girane ka sabab bante hein.

Hair Fall Solution:

Balo ki sehat mand kefiyat ka inhasar badi had tak es baat per hai ke maqol maqdar mein zarori ghezai ajza humari roz marra khorak mien mojod ho. Chunke baal protein se bante hein es liye ghane balon ke liye protein ka liya jana nehayat zarori hai.

Aurton ke liye protein ka rozana maqdar 60 gram, nu-jawan larkon aur larkiyon ke liye 80 se 100 gram aur mardon ke liye 80 se 90 gram darkar hoti hai. Protein ka husol dodh, lassi, dahi, soyabin, andon, panir, gosht aur machliyon ke zariye hona chahiye.

Vitamin A ki kami balo ko khurdara aur bad-sorat bana deti hai esi tarha vitamin B ke kuch arkan, iron, copper aur iodine ki kami se baal girne lagte hein aur waqt se pehly safed ho jate hein.

Aurton mein amoman iodine aur vitamin B1 ki kami ho jati hai. in dono mein se ksi ek ki kamai sir ki jild mein khon ki gardish ko etna sust kar deti hai ke baal girne lagte hein aur nay baaon ki afzaiesh nehayat sust ho jati hai. aesi aurtein jo apni khurak mein iodine, vitamin complex aur iron ka hosul munasib maqdar mein rakhti hein in ke balo ki afzaesh aur nashonuma durast rehti hai.

Tips for Hair Fall In Urdu and Hindi (Gharelo Totke):

1. Amla ka tail (Amla oil) balo ki afzaesh mein nehayat madad-gar sabit hota hai es ko ghane aur lambe balon ke liye aik tonic ka darja hasil hai. amla ka tail tayar karne ke liye amley ke khushk tukdey nariyal ke tail mein obalein jate hein. Amla ke phal ka taza juice aur esi maqdar mein lemon ka juice mila kar shampoo ki tarha estamal karne se baal lambe ho jate hein aur inhein girne se bhi tahafuz mil jata hai.

2. Ghezaiyat ki kami ke sabab baal girne ka khatra dor karne ke liye salad ke paty muffed rehte hein. Ghizaiyat ki kami mein mubtala khawaten ko salad ke paton ka juice palak ke juice mein mila kar ba-qaedgi se kuch din pilaya jae tou balon ki nasho-numa mein madad milti hai. dono juice mila kar rozana aadha liter yeh mashrob pina chahiye. Ager in juice mein alfa alfa ja juice bhi mila liya jae tou zyada moasar ho jata hai. baal sehat-mand ho jate hein.

3. narial ka saaf tail lemo ka juice aur chone ka pani mila kar rozana balo mein lagana balo ko girne se bachata hai aur inhein lamba karta hai.

4. Sabz dhaniye ke patton ka juice bhi sir pe lagana nehayat muffed rehta hai.

5. girte balo ka ek aur moaser elaj sir mein nariyal ka dodh lagana aur balo ki jadon mein es ka massage karna hai. yeh balo ko sehat-mand aur mazbot bana deta hai . nariyal ka dodh banane ke liye taza nariyal (kachi gari) ko kot kar ya kash kar ke achi tarha nichod liya jata hai.

Warning : This information is just for information and knowledge of medical care. Please contact your doctor for treatment.
 
© Copy Rights 2012 -1014     www.internetpk.com All Rights Reserved Contact Us