www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Home Treatment of Dermatitis

Dermatitis home remedies can help, sooth and heal irritated skin and rashes from all types of dermatitis and there are many different home treatment for dermatitis. You will learn and find about Home Treatment of Dermatitis in Urdu and Hindi.
 
 
 
 
 

Dermatitis:

Jild ki sozehs se murad andaroni aur beroni sozesh hai. Es ki shanakht surkhi, sojan, hid-dat aur dard ya kharish ki alamat ki mojodgi hai. Jism ka koi bhi hissa es marz se mutasir ho sakta hai. Jism ke nange rehne wale hisse khosusan aankhein, bazo, chehra, garden waghera es ki zad mein rehte hein.
Aese made jo mekaneki ya kemyai zarae se jild pe nokilon dano ki teh peda kar dete hein aur es se hidat peda hoti hai inhein eshtaal angez made kaha jata hai. Chiknai khatam karne wale aamil maslan, sabun waghera agar thode arsa mein zyada bar estamal kiye jaein toh jild pe khushki, surkhi, darzein aur eshtaal peda kar dete hein aur ye rad-e-amal kum wa besh her fard mein dekhne mein aata hai.
Sozesh ki pehli alamat jild pe surkhi hai. Es ke baad amoman sojan namodar ho jati hai. Jojan se murad jild ke ksi hisse mein ratobat ka ezafi maqdar mein jama hona hai. Es ke baad aable bhi peda ho sakte hein. In aablon ke phatne ki sorat mein mutasara jild se sirum (khonab) rusne lagta hai. Es kefiyat ko rusne wali kharish kaha jata hai. Kuch waqt ke baad serum khushk ho kar papdiyon ki shakal ekhtayar kar leta hai. Kuch logo mein ye marz aata jata rehta hai lekin in ki jild ko ksi badi tabdeli se do char nahi karta.
Kemyai made amoman sozehs ko farogh dete hein. Ye jild pe khariji mahol se hamla aawar ho sakte hein. Baaz auqat jismani nizam mein banne wale kemyai made khon ke bahao mein shamil ho kar jild ko andar se mutasir karte hein. Taqreban 100 ke qareeb aese pode aur nabatat hein jo kamzor defa rakhne wale afrad ko sozesh mein mubtala kar sakte hein. Es ka hamla amoman shaded hota hai aur kemyai mado ke asar-andaz hone ke aik ya do 2 ghante baad shoru ho jata hai. Kuch madani mado ke beroni tor per lagne se bhi sozesh peda ho jati hai. Es mein sanati sozesh ke zyada tar waqeaat shamil hein jo hathon aur bazoun pe namodar hote hein aur sanaton mein estamal hone wale eshtaal angeez madon ke cho jane se la-huq hote hein.
Kuch adwiyat jo beroni estamal mein lai jati hein woh bhi sozesh ka sabab banti hein. En mein atropine, belladonna, carbolic acid, iodine, mercury, penicillin, sulfona midis, sulfur, tar aur tarpein shamil hein. Degar made jo sozesh peda kar sakte hein in mein hair dies, bleaches, skin tonic, nail polish, perfume, oun, resham, naelon, floor wax aur mukhtalif detarjent hein. Es marz ke degar asbab mein ghezaoun mein gher mozoniyat, vitamin A aur pentothenic acid ki kami aur esabi aur jazbati dabao aehum tareen hein.

Elaaj ( HomeTreatment of Dermatitis):

Jis tarha sozesh ke asbab mukhtalif hein esi tarha es ke elaj bhi mukhtalif hein aur ye sozesh ke noeyat ke mutabiq hote hein. Ta-hum agar taklef tabai ho aur dakhli asbab ke natije mein peda hoi ho to mareez ko elaj ka aaghaz kam as kam aik hafta tak sirf phalon pe mushtamil ghezaoun ke parhezi marhale se shuro karna chahiye. Ye wahi tareqa kar hai jo Acne mein apnaya jata hai. Es parhezi marhala mein nashta sangtaro ya sangtaro ke juice ya pher ananas (pineapple) per mubni hona chahiye. Kacha salad mosam ki sabziyon ke elawa kishmish, injeer ya khajor per mushtamil ho ese lunch ke tor per khaein. Dinner mein bhap mein paki sabziyan maslan palak, band gobhi, gajar, shalgham, gobhi estamal karein aur in ke sath chand aik maghaz ya taza phal hon. Dodh ke pudding aur desert maslan jelly, jam aur pastry, her qisam ke masale, safaid cheni, meda aur mede ki bani masnoat, chae, coffee aur degar mehrik mashrobat se mukamal parhez ki jae.
Parhezi gheza ke elawa (1 hafte ke arse ke bad mareez ko batadrej matawazan gheza ki taraf wapas aana chahiye. Jis mein beaj, maghaz, ghala(anaj) sabziyan aur phal hon. Zyada tawajah taza phalon aur kachi sabziyon pe di jae. Agar sorat-e-hal sangeen ho to mareez ko 3,4 din tak sirf phalon ya sabziyon ke juice ka roza rakhna chahiye. Ye roze 3 se 5 din tak rakhe ja sakte hein. Es ke elawa mazeed 10 se 15 dino tak parhezi ghezaein estamal ki jaein. Mazeed roze aur parhezi ghezaon ke marhale normal shoru karne ke baad kuch dino ke waqfon se pher apnae ja sakte hein.
Neem garam pani ka enma roze aur parhezi ghezaoun ke dino mein rozana liya jae. Ta-ke antdiyan saaf rahein. Enma ebtadai hafte ke doran aur pher zarorat ke mutabiq kuch dino ke bad liya ja sakta hai. Sozesh se mutasara hissa ko Epsom Soult ke pani se din mein 2 dafa dhona bhi zarori hai. Es maqsad ke liye 1 piyala garam pani mein 100 gram Epsom Soult mila liya jae. Es pani se mutasara hissa dhone ke baad es per thoda sa zaitoon ka tail laga liya jae. Aankhon ki sozesh mein Epsom Soult ke estamal se gureez kiya jae.
Yaad rahe ke sozesh ke mareez ko safaid chini, nafees carbohydrates, chae, coffee aur degar fitri mashrobat se parhez zarori hai. Es ke bar-aks ese wafer maqdar mein phalon aur sabziyon ke juices estamal karna chahiye. Saib, gajar aur ajmod ka mushtarka juice khas tor per sozesh ke elaj mein nehayat mufeed hai. In teno mein se her 1 ka 175 mile liter juice le-kar mix karne per mushtarka juice ki maqdar 525 mile liter ho jati hai.
Agar sozesh ka sabab koi beroni aur kharji aamil ho to sab se moasar elaj backing sode (bicarbonate of soda) aur zaitoon ke tail ka mixture mutasara jagha per lagana hai. Alkaline sodium eshtaal zada muqamat pe banne wale zehrile tezabi asrat ko khatam kar deta hai aur zaitoon ka tail jild ki narm-o-mulaem kefiyat ko bahal kar deta hai.
Mareez ko muatadal qisam ki jismani warzesh karte rehna chahiye. Khas tor per rozon ko arsa khatam ho jane per jab parhezi ghezaon ka marhala shoru ho to rozana yoga ke sada aur aasan aasin apnane chahiye. Khon ko saaf karne aur fasid mado se mehfoz rehne ke liye warzesh intehai mufeed zariya hai. Mareez ko munasib jismani aur zehni aaram aur taza hawa ka hosul bhi sood mand rehta hai. Ese sardi se bachna aur khane pine aur nend ke ouqat mein ba-qaedgi rakhna bhi zarori hai.

Warning : This information is just for information and knowledge of medical care. Please contact your doctor for treatment.
 
© Copy Rights 2012 -1015     www.internetpk.com All Rights Reserved Contact Us