www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Meningitis Fever

Meningitis Fever (Gardan Tor Bukhar): Meningitis is irritation of membranes of spinal cord and brain and its infection attack by causes like viruses, bacteria and fungus. Also attack this symptom by other factor like chemical irritation and other allergy. In this page we provide you discuss about gardan tor bukhar (Meningitis Fever) with types, diagnosis, symptoms and treatment in Urdu and Hindi.
 
 
 
 
 


Garden Tor Bukhar se Bachao (Save to Meningitis Fever):

Insani dimagh aur haram maghaz ki hifazat ke liye qudrat ne behtaren intazam kiya hai aur in ko 3 jhiliyon mein band kiya hai jis ki wajha se mukhtalif khatrat aur bimariyon se in ki hifazat rehti hai. in jhiliyon mein infection hone se bohat si khatarnak alamat peda ho sakti hein.

Yeh jhiliyan sir mein chot lagne ya khon ke zariye jarasim dakhil hone ya naak, kaan waghera mein infection hone ki wajha se mutasir ho sakti hai. gardan tor bukhar mein bhi dimagh ki jhiliyan mutasir hoti hein jis ki wajha ya tou bacteria hota hai ya koi aur infection jis mein TB karne wala jarsoma bhi shamil hai. GardAn tor bukhar bohat khatarnak bimari hai.

Alamat (Symptoms of Meningitis Fever):

Gardan tor bukhar mein sab se pehle bache ko bukhar hota hai. woh har waqt rota rehta hai. khane pine se dor bhagta hai. Bukhar aahista aahista barhta hai aur jhatke lagne shoru ho jate hein. Tez bukhar hone ki wajha se kamzori bohat ho jati hai. TB ke elawa bacteria ki wajha se hone wale gardan tor bukhar mein jism per surkh rang ke bare bare dhabe par jate hein aur bache ko check karne se e ski uzlat ki Tone zyada hoi mehsos hoti hai. Ankhon mein chamak khatam ho jati hai aur papute bari ahistagi se harkat karte hein. Sab se zyada tashkhes ke baat gardan ka na mudna hai. Gardan hilae nahi hilti aur marez gardan utha nahi sakta. Esi wajha se es bimari ko gardan tor bukhar ka naam diya gaya hai.

Tashkhis (Evaluation):

Agar oper wali sari alamat bachon mein tou bimari ki sahi tashkhis ke liye redh ki haddi se aik khas tariqa jise “lumber puncture” kehte hein, maya ya “Cerebrospinal Fluid) nikalte hein jis ka test karane se bimari hone ya na hone ka pata chalta hai. Es test se hargiz ghabrana nahi chahiye kyou ke es ka koi nuqsan nahi hota. Aksar dekha gaya hai ke Maa, Baap es test ko karwane se darte hein aur baaz tou es test ki wajha se apne bache ko ghar le jate hein jis mein se aksar bache bimari ke barhne aur ilaj na hone ki wajha se mout ka shikar ho jate hein.

Ilaj aur Bachao (Treatment and Prevention):

Gardan tor bukhar aik medical emergency hai. es ke ilaj ke liye achey doctor ya hospital se rujo karna chahiye jahan es ke tashkhis ke test ke bad es ka munasib ilaj kiya ja sake. Sahi tashkis ke bad es ka mukamal ilaj mumkin hai, magar es mein sabar aur intazar ki bohat aehamyat hai kyou ke bimari bohat khatarnak hai aur es mein jan ka khatra ho sakta hai, es liye es ka ilaj bhi zara lamba hota hai. Agar bimari TB ke jarasim ki wajha se ho tou pher TB ka mukammal ilaj karwana parta hai.

Warning : This information is just for information and knowledge of medical care. Please contact your doctor for treatment.
 
© Copy Rights 2012 -1015     www.internetpk.com All Rights Reserved Contact Us