www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Treatment of Pain

Treatment of pain: (Dard ka ilaj) pain is a common problem (disease) in human body. It is many causes and complex. So there are some homemade treatments of pain. Proper and good diet to keep your bone and joint healthy and strong. In this page we are going to discus about treatment of pain, dard ka ilaj, symptoms, kamar ka dard, back pain, sir dard, headache, gardan ka dard, neck pain, chehre ka dard, face pain, tissue mein dard, pain in tissue, jodo ka dard and pain in joints so there are some treatment options therapies, medications etc. you will read and learn benefits and possibility of each in Urdu and Hindi.
 
 
 
 
 

Dard ka Ilaj (Treatment of Pain)

Agar ap ke pas dard ki tablet khatam ho gai hai aur ap pareshan hein tou ap es mamle mein akele nahi hein har 4 mein se 1 fard (aksariyat khawateen ki hai) kamar dard, gardan ke dard, sir dard ya jodon ke dard mein mubtala hai.

Daemi dard humare taluqat aur humari kar-kardagi per asar andaz ho sakte hein magar maherin ka kehna hai ke aesa bhi nahi hai ke ap es silsile mein kuch kar nahi sakte hein. “kai option” hein jo dard ke manba ko talash kar sakein. Es ka ilaj kar sakein, es per qabo pa sakein aur in ko wapas es ki asal halat mein bahal kar sakein.

Kamar ka Dard (Back Pain):

Kamar dard (back pain) ki do bari wajohat hein. Sfunj ki tarha ki disk aur jod rozana ke kam kaj ki wajha se mutasir hote hein. Aesa bhi hota hai ke redh ki hadiyon ke darmiyan jo ragein aur nasein hein woh dabao ka shikar ho jati hein aur in mein jalan aur dard hone lagta hai. aese dard ko aram dene ke liye thandak aur hararat ka estamal kiya jata hai. jismani therapy, massage aur biofeedback es dard se rahat ke dosre zarae hein. Agar in zaraey se aram na mile tou pher aik mahir kuch aesi adwiyat likh sakta hai jo bara-he-rast mutasir jagha per asar andaz ho kar mutasara shakhs ko sakon pohchae. Es maqsad ke liye rago ke darmiyan injection bhi lagaya ja sakta hai. heat treatment ya barqi tehrek se bhi kafi afaqa hota hai. operation bilkul akhri option hai kyu ke es mein bohat risk hota hai aur ho sakta hai ke bad mein dard mein aur izafa ho jae.

Sir Dard (Headache):

Har shakhs ko gahe bagahe sir dard ki shikayat hoti rehti hai magar 15% afrad shaded sir dard mein mubtala pae jate hein yeh shidat mardon mardon ke muqable mein khawaten mein 2 gunah…. Adhe sir ka dard, peshani ka dard aur pore sir mein khichao…. Agar ap sir dard (headache) mein mubtala hein aur rozana ki ghiza mein magnesium, vitamin B6 aur vitamin B2 ka estamal barha diya jae tou es se dard ko dor rakha ja sakta hai. zyada taqat wali dawaein bhi doctor ke nuskhe ke mutabiq estamal ki ja sakti hai. khalis oxygen gas sanson ke zariye andar lene se bhi dard khatm ho jata hai. ye chote chote contenor mein dastiyab hoti hai aur doctor ke nuskhe per he di jati hai.

Gardn ka Dard (Neck Pain):

Kamar ke dard ki jo wajohat bayan ki gai hein kam-o-besh wahi gardan ke dard (neck pain) ka sabab banti hein. Es dard mein gardan ko harkat dena bhi mushkil ho jata hai. es dard ki wajha se sir mein bhi dard hone lagta hai. “redh ki hadi choti choti hadiyon (mohron) ka majmoa hai jo aik dosre ke oper rakhi hoti hai aur in ko barik ragein aur nasein qabo mein rakhti hein”. Doctors ke mutabiq… “es mein jitne bhi jod hein in mein se ksi aik mein ya pher sab mien dard ho sakta hai”. agar gardan ke dard ke sath sir mein bhi dard hota hai tou es ke ba-qaedgi se dekh bhal aur ilaj hona chahiye aur ilaj bhi aesa jo in masals mein lachak peda kare jo khechao ki wajha se dard ka sabab bante hein. Sir dard ko goliyon ke estamal se khatam ho sakta hai. reh gai bat es se niche ke dard ki tou es ke liye massage aur physical therapy ke sath dawaein bhi estamal ki ja sakti hein.

Chehre ka Dard (Face Pain):

Chehre ke dard (face pain) ki kai wajohat ho sakti hein. Yeh danton ke dard se le kar sir dard tak phela hota hai. es mein chehre ke uzlat khichao ka shikar ho jate hein, jild mein akdan mehsos hoti hai aur jalan bhi hone lagti hai. mamoli dant ke dard ke liye ap pain cellar ley sakte hein ta waqtika ap dentist se mulaqat na kar lien. Agar masla ap ke jabde ke jodon mein hai tou ap ice pack ka estamal kar sakte hein aur rat ko sote waqt “bite guard” laga sakte hein es se jabde position mein rahein ge aur dard mein bhi kami ho jae gi. Jahan tak aesabi tanao aur akdan ka taluq hai tou es ke liye mar-wajah adwiyat he kafi hai. Agar bat bilkul he bigar jae tou pher surgery akhri option hai. Dard se tou nijat mil jati hai magar chehre ke kuch hisse murda ho jate hein. Yani in ki hasasiyat khatm ho jati hai.

Tissue Mein Dard (Pain in Tissue):

Es dard (tissue mein dard “pain in tissue”) mein khawaten ki aksaryat mubtala hai. es mein mubtala log thakan, jodon mein dard, masals mein dard ke masael se do char ho jate hein. Ksi ko pata nahi hai ke es ki wajah kiya hai magar yeh ba-har-hal apna wajod rakhta hai aur kuch ke nazdek yeh morose bimari hai. Pain cellar se afaqa hota hai. Es mein hota yeh hai ke resho mein ek ya ek se zaed gomde ban jate hein. Jin mein halka aur tez dard hota hai. maherin ke mutabiq es mein sab se zyada paon mutasir hota hai aur in ka sab se acha ilaj yeh hai ke 8 ghante ki nend li jae take paon ko zyada se zyada aur mukam,mal aram mil sake. Hormonal sport se bhi baat ban jati hai. matawazan ghiza aur baqaeda warzish es ke liye muffed hai.

Jodo Ka Dard (Pain in Joints):

Jodo ke darmiyan aik qudrati mazbot teh hoti hai. in per musalsal zor padne ki wajha se yeh ghis jati hai aur jodo mein dard ka baes hoti hai. Esi ko gathiya ka dard bhi kehte hein. Es ki 2 iqsam hein. Aik ka naam hai Steve arthritis aur dosra rewmetwed arthritis kehlati hai. pehla arza umer ki zyadti aur zakhmi hone ki wajha se jab ke dosra arza andaron jism se nuqsan ki wajha se peda hota hai. Es ka koi ilaj nahi hai magar brofin se es mein bohat faeda hota hai aur dard ke sath sath jalan ka bhi khatma ho jata hai. Warzish karne se jodo ke masals pher se lachkile aur kar-amad hone lagte hein jodo ke darmiyan injection lagane se bhi mutasiren ko bohat aram hota hai. Agar dard mein shidat aur adviyat kam na kar rahi hon tou jodo ko tabdel karne ka operation ab aam ho gaya hai.

Maherin ka Mashwara (Advice from the Experts):

Doctors kehte hein ke aksar log maskora dard mein jab achi tarah mubtala ho jate hein tab hum se rujo karte hein aur tab baat es qadar badh chuki hoti hai ke ilaj karna mushkil hota hai. Baaz afrad dard mein mubtala hone ke saal dedh saal bad humare pas aate hein. Aese log jo dard mein mubtala hone ke 1 mah bad he aa jate hein in ka ilaj asani se ho jata hai aur jaldi bhi. Agar ap ko dard hai tou ap doctor se mashwara karein. Agar mar-wajah ilaj se faeda nahi hota hai tou pher ksi specialist se milein. Doctors ka kehna hai ke dard asal mein aik red light hai jo fitrat ki alamat hoti hai. es tarah ap ka jism ap ko bata raha hota hai kuch gar-bar hai, tawajah dein.

Warning : This information is just for information and knowledge of medical care. Please contact your doctor for treatment.
 
© Copy Rights 2012 -1015     www.internetpk.com All Rights Reserved Contact Us