www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Abhishek Bachchan

Abhishek Bachchan Interview: Abhishek was born on 5 February 1976 in Mumbai, Maharashtra, India. He is an Indian film produce and actor. His father name is Amitabh Bachchan, he is an Indian actor and his mother name is jaya Bachchan, she is a famous Indian actress, and his wife name is Aishwarya Rai, she is a beautiful and famous bollywood actress, Abhishek Bachchan have one daughter her name is Aaradhya. I will give you interview of Abhishek Bachchan in Urdu and Hindi, he is top of the star on bollywood.
Abhishek Bachchan
 
 
 
 
 
 

“Dostana” ke baad kamyabi ki devi Abhishek se jese roth gai hai! Lagatar che (6) flops films mein agar “Paa” jesi hit film milti bhi hai to such bataiye ese Abhishek ke khate mein kese dala ja sakta hai? Abass Mastan ki players ke let down hone se joiner B per bura aser padta hai aur woh ‘do imranon’ aik Ranbir aur aik Ranveer ke samne bujhte chiragh ki sorat timtimane laga hai, lekin abhi woh waqt nahi aaya ke aadhi darjan flops aur woh bhi lagatar ki wajha se hum Amitabh jese es sadi ke actor ke aik lote sapoot ko aik dam he write off kar dein! Mummi, daddy ki sakht aur khud Abhishek Bachchan ki umda PR ship ka kamal hai ke use bachane wale alert hein aur ab bhi chance pe chance balke golden chance milte ja rahe hein, Abhishek Bachchan ka treed record nisf darjan lagatar flops ka hai director Rohit Shetty es ke bilkul bar-uks che (6) lagatar hits ka record rakhta hai aur es young director ki treed hype es qadar strong hai ke july release “Bol Bachchan” hit ho gai hai, es film mein junior B ne aik nahi do, aik apne asal naam Abhishek ka aur dosra farzi naam Abas Ali ka.

Abhishek Bachchan Interview

Question: “Bol Bachchan” ke poster per tumhare do alag look nazar aa rahe hein! Kya tumhara double role hai?

Abhishek Bachchan: Agar meri yaddasht thek se kaam kar rahi hain to “Bol Bachchan” ke zarye career ka pehla double role play kar raha hon, es se pehle 2005 ki release “Bunti aur Bubli” mein uchak-ke uthai gire ka role kyat ha jis ke liye bohat se bhes badalna pade they, lekin jahan tuk double role ki baat hai to “Bol Bachchan” mein pehli bar do alag tarha ke kirdaron mein dekhai don ga’ ye judwan bhai hein jin mein se aik ka naam Abhishek Bachchan aur dosre ka Abas Ali hai!

Question: kya “Bol Bachchan” ko aik bade challenge ki tarha liya hai?

Abhishek Bachchan: Bara (12) saal se industry mein hon aur khud ko lucky tasawar karta hon ke ordinary actor hone ke bawajod ‘Yuva’, ‘Gro’, ‘bunty aur babli’ ‘Paa’, ‘Rawan’ jesi milmon mein bohat achey kirdar mile “Bol Bachchan” in sab se badh kar hai, offer sunte he han kar di thi! Yaqeen se kehta hon ke es film industry mein koi bhi aesa shaks nahi hoga jo Bol Bachchan ki offer per inkar kare ga! Shooting shoru hone se pehle mein is film ko under estimate kar raha tha, mujhe lagta tha ke baqi filmon ki tarha es ka kaam bhi asani se ho jae ga, lekin janab Rohit ne lohe ke chane chabwa diye aur ese mein apne career ki sab se mushkil tareen film manta hon.

Question: Bol Bachchan mein kis kirdar per zyada mehnat hoi’ Abhishek ya Abas Ali? Aur kis liye sochte ho ke zyada acha feed back paa sako gey?

Abhishek Bachchan: Meine yaksa involvement se dono kirdar nibhain hein magar ye sacuh hai ke dono kirdar mashriq aur maghrib ki tarha mukhtalif hein! Jis tarha degar filmon mein judwan bhaiyon ko kai mamlat mein aik jesa dekhaya jata hai, Bol Bachchan mein aesa kuch bhi nahi, es liye dono kirdar nibhate howe mujhe aesa mehsos howa ke do alag filmein kar raha hon! Agar in dono kirdaro mein ksi ko behtar qarar dena he ho to Rohit Shetty ka naam lein kyun ke usi ne in kirdaron ko tarasha aur zindagi di hai.

Question: Aik se lekar das tuk agar Bol Bachchan’ mein tumhari performance ko number dene ke liye kaha jae to kitne do gey ?

Abhishek Bachchan: Apne mamle mein humesha se bohat bohat sakht raha hon es liye jab dubbing kara raha tha to zehan mein ye sawal aaya tha aur meine socha tha ke jesa kaam howa hai us hisab se khud ko 5 number de sakta hon.

Question: Ye film ‘Ajay Devgan’ ki production hai us ka kehna hai ke Abhishek per zyada zoor rakha gaya hai, kyun ke use kamyabi ki sakht zarorat hai?

Abhishek Bachchan: To es mein jhot kya hai! Ajay aur Rohit dono ki position mazboot hai aur in ke samne sirf mein he hon jse hit ki sakht zarora hai! Ajay ke saath bohat kaam kya hai aur woh aik family member ki tarha hai’ mein use bade bhai ka darja deta hon aur us ke bawajod ke film making mein bhai, baap, beta kuch nahi chalta, mein Ajay ka regard karon ga ke us ne chota bhai samjha aur ye chaha ke mujhe aesa moqa mile ke pher se hit ho jaon.

Question: kya Ajay ko apna hareef nahi mante?

Abhishek Bachchan: Es tarha se to dad bhi mere hareef hein aur her woh actor jo ksi bhi capacity mein yahan kaam kar raha hai, use apna competitor samajhta hon. Ajay es waqt top 5 actor mein aata hai jab ke mein top 10 se bhi baher hon! Ajay ko hareef na kahein balke ye kahein ke woh mera target hai aur mein us jitna kamyab hona chahta hon!

Question: “Bol Bachchan” mein pehli bar Prachi Desai ke sath kam karna kesa laga?

Abhishek Bachchan: Prachi Desai aik cute girl hai, Jeypore mein shooting ke doran bohat maza aaya, screen per woh jitni sadi aur bholi nazar aati hai wesi hai nahi! Kafi bahadur qisam ki ladki hai kyun ke Jeypore mein humari shooting dekhne ke liye jo bhed jama ho gait hi’ us mein kuch badtameez qism ke ladke bhi they, un se security guard ke sath Prachi bhi lad jhagad rahi thi!

Question: “Bol Bachchan” ke pehle trailer ke jari hone per tajziya kiya gaya hai ke, us mein aaya hai ke Abhishek ki karkardagi mutasir-kun nahi lag rahi?

Abhishek Bachchan: Pehley jab mere sathi actors, critics ko bura bhala kehte they to ye baat hazam nahi hoti thi lekin ab jan gaya hon ke yahan ke 90% critics janibdar hein aur apne favorites ko aage dekhna chahte hein! Hum in critics ke liye kam nahi karte balke woh awam zyada aehum hein jo mehnat ki kamai se ticket kharid kar humari film dekhne aati hai! Ye critics to zyada se zyada Mumbai ki high fai society ko target karte hein. Jo Bharat ki 1 se 2% aabadi ho sakti hai, jabke film Bharat, Pakistan UAE aur degar mulkon ke aam logo ke liye banai jati hai! Mujhe umed hai ke dekhne aur chahne wale agar meri pichli 6 filmon se mutmaen aur khush nahi howe to ‘Bol Bachchan’ sorat-e-hal ko badal de gi aur ye film sab he dekhne walon ko mere kirdaron ke hawale se bhi khas tor per pasand aaey gi!

Question: Pichli 4 filmon mein tum ne kangna, Sonam, Bipasha aur Prachi Desai ke sath kaam kya hai! Who is most beautiful and hot?

Abhishek Bachchan: Beautiful is Sonam and hot, Bipasha.

Question: Agar tum heroin ban jao to apne muqabil kise hero dekhna pasand karo gey?

Abhishek Bachchan: Dostana dekhne ke baad bhi ye sawal pochne ki zarorat baqi reh jati hai kya!

Question: kis film ki nakami ka zyada afsos hai? Plars, dam maro dam, game ya khelain hum ji jan se!

Abhishek Bachchan: her film per bohat mehnat ki hai es liye her nakami per afsos howa lekin zyada dukh plars ke liye mehsos karta hon.

Question: Papa Bachchan ki aal time favorite ‘Amar Akbar Anthony’ mein koun sa role karna chaho gey?

Abhishek Bachchan: Beta, bap ke jotu mein samane ki koshish karta hai! Mere liye Amar se behtar kirdar aur kya hoga!

Question: Rawan mein agar tumhari jaga ksi khan hero ko cast kya jata to woh khan hero koun hota?

Abhishek Bachchan: ye role Shahrukh achi tarha kar leta! Youravon aur rawan dono us ke credit per hoti!

Question: Agar ksi film mein priyanka chopra, dipika padukone, sonam kapoor aur prachi desai ke bhai ka role offer ho to?

Abhishek Bachchan: Bhai banaya jae ya baap’ mujhe apne kirdar se matlab hai! Kirdar acha howa to zaror reedy ho jaon ga.

Question: Ravina Tandan, Kajol, madhori dixit, johi chawla, sridevi, pichley dor ki koun si heroin tumharey sath zyada achi lagti hai?

Abhishek Bachchan: Madhori ji, es liye bhi ke unho ne papa (Amitabh) ke sath as heroin koi film nahi ki!

Question: Koun se aesi haliya release hai jis mein tum nahi ho magar jis mein kam karne ki khahish hoi?

Abhishek Bachchan: Akshay Kumar ka raowdy rathore wala kirdar.

Question: khud per filmaya koun sa gana favorite hai?

Abhishek Bachchan: ‘Dostana’ ka gana ‘Desi Girl’.

Question: Agar Aaradhya samet sari Bachchan family ko koi film offer hoi to?

Abhishek Bachchan: Never mind, depend karta hai ke script aur banner kesa hai, we all would ready if things batter.

Question: 20 saal bad khud ko kahan dekhte hein?

Abhishek Bachchan: Aik top rated producer aur aik bade banner ke malik ke tor per mutaharik honga.

Bachchan Family’s

Question: Apni family mein kis ke sath kam karna zyada acha lagta hai?

Abhishek Bachchan: ksi aik ka naam nahi ley sakta’ maa, bap aur BV teno ke sath yaksa maza aata hai aur aesa lagta hai jese set per nahi balke ghar mein hon.

Question: Aishwarya ke sath tumhe pher se kam karta hum kab dekh sake gey?

Abhishek Bachchan: Kuch nahi keh sakta, jis tarha maa ne hum bachon ki parwarish ke liye lamba break liya tha aur ye feisla un ka apna tha, usi tarha aish ne bhi humari beti Aaradhya ke liye career ko side line kar diya hai! Wese hum ne Gro, Rawan aur sarkar raj jesi filmon mein sath kam kya hai! Amraojan ka zikar danista tor per nahi kar raha ke etni buri film ko bhol he jana chahiye!

Question: Lekin Raj Kumar Santoshi tum dono ko lekar ladies and gentlemen plan kar rahe they?

Abhishek Bachchan: wo apni jaga sold they magar hum kab tak inhein intazar kara sakte they! Jab Aish heroin se cut hoi to santoshi ji ne phone kar ke kaha ke apni film humare sath he banain ge aur advance wapus nahi lein gey ta hum 2 mahine bad hum ne unhein ghar bula kar advance wapus kar diya kyun ke maa banne ke bad aish fori tor per kam nahi karna chahti thi lehaza hum santoshi ji ko yaqen se nahi keh sakte they ke saal bhar bad dastiyab honge ya 2 saal bad!

Question: kya ye film ksi dosre pair ke sath bane gi?

Abhishek Bachchan: jahan tuk humein bataya gaya hai, woh ye ke santoshi ji’ project cancel kar chuke hein, aur aj kal ksi dosre kam mein masrof hein.

Question: kya ye possible hai ke family ke charo 4 actors ksi film mein sath dekhai dein?

Abhishek Bachchan: Possible to hai magar filhal dor dor tuk koi chance dekhai nahi de raha! Es waqt Aish ko real Mumy ka kirdar nibhana zyada acha lag raha hai’ woh mujhe bhi proper time nahi de rahi’ shoru mein, meine baby ki nappies change karne ki koshish ki magar ye kam bohat mushkil laga tahum Aish bade maze aur maharat se ye aur baby ke dosre bohat se kam kar rahi hai, mein us se aksar kehta hon ke tum’ actress nahi balke sirf maa ho kyun ke mein soch bhi nahi sakta tha ke Maa banne ke bad woh etni badal jae gi!

Question: Aaradhya ka naam rakhne mein takher kyun hoi?

Abhishek Bachchan: Humari kuch family traditions hein, unhein follow kya gaya, Aaradhya humari next generation ki first baby hai, naam per bohat soch bachar kya gaya, ye such nahi ke es tarha se hum dunya bher mein publicity chahte they, koi apni bachi ki tasaver aur naam ko bhi bech sakta hai? Aesi sari reports ghalat aur be-bunyad hai ke bachi ki tasaver ya naam ke liye humein 5 ya 10 karod offer howe they! Hum mein se ksi ko peson ka laluch nahi aur pher hum kis tarha Aaradhya ke bada hone per us ka samna karte ke us ki pedaesh per note kamaey!

Doston ka Dost

Question: Goldi Behal bachpan ka dost hai, kya wajha hai ke pechley dino media per tumhary aur Goldi ke darmiyan rafut ki khabrein aain?

Abhishek Bachchan: sab be-bunyad batain hein, Goldi, sagey bhaiyon se badh kar hai, us ki misses Sonali ne meri shadi per shoeta ki tarha sagi behan ka role nibhaya tha! Hum log rishte naton per yaqen rakhte hein aur un ki qadar karte hein! Baat ye hai ke Goldi ki ibtadai dono filmein bas etna sa khab hai, aur daro na, meine ki thi, magar haliya filmon, “ London, Paris, New York,” i me aur main, main nahi hon es liye media ko laga ke humare darmiyan koi tension chal rahi hai! Bhi actors script ki demand per cast kiye jate hein aur koi mujhe bata sakta hai ke “ London, Paris, New York,” mein mere laeq ksi tarha ka role hai!

Question: Sikander Kheer tumhari meharbanyon ke bawajod aage nahi badh saka?

Abhishek Bachchan: es ka bohat afsos oy! woh aik tall, hansom aur good looking actor hai “khelein hum ji jaan se” aur “players” dono filmon mein us ki kar kardagi achi rahi hai lekin humere yahan to box office se badh kar kuch nahi dekha jata tahum mera ye yaqeen baqi hai ke sikander ach actor hai, lehaza use sport deta rahon ga!

Question: pichley dinon tum ne aik chocolate shop ka iftatah kya jabke aam tor se tumhe store opening type taqrebat mein nahi dekha jata?

Abhishek Bachchan: ye kaam bhi dosti nibhane ke liye kya! Mehol (Bhutta) bohat close friend hai, woh chocolate shop open kar raha tha’ us ne guzarish ki ke opening per chef guest ban jao chnancha ban gaya, e ski dosri wajha ye hai ke chocolate lover hon aur her flavor and brand ka chocolate shoq se khata hon!

Question: kya tum nahi samajhte ke aik actor ko apni smartness bachae rakhne ke liye chocolate se dor rehna chahiye?

Abhishek Bachchan: ok, baqiyon ke sath aesa hoga magar mere liye chocolate bilkul bure nahi! In ke zarye mera mood acha ho jata hai aur agar zyada chocolates kha lon to pher Jim khane mein zyada waqt guzarta hon ye manta hon ke aik limit mein he chocolates khani chahiye!

Question: kya ye such hai ke tum coffee ke rasya ho?

Abhishek Bachchan: I love coffee’ main sahi mano mein coffee pi kar jita hon mujhe e ski maqdar kum karni chahiye!

Question: Apne kis dost ko Coffee date per le jana chaho gey?

Abhishek Bachchan: Karan Johar ke show mein sab se achi coffee milti hai es liye achi aur muft coffee ke liye Karan Johar ko he sath le jaon ga! Ghar mein zyada tar wife (Aish) ke sath subha ke waqt coffee peta hon!

Question: kya tum ne Aish ke liye coffee banai hai?

Abhishek Bachchan: Meri wife chaey ki shoqeen hai, woh coffee per chae ko tarjeh deti hai!

Question: Tum chocolates aur coffee se parhez nahi kar rahe, es ke bawajod kafi smart aur ksi had tuk slim dekhai dete ho! Kya ye body fitness ‘Bol Bachchan’ mein kirdar nibhane ke liye hai?

Abhishek Bachchan: ‘Bol Bachchan’ mein to es qadar fitness requirement nahi thi albatta next movie ‘Dhoom 3” jo bohat jald set per ja rahi hai, us ke liye mahirana fitness ki zarorat hai’ bus esi liye coffee aur chocolate ke zyada estamal per Jim khane mein waqt dogna kar deta hon!

Question: ‘Dhoom 3’ ke liye pehli bar Aamir ke sath camera face karo ge! Kesa lag raha hai?

Abhishek Bachchan: Bohat excited hon! Aamir is a wonderful actor’ mujh se senior hai aur jhot nahi bolon ga’ bachpan se us ka kaam dekhta aur enjoy karta aaya hon! Jab Dhoom series ki agli film mein Aamir ki casting final hoi thi to main aur udey chopda’ dono bohat khush howe thein! Es film industry mein koun hai jo Aamir ke sath pair up hone ki khahish na rakhata ho’ es ka matlab’ aap ke credit per aik yaqini hit ka izafa hai!

Question: Aaj kal dostana level per top actors’ item number kar rahe hein’ us rujhan ko kya kaho ge?

Abhishek Bachchan: Dostana tor per bhi bohat badi aamdani ho jati hai! Agar aik gane ke badley roles rise (gadi) mil jae to kya bura hai!

Religious Person

Question: kya tum aik dharmik ya mazhabi shakhs (Religious Person) ho?

Abhishek Bachchan: apne aas pass bachpan se religious mahol dekah hai, hum ishwar per yaqeen rakhte hein aur apne bhale ke liye achey kamon ke siwa us se doua mangte hein!

Question: Kya Bharat ki tarha tum zati tor per secular minded ho?

Abhishek Bachchan: Yaqeenan, Bharat jese mulk mein aman aur chain se rehne ke liye her farqe aur mazhab ke logo ko aik dosre ka aehtram karna chahiye so main bhi aesa karta hon!

Question: Tumhe Muslim sofiyon ki dargahon aur khanqahon per jate bhi dekha gaya hai?

Abhishek Bachchan: In per mera yaqeen aur iman hai! Khawaja sahib ki darhah per meri pori family jati rahi hai! Jab Aaradhya’ peda hone wali thi to papa ne wahan ja kar manat mani’ usi tarha se main ‘plaeyrs’ ki kamyabi ki dua mangne dargah gaya tha, meri maa to jane kitni bar aur kis kis maqsad ke liye dargah per hazri dey chuki hai!

Question: kya sirf mangne aur man ki murad pori karne tuk he ye aqedat hai?

Abhishek Bachchan: Bilkul nahi’ sab se badi cheez aap ka yaqeen hai’ in sofiyon ki dargahon per kai salon se log ja rahe hein’ ye khuda ke neik aur mehbob bande they lehaza hum sab ko in se aqedat rakhni chahiye!

What’s Coming

Question: ‘Bol Bachchan’ ke bad Dhoom 3 shoru ho rahi hai’ us bare mein kuch batao?

Abhishek Bachchan: Planing se kafi late ho gai hai’ choke main Dhoom series ka regular actor hon es liye mera kirdar wahi hai jo pichli do filmon mein tha!

Question: Dostana 2’ kis marhale mein hai?

Abhishek Bachchan: Karan Johar ne humein lambe arse tuk onboard rakha howa hai! Yaqeen se nahi keh sakta ye film kab shoru hogi tahum zinda rehne ki sorat ye baat yaqeni hai ke main aur John Ibrahim lader roles play karein gey!

Question: Paa’ ke bad ba-qaeda production line ki taraf kyun nahi aaey?

Abhishek Bachchan: Partner producer ki hesiyat se bohat sa kaam planning per hai lekin aazad producer ke tor per filhal kaam nahi kar sakta kyunke jitni tawajah darkar hai woh shaed na de sakon!

 
© Copy Rights 2012 -1015     www.internetpk.com All Rights Reserved Contact Us