www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Akshay Kumar

Akshay Kumar Interview: Akshay Kumar is a famous Indian producer, actor and martial artist and his full name is Rajiv Hari Om Bhatia, other name is King Kumar Khiladi. He was born on 9 September 1967 in Amritsar, India. His wife name is Twinkle Khanna, she is a beautiful and famous Indian actress and producer. He have 2 children. In this page you will read and find gossip with interview of Akshay Kumar in Urdu and Hidni.
Akshay Kumar
 
 
 
 
 

Akshay Kumar Interview:

Question: Ba-tour adakar rawan saal ap ke liye bohat mushkil tha? Ap ki kafi sari films release hoin es ke bare mein ap kiya kahein gey?

Akshay Kumar: Mujhe tou yeh saal bhi degar guzre salon ki tarha laga. Kafi salon se har saal meri zyada films release ho rahi hein. Mujhe pata hai ke aesa karna sab ke bas ki baat nahi hai magar esi tarha kaam karna mujhe pasand hai. zahir hai ke bohat kuch dao per laga hota hai, magar main es ki kum he parwah karta hon, film chal jati hai tou khushi hoti hai wese bhi har film blockbuster to nahi ho sakti hai na…. main presser ko kum karne ke liye films karta rehta hon aur logo ko tafreh deta rehta ho.

Question: Ap ne jo nai films sign ki hein us se lagta hai ke ap jan bojh kar comedy se hat kar sanjida role karna chahte hein? Kya ap ko lagta hai ke ap ko comedy ke khane mein fit kar diya gaya hai?

Akshay Kumar: Ap comedy ke mehaz comedy keh kar es ki aehamyat kum nahi kar sakte hei, yeh comedy he hai jis ke zariye ap sakht se sakht dil ko bhi mom kar sakte hein, logo ko rolana bohat asan hai magar hansana bohat mushkil…. Reh gai baat ksi khane mein fit hone ke tou ap ne dekha hoga ke main har tarha ki films karta hon aur jab comedy nahi karta hon tou log mujh se shikayat karne lagte hein, pora mulk film aur khas kar comedy film dekh ka rkhush hota hai, maine apne ap se aehad kar rakha hai film chahe jis category se taluq rakhti ho, agar us mein karne ke liye kuch hoga tou main zaror karon ga. Jesa ke mere hidayatka kehte hein ke mera dosra naam “Versatility” hai.

Question: “Action replay” per ap ka kya rad-e-amal tha? Kya es ke natije se ap khush hein?

Akshay Kumar: Main bohat khush tha….. mujhe es film ka idea bohat acha laga tha, khobsurat kahani thi magar baaz auqat mamlat us tarah se nahi ho pate hein jis tarha se ap ne soch rakha hota hai. mujhe yeh kehne mein aar nahi ke yeh flop ho gi. Ap har baar fateh nahi ho sakte, Vipul Shah aur main samajhdar log hein lehaza hum es per chalne, kudhne ki bajae aage barh gae. Thek film zyada nahi chali magar yeh bhi thek he hai, waqfe waqfe se niche aana achhi baat hai, banda samajhta hai ke ab yahan se oper jaya ja sakta hai. Mujhe pata hai ke gar-bar kahan hoi aur yahi baat aehum hai.

Question: Baat hit film ki ho tou ap ka aur Katrina Kaif ka record zabardast hai, kya ap ke liye woh lucky sabit hoti rahi hein?

Akshay Kumar: Woh sirf lucky he nahi…. Aur bhi bohat kuch hai, ap ese black cat keh sakte hein jo bollywood mein jis ka rasta kat’ti hai woh hit ho jata hai. humare darmiyan gehri hum aahangi hai, main esey cherta rehta hon aur woh mujh per masnoi ghussa karti rehti hai, woh behtareen rawaiye ki malik hai aur bohat mehnati actress hai. Main apni har heroin ki ezzat karta hon es liye cat se moazrat ke saath ke main us ki zyada tareef nahi kar sakta hon.

Question: Ap “Tees Maar Khan” ke co-producer bhi thein, Farah Khan ke sath es kaam ka tajurba kesa raha?

Akshay Kumar: Bohat achha aur aasan…. Bohat achhi film meeker hai, bohat tezi se magar pore yaqeen ke sath kaam karti hai aur industry ki mazbot khatoon hai, woh mehaz ek nazar dekh kar samne wale ko rone per majbor kar sakti hai. use pata hai ke use kya chahiye aur woh yeh hasil kar ke rehti hai, woh khud behtareen hai lehaza sab se behtareen ki tawaqa karti hai, woh actor, director hai, agar ap mehnati nahi hein tou pher us se door rahiye kyou ke woh ap ke taraf dekhna bhi pasand nahi kare gi.

Question: film “Tees Maar Khan” ki shooting ke darmiyan bohat maza aaya hoga kyun?

Akshay Kumar: taqreeban rozana he hansi mazaq ka dour chalta tha, Malshej Ghat per reet ka tofan uthta rehta hai magar hum us mein bhi shooting karte rahe, mera aur cat (Katrina kaif) ka chehra reet se att jata tha aur hum aik dosre ko dekh kar hanste they.

Question: Industry mein yeh aam khayal paya jata hai ke do hareef heroes dost nahi ho sakte hein kya aap es per yaqen rakhte hein?

Akshay Kumar: Main janta hon ke aksar heroes apas mein dost nahi hein magar es ka matlab tamam heroes nahi hein, baaz auqat es liye dost ban jate hein ke in ko samajhne wala aur koi nahi hota hai, zaati tour per main samajhta hon ke ap ko aankh band kar ke ksi per bhi bharosa nahi karna chahiye, main koi juj nahi hon ke dosron ke bare mein fesla karta pheron, agar koi mujhe pareshan nahi karta hai tou main kyun ksi ko bura kahon.

Question: “Tees Maar Khan” mein arsa daraz ke baad ap ki bivi Tina (Twinkle Khanna) ko bhi dekha gaya, kya unhein es kaam ke liye razi karne mein mushkil pesh aai?

Akshay Kumar: Meri bivi ko razi karne ki zarorat nahi…. Es ka dimagh bilkul sada hai, woh koi kaam ya tou karegi ya pher nahi karegi. Woh meri bivi hai or saath hi producer bhi. Usey se ksi aur baat se khushi ho he nahi sakti hai ke es ka shohar usey behtareen producer qarar de, aik moqe per tou woh mujh se bhi pehle shoot karne ke liye taiyar ho gai aur scene 2 take mein ok ho gaya.

 
© Copy Rights 2012 -1015     www.internetpk.com All Rights Reserved Contact Us