www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Ashish Kapoor

Ashish Kapoor Interview: Ashish Kapoor is a good looking, famous Indian TV actor. He was born on 17 October 1984 in New Delhi, India. He is a trained interior designer but at this time he is a best Indian television actor. In this page you will learn and read gossip with interview of Ashish Kapoor in Urdu, Hind.
Ashish Kapoor
 
 
 
 
 

Ashish Kapoor Interview:

Question: Ap ki acting bohat achi hai, ap yeh batain ke es se pehly ap kiya karte thein?

Ashish Kapoor: Taref ka shukarya! Mujhe humesha se he interior designing se dilchaspi thi aur esi liye maine 2 saal ka course bhi kiya, yeh mehaz itafaq hai ke acting ki taraf aa gaya aur lag raha hai ke aaenda chand saal esi field mein masrof rahon ga.

Question: Ap ko sab se zyada khushi kis baat se hoti hai?

Ashish Kapoor: Jab main apni mummy ke chehrey per muskurahat dekhta hon, woh humesha meri adakari se lutf andoz hoti hein aur esi wajha se main bhi apni acting ko khob enjoy karta hon, shayad es profession se chimtey rehne ki aik wajha yeh bhi hai.

Question: Ap ka pasand-dida actor aur actress koun hai?

Ashish Kapoor: Salman Khan aur Katrina Kaif, meri khahish hai mujhe bhi Katrina Kaif jesi girl friend mile!

Question: Hum ne suna hai ke ap “Dekha Hai Khwaab” ki heroin ‘Pariyal Gor’ se dating kar rahey hein, kya woh Katrina jesi nahi hai?

Ashish Kapoor: Pariyal Gor bohat piyari aur khobsurat larki hai, mujhe us ki dosti per fakhar hai, us ke sath batein karne aur waqt guzarne mein sakon milta hai lekin Katrina ka muqabla koi nahi kar sakta.

Question: Kiya Pariyal Gor janti hai ke ap ko Katrina jesi girl friend chahiye?

Ashish Kapoor: Usey meri her baat ka elm hai aur jab es khahish ke bare mein malom howa tou us ne mera koub mazaq banaya aur kaha ke Katrina ko Salman bhi qabo na kar saka, tum kis khet ki moli ho, shayad woh thek bhi kehti hai.

Question: Ap interior designing ka course karne ke bad acting ki taraf aa gay, kya ab bhi ap ka us field se koi taluq baqi hai?

Ashish Kapoor: Gi han! Abhi mujhe bohat se kam karne hein, main ek gymnasium kholna chahta hon jis ke sath aik chota sa restaurant bhi ho ga aur in dono ki designing main khud he karon ga.

Question: Kya ap apne career ki mojoda position se mutmaen hein?

Ashish Kapoor: Fil waqt apni job se pori tarha mutmaen hon lekin abhi yeh ibtada hai mujhe aagey chal kar bohat kuch karna hai.

Question: Ap ka future plane kya hai?

Ashish Kapoor: Films mein kam karna chahta hon hal he mein 2 films ki offer hoi thi lekin script pasand nahi aaya es liye inkar kar diya, es ke elawa reality shows mein bhi hissa lene ki khahish hai lekin mujhe nachne, gane ya comedy karne se koi dilchaspi nahi ager koi adventures show mil gaya tou zaror karon ga.

Question: Kya ap ko kam ke doran ksi se koi shikayat hoi?

Ashish Kapoor: Main her kam mein 100% jan ladata hon aur yahi wajha hai ke her show mein akhir tak mojod raha jab ke bohat se log ksi na ksi bat per darmiyan mein he show chor kar chaley jate hein, main samajhta hon ke maine achy logo ke sath bohat achey sohws kiye hein aur dawe se keh sakta hon ke kabhi set per nakhra nahi dekhaya aur na he ksi ko tang kiya, main shikayat kiye bagher der tak bhi shouting karne ke liye bhi tayar rehta hon! Ek waqt aesa bhi aya jab maine ksi waqfe ke begher 128 dino tak lagatar shouting ki.

Question: Kya musalsal kam karne se ap koi dabao mehsos nahi karte?

Ashish Kapoor: Jab admi kam mein masrof ho tou ksi qisam ke presser ka aehsas nahi hota albatta doston ko zaror miss karta hon kyun ke Mumbai mein akela hon aur mujhe ksi bhi dost se mile how ek arsa ho gaya hai ek waqt aesa bhi aya jab main 14, 15 mahine tak ghar nahi ja saka lekin ab waldain khud he mujh se milne aa jate hein.

Question: Aj kal Priyal Gor ke sath ap ki fair ki khabrein badi garam hein lekin ap ne abhi tak apni zaban se es ka iqrar nahi kiya, es ki kya wajha hai?

Ashish Kapoor: Acha nahi lagta ke apne zati mamlat ko media mein discus kiya jae, ap ne pocha hai tou bataey deta hon ke han hum aik dosre se off the set bhi milte rehte hein.

Question: Ap dono ko kab yeh aehsas howa ke aik dosre se mohabbat ho gai hai?

Ashish Kapoor: Hum saal ke aghaz se he akhattey hein es ki ibtada us waqt hoi jab hum shouting ke silsile mein Goa gay wahan mujhe aur Priyal ko aik dosre ke qareb aane aur samajhne ka moqa mila, tab he hum ne aik couple hone ka faisla kar liya, woh bohat he masom, piyari aur samajhdar larki hai.

Question: Valentine day per ap ne usey kya tohfa diya tha?

Ashish Kapoor: Hum dono shouting mein etne masrof rehtey hein ke ksi bat ka khayal he nahi rehta lekin Priyal ko yad raha aur woh mere liye ek khobsurat tohfa ley kar ai thi.

Question: Shadi ka kab tak erada hai?

Ashish Kapoor: Yaqinan shadi bhi hogi lekin fil hal hum dono ki tawajha apne career per hai, pehley apne ap ko establish kar lein pher shadi ke bare mein sochein gey.

Question: Kya shadi ke baad ap Priyal ko acting ki ejazat do gey?

Ashish Kapoor: Yeh sawal abhi qabal-az-waqt hai lekin main un logo mein se nahi hon, jo aurton per be-ja pabandiyan aaed karte hein! Priyal, ager chahey gi tou us ki acting karne per mujhe koi aetraz na hoga.

Question: Ap ko apni koun si aadat na-pasand hai?

Ashish Kapoor: Main bohat be-sabra hon aur mujh mein bardasht ka mada bilkul bhi nahi hai.

Question: Ap ne akhri kitab koun si barhi?

Ashish Kapoor: Main kitab nahi parhta, es ke liye waqt kahan se laon.

Question: Ap koun si car drive karte hein?

Ashish Kapoor: Mumbai mein soft chalata hon aur jab ghar jaoun tou corolla ya Honda civic per safer karta hon.

Question: Fursat ke auqat mein kya karte hein?

Ashish Kapoor: Gi bhar kar sota hon, doston se milta hon, restaurant mein khana khata hon.

Question: Ager ap se kaha jae ke “Dekha Ek Khawaab” mein apne corrector uday meer, ke liye ksi dosre actor ka intakhab karo tou kse tarjeh do gey?

Ashish Kapoor: Ksi ko bhi nahi, kyun ke main apne ap ko es role ke liye sab se zyada mozu samajhta hon.

Question: Television mein actor ki life bohat mukhtasar hoti hai, kya tum ne kabhi socha ke 4 ya 5 saal bad kya karo gey?

Ashish Kapoor: Mere hath mein aik dosra huner bhi hai, acting se farigh hone ke bad interior designing ka kam shoru kar don ga.

 
© Copy Rights 2012 -1015     www.internetpk.com All Rights Reserved Contact Us