www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Jay Bhanushali

Jay Bhanushali interview: Jay Bhanushali is a famous, good looking Indian television actor and host of reality shows. He was born on 25 December 1984 in India. His wife name is Mahii Vij and she is a television actor. I will give you gossip with interview of Jay Bhanushali in Urdu and Hindi..
Jay Bhanushali
 
 
 
 
 

Jay Bhanushali interview:

Question: Ap kafi arsa se color TV ke faction show carry mein nazer aa rahe ho, Drama se dor rehne ki wajha kiya thi?

Jay Bhanushali: Ye tou sab he jante hein ke mera pehla show Qayamat, zaberdast hit howa tha aur es mein mere corrector ko bohat zyada pasand kiya gaya tha jab maine dekha ke es show mein mere liye mazed karne ko kuch nahi tou es se alehdgi ikhtayar kar li jis per bohat se logo ne mujhe bura bhala bhi kaha es ke baad maine waqt guzari ke liye reality show mein hissa lena shoru kar diya aur es doran ache role ka intazar karta raha, ab shadhey 4 saal bad es maqsad ko hasil karne mein kamyab ho saka hon.

Question: Es corrector mein aesi kiya khas baat thi jo ap esy karne ko tayar ho gay?

Jay Bhanushali: Mera corrector Anuj koi super man nahi balke aam sa shakhs hai jo apni maa se be had mohabbat karta hai! kahani mein dramai rang es waqt aata hai jab meri khud mukhtar aur apni soch rakhne wali bivi Aimi meri zindagi mein dakhil hoti hai aur main in dono ke darmiyan but kar reh jata hon! Log meri bechaini ko mehsos kiye beghair na reh sake gein aur bohat se logo ko es mein apni zindagi ka aks nazer aay ga.

Question: Es serial mein tumhari maa Imarti Devi ka kirdar national school of drama ki teacher Hima Singh ne ada kiya hai in ke sath kam kar ke kesa laga?

Jay Bhanushali: Woh adakari ka chalta pherta school hein aur hum sab in se roz kuch na kuch sekh rahey they.

Question: Ap ne sarhey 4 saal tak faction shows mein kam nahi kiya aur ap ka kehna hai ke achey role ka intazar karte rahey, kya waqai yahi baat hai? ya es ke alawa koi aur wajha bhi thi?

Jay Bhanushali: Mujhe zyada tar amir admi ya collage boy ke correctors offer ho rahe they jin se main bilkul bhi mutasir nahi howa, lehaza majboran mujhe thore arsey ke liye TV dramas se brake lena par gaya, pher reality shows ki offer hone lagi aur main in mein masrof ho gaya.

Question: Kya ap dobara Jhalak Dikhhla jaa mein hissa lene ke liye tayar hein?

Jay Bhanushali: Main in logo mein se hon jo apne ap ko ksi kam mein dhakelna nahi chahte! Jhalak Dikhhla Jaa mere liye koi nai aur anokhi chez nahi ager moqa mila tou zaror shirkat karon ga.

Question: Kya ye such haik ke ap ko “Dabangg 2” mein cast kiya ja raha tha lekin ap ne apni mojoda masrofiyat ki wajha se mana kar diya?

Jay Bhanushali: Gi han! Mujhe aur Mahii Vij ko es ke aik dance sequence mein hisa lene ki offer hoi thi lekin main Dance India Dance aur carry, ki shouting mein masrof tha es liye bat agey na barh saki.

Question: Ap ne kai reality shows mein host aur participant ke tor per hissa liye pher kya wajha hoi ke sas bahu show mein kam karne per amada ho gay?

Jay Bhanushali: Mera khayal hai ke sas bahu shows humesha kamyab hote hein, aj kal dramo ki yahi qisam pasand ki ja rahi hai aur log inhein shoq se dekh rahe hein, hum ne ye show in logo ke liye tayar kiya hai jo prime time mein daily sop dekhna pasand karte hein, mujhe pori umed hai ke log es show ke sath sath mere kam ko bhi pasand kare gey.

Question: Es ke elawa es show ko muntakhib karne ki koi aur wajha bhi thi?

Jay Bhanushali: Es ki aik wajha production house bhi hai jin ke 4 shows es waqt kamyabi se dkehay ja rahe hein. Mujhe aetraf hai ke ab tak maine jitne bhi production houses ke sath kam kya hai, ye in mein behtareen hai, mujhe khushi hai ke ye saal mere liye lucky sabit howa, log mehsos kar rahe hein ke main abhi bhi fresh hon aur out date nahi howa.

Question: aik lambe arsey ke bad faction show mein kam karna kesa lag raha hai?

Jay Bhanushali: Mujhe khud bhi pareshani mehsos ho rahi thi ke na jane es mahol mein adjust ho akon ga ya nahi leking thanks God, mujhe achi team mili aur hum sab log set per bohat jald be-takalluf ho gay ab humare darmiyan khob hasi mazaq hoti hai.

Question: Ab kuch batein ap ke back ground ke bare mein ho jaey, ye batain ke ap acting ke taraf kese aaein?

Jay Bhanushali: Ye aik lambi kahani hai, humari family mein walid sahib ne ye usol bana rakha hai ke school ki talem mukamal karne ke bad her fard ko apne ikhrajat khud bardasht karna chahiye, chunancha dasvi jamat pass karne ke bad maine bhi kam ki talash shoru kar di lekin kamyabi nahi hoi tab doston ne mashwara diya ke mujhe modeling shoru kar deni chahiye, main es bare mein kuch bhi nahi janta tha ta-hum maine mukhtalif jagho per audition dena shoru kar diye aur chand mah ki koshesh ke bad mujhe pehla commercial mil gaya, mawza bhi acha mila, es ke bad aahista aahista bare brands bhi milne lagey! Ekta Kapoor ne mujhe aik commercial mein dekha aur audition ke liye bula liya! Es tarha Qayamat mein Naive ke role ke liye select kar liya gaya.

Question: Kya ap ne adakari ki baqaeda training hasil ki thi?

Jay Bhanushali: Main ksi qisam ki training per yaqen nahi rakhta, acting aik sekhne ka amal hai aur ap apne tajurba se her roz kuch na kuch sekhte hein! Es mein kuch waqt lagta hai mere nazdek ksi acting institute mein dakhla lena mehaz waqt aur pesa zaya karna hai, mera khayal hai ke humein apne sath kam karne walon ko dekh kar kuch sekhna chahiye.

Question: Ap ke khayal mein acting ya hosting koun sa kam zyada mushkil hai?

Jay Bhanushali: dono he challenging hai! Qayamat mein pehli bar acting kar raha tha es liye mujhe woh zyada challenging laga esi tarha “Jhalak Dekhhla Jaa” mera pehla reality show tha pher maine “Dance India Dance” mein pehli bar hosting ki, woh bhi entni asan na thi jab bhi ap koi kam pehli bar karte hein tou woh mushkil lagta hai, behar hal main samajhta honk e acting ke muqable mein hosting zyada mushkil hai.

Question: Ap ko reality shows mein kam karne mein zyada maza aata hai ya Daily Soap mein?

Jay Bhanushali: Reality shows mein humein ghanton kam nahi karna parta, ye zyada se zyada 1 din ki shouting hoti hai aur hum es ke her lamha se enjoy karte hein jab ke dosri janib Daily Soap mein ap ko her roz kai ghanton tak shouting karna hoti hai aur bohat zyada kam karna parta hai kyunke main bunyadi tor per sust waqa howa hon, es liye mujhe reality shows mein kam karna pasand hai, ye tou kher mazaq ki bat thi, haqiqat ye hai ke mujhe acting mein bhi etna he maza aata hai.

Question: Ager actor na hote tou kya kar rahe hotey?

Jay Bhanushali: Her Indian ki tarha main bhi cricketer bannne ka khab dekha karta tha go ke main apni cricket jari na rakh saka, mujhe ye khel pasand hai aur ab bhi kabhi ksi maqsad ki khatir khelta hon ager cricketer na ban paya tou apna koi chota mota business shoru kar deta.

Question: Shadi ke bad zindagi mein kya tabdeli aai?

Jay Bhanushali: Koi khas farq nahi para, hum dono miya, bivi showbiz se wabasta hein, es liye yahan ke taqazon ko achi tarha samajhte hein aur jante hein ke es field mein ghar se nikalne ka tou waqt muqarar hai lekin wapsi ka kuch pata nahi hota! Esi liye hum dono ne pehley din he ye tey kar liya tha ke raat 9 baje ke baad dinner per aik dosre ka intazar nahi karein gey ager kabhi mujhe shouting mein deir ho jaey tou phone kar ke bata deta hon albatta aik khas tabdeli ye zaror aai hai ke Mahii, ki wajha se mere rehan sehan mein kafi discipline aa gaya hai! ab maily kapre bistar ke bajae washing room mein rakhe jate hein aur dhuley howe kapre ward rob mein mil jate hein.

 
© Copy Rights 2012 -1015     www.internetpk.com All Rights Reserved Contact Us