www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Kunal Khemu

Interview: Kunal Khemu is an Indian Bollywood actor. He is a famous and young star. He comes to the Bollywood film industry as a child star and become a young actor. Kunal Khemu was born 25 May 1983 in Srinagar, Kashmir. His father name is Ravi Khemu and mother name is Jyoti Khemu. Kunal and Soha Ali Khan both is friend and love them. In this page you will find and read Kunal Khemu interview in Urdu and Hindi.
Kunal Khemu
 
 
 
 
 

Biodata:

Name: Kunal Khemu

Personality: Actor

Born (Birthday): 25 May 1983

Birth Place: Srinagar, Kashmir

Fields: Bollywood Film Industry

Parents Name: Ravi Khemu, Jyoti Khemu

Interview of Kunal Khemu:

Kunal Khemu ka taluq Kashmir se hai. Jab-ke Soha Ali Khan Nawab Pataudi family se taluq rakhti hein. Magar dono guzishta kuch salon (few years) se aik dosre ki mohabbat (love) mein griftar hein yahi wajha hai ke Kunal Khemu se baat karein ya Soha Ali Khan se dono ke bare mein sawalat zehan mein aate hein. Hum yahan Kunal se liye gay interview ko yahan pesh kar rahe hein.

Question: Soha Ali Khan ke bare mein ap kiya kahein gey?

Kunal Khemu: Soha aur mein bohat se mamle mein mukhtalif hein, humara back ground alag hai, hum dono mukhtalif mahol mein pale badhein hein shayad yahi wajha hai ke humare taluqat ko dil-chaspi se dekha ja raha hai. Hum dono mein aik baat common hai aur woh hai traveling ka shoq, hum dono ko sahil-e-samandar bohat pasand hai.

Inho ne bataya ke jab Soha ke sath in ke taluqat media tak pohchy tou tarha tarha ki batein aur andazein lagae jane lage khayal tha ke humari dosti bohat jaldi tot jae gi, koi kehta hum mangni kar lein gey. Pher ye bhi kaha jane laga ke hum saal ke akhir tak shadi (marriage) kar lein gey. Magar in tamam andazon mein se koi bhi durast nahi hai hum fil-hal bohat achi aur pur-sakun zindagi guzar rahe hein aur job hi halat aay hum in se ghabraein gey nahi balke in ka samna karein gey.

Kunal honton per muskurahat bikherte howe kehty hein ke Soha bohat heart-angeez shakhsiyat ki hamil hai. Humare darmiyan koi rewaiti mohabbat (love) parwan nahi charghi ke main ne esy dekha es ka picha kiya ya esy purpose kiya. Aesi koi baat nahi hoi hum aj bhi humesha ki tarha achey dost (friend) hein aur rahein gey.

Question: Suna hai ke es ka dost Shreyas Talpade es ki shadi ki taqreeb ke hawale se intazamat karne ki tayari kar raha hai?

Kunal Khemu: Gi han, woh tou aesa he hai, mujhe malom hai ke woh ye sab kar he nahi sakta.

Question: woh khud shadi ki kya planning kar raha hai?

Kunal Khemu: Es ne kandhe uchkate howe kaha “mera nahi khayal ke hum es tarha ki koi planning kar rahe hein. Main ksi ko dekh kar foran planning karni shoru nahi kar deta. Mujhe nahi malom ke shadi kab ho gi shayad es waqt jab meri films kamyabiyan hasil karni shoru kar dein gi” es ne muskurate howe bataya.

Question: Suna hai ke Soha ki mummy (mother) Sharmila Tagore ne es jodey ko aik qeemti flat bhi khared kar diya hai?

Kunal Khemu: dekhiye hum family finance ke hawale se koi discus nahi karte tou pher koi kis tarha etne wasoq se keh sakta hai ke such kya hai. Kis tarha koi jan sakta hai ke haqiqat kya hai. Pher inhein es tarha ki batein karne ka haq kis ne diya hai.

Questaion: family ki baat ho tou Saif Ali khan bhi aata hai ap in ke bare mein kya kahein gey?

Kunal Khemu: main Saif aur in ki wife Kareena Kapoor ke zyada qareeb nahi hon. Kyoun ke mein Soha se qareeb hon lehaza log samajhte hein ke mein Saif aur Kareena se bhi qareeb hon ga hum log sath rehtey hon gey discus karte hon gey magar aesi baat nahi hai sab he masrof hein aur hum ba-mushkil he dinner ya ksi mashrobat ki party mein mil pate hein.

Question: film “Go Goa Gone” Saif ki company ne tayar kiya hai aur ap ne es mein markazi kirdar ada kiya hai tou kya Saif ap ko support karne ki koshesh kar raha hai?

Kunal Khemu: jab film “99” release hoi thi tou Saif ne es film trailer dekha tha es ke baad woh es ke director Raj Nidimouru aur Krishna D.K se mila aur mustaqbil mein in ke sath kam karne ki khahish ka izhar kiya pher baad mein aik dinner ke moqe per Saif ne mujh se pocha ke mein kya kar raha hon tou maine bataya ke main film “Blood Money” kar raha hon. Maine esy yeh bhi bataya ke hum mustaqbil mein bhi aik sath kam karein gey, director he ki ye khahish thi ke film “Go Goa Gone” mein markazi kirdar mein karon jis per Saif ko bhi koi aetraz na tha. Yeh Saif aur directors ke ma-been mamlat thein.

Question: ap industries ke hawale se apne bare mein kya kahein gey?

Kunal Khemu: main yaqinan chocolate boy nahi hon. Mehaz es liye ke mein no-jawan hon main love stories mein gum hona nahi chahta. Hatta ke meri pehli film “Kalyug” mein bhi unho ne mujhe lovers boy ke tour per pesh karna pasand nahi kya. Mein Bhatt ki bohat izzat karta hon kyoun ke mein aj jo kuch bhi hon in he ki wajha se hon main in ke samne pala barha hon. Jo film “Zakhm” ba-hesiyat child star meri akhri (last) film thi woh Bhatt (Mahesh) sahib ki ba-hesiyat director aur Poja Bhatt ki ba-hesiyat adakara akhri film bhi thi. Es ke baad unho ne mujhe film “Kalyug” di jis ke liye mein zindagi bhar in ka shukar guzar rahon ga.

Question: Comedy films ke hawale se ap kya kahein gey?

Kunal Khemu: Jab maine “Kalyug” aur “Traffic Signal” jesi films kien tou logo ke zehnon mein yahi tha ke main sirf sanjida type ke kirdar he kar sakta hon in ka khayal tha ke main shayad comedy nahi kar paon ga yahi wajha hai ke maine film “Dhol” ka intakhab kya jo na sirf multy cast ki film thi bal-ke mere liye aik naya tajurba bhi. Yahan tak ke film “99” bhi crime comedy film thi pher maine “Golmaal” jesi mukamal tour per comedy film bhi ki aur us ke baad maine “Blood money” jesi aik thriller andaz ki kahani per mubni film bhi ki.

Question: industry mein kamyabi ke bare mein ap kya kahein gey?

Kunal Khemu: Kunal bala shuba aj aik maroof adakar shumar kiya ja raha hai lekin in ka kehna ye hai ke esy abhi bohat taweel safar tey karna hai “Insan hone ken ate lalach zarori hai yahan tak ke jo log es waqt top position per hein woh bhi kuch na kuch behtar karna chahte hein es liye agar mein ye kahon ke main jahan hon es position se bohat khush hon tou yaqenan main jhot bolon ga. “Kalyug” karte waqt log mujh se zyada tawaqat nahi kar rahy thy kyoun ke main child star hero aaya tha. Aam tour per child stars kamyab film actors sabit nahi hote yahi khayal logo ka mere bare mein bhi tha magar khush qismati se mera case mukhtalif raha mere hisy mein achi films aaein agarcha meri buri films bhi aain hein magar meri kamyab films ne inhein highlight nahi hone diya. Main aj bhi yahan mojod hon tou yaqenan main ne kuch tou acha kam kiya hi hai jis ki wajha se main filmi dunya mein masrof hon.

 
© Copy Rights 2012 -1015     www.internetpk.com All Rights Reserved Contact Us