www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Neetu Singh

Neetu Singh Interview: Neetu Singh is an Indian bollywood famous actress and she is a Bahu of Kapoor family. She was born on 8 July 1958 in Pant Nagar, Delhi, India. She is a wife of Indian best actor Rishi Kapoor, and she has two children Ranbir kapoor and Riddhima kapoor. Her son is a popular actor of Indian bollywood film. In this page you will read and find gossip with interview of Neetu Singh in Urdu and Hindi.
Neetu Singh
 
 
 
 
 

Neetu Singh Interview:

Neetu Singh kehti hein: Main manfi logo ke sath guftagu nahi karti hon mujhe shikwe shikayat karne wale log bhi pasand nahi, main kabhi bura nahi manti hon, main apne motape se jung ho ya izdawaji zindgi mein koi gar-bar ho, bachon ki parwarish ho ya 30 saal ke gape ke baad tamash beeno ka dil jitna ho ye sare kam maine kamyabi se kiye. Main screen per wapus aana nahi chahti thi main bhabhi mama ke role mein aana nahi chahti thi main apne ghar mein khush thi mager Habib Faisal ka script mujhe etna acha laga ke main film karne per tayar ho gai. Maine apne ap ko aik Punjabi aurat ke rop mein dekhna shoru kar diya. Main 52 saal ki hon tou mujhe aesa kirdar karna chahiye tha jo meri umer se mutabeqat rakhta ho.

Question: Ba-tour adakara ap khud ke bare mein kiya kahein gi?

Neetu Singh: Neetu Singh banne se qabal main child star Baby Sonia thi jis ne film “Dus Lakh” aur “Do Kaliyaan” mein 60 ki dehai mein kam kiya tha, mera koi bachpan nahi tha main film ke set per kitabein ley jati thi aur wapas lout kar tuition parhti thi. yeh sab bohat taklef-dey tha. Main ne 14 saal ki umer mein ba-tour heroin pehli film “Rickshaw Wala” kiya. Main wahid heroin thi jo Rishi ke sath achi lagti thi aur youn humara pair ban gaya, mujhe kuch hit films yad aati hein maslan, ‘Khel Khel mein’, ‘Rafoo Chakkar’, ‘Amar Akbar Anthony’, aur ‘Kabhi Kabhie’ waghera. Main collage ko bohat miss kiya karti, zindagi bohat teez ho gai thi aur main 3, 3 shift mein kaam kar rahi thi 7 saal ke mukhtasar arsey mein, maine 70 films kar dali.

Question: Ap us waqt kis qader bholi thien?

Neetu Singh: Main es qader bholi thi ke aik scene tha Amitabh Bachchan ke sath jis mein mujhe kehna tha “I Love You” short ke darmiyan big b hasne lage aur bolein kya tumhe pata hai tum kiya keh rahi ho? Tum tou yeh kese keh rahi ho jese yeh tumhara takiya kalam hai aur main jhinp gai.

Question: Ba-tour girlfriend ap apne bare mein kya kahein gi?

Neetu Singh: Mera star jo ke baad mein mera boyfriend bana mere liye bohat khush-qismat sabit howa mere tamam heroes es ke dost they yeh sab meri aur es ki ezzat karte they ager main outdoor per hoti thi tou Jitendra mere liye Rishi ki taraf se card ya khat ley kar aatey they kabh ksi ne mery sath bad-tamizi nahi ki wese bhi sab ko back waqt khush rakhna bohat mushkil hai Rishi Kapoor ko meri be-sakhtagi aur ajzi pasand thi. es ka kehna tha ke mere ander banawat nahi hai main natural hon ager kursi nahi hoti thi tou main zameen per beth jati thi joiner artist se hansti bolti thi nakhre waghera nahi karti thi. es ki dosri girlfriend apne ap mein liye diye rehti thi aur samajhti thi ke in se zyada hasen koi aur nahi hai yeh batein mujhe Rishi ne baad mein batain es ne hanste howe kaha.

Question: Ba-tour bahu khud ke bare mein ap kiya kahein gi?

Neetu Singh: 15 saal tak kam karne ke baad maine shadi ki aur films ko khuda hafiz keh diya. Main “Quli” ke kuch scene aks band karwa chuki thi mager shadi ke wajha se mujhe yeh film chorna pari. Baad mein mere scene ksi aur adakara ke sath dobara shout kiye gay. Maine 1980 mein Rishi Kapoor se shadi kar li thi aur Kapoor khandan mein ghulna milna mazaq nahi tha.

Meri sas ki tarha duniya mein aur koi sas nah ho gi. Unhone mujhe humesha apni beti samjha hum aik dosre ko latifey sunaya karte they. Unhone woh batein bhi mujhe bataein jo unhone apni behtareen doston ke sath bhi share nahi kiya. Ager inhein apne betey se kuch bolna hota tha tou woh mere zariye yeh kam karti thin. Rima jo ke meri nand thi aur main shadi se qabal sath sath sham ko ghomne pherne jaya karte they.

Sahdi ke ibtedai dino ke doran mujhe subha 8 baje uthna parta tha. Shalwar qameez pehni apne baal sanwarti aur parh sas ke kamre mein jati aur in ke paon chhoti thi. aik din unhone mujh se kaha tumhe rozana subha ke waqt mere kamre mein aane ki zarorat nahi sham ko jab tere shoher ke aane ka waqt ho tou khoub tayar ho kar intazar kar aur jab woh aa jae tou es ke sath sath mere pas aaya kar, neetu ne bataya apne susar Raj kapoor ke hawale se unhone kaha aik roz maine daal makhani banai bohat he kharab bana tha mere susar ne kaha ke yeh pori duniya men banne wali sab se acchi daal hai. mere susral wale meri choti choti baton ki tareef kiya karte they.

Question: Ba-tour bivi ap apne bare mein kya kahein gi?

Neetu Singh: Romanvi hero Rishi Kapoor ke sath 3 dehaiyan guzarna asan kam nahi. Meri har na manne ki jo fitrat hai woh humesha meri izdawaji zindagi ko mehfoz banati rahi hai, bunyadi tour per woh dil ke bohat achey hein es ke ba-wajod humein bohat sari ounch nech se guzarna para. Shadi mein kuch khat pat tou chalti rehti ha imager es ka yah matlab nahi hai ke ap apne shoher ko chhor dein. Ap ka apna ghar hai apne bachey hein. Ap ko halat ke sath chalna hota hai saber-o-ta-hamul ka muzahera karna hota hai bura waqt ap ko mazbot banata hai pehley mein choti choti baton per ro parti thi bohat kamzor thi mager aj mujhe koi baat hila nahi sakti hai. her masley ka hal es ki teh mein hota hai aesa koi masla nahi hai jis ka koi hal na ho.

Ap ko beth kar pur sakon ho kar sochne ki zarorat hai ana-parasti se baat nahi banti hai aur kharab ho jati hai bohat si batein jo main apne shoher se karna nahi chahti hon kyun ke main sath reh kar jan gai hon ke inhen kya pasand hai aur kiya nahi log mujh se kehte hein ke woh bohat bigra aur garam dimagh hai mager main inhein janti hon, woh ab meri zaat ka hisa ban gay hein woh aksar kehte hein, tu nahi hoti tou mera kiya hota mere sath koi aur ladki nahi reh sakti thi, meri sas mujhe her saal ek gold middle dena chahti thin woh kehti thien hum mein se koi es ke sath 2 se 3 ghante se zyada nahi reh sakta hai ghar se baher khana khane jate thein tou aapus mein jhagarte thein mager mere kehne per maan jate thein main es duniya mein wahid hasti hon jis se Mr Kapoor darte hein unhone bohat sare logo ko phol bhejein aur sorry kaha, bohat he mushkil insan they mager jab se Riddhima ki shadi hoi hai narm par gay hein aur ab in ka rawaiya aik dam se aajizi aur inkasari wala ho gaya hai.

Question: Ba-taur dost ap khud ke bare mein kya kahein gi?

Neetu Singh: Hum aik dosre ke begher kuch nahi kar sakte hein, jab woh ghar per hote hein tou main kehti hon ke kam per jaein mager jab woh ghar per nahi hote hein tou main in ko bohat miss karti hon, esi tarha main ager ksi sehili ki party mein chali jaon tou woh mujhe so bar phone karte hein aur pochte hein kahan ho? Jaldi aao ager-cha hum ab bhi larte hein mager woh zyada sorry karte hein hum dono he dhema ho gay hein.

Question: Ap ko kya lagta hai ke kya ap ke shoher ka koi affair ho sakta hai?

Neetu Singh: Mere shoher ka koi affair nahi hai, es ka pata aik bivi ko sab se pehley chal jata hia mager mujhe aesa ahsas kabhi nahi howa unhone mujh se kabhi jhot nahi bola aur na he maine kabhi in ka koi jhot pakra. Kaam ke baad humesha ghar aa gay. Bohat gher mehfoz hein woh. Ager bacchey tuition ko gay hein tou jab tak woh ghar nahi aa jaein gey be-chain rahein gey. Woh humein khone ka soch bhi nahi sakte hein tou affair kya chalaien gey.

Question: Ba-tour maa apne bare mein ap kya kahein gi?

Neetu Singh: Maine koshesh ki ke apne bachon ko apna ap 100% don. Main nahi chahti thi ke woh jab school se ghar loutey tou inhein ghar khali mile kai saal tak tou main inhein parhati rahi pher mujhe in per ghussa aane laga. Maine socha main apne in se taluqat kyun kharab karon tou maine in ke tuition ka intazam kar diya.

Main apni beti ke saht chipki rehna nahi chahti hon jab woh apne shoher ke sath hoti hai tou main es sey baat nahi karti hon in ko bhi mana kar diya hai main chahti hon ke woh apne mamlat khud tey kare maine esey samjhaya ke woh saber se kam ley apni susral ka hissa ban jae aur mehaz es wajha se ke woh Kapoor khandan ki hai nakhre na dekhaey, hum ne kabhi apne bachon mein aesi wesi baat hone he nahi di main apne bete ya beti ke kabhi designer ke lebas waghera nahi kharedy.

Log jab Ranbir Kapoor ke aajizana rawaeye ki baat karte hein tou mera sir fakhar se uncha ho jata hai, khud Priyanka Chopra ne TV ke aik program mein kaha ke mere bete ka rawaiya hidayatkar aur spot boy dono ke sath kesa hota hai. maine yeh koshesh ki ke mere bachhey economy class mein safer karein bechara Ranbir jis ki tangein lambi lambi hein jab America parhne ke liye gaya tou economy class mein safer kiya aur bethey bethey es ki tangein aeth gaien jin dino woh Sanjay Leela Bhansali ke sath back mein batour assistant director kam kar raha tha tou es se kaha gaya tha ke woh auto rickshaw per jaya kare mere shoher es se kehte they tum assistant ho aur tumhara rawaiya bhi aesa he hona chahiye bohat baad mein jab woh bimar ho gaya tou esey aik car kharid kar di gai.

Ab jab ke Ranbir apne khawabon ki taber pane mein laga howa hai tou main bhi esey space dey rahi hon, pehley main pata lagati rehti thi ke woh kahan hai aur raat ke khane per aay ga ke nahi, mager ab main es ke phone ka intazar karti hon, bachon ke pichey ap jis qader lagein gey, bachhey esi qader tang hon gey, woh mujh se raaz ki batein bhi karta hai mager tab jab es ka dil karta hai, main es se link apas ke bare mein koi sawal nahi karti hon shadi ka bhi nahi kehti hon, jab woh zarorat mehsos kare ga tou khud he keh de ga “Mama main shadi ke liye tayar hon”, humein pata hai ke woh aesi wesi ladki ka intekhab nahi kare ga. Woh yaqenan meri tarha fitri aadat wali kaldki ka intekhab kare ga Neetu Singh ne hanste howe kaha.

 
© Copy Rights 2012 -1015     www.internetpk.com All Rights Reserved Contact Us