www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Prakash Raj

Prakash Raj was born on 26 March 1965 in Puttur, Karnataka, India. He is a Film actor, producer and Film director in Indian, Telugu, hindi and Tamil movies. Prakash Raj have three children Pooja Rai, Meghna Rai and Sidhu Rai. We have provide you Prakash Raj Interview, details and information about his life and work of Indian film industries and many more.

Prakash Raj
 
 
 
 
 

Es (Prakash Raj) ki maa shaded bimar hai aur vo musalsal Bangalore, Chennai aur Mumbai ke darmiyan her hafta chakar laga raha hai “Kaam nahi rukna chahiye” Prakash Raj kehta hai. Film “Singham” aur “Wanted” mai villain ke kirdaro mai jandar performance deny ke bad mumkin hai wo bollywood mai sab se behtareen villain kaha ja raha ho magar haqeeqat mai wo bohat khush mizaj aur achy ekhlaq ka hamil fankar hai jis ka taluq south se hai es waqt vo salman khan ki film “Dabangg 2” mai masrof hai aur pher vo film “Zanjeer” ke remake ki tayariyan bhi kar rahy hain. Bharti film industry ke es super villain ne apne career, bachon, Talaq, nai muhabat aur nay mansobon ke hawaly se jo guftagu ki vo yahan hum pesh kar rahy hain.

Prakash Raj Interview:

Question: aap aik martaba pher ba-hesyat villain film “Dabangg 2” mai jalwa gar ho rahy hain, ye kirdar aap ko kesy mila? Lagta hai ke Salman khan ke saath film “wanted” mai kaam karney ki wajha se aap ko ye moqa mila hai?

Prakash Raj: ji han mera bhi yahi khayal hai, lagta hai ke action ka dor dobara wapus aa gaya hai aur aap ko to pata hai ke action hero aur villain ke bagher ho he nahi sakta. Mery liye sab se achi baat ye hai ke mery tamashai mujh se mohabbat karty hain mai jo bhi karta hon inhain pasand aata hai. Mera khayal hai ke film “Dabangg 2” mai mujhe jo kirdar mila vo mujhey bohat jachta hai.

Question: Aap ki bollywood mai abhi sirf 4 filmain he release hoi hain magar lagta hai ke aap es industry ke agley “Bad men” banney ja rahy hain. Aap ko kesa mehsos hota hai?

Prakash Raj: Mujhe in se bohat mohabbat hai mujhe jab koi compliments deta hai to mujhe bohat acha lagta hai. Mujhe apne talent ka pata hai aur mujh se log kiya tavaqaat kar rahy hain es liye mujhe kaam karne mai aasani ho jati hai aesa nahi hai ke maine koi aesi cheez hasil kar li hai jis ka main mustahiq na tha log mujh se tafreh ki umeed rakhte hain vo chahte hain ke main villain ke kirdar ko zara mukhtalif andaz mai ada karon. Unho ne mujhe qabool he es liye kiya hai ke mery andar in ko koi tabdili nazar aai hai.

Question: South mai aap ka bara kaam hai kya bollywood mai bhi yahe andaz apnain ge?

Prakash Raj: Yaqenan main bollywood ko bohat pasand karta hon main Bangalore mai peda howa aur wahin pala barha jahan main Amit je, Raaj je, Paran Saha, Ajit je sanjo kumar, Amjad Khan aur dainy denzungiya ki filmain dekha karta tha magar os waqt mery zehan mai bilkul na thi ke main bhi aik din esi profession ko apnaon ga aur wahi kirdar ada karon ga jo ye fankar ada kiya karte hain.

Question: kya aap film “Zanjeer” ke remake mai wahi performance dena chahain ge jo ajjeet ne film “Zanjeer” mai di thi?

Prakash Raj: Main in ka andaz bilkul nahi apnana chahon ga mere director aporva (lakhya) ne es kirdar ko bare pemane per tabdeel kiya hai dosre kirdaron mai bhi kafi tabdiliyan ki gain hain ye es liye bhi zarori tha ke char dhaiyon qabal jo kuch tha es mai aaj bohat tabdiliyan aa gain hain. Es waqt film “Zanjeer” ne kamyabi hasil ki es ki bhi aik wajha thi magar ab nai film mai yaqenan halat tabdeel howe hon gey. Es ka script aur kirdar aaj kal ke mahol ke mutabiq design kiye gay hain main esey mehaz aik kirdar ki hasiyat se dekh raha hon aur es mai 100% performance dene ki koshish karon ga.

Question: Sada bahar adakar Ajit se aap ka muqabla kiya ja raha hai aap kya sochte hain?

Prakash Raj: Yaqenan es baat se mujhe khushi hai ke mera muqabla etne bare adakar se kya ja raha hai mere liye ye bohat bara aezaz hai ke mera muqbla in ke sath kiya ja raha hai mai bohat khush hon. Main khud in ka bohat bara fain hon vo bohat classic adakar they kuch log mujhe amjad je se milate hain to kuch ka khayal hai ke mai amresh puri hon. Ye tamama adakar bohat zabardast adakar they aur unho ne apne apne dor mai khob shohrat aur maqboliyat bhi hasil ki magar main apni alag aik shanakht banana chahta hon. In ka nam-ul-badal to koi bhi nahi ho sakta.

Question: Film “Zanjeer” ka aaghaz he tanazat se ho raha hai saleem khan aur javeed akhtar e ski reality mang rahy hain, es silsiley mai ab kya sorathal hai? Kya aap ne es silsile mai kuch kiya?

Prakash Raj: mujhe haqeqat mai mojod sorat-e-hal ka elm nahi hai mujhe sirf apni tarikhon aur muje kiya karna hai yaad hai agar koi cheez ghalat ho rahi hai to vo ghalat hai Saleem sahib aur Javeed sahib apne tor per haq-ba-janib hain unho ne he Zanjeer ko tayar kiya tha ye asal mai in he ki baby hai mujhe yaqeen hai ke ye log mamla hal kar lain ge. Jahan tak mere kuch karne ka sawal hai to main ne saleem sahib se koi baat nahi ki hai aur main es kaam ke liye bhi abhi bohat chota aadmi hon ye baron ka mamla hai.

Question: Aap ne “Dabangg 2” mai Sonu Sood ki jagha li. Aap apna muqabla es se kesy karain ge? Kyun ke wo bhi South mai achi performance de raha hai?

Prakash Raj: Ye kehna bilkul ghalat hai ke main ne Sonu Sood ki jagha li hai mera bilkul mukhtalif kirdar hai, asal film mai es ka kirdar mar jata hai main film “Dabangg 2” chadi singh ka kirdar ada nahi kar raha hon. Sonu ko aik mukhtalif kirdar pesh kiya gaya tha jo vo karna nahi chahta tha vo es ki zati pasand aur na pasand ka masla tha humare ma-ben koi masla na tha na hai aur na hoga hum aaj bhi Tamil aur Telugu filmon mai kaam kar rahy hain.

Question: Kya aap hindi filmon mai type cast se khofzada nahi hain? Kya aap koi positive kirdar bhi ada karain ge bollywood ki filmon mai?

Prakash Raj: Main filmon mai kam karne ke liye hazir hon aur mujhe job hi kirdar mile ga mai karon ga mai type cast ye yaksaniyat ka shikar hone se nahi ghabrata ye sab he ke sath hota hai mai commercial cinema kar raha hon. Jis mai bohat bara sarmaya laga hota hai mai kirdar ke he hawale se performance dena pasand karta hon kyun ke film makers mujhe es kirdar ke liye mozo samajh kar he cast karte hain jab bhi koi mere kaam se boar hoga mujh se keh de ga ke “boss bohat ho gaya ab bas karo, kuch naya karo, hum pak chuke hain.

Question: Manfi kirdar ada karne wale adakar ko chahne wale kam hote hain aur log bhi es se nafrat karte hain kabhi haqeqi zindagi mai aesa howa ke logo ne aap ko bura aadmi samajh kar roka aur tang kiya ho?

Prakash Raj: Bilkul nahi, bachey mere pass aa kar pochte hain ke “uncle aap wahi hain jis ne film “wanted” aur “Singham” mai villain ke kirdar ada kiye hain, in filmon mai humain aap ka kaam bohat pasand aaya. Manfi kirdaro mai comedy andaz mere liye bara ma-a-won sabit ho raha hai.

Question: Filmon ka remake banana aaj kal garma garam karobar ban chukka hai. Film “Singham” se hawale se aap ne Tamil aur urdu dono filmon mai manfi kirdar ada kiya hai matlab kirdar ke hawale se aap ne khud ko dohraya hai es remake mai aap ke pass kuch kar ke dekhane ko kuch na tha es liye aap khud ko aur apne fun ko challenge nahi kar sakte.

Prakash Raj: Dekhain her trend ka aik makhsos waqt hota hai aaj kal remake ka dor chal raha hai kal kuch aur hoga remake filmain es liye shoru ki ja rahi hain ke tamashaiyon ko cinema tak laya ja sake dar asal jab film dekhne wale ko bhar por tafreh milti hai to pher vo ye nahi dekhta ke ye remake hai ya naya script. Es tarha ki filmain banate waqt es baat ka khayal zaror rakha jae ya to aap original film se behtar film banain ya pher kam as kam es mayar ki zaror banain ese tabha na Karin. Mere kirdaro mai Tamil filmon aur Urdu filmon mai aap ko wazah farq dekhai de ga.

Question: Aik adakar ki hesiyat se kamyabiyan hasil karne ke elawa South mai aap producer aur director ki hasiyat se bhi shohrat aur maqboliyat hasil kiye howe hain kya bollywood mai bhi camere ke peche jane ka koi erada hai?

Prakash Raj: Je han bilkul, mai yahan aik production house shoru karne wala hon Prakash Raj production bohat jald Mumbai aane wali hai teen script pipe line mai pare hain magar filhal in ke bare mai baat karna qabl-az-waqt he hoga.
 
© Copy Rights 2012 -1015     www.internetpk.com All Rights Reserved Contact Us