www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Randeep Hooda

Randeep Singh Hooda was born on August 20, 1976 in Rohtak, Haryana, India. Randeep is an Indian, Bollywood actor. He is a famous and popular hero on bollywood industry. In this page you will find and read Randeep Hooda Interview in Urdu and Hindi.
Randeep Hooda
 
 
 
 
 

Randeep Hooda aaj kal Bhatt camp ka aik masroof hero bana howa hai filhal woh kuch filmon mai bakwaqt masrof hai magar aik waqt ye bhi tha ke ese bak waqt bara (12) filmon mai kam karne ki peshkash ki gai. “waqt ki kami ki wajha se main ye offers qabol na kar saka”. Nwjawan adakar ne muskurate howe bataya. Wo film “Jism 2” ki shooting ke liye Sri Lanka gaya howa hai magar jane se pehley us ne ye Interview diya jo hum aap ko yahan pesh kar rahe hain.

Randeep Hooda Interview:

  • Randeep Hooda ke pass bohat si filmain hone ki wajha se woh aaj kal kafi masrof hai wo bak waqt teen filmon ki shooting kar raha hai jis mai “Jism 2” “Heroine” aur “Shooter” shamil hai woh bohat jald “Jan Day” “Murder 3” renssel disalwa ki film ki shooting bhi shuro kar raha hai jis ka naam abhi final nahi kya gaya kaam ki masrofiyat ke aasar es ke chehre se wazah dekhai de rahy they ese es baat ka bhi bohat afsos hai ke
  • Randeep Hooda: kam ki zadti aur waqt ki kami ki wajha se woh film “sahib biwi aur ghulam” ke script ko bhi abhi tak nahi sun saka hai. “Main aaj raat Sri Lanka ke liye rawana ho raha hon jahan film “Jism 2” ki shooting karni hai main ne abhi tak “sahib biwi aur ghulam” ke elawa “Gangster 2” ka script bhi nahi suna hai mujh per kaam ka bohat zyada dabao hai aur tarekhon ka masla pesh aa raha hai baherhal mujhe umeed hai ke ye masla hal ho jae ga aur main bhi in filmon ka hisa ban jaon ga main in filmon ke liye waqt nikalne ki koshish kar raha hon.
  • Es se qabal woh zyada filmon mai kaam nahi karta tha magar ab woh es liye zyada filmain kar raha hai ba-hesiyat aik adakar ke apni shanakht bana sake.
  • Randeep Hooda: “Main apne kaam ke sath humesha mukhlis raha hon main ne es se qabal kabhi musalsal etni filmon mai kaam nahi kya tha. Mian filhal A list funkaron mai shumar nahi hota lehaza abhi mujhe kaam karna hai khud ko manwana hai saal mai aik ya do filmain karne se na to main khud ko manwa sakon ga na he tamashaiyon mai apni shanakht bana sakon ga es liye main bohat se aesey kaam kar raha hon jo es se qabal main nahi karta tha. Ab main filmain sine karne ke mamle mai bhi pehley ki tarha mohtat nahi rehta kyun ke main sochta hon ke ye mera kaam hai ye woh jagha hai jahan mujhe kaam karna hai mera mustaqbil esi jagah aur inhi filmon se wabasta hai mera marna jina yahi hai es liye kyun moqa zaya karon. Kuch filmain kamyab hon gi to kuch na kaam bhi ho gi mujhe es silsiley mai tension lene ki kya zarorat hai.
  • Kaam ki zayadti ki wajha se esy bohat si pareshaniyon ka bhi samna karna padta hai woh ye sab kis tarha sanmbhalta hai?
  • Randeep Hooda: Ji han main bohat nerves ho jata hon ba-her-hal mujhe apne directors per bhar-poor aetmad hai mera khayal hai ke kaam ka mayar aaj kal etni aehmiyat nahi rakhta jitni ke ye pehle rakhta tha. Maine saal mai aik film bhi ki hai magar es se main apni shanakht nahi bana saka mian filhal bohat si filmon mai kaam kar ke khud ko manwa lon es ke baad main apni porani dagar per chala jaon ga. Mujhe umeed hai es tarha mujhe badey aur aehum kirdar mil sakain gey.
  • Ye baat mehsos ki ja rahi hai ke Randeep Hooda, Bhatt camp ke sath zyada masrof hai ye film “Jannat 2” se shuro howa aur ab woh “Jism 2” ka bhi hisa hai aur “Murder 3” mai bhi cast kiya gaya hai lagta hai ke es ne Imran Hashmi aur Bhatt camp mai ikhtalafat ka bharpor faeda uthate howe Imran Hashmi ki jaga le li hai.
  • Randeep Hooda: Dekhain main in ke elawa bhi kaam kar raha hon in ke sath kaam ke hawale se mery achey taluqat hain in ki production ka andaz bohat zabardast hai woh apni film ko apni bajjut ke mutabiq hi banate hain jo box office per na kaam nahe hoti in ka mosiqe ka sense bhi bohat acha hai woh apni product ki promotion aur distribution ke liye bohat mehnat karte hain jis ki wajha se woh zyada se zyada logo tak pohanchne mai kamyab rehti hai mujhe khushi hai ke inhain mera kaam pasand aaya aur unho ne mujhe apni filmon mai cast kiya magar mujhe ye malom nahi ke main Imran Hashmi ka nam-ul-badal sabit ho sakon ga ya nahi. Imran in ka rishtadar hai. Khon ka rishta alag hota hai woh in ke sath kai salon se kaam kar raha hai es ke bawajod ke in ke bohat se projects nakaam bhi howe in ka Imran se taluq khatam nahi howa. Es liye main in ki rishtadari ka nam-ul-badal to nahi ho sakta albatta Imran aaj kal degar logo ki bohat si filmon mai kaam kar raha hai aur ghaleban meri entry sahi waqt mai Bhatt camp mai hoi hai. Main yahan wazah kar don ke main Imran Hashmi ki jaga lene nahi aaya hon.
  • Film “Jism 2” ki shooting ke doran es ka Imran se jhagda bhi howa hai dono shooting ke doran aik dosre ke sath sard mehri ikhtayar keye rehte hain.
  • Randeep Hooda: “Yeh mukamal tor per fazol khabrain hain aesa film ki publicity ke liye kya jata hai mere Imran se bohat achey taluqat hain aur shooting ke doran humare maben koi masla peda nahi hota. Hum dono he apni apni zamadariyan umdagi se nibha rahe hain aur humare maben jo chemistry dekhai deti hai es se dekhne wale bhi mutasir hote hain.
  • Randeep film “Jism 2” se bhi bohat zyada mutasir hai es ka kehna hai ke.
  • Randeep Hooda: Mera khayal hai ke “Jism 2” film “Jism” se bhi badi film sabit hogi es ka script bhi bohat mazbot hai ye her lehaz se film “Jism” ke muqabley mai zyada behtar sabit hogi.
  • “Jism 2” mai arvande singh bhi shamil hai jise Randeep ne film “Heroin” se baher kyat ha es tarha ke waqe ke bad do adakaron mai ikhtalaf zaror ho jate hain magar herat angez tor per Randeep aur Arvande mai koi aesi sorat-e-hal dekhai nahi deti.
  • Randeep Hooda: film “jism 2” ki shooting ke doran main Arvande ke pas gaya aur kaha ke “hi” main mayos hone ki zarorat nahi mere sath bhi ibteda mai aesa he howa hai kam as kam tumhe to unho ne bata bhi diya mujhe to akhbarat ke zarye elm howa tha ke meri jagah ksi aur ko cast kar liya gaya hai’ hum dono ne muskurate howe es sorat-e-hal ka samna kya humare dostana taluqat hain aur koi ghalat fehmi humare ma-ben nahi hai.
  • Suna hai ke Kareena ne madhur bhandarkar per zor diya tha ke woh film “Heroin” main Randeep ko cast kar ley.
  • Randeep Hooda: Main es silsiley mai kuch nahi keh sakta es ke liye aap Kareena ya Madhur Bhandarkar se malomat karain, mujhe ye nahi bataya gaya ke mujhe kyun cast kya jaraha hai main es per shukar guzar hon ke main es film mai shamil hon.
  • Saif aur Kareena se es ki badhti hoi qurbat ke bhi badey charchey hain.
  • Randeep Hooda: Main humesha he se Saif ko bohat pasand karta hon woh aik thande mizaj ka adakar hai woh bohat hans-mukh shakhs hai es ke sath aap boar nahi ho sakte, maine humesha e ski aur es ke kaam ki qadar ki hai es ne film “Omkara” min jo kirdar kya main aesa he koi kirdar karne ka khahish-mand hon main ne es ki film “cocktail” dosti mai he ki hai es ke baad he mujhe film “Heroin” mai kareena ke mad-e-muqabil cast kya gaya. Woh bohat badi super star hai magar bohat khush mizaj aur insaniyat ki qadar karne wali funkara hai mera khayal hai logo ko es se sabaq sekhna chahiye.
  • Es se baliqhon ki filmon mai kaam karne wali adakara suny leon ke sath kaam karne ke tajurba ke hawale se baat ki jae to woh sharmata howa kehta hai ke.
  • Randeep Hooda: “ye bilkul esi tarha hoga jese main ksi nay funkar ke sath kaam kar raha hon woh bohat smart hai es ne pori duniya dekhi hai”.
  • Es ki zati zindagi ke hawale se sawal karo to es ka jawab hota hai ke.
  • Randeep Hooda: Main apni zati zindagi ke hawale se mazrat ke sath koi baat karna pasand nahi karon ga. “yad rahey ke Neetu Chandra se es ke badhte howe taluqat ke hawale se aaj kal bohat si batain suni ja rahi hain”.
 
© Copy Rights 2012 -1015     www.internetpk.com All Rights Reserved Contact Us