www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Rohit Shetty

Rohit Shetty Interview: Rohit Shetty is an Indian famous film director. He was born on 14 March 1973 in Mumbai India. His wife name is Maya Rohit Shetty and he has one son. In this page you will read and fine gossip with interview of Rohit Shetty in Urdu and Hindi.
Rohit Shetty
 
 
 
 
 

Rohit Shetty Interview:

Question: Ap ne action film se aaghaz kiya tha mager pher aesa kiya howa ke ap comedy ki taraf aa gay?

Rohit Shetty: Yeh planning ke tehat nahi howa. Ashtavinayak walon ne mujhe aik action film ke liye sign kiya tha mager main yeh abhi tak nahi jan saka ke Neeraj Vora ne mujhe comedy film “Golmaal” direct karne ki pesh kash kyun kit hi? Us ne mujhe aik play “Aflatoon” ki kahani sunai jis mein 4 radkey hote hein jo ke lout mar karte hein aur ek chotey se ghar mein rehtey hein. Mujhe yeh idea acha laga. Maine Ajay Devgan se baat ki tou us neb hi pasandedgi zahir ki jab hum ne es ka aghaz kiya tou yeh aik sedhi sadi comedy film thi mager yeh hit ho gai. Ab main degar script per kam kar raha hon main sal mein 2 ya 3 films banata hon aur zarori nahi ke her film “golmaal 3” ki tarha kamyab ho. Acha lag raha hai k ab log mujhe janne lagey hein. Meri aik shanakht ban gai hai aur log mujhe dekh kar kehte hein “dekho yeh Rohit Shetty hai”.

Question: Ap ne kabhi socha tha ke aap Golmaal 3 banain gey?

Rohit Shetty: Maine kabhi khawab mein bhi nahi socha tha ke apni film Golmaal ka tesra hisa banaon ga mere zehan mein sirf part 1 aur part 2 tha. Jab mujhe golmaal mila tou main bohat dara howa tha kyun ke ye mere style ki nahi thi. wese bhi main industry ke liye naya tha aur naya hidayatkar tha. Tamash been mujhe jante he nahi they kyun ke maine sirf aik film “Zameen” banai thi. jab golmaal release hoi tou main darr gaya kyun ke e ski opining achi nahi rahi thi. yeh tou bad mein logo ki publicity se oper uthne lagi aur hit ho gai.

Question: Ajay Devgan se ap ki dosti 10 saal purani hai, ap ne apni her film mein usey cast kiya, kya wajha hai ke us ki bivi Kajol ko ap ne apni film ka kabhi hissa nahi banaya?

Rohit Shetty: Yeh tou sab jante hein ke Kajol industry ki nehayat shandar performer hai aur main mehaz es wajha se ke hum family trum rakhte hein un se kahon ke woh meri film karein, tou kirdar, us ki salahiyat aur shakhsiyat se match karta hona chahiye. Dost hone ke natey main es adakara ko main apni films mein fazol kirdar mein cast kar ke usey zaya nahi karna chahon ga usey meri sari films achi lagi. Kal main usey koi role offer karon jo us ke lieq na ho tou taluqat ko mad-e-nazer rakh kar inkar tou nahi kare gi mager mai usey go-mago ki kefiyat mein nahi dalna chahta hon. Mere nazdek rishtey aur taluqat ka na-jaez istamal bad-taren gunah hai.

Question: Ager-cha Golmaal ap ki shanakht ho gai ha imager kya ap action films se bilkul he alag ho kar reh gay hein?

Rohit Shetty: Main bohat jald aik action film karne wala hon, maine abhi hal he mein Reliance big pictures ke sath muhaeda kiya hai jis ke tehat hum aik Tamil hit film “Singam” ka remake banaein gey.

Question: ES waqt afwah yeh garam hai ke ap Golmaal 4 banane ke chakar mein hein, kya yeh baat durast hai?

Rohit Shetty: Nahi, yeh durast nahi, main south ka remake mukammal karne ke baad Ashtavinayak walon ke liye diwali ke moqey per release hone wali film ki shouting mein lag jaon ga. Es ki kahani mein 2 hero’s honege jo comedy karein gey ek tou ajay hai jab ke dosre ka naam zer-e-ghour hai aur aen mumkin hai ke Abhishek Bachchan ko cast kar liya jae. Main golmaal 4 zaror banaon ga kyun ke log mujh se pochtey rehtey hein ke “Golmaal 4” kab banao gey.

Question: Lagta hai ke ap ne qasam kha li hai kea p Ajay ke begher koi gilm banaein gey he nahi, kya ap Ajay Devgan ko apne liye lucky samajhte hein? Ye pher mehaz dosti ki wajha se aesa karte hein?

Rohit Shetty: Mujhe nahi pata ke yeh kya hai, maine ab tak jitna safer tey kiya hai Ajay us mein mere sath raha hai. mustaqbil mein aesa ho sakta hai ke ager us ke liye koi acha role nahi howa tou woh meri film ka hisa nahi hoga. Maine usey south ki film karne ko kaha tou woh foran tayar ho gaya jab ke us ne woh film dekhi bhi nahi hai. humare darmiyan hidayatkar aur adakar wala rishta nahi hai, woh mere liye bara bhai hai, ek rah-numa, dost aur philosopher hai. main jab bhi koi Bick ya car kharidta hon tou Ajay he sab se pehley test leta hai.

Question: Suna hai ke ap Ajay aur Akshey ko ley kar aik film banana chahte hein?

Rohit Shetty: Yeh dorust khaber nahi hai. mujhe nahi bata ke yeh khaber kis ne urai hai. mere aur Akshey ke darmiyan mulaqatein hoti rehti hein mager es ka yeh matlab nahi hai ke hum koi film karne ja rahe hein.

Question: Kya wajha hai ke ap Ajay Devgan ki tarha Sanjay Dutt ko bhi bar bar apni film ka hisa banate hein?

Rohit Shetty: Maine Sanjay Dutt ke sath “All the best” ki aur bator insan aur actor usey perfect paya, woh ab bhi mujh se touch mein hai. us ke sath kam karne se qabal maine kai manfi batein sun rakhi thin mager jab kam kiya tou sab batein ghalat sabit hoin.

Question: Ap ne ek bar kaha tha ke “All the best” ka hero Sanjay Dutt hai tou kya es se Ajay Dvgan khud ko gher mehfoz nahi samajhne laga tha?

Rohit Shetty: Are nahi yar! Main samajhta hon ke industry mein Ajay, Sanjay aur Salman khan aesy stars hein jo khud ko kabhi gher mehfoz nahi samajhte. In ki films hit hon ya flop, in ki hesiyat mein koi farq nahi aata. Such tou yeh hai ke Ajay aur Sanju dosre funkaron ko dialog dene ki batein karte hein. Ager woh gher mehfoz howe tou aesa kyun kehte.

Question: Aakhir ap ki films ki kamyabi ka raaz kiya hai?

Rohit Shetty: Hanste howe kaha! Merey pas kamyabi ka koi gur nahi hai. asal baat yeh hai ke mera waqt bohat acha chal raha hai. main yeh soch kar script ya mukalma nahi likhta hon ke log hansein gey ya roein gey. Hansne aur mukalmon se main pehley khud lutf andoz hota hon us ke bad mujhe lagta hai ke tamash-been bhi mehzoz hon gey. Khuda na kare ager kal main na-kam hota hon tou tab bhi aj ki tarha he ap se batein karon ga aur kahon ga ke han meri film flop ho gai aur main na-kam ho gaya. Yash Chopra jese super director ne bhi flop films di hein tou main kiya cheez hon yar! Film making bhi aik karobar hai aur yeh zarori nahi ke tamash been humari her product ko qabol kar lein. Kamyabi ya nakami mere hath mein nahi hai. main tou sirf tafrihi film bana kar pesh kar deta hon aage us ki qismat.

Question: Ap es waqt behtareen dor se guzar rahe hein aur nahi chahte ke koi bhi manfi baat ap ki rah mein rukawat peda kare, log keh rahein hein ke Rohit aik he cheez bar bar pesh kar raha hai?

Rohit Shetty: yeh sab bakwas hai mager yeh bat bhi zehan mein rahe ke yahi bakwas logo ko basand bhi aa raha hai. Din ke ikhtatam per dekhne wali baat yeh hai ke meri film hit ho rahi hai. aik he series ki 3 films, aik he cast ke sath banana bachon ka khel nahi hai. Ap mujhe chor dein yeh not karein ke “Golmaal 3” ne bollywood ko bhi bohat sara pesa kama kar diya hai. jo zahir hai industry ko aur mazbot aur faal banae ga.

Question: Es ke bawajod ap ki films ko saf-e-awal ki films mein shumar nahi kiya jata hai?

Rohit Shetty: Hum ne kab kaha ke hum ne “Munna Bhai” aur “3 Idiots” jesi azeem films banai hein, humesha yahi kaha ke achi aur time pas films banai hai, aaiye film dekhye aur es se enjoy kijye! Abhi chand qabal main “Rang De Basanti” dekh raha tha tou mere zehan mein yeh khayal aaya ke main aesi shandar film kyun nahi bana sakta hon? …. Matlab yeh azeem film hai. jab main films ke promos karta hon tou tab bhi apne funkaron ko sakhti se taked karta hon ke woh emandari se kam lein aur jo kuch film mein hai wahi kuch logo ko bataein. Hum logo ko yeh batatein hein ke humari film time pas hai film hai. apni family ke sath aiye aur hanste muskorate ghar jaeye. Es tarha log ghalat tawaqat wabasta nahi karein gey.

Question: Kya ap ko yeh khayal kabhi nahi aaya ke ap koi tajurbati film banain aur khud ko sanjida film makers ki sif mein khara kar lein?

Rohit Shetty: Pehley yeh khayal pareshan karta tha mager ab nahi kyun ke ab main jahan bhi jata hon mujhe izat milti hai. log mujhe pehchanne lage hein. Main zyada se zyada moafza lene wale hidayatkaron ki fehrist mein aa gaya hon. Jab koi meri film ko bura kehta hai tou mera khon kholne lagta hai. ap ko pasand nahi aai alag bat ha imager film ko tou bura nah kahein. Lakhon log jo pasand kar rahe hein tou kya woh bewaqof hein.

 
© Copy Rights 2012 -1015     www.internetpk.com All Rights Reserved Contact Us