www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Sahir Lodhi

Interview of Sahir Lodhi: He is a Pakistani actor and host in radio and television. Sahir was born May 21, 1968 in Sindh. His wife name is Somi Nizami Lodhi and his sister name is Shaista Lodhi. In this page you will read and find Sahir Lodhi interview and info in Urdu and Hindi.
Sahir Lodhi
 
 
 
 
 

Sahir Lodhi Interview

Question: Ap ka Naam?

Sahir Lodhi: Sahir Lodhi.

Question: Behan, Bhaiyon ki tadad aur ap ka Number?

Sahir Lodhi: Mujhe mila kar 4….. sab se bare bhai, main aur pher chota bhai aur pher behan. Pore khandan mein mera rob sab se zyada hai, shaed main pyar bohat karta hon lekin chonke main bohat saf go admi hone s wajha se sab log aehtyat zaror karte hein.

Question: Shaista Wahidi ap ki sister hein to in se zyada dosti hai ya professional jelliesi chalati?

Sahir Lodhi: Are jelliesi kesi, mere wajod ka hissa hai woh to……. Shaista ke liye to maine ek nazm bhi kahi thi. “ye jo mera tumhara rishta hai ……. Ye umer se aage jana hai”. Woh meri behtareen dost aur zamadar hai behan hai. Es ka her rop bohat khobsurat hai. Woh mukammal aurat hai, mera sir fakhar se buland ho jata hai. Jab log ye kehte hein ke ap Shaista Wahidi ke bhai hein.

Question: Ap ki tarekh-e-pedaesh aur star?

Sahir Lodhi: 21 May meri tarekh-e-pedaesh hai aur star tourist hai.

Question: Salgirah manate hein?

Sahir Lodhi: Hon, mana li to mana li, warna mere ghar wale mana lete hein.

Question: Ab tak jo ap ne kam kiya es ka tajurba kesa raha aur kis ke sath kam kar ke maza aaya?

Sahir Lodhi: Aliya Rasheed ki serial bohat achi lagi jise Ameen Iqbal ne jo PTV Home se aata tha.

Question: Films ke liye offer hein? Kya socha hai pher?

Sahir Lodhi: Gi offers aa rahi hein kar bhi raha hon… aur jo kiya hai woh logo ke samne aa jae ga.

Question: Ap kis director, actor, aur writer ke sath kam karna chahte hein?

Sahir Lodhi: Main jin ke sath kam karna chahta hon woh yahan nahi rehtin magar main janta hon main ek roz in ke sath kam zaror karon ga…. Han albatta writer main Syed Noor, Hasan Askari, Shehzad Rafiq ke sath kam karna chahta hon, Hindustan mein Kiran ke sath movie karna chahta hon.

Question: Agar India se ap ko offer aai to ap ka kiya rad-e-amal ho ga?

Sahir Lodhi: Mujhe bohat khushi ho gi agar main Hindustan mein koi kam karon to.

Question: TV aur Radio mein kahan maza aata hai?

Sahir Lodhi: Radio jan hai meri…. Radio Sahir Lodhi ki pehchan hai.

Question: Acha sharek-e-hayat ke bare mein kuch batain?

Sahir Lodhi: Es ko rehne dein…. Main apni personal life ko safe rakhna chahta hon.

Question: Imandari se bataiye kabhi ap ko ksi se eshq howa?

Sahir Lodhi: Sirf etna kehna kafi hai ke han howa.

Question: Khud ko smart rakhne ke liye kya karte hein?

Sahir Lodhi: Squash khelta hon.

Question: Kya cheez shoq se khate hein?

Sahir Lodhi: Murgh chole….. ande ka salan.

Question: Depuration ho to kya karte hein?

Sahir Lodhi: Depuration nahi hota mujhe.

Question: Kunjoce hein ya fazol kharch?

Sahir Lodhi: Ek number ka fazol kharch hon.

Question: Shadi ke lado jo khae pachtae jo na khae woh bhi pachtae, kahan tak durast hai?

Sahir Lodhi: Na khana zyada acha hai, are bhai mazaq kar raha hon.

Question: Kamyab shadi shuda zindagi ka raz kiya hai?

Sahir Lodhi: Gi….. ap bohat ghalat jagha ye sawal kar rahi hein.

Question: kya waqae mohabbat ek he bar hoti hai?

Sahir Lodhi: Gi bilkul magar affairs 50 ho sakte hein.

Question: Sahir per nam ka kitna asar hai?

Sahir Lodhi: Shaed meri shaksiyat per asar to hai…. Wese mujhe ye nam bohat aziz hai kyunke mer father ne rakha tha.

Question: Sahir ne kabhi ghurbat dekhi hai?

Sahir Lodhi: Dekhi hai aru bohat dekhi hai…. Logo ko andaza nahi hai… aj se kuch sal pehle 6000 meri tankha thi, maine faqa dekha hai America jese mulk mein.

Question: Aaj kal kya ho raha hai?

Sahir Lodhi: Aaj kal to TV One ka show ho raha hai. Sahir Lodhi Show. Radio FM-103 ho raha hai, es ke elawa theater ki tayari ho rahi ha. Aik film bhi kar raha hon aur es ke elawa aik serial bhi kar raha hon, main choke kam serial karta hon aur bohat selective karta hon fil-hal es serial ke liye mujhe Islamabad aur Lahore jana hai pher shaer online ho rha hai.

Question: kis mein zyada maza aa raha hai?

Sahir Lodhi: Sab mein maza aa raha hai magar radio ki baat he kuch aur hai. Radio mera eshq hai jab main radio per hota hon to bohat khush hota hon. Radio woh jagha hoti hai jahan beth kar main apne aap ko bohat aazad mehsos karta hon.

Question: Es field mein aaye kitna arsa howa aur shoruaat kese hoi?

Sahir Lodhi: Ye kuch baras qabal ki baat hai jab main Ghazanfar sahib se mila, apni sister Shaista Wahidi ke tufel. Hum inhein pyar mein baba kehte hen to baba mujhe bohat pasand aaye aur shaed baba ko main bohat pasand aa gaya tha. Unho ne kaha ke ge aap Indus ke liye kam Karen. Es tarha se hum logo ne Indus per chae time shoru kiya. Jis ne bohat zyada mutasir kiya logo ko. pher aik aur show kiya, “Ye Shaam Tere Naam” ke anwan se.

Question: Acha ye bataeye ke pehle program ka pehla check ketne ka mila aur kya kiya?

Sahir Lodhi: Are are please ye na pochiye, kya such mein pochna chahti hein, uff sharm aa rahi hai, mujhe pehla check 6000 rupe ka mila tha aur aaram se kha liya tha.

Question: Pehli bar camera ka samna karte howe laraz rahe the ya pur-sakon then?

Sahir Lodhi: Are waqae bada ajeb tajurba tha woh mera…. radio to acha laga magar camera ka samna karna zara mushkil tha.

Question: Aap dekhne mein simple hein ya waqae?

Sahir Lodhi: nahi nahi main such mein bohat sedha sada hon. Pathan hon es liye, ghusa bilkul pathano wala hai. Ghalati ho to man leta hon lekin youn he mujhe kha makha apni aehamiyat jatae to main nahi manta.

Question: dramo ka tajurba kesa raha?

Sahir Lodhi: yaha ye meri khush nasibi rahi ke main ne pehla drama kazim pasha ke sath kiya. “Pani Pe Naam” magar main bohat selective play karta hon. Pakistan mein adakari mujhe samajh nahi aati. Mujh se woh lambi lambi sansein nahi li jati. Mou tedha kar ke dekha nahi jata. Main bohat natural hon.

Question: Lekin humare drame to haqiqat se qareeb tar hote hein?

Sahir Lodhi: Nahi nahi main yahan aap se ikhtalaf karon ga. Mujhe lagta hai ke humara drama theater ki aik maskh shuda shakal hai jis mein ajeeb qisam ke dialogs aus script hote hein, unnatural movement hoti hai aese unnatural phenomena ko create kar diya jata hai jo aam zindage mein ap ko milta nahi hai. Main reality dekhna chahta hon jese main es waqt ap se bat kar raha hon agar mujhe ap se izhar-e-mohabbat karna hai to main simply ye kahon ga ke mujhe ap se mohabbat hai, main ye bakwas nahi karon ga ke badal aese chal rahe they waghera waghera.

Question: Goya ap afsaniyat ke khelaf hein?

Sahir Lodhi: Main afsane ke khelaf nahi hon agar woh adab ki shakal mein hai to magar drama mein afsana nahi aana chahiye agar afsane per mubni drama ban rahe hein to es ka script wesa he hona chahiye es ke elawa nahi.

Question: ap ke khayal mein ye anser kab se ghalib raha hai, uroj-o-zawal to aate rehte hein?

Sahir Lodhi: Dekhein hum bade ajeb log hein, PTV ke ibtadai dramas bohat khobsurat hote thein, sari duniya janti hai humare yahan Saleem Nasir aur Talat Hussain sahib jese fankar hein, jin ki adakari bohat natural howa karti thi. Script bohat strong they magar humari ghalati ye hai hum ne apne mutabadil tayar nahi kiye jin ko hum jan-nashen keh sakte. Talat Hussain Sahib aik, Saleem Nasir aik, Zia Mohiuddin aik, Moin Akhtar aik jitney bare naam hein ksi ka mutabadil humare pas nahi. Aaj ke dor mein sawae Sania Saeed ke koi acha actor nazar nahi aata es ke bad dosri lat kyun nahi aai to humare dramae ko to zawal ka shikar hona he tha aur pher zarori to nahi ke PTV mein 1970 ki dahai mein jo drama hota tha kya sirf wahi drama hai. Ab to duniya etni aage nikal gai hai. Abhi aik le de ke hum ne NAPA shoru kiya hai, es per bhi log tanqed karte hein… kyun tanqed kar rahe hein…. Aik chlein bana to sahi, esi per shukar ada kar lein. Aap ko pata hai NAPA ki fees 2000 rupe mahina hai jis mein Talat Hussain, Zia Mohiuddin sahib, Arshad Mehmod sahib, Rehan Sheikh Jese logo se ap padh rahe hein. Magar humari qoum ka ye almiya hai ke jo kuch humare pas hai hum e ski qadar nahi karte. Woh jab matti udh kar so jata hai to sare nare lagane lag jate hein. Jab tak hum apne rawaiyon mein tabdeli nahi laein ge aur apne asaso ki hifazat nahi kare ge tab tak hum kuch nahi kar sakte Zia Mohyeddin ko to humare nisab mein hona chahiye. Mazrat ke sath humara media chand adakaron ke gird ghomta hai koi variation nazar nahi aati hai? Koi corrector unho ne udh kar kiya? Agar Humayun Saeed hai to woh 10 baras se Humayun nazar aa raha hai. Adnan Siddiqui hai to Adnan he kar raha hai, Aijaz Aslam hai to Aijaz Aslam he nazar aa raha hai, Kyun? Wajha kya hai? Ye jo marketing hai ye drama per cha gai hai jab tak marketing ki qeed se drama aazad nahi hoga tab tak apni asal shakal mein wapas nahi aa sake ga.

Question: Showbiz ki field join karne se pehle ap ke zehan mein kiya ye tha ke mein yahan jaon aur sari kami aur kharabiyan dor karon?

Sahir Lodhi: Saleem kosar ne kya khob kaha hai ke

Tumhe in mosamo ki kya khabar milti agar hum bhi
Kathan ke khof se aab-o-hawa tabdel kar lete
Makan apna wahi rakhte pata tabdel kar lete

Mein Pakistan se baher gaya zaror tha, baher pala badha zaror tha magar mera rishta aur taluq meri matti se humesha qaem raha mein pehle bhi bohat socha karta tha aur bohat kuch kiya bhi, jab yahan mustaqil tor per settle howa to aehsas howa ke meri sab se zyada zarorat mere logo ko, mere mulk ko hai. Meri media ko hai aur mujhe nahi pata ke main acha ya bura, sahi ya ghalat hon es bat ka fesla humesha khuda karta hai, bohat sedha se mera osul hai ke khuda mujh se jo chahta hai woh kam leta hai. Main doua karta hon ke Allah mujhe humesha rast baz rakhe, mujhe showbiz se mutaliq bohat si baton ka adrak tha aur main ne tab he ye fesla kiya ke main yahan rahon. Dekhein agar hum koi masbat tabdeli la sakte hein to khushi hogi. Hum jive Pakistan gate hein. Koi Pakistan ke khelaf bat kare to hum es ki aesi tesi kar dete hein.

Question: Log Pakistan se America jate hein, ap America se wapus kyun aa gae?

Sahir Lodhi: meri walda ne kaha ke bas bohat ho gaya ab ap ne wapus aana hai. Maine kaha behtar ge aa jata hon to main aa gaya.

Question: Bachpan ki koi sharart yad hai?

Sahir Lodhi: Bohat zyada shararti tha. Pitta bhi tha, magar ab kuch bhi yad nahi.

Question: Jab ap ne es field ka intakhab kiya to ghar walon ka rawaiya kesa tha?

Sahir Lodhi: Unho ne khule dil se na sirf qabol kiya mere es fesle ko balke support kiya. Humesha se mera dil chahta tha ke main film karon to to amma bohat mukhalfat kiya karti thin ke mein pehle apni talem mukammal kar lon to main ne amma ka kaha mana aur parhne America chala gaya kyunke in ka fesla durast tha aura chi education her field mein kam aati hai.

Question: Ghussa aata hai to kiya karte hein aur kin baton per aata hai?

Sahir Lodhi: Main bohat zyada bolta hon. Wese mera ghar mein waqt bohat kam guzarta hai aur esi bat per ghar walon ko mujh per bohat zyada ghussa aata hai balke maa kehti hai bhi tum to America mein he ache they kum as kum tum se bat to ho jati thi magar yahan to hum taras gae hein……. Aam tor per mujh ko in he baton per ghussa aata hai magar mera ghussa 7-8 minute ka hota hai bol bal kar ghussa khatam kar leta hon. Main ek he bat ko musalsal thak thak petne ka aadi nahi hon. Zindagi jamod ka naam to nahi.

Question: Koi aesi khahish jo ab tak pori na hoi ho?

Sahir Lodhi: Aah, bohat sari hein. Maslan main Priyanka Chopra se shadi karna chahta hon lekin main nahi kar sakta aur mujhe Rani ek zamane mein bohat achi lagti thi.

Question: Apni field se mutaliq logo ko pegham dena chahe ge?

Sahir Lodhi: Na hidayat…. Na nasiha….. na pegham….. sirf ek choti si bat ke imandari….. her kam imandari se karein aur bas.

 
© Copy Rights 2012 -1015     www.internetpk.com All Rights Reserved Contact Us