www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Salman Khan

Salman Khan Interview: Salman Khan was born on 27 December 1965 in Indore, India. He is an Indian film produce and actor. His father name is Salim Khan, he is an Indian film writer and his mother name is Sushila Charak. I will give you interview of Salman Khan in Urdu and Hindi, he is top of the star on bollywood.
Salman Khan
 
 
 
 
 

Salman Khan Interview:

Question: “Ek tha tiger” mein Katrina Kaif ke sath pair banane ke bad lagta hai ke basi kadhi mein obal aa gaya hai aur log aik bar pher ap ke aur Katrina ke bare mein batein karne lage hein, kiy un khabron mein koi sadaqat hai?

Salman Khan: Koun hai jo Katrina ko nahi chahta? Meri us ke sath humesha se he achi chemistry rahi hai, woh pehle bhi meri dost thi aur aj bhi hai, ye fitri si baat hai ke hum dono ne aik film akhatey ki hai aur ab us ki promotion mein bhi sath sath nazar aa rahe hein agar es baat ko ley kar kuch log koi kahani ghadne ki koshesh kar rahe hein tou main es mamle mein kuch nahi kar sakta!

Question: 2009 mien Katrina se ap ki alehdgi ho gai thi aur es ke bad Katrina ne ap se sard-mehri baratna shoru kar di lekin ab wahi Katrina her jagha ap ke sath nazar aa rahi hai, kiya ye qurbat mehaz film ki promotion ke liye hai?

Salman Khan: ye kehna ghalat hai ke humare darmiyan alehdgi ho gait hi, ye mehaz itafaq hai ke darmiyan mein hum dono ko aik sath kam karne ka moqa nahi mila aur apne apne kam mein masrof hone ki wajha se milne ke mawaqe bhi dastiyab nahi ho sake lekin ksi bhi marhale per humari dosti mein koi farq nahi aaya ab “Ek tha tiger” mein akhatte kam kiya hai, es liye promotion mein bhi sath sath nazer aa rahe hei, es se ksi ko ghalat fehmi nahi honi chahiye!

Question: Suna hai ke Ek tha tiger ki shouting ke doran tumhe sehat ke masael se bhi do char hona para?

Salman Khan: Gi han main (nostalgia trigeminal ) mein mubtala ho gaya tha, es mein mathey gallon aur jabde mein shaded dard hota hai aur mujhe America ja kar operation karana para, main 7 saal se es bimari ko jhel raha tha aur es ki ibteda partner ki shouting ke doran ho gait hi! Lagta tha jese mujhe koi kachoke laga raha hai, thori thori dair bad ye dard uthta aur chand second tak jari rehta, mai bol sakta tha aur na chal sakta tha! Doctors ko yaqen he na aaya ke main 7 saal se es bimari mein mubtala hon aur woh herat se pochne lage ke ab tak zinda kese hon!

Question: Es bimari aur dard ki halat mein ap ne “Ek tha tiger” ke liye action scenes kis tarha shout karaein?

Salman Khan: Ye mere liye aik challenge tha lekin mujhe jhukna gawara nahi tha go ke mujhe ye action scenes nahi karne chahiye dthey kyun ke es ke baad bohat thakawat ho jati thi aur na he aese action karwane chahiye they jis mein sir jhukana pare lekin mujhe woh sab kuch karna para jo nahi karna tha, yahi meri zindagi ki kahani hai!

Question: ap ki bimari se ghar walon ko tou pareshani hoi ho gi?

Salman Khan: Main kabhi bhi apni pareshani un se share nahi karta! Apne erd gird nazar dalne per pata chalta hai ke hum kai logo se behtar hein, mujhe dard tou ho raha tha lekin maine use apne tor per bardasht kiya!

Question: Arbaaz aur Sohail ke sath ap ki relation kesi hai?

Salman Khan: Hum apas mein dost hein hala ke sohail, mujh se 5 baras chota hai lekin jawan hone ke baad ye farq khatm ho jata hai! haqiqat tou ye hai ke dady ke doston se bhi humari dosti hai aur dady humare doston se free hein.

Question: Kya ap apne bhaiyon ko koi mashwara dete hein?

Salman Khan: Nahi, woh kafi samajhdar hein aur mujh se zyada duniya ke mamlat ko samajhte hein balke baz auqat tou mujhe un se mashwara lena parta hai.

Question: 3 hit films ke sath es waqt ap teno khans mein aage nazer aa rahe hein, es per kya kahen gey?

Salman Khan: Aesa kuch nahi hai, main nahi janta ke film kis tarha kamyab hoti hai, mujh se bhi ghalatiyan ho sakti hein, main aesi films kar raha hon jo guzishta films ke muqable mein badi hein aur etna janta hon audience ese fazol nahi qarar dey gey lehaza film mein jazbat aur kahani ki badi aehamiyat hai.

Question: Ap ke walid Salim khan ne kai super star takhliq kiye lekin ap un ki likhi hoi film ke begher he super star ban gay?

Salman Khan: Salim Khan ne apne qalam se super star takhliq kiye lekin unhone mujhe peda kiya, main un ki pehli aulad hon, es liye un ke takhliq karda stars se kahin aage hon, Salim Khan ne sirf mujhe peda he nahi kiya balke haqiqi zindagi mein meri rahnumai bhi ki, es lehaz se woh mere real producer aur director hein.

Question: Apni noujawani ke zamane mein walid ka likha howa koi corrector karne ki khahish hoi?

Salman Khan: Mujhe bare Correctors karne mein 20 saal lag gay, jab “maine pyar kiya” mein Prem ka ka role play kar raha tha tou kabhi socha bhi na tha ke action films kar sakon ga, maine ibteda mein aesi koshesh ki thi lekin apne ap ko qael na kar saka, maine police man aur wakel ke kirdar bhi kiye lekin koi tasur qaem na kar saka, yahan tak ke mohaley ke dada ka role karne ke bhi qabil na tha lekin ab mein pori sachai ke sath es tarha ke role play kar sakta hon, mujhe apne paristaron se mohabbat aur ezat hasil karne mein 20 saal lag gay, ab main un ke aetmad ke sahare agey barhna chahta hon.

Question: Ap ki kamyabi ka raaz kiya hai?

Salman Khan: Main kabhi bhi ksi wajha ke begher film sine nahi karta, es ke liye mujhe apne ap ko ikhlaqi tor per qael karna parta hai, es lehaz se main aur director aik he level per sochte hein! Aj kal ki films mein zyada se zyada 5 gane hote hein jo bohat achey hone chahiye! Screen play, editing, adakari sab ki aehamyat apni jagha hai lekin asal cheez subject hai jis se log jis se log relate kar sakein ap ko audience ke darmiyan beth kar film ke bare mein sochna chahiye ke jab woh kahani ap ko sunai jae tou ap us se kis tarha enjoy kare gey.

Question: Woh koun sa scene hai jo ap kabhi nahi karo gey?

Salman Khan: Maine ahead kar rakha hai ke parde per ksi larki ko kiss nahi karon ga, mujhe ye bohat bura lagta hai kyunke khawateen bhi films dekhne aati hein aur dosri bat ye ke mard o aurat ke taluqat ki noeyat intehai zati hoti hai, use dosron ke sath share nahi kiya ja sakta.

Question: Lagta hai ke ap kam ke mamle mein pehley se zyada sanjida ho gaey hein?

Salman Khan: Hona padta hai, ap jante hein ke log kitna mehnga ticket khared kar film dekhne aate hein aur inhein hum se bohat si tawaqat hoti hein, es liye hum inhein mayos nahi kar sakte!

Question: Ap adakari ke elawa dosre shobey mein bhi involve hote ho?

Salman Khan: Gi han kabhi kabhi koi mukalma ya comedy jumla zaban per na aay tou writer aur director ki raza-mandi se unse tabdel kar deta hon, es ke elawa jab dhunein compose ki ja rahi hon tou us se bhi enjoy karta hon meri koshesh hoti hai ke dosre ke kam mein dakhal andazi na karon lekin baz auqat film ki behtari ke liye aesa karna padta hai albatta jab apni ya bhai ki production ho tou azadana tor per mashware deta hon, us waqt ye darr nahi hota ke koi meri madakhlat ka bura man jae ga.

Question: Kya 3 films ke lagatar hit ho jane ke aur ap flop film se khofzada ho?

Salman Khan: Bilkul nahi, jab hum oper jate hein tou humein nichy aney ke liye bhi tayar rehna chahiye, jese jese ap bade hote jate hein ap ke kam mein behtari aati jati hai, ap ko pehle se zyada fit nazar aana chahiye, aur ap ke her kam mein tezi honi chahiye es lehaz se her aney wala saal ap ke liye mushkil hota jata hai, es ka inhasar ap per hai ke apne kam ko kis tarha jismani aur zehni tour per anjam detey hein, wise hit aur flop tou es khel ka hissa hai agar 3 films hit hoti hein tou 1 flop bhi ho sakti hein! Baz auqat ye bhi hota hai ke film ke flop hone mein actor ka koi qasor nahi hota balke es ke pichey degar awamil bhi hote hein lekin esey bhi actor ke khate mein dal diya jata hai!

Question: Ap ne apne career mein bade utar chadhao dekhey hein, hit aur flop films se kiya sikha?

Salman Khan: Film hit ho jae tou dimagh kharab nahi hona chahiye balke hit film ke bad actor ki zemadari badh jati hai ke woh pehle se zyada mehnat kar ke behtar kam kare agar film mein kam karne ke bad doran- dilchaspi nahi dekhaein gey tou ap aik flop film ke mustehaq hein lekhin agar ap waqae mehnat se kam karte hein aur us ke bawajod ksi wajha se woh film nakam ho jati hai tou ap ko mayos nahi hona chahiye! Baz auqat film buri hoti hai lekin ap ke kam ko pasand kiya jata hai, es liye humein audience ke fesla ko khush dili se qabol kar lena chahiye.

Question: Kya ap ye keh rahe hein ke flop film se ap ko koi farq nahi padta?

Salman Khan: Nahi, flop film se bohat kuch sochne aur samajhne ka moqa milta hai apni khamiyon ko chek karta hon aur dekhta hon ke kahan kahan ghalati hoi take aaenda es se behtar kam kar sakon!

Question: Ap ki shaksiyat film aur us ke script per chah jati hai, kya ap ko ye khouf nahi ke es tarha type cast hone ke sath sath apne ap ko dohra rahe ho?

Salman Khan: Meri her film mukhtalif hoti hai agar us mein meri shaksiyat ka aks nazar aaey tou kya kar sakta hon, lekin es ki bunyad bhi script hota hai! “Veer” ki kahani “Wanted” se bilkul mukhtalif thi jab ke “wanted” aur “Dabangg” mein koi mamaslat nahi thi! “Bodyguard” in teno films se mukhtalif thi, esi tarha “Ready” mein bhi meri ksi dosri film ki mamaslat nazer nahi aai ager kuch log kehte hein ke main pori film ko apne kandhon per ley kar chalon tou ye bilkul ghalat hai! duniya mein koi shaks aesa nahi kar sakta baat sirf etni hai ke log mujhe aur meri films ko pasand karte hein aur esi liye woh inhein dekhne ke liye cinema hall ka rukh karte hein.

Question: Ap mein aesi kiya bat hai ke Katrina Kaif ap ki dosti se mehrom hone ke liye tayar nahi?

Salman Khan: Es liye ke main us ka acha dost hon, es se zyada aur kiya keh sakta hon.

Question: Ap kis wajha se apne ap ko es ka acha dost samajhte ho?

Salman Khan: Kyunke main logo ko pasand karta hon aur un ke sath guzare howe waqt ki mujhe qader hai hum pehle bhi dost they aur aesi koi wajha nahi ke ab dost na reh sakein ager mere aur us ke bech koi masla tha tou mujhe 100% yaqen hai ke us mein meri he ghalati ho gi.

Question: Ap shadi karne se kyun katra rahe ho, kiya shadi per yaqen nahi rakhte ya apne ap ko acha shoher nahi samajhtey?

Salman Khan: shadi per mera pora yaqen hai aur janta hon ke es ka aik waqt muqarar hai lekin shayad abhi meri shadi ka waqt nahi aaya jab aesa howa tou ap mujhe apne bachon ke sath khelta howa paey gey.

 
© Copy Rights 2012 -1015     www.internetpk.com All Rights Reserved Contact Us