www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Sanjay Dutt

Sanjay Dutt Interview: Sanjay Dutt is an Indian bollywood actor. He is a famous and number one hero in bollywood industries. He was born 29 July 1959 in Mumbai his father name is Sunil Dutt and his father was a best famous past hero (actor) in Indian film industry. Her mother name is Nargis Dutt and she is an old famous, talented heroin in bollywood film industries. Sanjay Dutt gote married in three times with Manyata Dutt (2008), Rhea Pillai (1998 to 2008), Richa Sharma (1987 to 1996) and he have three childrens, one son Shahraan Dutt and tow daughter Trishala Dutt and Iqra Dutt. In this you will find and read Sanjay Dutt interview in Urdu and Hindi.
Sanjay Dutt
 
 
 
 
 

Biodata:

Name: Sanjay Dutt

Personality: Actor

Born (Birthday): 29 July 1959

Birth Place: Mumbai, India

Fields: Bollywood Film Industry (Acting)

Wife Name: Manyata Dutt (2008), Rhea Pillai (1998 to 2008), Richa Sharma (1987 to 1996)

Children: Trishala Dutt, Iqra Dutt, Shahraan Dutt

Parents Name: Nargis, Sunil Dutt

Interview of Sanjay Dutt:

Sanjay Dutt es waqt films ki dunya ka masrof tareen adakar (actor) hai es ki film “Agneepath” ne box office per shandar business kya halanke es film mein es ne Villon ka kirdar ada kyat ha pher “department” ne bhi mutasir kiya au res ki degar films “Zila Ghaziabad” aur “Son of Sardar” se bhi bohat achi umedein ki ja rahi hein woh taqreban dedh mah (month) tak Patiala mein masrof raha. Hum ap ke liye yahan Sanjay Dutt ka interview pesh kar rahe hein.

Question: Ap ki film “Agneepath” ne acha response diya?

Sanjay Dutt: ksi bhi performer ki jab tareef ki jae tou esy bohat khusi hoti hai film “Munna Bhai” ke baad “Agneepath” ne mujhe sakoon ka sans lene diya hai. Director Karan Malhotra ne es mushkil mozo ko bari umdagi se pesh kiya aur mujhe bhi bohat achey andaz se handle kiya.

Question: Film mein Kancha ke kirdar ne Hrithik Roshan ke kirdar se bhi zyada shohrat aur maqboliyat hasil ki?

Sanjay Dutt: Mera khayal hai log ne Kancha ke dialogs ko bohat pasand kya woh aik khatarnak qisam ka na-qabil-e-shikast insan ka kirdar hai jo bohat dilchaspi se bhar-poor sabit howa magar es mein koi shak nahi ke Hrithik bohat zabardast adakar (actor) hai.

Question: Kya ap es baat per itafaq karein gey ke manfi kirdar zyada shohrat aur maqboliyat hasil karte hein?

Sanjay Dutt: Es qisam ki kirdaron mein performance ke bohat se mawaqe hote hein pher ap apni Looks ke oper bhi tajurbaat kar sakte hein, action pher pasand aane lagein hein police aur jaraem ki kahaniyan hit ho rahi hein mujhe woh dor yaad aa raha hai jab main film industry mein aaya tha.

Question: Ap ki Looks per ap ke bachon (jurwan Iqra Dutt, Shahraan Dutt) ka kya rad-e-amal tha?

Sanjay Dutt: Mere bachey (children’s) abhi bohat chotey hein aur Kancha ke bare mein woh apna rad-e-amal zahir nahi kar sakte, main jab es film ki shooting kar ke ghar aaya tha tou woh log aik ganje shakhs ko dekh kar pareshan ho gay they magar jab inhein pata chala ke ye tou “Papa” hein tou in ki herat khatm hoi. Suchi baat tou ye hai ke main nahi chahta ke mere bachey “Agneepath” dekhein. Meri films dekh kar yaqeenan in per koi tou asar parta hoga.

Question: Kya “Agneepath” ke baa dap ne apney muawza mein izafa kar diya?

Sanjay Dutt: Meri khahish hai ke main aesa kar sakta, meri khahish hai ke log mujhe zyada raqam dein.

Question: Actors ke muawza ab karoron rupon mein batein karne lagein hein ap bhi es club ka hissa hein?

Sanjay Dutt: Main es qisam ki clubs per yaqeen nahi rakhta. Mere nazdeek film ko apna kaam dekhana chahiye aur logon ko ap ki mehnat aur lagan ka ahsas hona chahiye. Koi bhi film karoron ka business karti hai tou es se adakaron ko kya faeda hota hai sewaey es waqt ke jab koi adakar es film ka producer bhi ho jab koi film apne oper lagai gai raqam se zyada kama kar deti hai tou esy kamyab film kaha jata hai.

Question: Ap ne Ransel Desalwa ki action film Dharma Productions ke liye bhi tou sign ki hai?

Sanjay Dutt: Mujhe Ransel aur Emraan Hashmi ke sath kaam kar ke bohat khushi ho rahi hai es se qabal maine Emraan ke sath kabhi kaam nahi kiya tha ye aik commercial film hai mujhe action bohat pasan hein es se bohat dil-chaspi peda hoti hai.

Question: Ap ke production “Rascals” kin a-kami ke baad Kangna Ranaut se ap ke taluqat mein kharabi peda ho gai?

Sanjay Dutt: Suchi baat tou ye hai ke es film ka mean producer main nahi tha in ka khayal tha ke producer mein mera naam dalne se film per acha asar pare ga mery Kangna se koi taluqat kharab nahi hein dosron ke bare mein mujhe elm nahi.

Question: Suna hai ap Karan Malhotra ki agli film mein Shahrukh ke sath kaam kar rahy hein?

Sanjay Dutt: Ab tak woh mere pass nahi aay hein magar main Karan Malhotra ki film kar ke khushi mehsos karon ga pher Shahrukh mere bhaiyon ki tarha hai main foran han kar long a.

Question: Ram Gopal Varma per aj kal bohat tanqeed ki ja rahi hai?

Sanjay Dutt: Es ki filmein (films) aj kal acha response hasil nahi kar rahi hein magar es ke andar talent se inkar nahi kiya ja sakta bas esy sahi tour per istamal karne ki zarorat hai.

Question: Film “Department” ki tayari ke baad aap ke Ram Gopal Varma se taluqat kafi kashida ho gay they?

Sanjay Dutt: Bilkul nahi, hum scene discus zaror karte they aur bahami mashwaron se he kaam karte they ye ksi bhi director aur adakar (actor) ke darmiyan aik aam si baat hai.

Question: Film “Agneepath” aur “Department” ke item songs ke hawale se kafi batien hoi hein aur film “Ghaziabad” mein bhi aik item song shamil hai tou kya ap bhi es riwayat per chal pare hein?

Sanjay Dutt: Item numbers achey hein yar, es tarha ki action films mein ye bohat zarori hote hein log ksi bhi khobsurat larki ko dance karte howe dekh kar khush hote hein main es baat per shart lagane ko tayar hon.

Question: Kya humare film ben international actress Sunny Leone (Jism 2) jesi adakaraon (actresses) ko qabol karne lagein hein?

Sanjay Dutt: Suchi baat tou ye hai ke main es bare mein zyada nahi janta. Main ne es ke bare mein suna bohat kuch hai magar ab tak es ki fims dekhein nahi hein. Mahesh Bhatt ko zyada pata hai ke kya bikta hai agar woh es ke es image se faeda uthana chahte hein tou es mein kya burai hai.

Question: Kya ap es ke mad-e-muqabil kaam karna pasand karein gey?

Sanjay Dutt: Mian es ke mad-e-muqabil kaam nahi kar sakta main khush-o-khuram shadi shuda mard hon es liye esy ksi no-jawan nasal ke heroes ke liye chor dein.

Question: Rohit Dhawan ki film “Sangeet” ki shooting ke doran ap ne Amisha Patel ki sari ka pallu khench liya tha woh bohat ghabra gait hi?

Sanjay Dutt: Es film ki shooting ke doran Amisha kuch ghabrai hoi si lagi thi kher etna bara masla nahi tha humara koi jhagra nahi howa main aj bhi esy choti behno ki tarha pyar karta hon aur humesha karta rahon ga.

Question: Magar es ne tou ba-qaeda ap ke gher ikhlaqi rawaiye ki shikayat ki hai?

Sanjay Dutt: Jo maine ap ko bataya es ke sewa kuch bhi nahi howa.

Question: Ap ki film “Agneepath” ki ki kamyabi ki taqreeb mein Shah Rukh aur Shirish Kunder ke ma-ben kis baat per jhagra howa? Kya Shirish ne waqai zyadti ki?

Sanjay Dutt: Ye ab bohat purani kahani ho gai hai yar, bohat si tabdiliyan aa gaien hein, ab humein es silsiley mein baat nahi karni chahiye, her koi janta hai ke wahan kya howa lehaza ap mujh se he kyoun malom karna chahte hein.

Question: Suna hai ke agle roz Shirish ap ke pas gaya tha?

Sanjay Dutt: Woh mujh se milne nahi aaya tha main sirf Farah se mila tha.

Question: Ap apne Dady ki film “Mujhe Jeene Do” Ranbir Kapoor ke sath bnana chahte hein?

Sanjay Dutt: Gi han meri bari khahish hai magar es silsile mein abhi koi kaam aage nahi barha hai mujhe yad delane ka shukarya! Ranbir es kirdar ke liye mozo rahe ga.

Question: Bohat jald ap ke bachey bhi school jane lage gein?

Sanjay Dutt: Gi han yaqinan main in ke sath waqt guzarne ki pori koshesh karon ga. Mere liye es se barh kar koi aur kaam nahi ho sakta ke main apne bachon per bhar-poor tawajah don. Mujhe khushi hogi agar woh mujhe es stage se hatane mein kamyab ho gaey.

Question: Ap ne boarding school mein taleem hasil ki, kya ap apne bachon ko bhi wahein dakhil karana pasand karein gey?

Sanjay Dutt: Ye aik acha sawal hai, han bhi aur nab hi! Boarding school mein zindagi guzarne se ap ke andar discipline bhi peda hota hai aur ap ke andar halat ka muqabla karne ki himmat bhi aati hai magar ye ap ko confuse bhi kar deti hai ap mein baghawat ka jazba peda ho jata hai aur ap azad zehan ke malik ban jate hein pher jab ap ghar wapas aate hein tou ap ke Walden ap per pabandi lagana chahte hein jab-ke ap apna fesla khud karna chahte hein lehaza mujhe es silsiley mein bohat soch samajh kar fesla karna hoga pher main apne bachon se bohat mohabbat bhi karta hon mera nahi khayal ke main inhein apne se dor kar sakon ga.

 
© Copy Rights 2012 -1015     www.internetpk.com All Rights Reserved Contact Us