www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Sharad Malhotra

Sharad Malhotra Interview: Sharad Malhotra is an Indian TV and film actor. He was born on 9 January 1983 in Mumbai India. In this page you will get and read gossip with interview of Sharad Malhotra in Urdu and Hindi.
Sharad Malhotra
 
 
 
 
 

Sharad Malhotra interview:

Question: chote parde se film ki taraf aana kesa lag raha hai?

Sharad Malhotra: lagta hai jese mera barson purana sapna pora ho gaya, har shakhs apne kaam mein aage barhne ki koshesh karta hai aur es waqt bari khushi hoti hai jab ap apni zindagi mein koi acha kam karein aur main oper wale ka be-had shukar guzar hon ke es ne mujhe film mein kam karne ka moqa faraham kiya! Mujhe acting se pyar hai aur bare parde per apni salahiyaton ka muzahera karna chahta hon, mere pass apne jazbat ko bayan karne ke liye alfaz nahi, yeh aik bohat he suhana sapna hai aur main abhi nend se bedar hona nahi chahta!

Question: Film mein kaam karne ka tajurba kesa raha?

Sharad Malhotra: mere liye yeh ek bohat he dil-chasp tajurba tha, es se maine bohat kuch sikha aur apne kaam ke bare mein zyada professional ho gaya, es film per bohat mehnat ki hai aur mere liye yeh bohat he aasan safar sabith howa, go ke kuch mushkilat bhi pesh aain lekin maine challenge samajh kar in ka muqabla kiya, apne corrector aur scene ki shootings per bohat zyada mehnat ki, industry mein naya actor hone ke ba-wajod mujh per Mohit Chauhan aur Mika Singh ke gae howe gane shoot kiye gae, es se zyada mujhe aur kya chahiye, mere co-actors bhi bohat dil-chasp aur support karne wale they! Majmoi tour per yahi keh sakta hon ke yeh aik zabardast tajurba tha jise main sari zindagi yaad rakhon ga!

Question: TV acting aur film acting mein kya farq hai?

Sharad Malhotra: Acting ksi rad-e-amal ke tour per shoru hoti hai, mere sath bohat ache actors they jin ki wajha se mera kaam asan ho gaya! Es film mein mujhe zyada tar nay actor ke sath kaam karna para lekin in se mujhe bohat support mili aur es ke begher mere liye kaam karna etna aasan aur mumkin na tha. Humare darmiyan kabhi yeh muqabla nahi howa ke koun behtar hai balke humare liye yeh aik sikhne ka door tha! Television acting aur film acting mein kuch zyada farq nahi hai albatta TV acting bollywood ke muqable mein zyada laud hai! television per humein 100% performance dena hoti hai jabke film mein 80% se kaam chal jata hai, baqi support production mein estamal hone wali jaded technique se mil jati hai!

Question: Kya tum “From Sydney With Love” mein apne role ke bare mein kuch bata sakte ho?

Sharad Malhotra: Yhe magharabi Bangal ke aik chote se shehar se taluq rakhne wale 6 doston ki kahani hai jo Australia ke shehar Sydney ki “new south wales” university mein talem ke liye jate hein, bunyadi tour per yeh film aik love try angle per mubni hai jo meri character Prateek Chakravorty, lead girl bidita bag, per mushtamil hai, es film ki cast mein TV adakara Reshmi Ghosh bhi shamil hai jo film mein humare doston mein se ek hai, main es film mein ek rewaeti khush-bash aur befikre no-jawan ka role play kar raha hon jo pehli nazar mein bohabbat karne lagta hai aur apne group ke doston ke sath zindagi ko bhar-por tareqe se enjoy karta hai. Es film mein dosti ki kahani ko bare dramai andaz mein bayan kiya gaya hai es se zyada janne ke liye ap ko yeh film theater mein ja kar dekhna ho gi, mujhe umeed hai ke bare parde per bhi paristaron ki tawaqat pori karne mein kamyab rahon ga.

Question: Bollywood ki woh koun si favorite actress hai jis ke sath kaam karne ki khahish ho?

Sharad Malhotra: Mujhe Parineeti Chopra pasand hai woh khobsurat hone ke sath sath bohat achi adakari karti hai aur nai actress hone ke ba-wajod es ne bohat acha kaam kiya hai, woh pori tarha professional azam ko follow karti hai esi tarha Deepika Padukone, Anushka Sharma aur Priyanka Chopra bhi badi ba-salahiyat, smart aur zabardast adakaraein hein aur Kareena Kapoor ka to kya he kehna woh es waqt bollywood per hukom-rani kar rahi hai aur koun sa actor aesa hoga jise es ke sath kaam karne ki khahish na ho, main in sab adakaraon ke sath kaam karna chahta hon lekin es se pehle mujhe apni acting mein nikhar lana zarori hai.

Question: Kya tumhe television ki yaad satati hai?

Sharad Malhotra: Gi han mujhe television bohat yaad aata hai woh meri pehli mohabbat hai aur mujhe television industry ka hissa hone per fakhar hai.

Question: Television per wapas aane ka koi program hai?

Sharad Malhotra: Jesa ke pehle keh chukka hon ke television meri pehli mohabbat hai aur agar koi achha role mila tou television per zaror wapas aaon ga, lekin filha pori tawajha apni fil “From Sydney with Love” per markoz hai.

Question: Mustaqbil mein kis qism ki role karna chaho gey?

Sharad Malhotra: Audience humesha actor se yeh tawaqa rakhte hein ke woh mukhtalif qism ke role play kare main yeh challenge qabol karne ke liye yayar hon aur meri khahish hai ke har qism ke role karon, logo ne mujhe daily soap “Dulhan” mein bohat pasand kiya.

Question: Ap haqiqi zindagi mein apni professional life se kitne mukhtalif ho?

Sharad Malhotra: Haqiqi zindagi mein mokammil tour per boy next door hon, khamosh tabiyat, desi aur naik dil, bohat he sada mizaj insan hon jo doston se online cheting karne aur films dekh kar lutf-andoz hota hon, mujhe parties mein jane ka koi shouq nahi aur na he club jana pasand hai, mujhe ghar walon ke sath waqt guzarna acha lagta hai albatta kabhi kabhi doston ke sath ghomne ya lambi drive per chala jata hon, jahan tak professional life ka taluq hai tou youn samajh lein ke camera on hote he bilkul mukhtalif insane ban jata hon aur yeh tabdeli qudrati tour per aati hai.

Question: Ap apni film ki kamyabi ke bare mein kitne pur-umed ho jab ke es mein koi bara naam bhi nahi hai?

Sharad Malhotra: Humne aik mantaqi film banai hai jis mein tamam tafrehi masale dale gay hein aur es ka music bhi bohat achha hai so mujhe umeed hai key ye film hit ho gi.

Questin: “Banoo Main Teri Dulhann” ki co actress “Divyanka Tripathi” ke saath ap ka affair kafi mash-hor howa kya ap ab bhi es se milte hein?

Sharad Malhotra: Hum ache dost thein aur ab bhi rabte mein hein bohat se logo ne bare dawe se kaha hai ke ab Divyanka se mera koi taluq baqi nahi raha jo ke such nahi hai hum ek dosre ko guzishta 7 salon se jante hein es liye aik khosusi taluq qaem hona fitri si baat hai.

Question: Kya ap chahein gey ke aane wale dinon mein Divyanka ap ki ksi film mein heroin ka role play kare?

Sharad Malhotra: Es ka inhasar 2 baton per hai, awal Divyanka khud bhi films mein kaam karne ki khahish-mand ho aur dosra yeh ke koi producer ese mere sath cast karna munasib samjhe, wese mera khayal hai ke Divyanka ko films mein kaam karne se koi dilchaspi nahi.

Question: Kya ap ko mazed films mein kaam karne ki offer hoi hai?

Sharad Malhotra: Kuch offer hoi hein lekin maine inhein abhi conceder nahi kiya, jald bazi mein koi kaam nahi karna chahta, meri koshesh hai ke soch samajh kar ksi film ka intakhab karon.

 
© Copy Rights 2012 -1015     www.internetpk.com All Rights Reserved Contact Us