www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Shreyas Talpade

Shreyas Talpade Interview: Shreyas Talpade is an Indian, bollywood famous actor. He was born on 27 January 1976 in Mumbai, Maharashtra, India. He is married and his wife name is Deepti Talpade. In this page you will read and get gossip with interview of Shreyas Talpade in Urdu and Hindi.
Shreyas Talpade
 
 
 
 
 

Shreyas Talpade Interview:

Question: “Golmaal 3” ki numaesh se 1 hafta qabal ap es ki kamyabi ke hawale se go-mago mein thein aur es ki wajha yeh thi ke us ke sath sath “Action Replay” bhi release ho rahi thi?

Shreyas Talpade: Adakar bara ho ya choota… jab us ki film release ho rahi hoti hai tou woh be-cheni si mehsos karta hai, mujhe pata hai Golmaal ek brand ki hesiyat hasil kar chukka hai magar logo ko achhi film chahiye, es ki kamyabi ne hal-chal macha di aur yeh bollywood ki pehli film hai jis ke 3 part banein gae aur sab ke sab hit bhi ho gaey aur ab chothey ki planning ho rahi hai, jab sorat-e-hal aesi ho tou be-cheni to hoti he hai.

Question: Ap ka role bohat challenging tha magar tab ap achi tarah tutla nahi paa rahe thein?

Shreyas Talpade: Ap durust keh rahe hein, shooting karwane se zyada mushkil marhala dubbing ka tha ap scene tou be-sakhtagi se ok karwa dete hein magar dubbing ke waqt wahi be-sakhtagi lana bohat masla hota hai Rohit ki achhi baat yeh hai ke shooting ke baad woh ksi scene ko foran nahi kat’ta hai, woh adakar ko free hand de deta hai aur es mein kuch pata nahi chalta hai ke ap durast simt mein ja rahe hein ya ghalat simt mein. Aes kai baar howa ke maine be-sakhtagi ke sath adakari ki magar dubbing ke waqt bohat dushwari hoi.

Question: zarae batate hein ke Rohit Shetty ne “Golmaal 4” ka script taqriban tayar kar liya hai, kya ap bhi es ka hissa hein?

Shreyas Talpade: Agar aesa nahi howa tou main us ke ghar ke bahar ja kar beth jaon ga “Golmaal 3” ki kamyabi ke baad hum sab chahte hein ke es ka chotha part bane kyun ke log bhi aesa he chahte hein.

Question: Ap ke bare mein kaha jata hai ke ap bohat choose actor hein to pher ap ne “Help” jesi film ko sign kyun kiya?

Shreyas Talpade: Es mein main mehman adakar hon, es mein markazi kirdar Sanjeev Ahluwalia ka hai jo mera dost hai aur jis ke sath main “click” kar chukka hon.

Question: Kya ap ki fil “Hum Tum aur Shabana” ek aesi kahani per mubni hai jis mein ap Tusshar Kapoor aur Tusshar Kapoor ap per bazi le jane ki koshesh karta hai?

Shreyas Talpade: Kahani 2 larkon ki hai jo 1 he larki ka picha karte hein, yeh nai botal mein purani sharab hai es ke ba-wajod ke is mein kafi turn aur twist hein.

Question: Kaha jata hai ke Golmaal 3 ke baad ap ne apna moawza barha diya hai?

Shreyas Talpade: Kis ne kaha? Mujhe nahi pata ke ap ko yeh ghalat malomat kis ne di hein. Film hit ho gai aur mere pass moawza barhane ki maqol wajha bhi thi magar maine aesa nahi kiya. Mujhe yeh baat pasand he nahi hai ke ek hit de kar apne daam barha diye jaein, es tarha ki afwahon se producers jo mere pass aane wale thein nahi aaein gey. Aik ke baad dosri aur tesri film hit hogi tou es bare mein sochon ga.

Question: Guzishta saal yeh shoor raha ke Hollywood ki hit film “Go in Sixty Seconds…)” ap, Sunil Shetty aur Rehan Khan ko le kar banai jae gi magar abhi tak aesa kuch nahi howa?

Shreyas Talpade: Mujhe nahi pata kya howa, Yusuf Khan ese direct karne wale thein unhone mujhe kahani sunai aur kuch baton per humara itefaq ho gaya aur film flour per jane ke liye tayar ho gai thi magar pher producer piche hat gaya. Mujhe bataya ke ese baad mein ksi aur moqe per banaya jae ga. Es doran pori duniya kusad bazari ki lappet mein aa gai aur mamla thanda ho gaya.

Question: Kya yeh durust hai ke ap family shoru karna chahte hein?

Shreyas Talpade: Bilkul aesa socha ja raha hai magar main chahta hon ke main pehle apne ap ko har tarah se mazbot kar lon, abhi mujhe ghar bhi kharidna hai, baaz auqat humein lagta hai ke humein bachhe ki zarorat nahi hai magar bachhe ke behger zindagi kese mukammal ho sakti hai.

 
© Copy Rights 2012 -1015     www.internetpk.com All Rights Reserved Contact Us