www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Sonu Sood

Sonu Sood was born on 30th July 1974 in Moga, Punjab, India. He is married with Sonali and they have a son. Sonu is best actor of Hindi, Telugu and Tamil movie. He is a famous bollywood actor. In this page you have read interview of Sonu Sood in Hindi and Urdu.
Sonu Sood
 
 
 
 
 

“Shaheed Bhagat Singh” se le kar “chaddi singh” tak adakar Sonu Sood ne bohat taweel safar tey kya’ es ne apne career ka aaghaz telugu film “Kala Zehar” se kya aur bollywood ki filmon mai B grad filmain “Shisha” aur “siskiyaan” karne ke baad pehli martaba Mani Ratnam ki film “Yuva” mia apni pehchan karwai. Yahe es ke career ke liye aik turning point bhi sabit hoi. Punjab ke aik chotey se gaon Moga ka rehne wala Sonu Sood aaj Mumbai ke elaqe Warsaw mai aik menge aur khubsorat apartment ka malik hai aur apni kamyabiyon ko bhar poor andaz mai enjoy kar raha hai. Andhra Pradesh ki taraf se esey aik bada aezaz bhi mila jab ke apni film “Oron Dhati” mai shandar performance per ese nandi award bhi diya gaya. Es mulaqat mai Sonu Sood ne Salman Khan se apne muqable “shootout at lokhandwala” mai daowd ibrahim ka kirdar film “maximum” aik sakht jan Villon aur apni pehli home production mai Mallika Sherawat ke saath kam ke bare mai bohat si batain ki jo yahan hum aap ke liye pesh kar rahe hain.

Sonu Sood Interview:

Question: Film “Dabangg 2” se khud ko alehda karne ke sawal pe Sonu Sood ne ye kaha?

Sonu Sood: Mujhe apna kirdar bilkul bhi pasand na tha aur main ne pehli martaba script dekhne ke baad he ye bata diya tha.

Jab Arbaz khan mujhe script samjha raha tha to ba-hesiyat aik adakar ke mujhe ye pasand na aaya kyun ke es film ke original version mai mera kirdar main Villon ka tha es liye log mujh se mazed behtar ki tawaqa kar rahe they pher Arbaz ne bataya ke woh Prakash Raj ko es kirdar ke liye cast karne ki planning kar raha hai lehaza main ne khud ko film “Dabangg 2” se alehda karne ka fesla kar liya kyun ke main apne kirdar se bilkul khush na tha.

Question: Salman Khan ne esey “chaddi singh” banana mai aehum kirdar ada kya jo mojoda dor ka kamyab Villon bhi sabit howa to kya ye fesla karte howe ese Salman ka khayal bhi na aaya?

Sonu Sood: Salman mere badey bhaiyon ki tarha hai main humesha es ke sath hon magar jab baat filmon ki aati hai to zaher hai main apne kirdar ke hawale se to zaror sochon ga main chahta hon ke log mujhe “chaddi singh” ki hasiyat se yaad rakhain na ke aese kirdar ke hawale se jise main khud pasand na karta hon.

Question: Ye khabrain bhi suni gain hain ki Sonu Sood ne “Dabangg 2” mai kaam karne se es liye inkar kya ke esey Arbaz Khan ki ba-hesiyat director salahiyaton per zyada etbaar na tha. Original Dabangg abhinav kashyap ne direct kit hi magar salman khan se ikhtalaf hone ke baad e ski jagha Arbaz Khan ne le lit hi?

Sonu Sood: Ye khabrain sun kar mujhe bhi jhatka laga tha main pehle din se he janta tha ke “Dabangg 2” ka sequel Arbaz Khan he direct kare ga agar-cha main ne zati tor per Abhinow ko direction ke liye qael karne ki koshish ki thi magar woh tayar na howa mere Arbaz se bohat ache taluqat hain woh bohat acha insan aur bohat he pyara producer hai main yaqenan ba-hesiyat director bhi es ke sath kaam karna chahon ga magar jab tak main apne kirdar se mutmaen na ho jaon mian kis tarha koi risk ley sakta hon.

Question: Kya Salman ko aap ke es fesley per dukh howa?

Sonu Sood: Bhai (Salman) es tarha ka aadmi nahi hai woh mera bohat acha dost hai balke kuch hafton baad es ne mujhe phone kar ke kaha ke “kahan hai tu’ form house per aa ja’ cricket khelain ge” main Hyderabad mai aik Telugu film ki shooting kar raha tha. Main ne break lya aur Mumbai aa gaya sara din wahan guzara Salman aur es ki family ke sath. Woh bohat achey aur khayal karne wale log hain main samziyon ka shoqeen hon aur woh log es baat ka bhar-poor khayal rakhte hain. Inhain es baat ka elm hai ke mujhe kirdar pasand nahi hai lehaza unhone mujh per ye kirdar karne ke liye zoor bhi nahi diya. Woh apni marzi ksi per thopne ka bilkul bhi qael nahi hai.

Ye Sonu he tha jis ne Villon ka kirdar kar ke aik nai riwayat qaem ki aur ab “Dabangg” ki shandar kamyabi ki baad Sanjay Dutt film “Agneepath”, Vivek Oberoi “Krrish 3” mai bhi manfi kirdaro mai aa rahe hain. “Main trend centre nahi hon” es ne muskurate howe baat jari rakhte howe bataya mujhe “chaddi singh” ke kirdar per pora bharosa tha ke ye bohat hit jae gi muje pata tha ke jo log chulbul pandey ko pasand karain ge woh Chaddi Singh se bhi mutasir hon ge es liye ke agar aap ko apne hero se mohbat karni hai to pher aap ko Villon se bhi mohabbat karni hogi. Ye bunyadi formula hai. Agar aap Sanjay Dutt ko dekhain es ne vije vinath chohan ke mad-e-muqbil kanchad ka kirdar ada kya. Vivek super hero ka krrish se muqabla karta howa dekhai diya. Mujhe jab hero ke bare mai yaqeen hoga jab he mai manfi kirdar ada karon ga.

Question: “Dabangg 2” ke elawa Sonu ne vinod bachchan ki film “zilla Ghaziabad” se bhi khud ko alehda kar lya. Esey jo kirdar diya gaya tha woh ab Vivek Oberoi ada kar raha hai dosri taraf es me sanjay gupta ki film “shootout at lokhandwala” mai Vivek Oberoi ki jaga lyli?

Sonu Sood: Ye mehaz itafaq hai Vinod ne mujhe film “Zilla Ghaziabad” ki peshkash kit hi magar mai “maximum” ki shooting mai masrof tha lehaza mai apni tawajah batna nahi chahta tha.

Question: kya aap ko “Zilla Ghaziabad” na karne ka afsos hai?

Sonu Sood: “Bilkul Nahi” main ne dekha hai ke jin filmon mai kaam karne se main ne mazrat ki woh zyada kamyab sabit nahi hoi. Es ne muskurate aur mazaq karte howe kaha.

Question: Sanjay Gupta film “shootout at lokhandwala” mai aap ki performance se bohat khush hai?

Sonu Sood: main dawood ibrahim ka kirdar ada kar raha hon jo mere liye ksi challenge se kum nahi hai. Sanjay Gupta ke zerey hidayat kaam karna mera khawab tha mujhe es ki film “Kaante” aur “musafir” ne bohat mutasir ki! Woh Mumbai film industry ke chand umda director mai se hain woh na sirf aap ki suntan hai balke her adakar ko ezhar ka moqa bhi deta hai.

Question: Es film mai Anil Kapoor aur john Abraham bhi markazi kirdaro mai shamil hain to kya aap film ke promotion aur poster wagher mai aehamyat hasil kar sake gey?

Sonu Sood: Main ne amitabh bachchan, Salman Khan aur hrithik roshan jese funkaron ke sath kaam kya hai ye pehla moqa nahi hai ke main ksi senior aur maqbool funkar ke sath kaam kar raha hon. Main es film ke first luck ke bare mai fesla karne wala koun hota hon mera khayal hai mere producers Ekta Kapoor aur Sanjay Gupta he es silsiley mai koi fesla kar sakain ge.

Question: Vivek ko to “shootout at lokhandwala” sine karne per koi shikwah nahi hai?

Sonu Sood: mera khayal hai aesi koi baat nahi hai hum hal he mai aik party mai mile they woh bohat putapak andaz mai mila hum ne kai martaba aik sath safer kya hai main ne aesi koi baat mehsos nahi ki.

Question: “ Punjab de mujdy sonu” ke liye Dawood Ibrahim ka kirdar ada karna ksi challenge se kum nahi hai?

Sonu Sood: Main ne achi tarha es kirdar ka mutala kiya hai purane akhbar aur magazine dekhey hain Main haqeqi shaks ko dekhna aur janna chahta tha. Ye gangsters ki sargarmiyon ke hawale se bani hoi film hai.

Question: akshay kumar ne bhi film “once upon a time in Mumbai” mai esi tarha ka kirdar ada kiya hai agar aap star power aur Akshay Kumar ki shohrat aur maqboliyat ko dekhain to koi aik he kirdar ki do filmain kyun dekhna chahe ga?

Sonu Sood: “Kyun Nahi” agar hum “bhagat singh” per panch filmain tayar kar sakte hain to Dawood Ibrahim pe do filmain kyun nahi tayar kar sakte? Es baat ka ghalat matlab na nikal lijye ga main in dono ka muqabla nahi kar raha hon magar hum adakar hain aur hum kirdaron per mushtamil filmain karte hain hum jo bana rahe hain woh Akshay ki film se bilkul mukhtalif hai. Itafaq se dono he filmain Ekta Kapoor ne produced ki hain lehaza es ne yaqenan script bhi padhey hon gey.

Question: Sonu Sood es waqt apni film “Maximum” ki release mai masrof hai es film mai 2003 se 2008 tak ki underworld sargarmiyon ko dekhaya gaya hai Sonu es mai police officer ka kirdar ada kar raha hai magar ye “Dabangg”, “Singham” ya “rowdy rathore” tarz ki film nahi hai. Es film mai kaam karte howe mujhe aehsas howa ke police wale bhi family rakhte hain in ke bhi social taluqat hote hain main ne apne kirdar mai bohat si chezain samne lane ki koshish ki hai.

Question: South mai Sonu maqbool tareen adakar samjha jata hai esy wahan VIP protocol hasil hai. Rajnikanth ne Sonu ko “aron dhati” mai dekhne ke baad apne sath film “Rana” mai cast karne ki khahish ki?

Sonu Sood: Hum es film per kaam shoru karne wale they magar rajni sir ki tabeyat kharab hone ki wajha se ye kaam rook diya gaya hai.

Woh apne dost ajaydhama ke sath apna production house banana ki planning kar raha hai. “ Maine aur Ajay ne Nagpur mai apna engineering cores aik sath kya apne college ke zamane he se woh produce banna chahta tha. Jab mainne action adventure “Lucky in Lucky” padhe to socha ke yahi woh film hai jo humain ba-hesiyat producer pehli martaba banani chahiye. Mallika Sherawat ko cast kar liya gaya hai magar es ki shooting aik saal baad shoru hogi film banate waqt mera sirf yahe zehan rehta hai ke tafreh’ aur sirf tafreh he logo ko farahum ki jae.

 
© Copy Rights 2012 -1015     www.internetpk.com All Rights Reserved Contact Us