www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Talat Aziz

Talat Aziz Interview: Talat Aziz is a famous Indian ghazals singer. He was born on 11 November 1956 in Hyderabad India. His father name is Abdul Azeem Khan and mother name is Sajida Abid. In this page you will find and read gossip with interview of Talat Aziz in Urdu and Hindi.
Talat Aziz
 
 
 
 
 

Talat Aziz Interview:

Question: Ap aik marof ghazal singer ho aur esi hawale se duniya bhar mein pehchane jate ho’ pher ap ko 55 saal ki umer mein dance reality show “Jhalak Dikhhla jaa” mein shirkat ki kiya soji?

Talat Aziz: Jahan tak umer ka taluq hai tou es se koi farq nahi parta, main ba-qaedgi se Jim jata hon aur haliya barson mein apne ap ko kafi fit rakha howa hai! such tou ye hai ke jab mujhe es show mein shirkat ki offer hoi tou pehle ye keh kar inkar kar diya ke main dancer nahi hon, es liye etne bare show mein hissa nahi ley sakta lekin colors TV ke CEO Raj Naik ne esrar kiya ke es show mein mukhtalif shoboun se taluq rakhne wali aesi mash-hor shakhsiyat hisa ley rahi hein jo dance nahi kar sakti lekin woh apni salahiyaton ka ezhar karne ke liye es show mein shirkat kar rahi hein, es tarha inhein bohat kuch sikhne ka moqa mile ga, es silsiley mein unhone Sri Lanka ke cricketer Sanath Jayasuriya ki missal di, main aik concert ke silsile mein traveling kar raha tha jab mujhe channel ki taraf se ba-zabta email mosol hoi aur main ne ye offer qabol kar li.

Question: Es show mein hissa lene ke bad ap ke kya tasurat hein?

Talat Aziz: Main samajhta hon ke her kam mein professional hona zarori hai! party mein tou her woh shakhs dance kar sakta hai jise thora bohat ridham ka sense ho lekin jab ap choreographer ki banai hoi moments per dance karte ho tou ye aik bilkul mukhtalif game ho jata hai! ap ke sath aik partner bhi hota hai aur ap ko steps yad rakhne ke sath sath apne partner se bhi co-ordinate karna parta hai ager dono partner mein hum ahungi na ho tou ap aagey nahi chal sakte.

Question: Bad-qismati se ap jujus ya audience ko mutasir karne mein kamyab na ho sake aur pehle round mein he muqable se baher ho gay! Bataya jata hai ke ap ko audience ki janib se kam vote meile es barey mein ap kiya kaho gey?

Talat Aziz: Main samajhta hon ke mujhe sikhne ya apni salahiyat ke izhar ka zyada moqa nahi mila aur main es show mein sirf 2 hafte he reh saka lekin es show ka format he aesa hai wese bhi main koi professional dancer nahi hon ager es marhale mein audience ke vote mujhe bacha lete tou agle marhale mein nikalna yaqini tha, mere bad Jayasuriya ki bari bhi aa gai, esi wajha se es show mein shirkat karna nahi chah raha tha.

Question: Kya ap ko es show se etni jaldi baher hone per afsos hai?

Talat Aziz: Show mein enjoy karne aur jald az jald dance sikhne ke liye aaya tha, maine ye dono maqsad hasil kar liye, dosre sharka ne peghamat bheje ke woh mujhe miss kar rahe hein jab ke maine apne chehre ke tasurat camera ke samne zahir nahi hone diye, aik marof ghazal gu singer hon aur mujhe es show mein hisa nahi lena chahiye tha, show ke format ke mutabiq ksi aik ko tou baher hona he tha, mujhe khushi hai ke ye qurbani mere he hisey mein aai, es tarha nou-jawan dancers ko apni salahiyatein manwane ka moqa mila.

Question: Ab ap ka agla plan kya hai?

Talat Aziz: “Jhalak Dikhhla Jaa” se tou farigh ho gaya hon, ab meri tawajha apne nay project per hai, ye mehfil sama ke nam se aik concert hai jis mein nay logo ko apni salahiyatein azmane ka moqa mile ga aur es ke sath he mosiqi ki woh aqsam bhi dohrai jae gi jo ahista ahista khatam ho rahi hai, mai samajhta hon ke nay salahiyat singers ko moqa dena bohat zarori hai kyunke Jagjit Singh aur Mehdi Hassan sahib ke rukhsat ho jane se bohat bada khala peda ho gaya hai, aj kal koi nahi janta ke tapa aur thamri kiya hai, maine aik music company ke sath mil kar classical mosiqi ko zinda karne ka faisla kiya hai.

Question: Ap ne Mehdi Hassan ke intaqal per kaha tha ke woh ap ko apna shagird banana chahte they, es bare mein kuch batain gey?

Talat Aziz: Un ki mout ko apna zati nuqsan samajhta hon, yadon ka aik tufan hai jo umda chala aa raha hai mere liye alfaz mein es ka izhar mumkin nahi.

Question: Mehdi Hassan se ap ki pehli mulaqat kab aur kahan hoi?

Talat Aziz: Un se mera pehli bar taruf Toronto mein howa ye 1977 ki baat hai, us waqt main sirf 21 saal ka tha aur meri koi album record nahi hoi thi ksi ne mujh se gane ke liye kaha tou main ghabra gaya lekin per bakhsh ne jo Mehdi Hassan ke sath tabla bajate they, esrar kiya ke mujhe gana chahiye aur ye ke woh mere sath table per sangat dein gey jab main gana ga chukka tou Mehdi Hassan sahib ne koi rade-amal zahir nahi kiya, agle din ek mehfil thi jis mein mujhe pehli bar Mehdi Hassan sahib ko live perform karte dekhne ka moqa mila, waqfe ke doran unhone mujhe green room mein bulaya aur kaha ke meri awaz achi hai lekin es mein mazed nikhar peda karne ki zarorat hai aur jab tak aesa na ho jae mujhe logo ke samne nahi gana chahiye, unhone ye bhi kaha ke jab woh India aaein gey tou mujhe apna shagird bana lein gey gu ke ye tajwez bohat maqul thi lekin main pehle se hi ustad Faiz Ahmed Khan ki shagirdi mein tha aur ek grou ke hote howe dosre ko ustad banana usol ke khelaf hai, jab maine yahi bat Mehdi Hassan sahib se kahi tou unhone kaha ke es mein koi masla nahi tum jab chaho meri shagirdi ikhtiyar kar sakte ho, us waqt bohat dil-chasp sorat-e-hal peda ho gai jab Mehdi sahib India aaey, main nahi janta ke unhone mere ghar ka number kese malom kar liya mujhe per bakhsh sahib ki call mosul hoi aur unhone bataya ke Mehdi Hassan sahib Hyderabad mein hain aur mujhe yad kar rahe hein pher unhone phone Mehdi Hassan sahib ko pakra diya jo apne makhsos lehje mein keh rahe they, bhai hum tumhare shehar mein hein milo gey nahi, jab un se milne gaya tou unhone wahi mozo ched diya, aur bataya ke unhone mujhe logo ke samne gane ke liye es liye mana kiya tha take main munasib training hasil kar lon woh mujhe apne bete ki tarha samjhte they aur chahte they ke meri sahi simt mein rah-numai karein! Maine apne ustad fayaz ahmed khan se guzarish ki ke woh mujhe Mehdi sahib se kuch sikhne ki ijazat de dein pehle tou woh kafi naraz howe pher unhone meri baat man li.

Question: Kya ap humesha se he ghazal singer banna chahte they?

Talat Aziz: Singer ke tour per mere safer ka aaghaz 30 saal pehel es waqt howa jab main apni pehli album ley kar aaya, use maine aik mashghale ke tour per shoru kiya tha, mujhe mosiqi se mohabbat thi lekin ye nahi janta tha ke ese profession bana longa, meri gai hoi ghazals bohat pasand ki gai aur main bhi esi janib matawajah ho gaya.

Question: India mein mosiqi ka manzer nama bohat had tak tabdel ho chukka hai, kya ap samajhte hein ke log ab bhi ghazal ko pasand karte hein?

Talat Aziz: zindagi ke her shobe ke sath mosiqi main bhi kai tabdiliyan aai hein, ab log CD aur caset kharidne ke bajae Net se music download kar lete hein lekin mosiqi mein dilchaspi lene ka rujhan badh raha hai, aj bhi es ke suche paristar mojod hein, kuch mah pehle maine Delhi ke chandni chowk mein perform kiya tha tou 4000 samaen meri ghazals sunne ke liye mojod they jab tak mosiqi ko plate form milta rahe ga, log ese sunte aur pasand karte rahe gey.

Question: Ap ko mosiqi ki koun si qisam pasand hai?

Talat Aziz: Ab main awaz ke khalis pan per zor deta hon aur ye usi waqt nazar ati hai jab artist roh ki gehrai se gay, classical mosiqi pasand karta hon aur classical gane walon se rabte mein rehta hon take un se raagon ke bare mein zyada se zyada jan sakon, un ke sath bethna sunna aur gana mere liye bohat madad gar sabit hota hai.

Question: Ap ne films ke liye bhi gaya tha, kya ye mehaz tajurba tha ya ap ki apni choice?

Talat Aziz: Ese ap waqt ki zarorat keh sakte hein films mein mosiqi ke hawale se nat nay tajurbat hote rehte hein lehaza jab unhein ghazal ki zarorat pari tou unhone mujh se rabta kiya main khush-qismat hon ke jo gane gay woh aj classic ka darja rakhte hein.

Question: Apni pehle album ke bare mein kuch bataein gey us waqt ap kis se mutasir they?

Talat Aziz: Main Mehdi Hassan sahib se mutasir tha, unhone apne munfard style aur classical rang dey kar ghazal ki gaeki mein inqalab barpa kar diya, main un chand artist mein se tha jinhein es bunyad per sign kiya gaya kyunke us zamane mein films ka music kamyab nahi ja raha tha aur es khala ko pur karne ke liye ksi mutabadil music ki zarorat thi, maine Jagjit Singh se kaha ke woh meri album ka music compose karein es tarha apni album ko release karne mein kamyab ho gaya.

Question: Ap ne adakari ki bhi koshesh kit hi pher ese kyun tark kar diya?

Talat Aziz: Mera khayal tha ke actor ke tour per acha kam kar sakta hon, adakari aik mukhtalif mediam hain aur es mein bhi pore inhamak aur tawajha ki zarorat hai, maine jab tak adakari ki es se enjoy karta raha ab es liye kam nahi kar raha ke television aik aesi direction mein chala gaya hai jis se main zati tour per identify nahi kar sakta, maine 2 shows ki hosting kit hi lekin es ke natije se mut-maen nahi howa, ab bhi mere pas aik film ki offer hai jis per bat chet ho rahi hai.

 
© Copy Rights 2012 -1015     www.internetpk.com All Rights Reserved Contact Us