www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Tusshar Kapoor

Tusshar Kapoor was born in 20 November 1976 on Mumbai, Maharashtra, India. Tussgar is an Indian famous actor and his father jitendar is very popular actor in bollywood industry. In this page you will read interview of popular comedy Indian actor Tusshar Kapoor in Urdu and Hindi.
 
 
 
 
 

Tusshar Kapoor bhi lagta hai ke bollywood ki heroino ki tarha fun se zyada tun ki numaesh per tawajah dene laga hai. Film “Shor in the City” mai vo kafi bold dekhai diya aur sathi adakara ke blowze ke button kholta howa dekhaya gaya pher “Dirty Pictures” mai bhi ese aik syrun ke ishsq mai giriftar dekhaya gaya aur ab apni nai film “Kya Kool Hai Hum” mai es ne mazeed aage barhne ki himmat ki hai. Yahan aik mulaqat mai

Tusshar Kapoor ne apne es nay image ke hawale se guftagu bhi ki hai, aur degar bohat se mutnaza mozoaat es mulaqat mai zere behas aaiy hain, to aaiye milte hain Tusshar Kapoor se aur jante hain bohat si unsuni batain.

Tusshar Kapoor Interview:

Question: ksi bhi film ki release ke waqt film maker tamashaiyon se kehta hai ke jao aur film se tafreh hasil karo’ film” Kya Kool hai Hum” ke zarye kya aap entertained ke bare mai malomat farahum kare ge?

Tusshar Kapoor: Bohat acha naam rakha hai aap ne! ye aik tanz-o-mazah aur comedy se bharpor film hai jis mai bohat se manazir bold bhi aate hain jo film ke liye tadke ka kaam kare gey, kirdar bohat achi tarha likhe gaey hain aur dialogs jesa ke sab he jante hain ke film ki jan hain ye zara mukhtalif qisam ki comedy dekhai de gi magar mujhe yaqeen hai ke tamashai es se pharpor lutf andoz ho gey.

Question: Es film per naqadeen ne bohat kuch likha hai kya aap es tanqeed ke liye tayar hain?

Tusshar Kapoor: Ye tanqeed film ke liye kafi karamad sabit ho rahi hai logo ko tajasus ho raha hai ke aesa es film mai kya dekhaya ja raha hai aur woh esy dekhne ke liye bechain hain. Hum ne es film ka promo munfi comments se he shoru kya hai. Naqadeen ko apni ray ka pora haq hai mai ye nahi kehta ke mujhe in ki tanqeed ki koi parwah nahi hai baherhal her aik ki hosla afzai bohat zarori hai. Kuch logo ko ye film pasand hai to kuch ko nahi, film “Shor in the city” bohat se naqadeen ko pasand aai thi magar bohat kam logo ne ye film dekhi thi.

Question: Suna hai ke es film ke dialogs bhi behoda type ke hain?

Tusshar Kapoor: Hum ne apni mumi aur dady ke chand doston se mashwara kiye hain hum ne inhain script tak dekhaya woh sab senior citizen hain hum ne es mai bohat halka hath rakha hai aap ko ye sun kar herat hogi ke unho ne kaha ke “ye to bohat thandi hai es mai pehli film wala jitna mazah nahi hai es mai aur comedy dalo. Lehaza hum ne es film ko jitna vulgar banana tha bana diya.

Question: Ratesh Dekh Mukh ke saath aap ki jodi kesi rahi?

Tusshar Kapoor: Screen per humari chemistry ki wajah ye hai ke hum dono ka mazah ka andaz kafi milta julta hai zati tor per agar-cha hum aik dosre se musalsal mulaqat ya phone per baat nahi karte magar humai film mai acha response mila hai.

Question: “Kya Kool Hai Hum” aesi film nahi hai jise aap pori family ke sath beth kar dekh sakain’ kya aap es tarha family tamashai nahi kam kar rahy hain?

Tusshar Kapoor: Nahi, guzeshta chand salo mai bohat kuch tabdel ho chukka hai film ‘delhi belly’ waqhera ke zarye logo ke demagh ab bohat wasi ho gay hain tamashai ab es baat ko mante hain ke ye humare culture ka aik hisa hai hum aik comedy film dekh rahy hain es mai koi nude ya kissing scene nahi hai ye aik tafrehi film hai jis mai shararat se bharpor dialogs shamil kiye gay hain.

Question: Es film ke kuch manazir Karan Johar ki film “kabhi khushi kabhie gham” ke bhi shamil kiye gay hain, Karan ne to koi aitraaz nahi kya?

Tusshar Kapoor: Nahi, balke esey to ye bohat acha laga woh etna sakht insane nahi hai ke kehne lagey ke tum ne meri film ke hisey kyun es mai shamil kiye ese ye idea bhi acha laga. Abhishek Bachchan ne bhi phone kar ke kaha ke esey promos achey lage aur jis andaz se hum ne in dono filmo ke manazir ko yakja kya hai woh qabil-e-sataesh hai.

Question: Ye aik sex comedy film hai es ke lehaz se set per mahol bhi bohat purlutf raha hoga kya kabhi aap ne apne ksi sathi funkar per koi tanz kya?

Tusshar Kapoor: Je han main ne Neha Sharma per ye tanz kyat ha jab es ne dialog bola ke “mujhe bade achy lagte ho” dialog se zyada bolne ka andaz es ka acha tha, main ese musalsal tang karta raha ke film ki release ke bad log yahe dialog boley gey, es se bohat tafreh li maine.

Question: Bohat se funkar apne Walden ke humrah karm karna pasand karte hain, kya aap es bat ko miss karte hain ke aap ko abhi tak apne daddy ke sath kam karne ka moqa nahi mila?

Tusshar Kapoor: Je nahi mere liye yahi behtar hai ke main in ke sath kam nahi karon kyun ke mai yaqenan in ke sath bohat nerves ho jaon ga humarey taluqat dostana nahi balke baap beta waley hain lekin agar koi aesa script mila jise woh bhi pasand karain aur main bhi to zaror mai in ke sath kam karna chahon ga.

Question: Ekta ka shumar kamyab producers mai hota hai kya aap es se es business ke bare mai kuch sekhna chahain gey?

Tusshar Kapoor: Ba-hesyat producer yaqenan main ne se bohat kuch sekha hai magar mera nahi khayal ke mujhe es silsiley mai ksi ideal ki zarorat hai kyun ke ye cheez to mere khon mai gardish kar rahi hai hum es mahol mai pale badhey hain pher mai business management ka talibelm bhi hon main ne bohat si filmai bhi dekhi hain lehaza mujhe pata hai ke ye sab kis tarha function karta hai Ekta aur mai aik dosre ke kaam ki tareef aur tanqeed karte rehte hain Ekta bohat achi director bhi sabit ho sakti hai magar mai direction ke mamle mai etna acha nahi hon.

Question: Hum ne suna hai ke aap apne daddy ke ghar se nikal kar kahin aur aazadana rehne ka bandobast kar rahe hain?

Tusshar Kapoor: Je han main yahan se shift hone ki planning kar raha hon magar ye main apni privet parties ke liye kar raha hon wahan script dekhne aur photo shot waghera karne ka bandobast asani se kya ja sake ga main apne ghar se bohat mohabbat karta hon aur pher mere Walden bhi umer ke es hisy mai pohach rahy hain jahan inhain meri zarorat hai es liye main ne in ke bilkul qareeb dosra ghar liya hai ta ke woh mere kam se disturb bhi nah on aur main in ki nazron se dor bhi na jaon.

Question: Etne arse se filmi duniya se dor rehne ke ba-wajod aap ne aaj tak ksi ke sath date nahi mari es per logo ko bohat herat hai?

Tusshar Kapoor: Agar woh ye samajhte hain ke main ksi ke sath date per nahi gaya to woh ghalati per hain main naam nahi lena chahta magar main ksi ke sath mohabbat mai hon ba-her-hal es ka taluq filmi duniya se nahi hai. Agar mai normal Zindagi na guzaron to yaqenan main khush nahi reh sakta mazi mai bhi meri girl friend thi magar mai kabhi ksi ke sath sanjida noeyat ke taluqat qaem nahi karta ke es se shadi ki nobat aa jae.

Question: Ekta ne “Once Upon A Time in Mumbai” ke sequel mai aap ko cast na karne ka fesla kya, kya es baat se aap ko dukh howa?

Tusshar Kapoor: Nahi yaar, ye kahin nahi likha ke woh apni her film mujhe cast kare chahe script mai meri zarorat ho ya na ho, jab bhi es ne mehsos kya ke mai es ke script mai ksi bhi kirdar ke liye mozo sabit ho raha hon to woh zaror mujh se rabta karti hai mujhe umed hai ke mustaqbil mai bohat se aese badey projects hon gey jahan hum dono sath kam karain gey.

Question: “Kya Super Kool hai Hum” mai aap ne heroin na hote howe bhi bohat se bold manazir film band karwae hain kya aap bhi john Abraham ke naqsh qadam per chalna chahte hain?

Tusshar Kapoor: Ye dar-a-sal script ka hisa tha aur ye mere director suchan yardi ka idea tha. Mujhe nahi malom ke log es bat per etne khafa kyun hain sunny deol kuch bhi kare inhain kuch bhi aitraaz nahi hota magar mere sath inhain pata nahi kya masla hai.

Question: Imran Hashmi Bala Ji ke sath aik aur project per kam kar raha hai aap kya samajhte hain ke aap bhatt ke sath kam karain gey?

Tusshar Kapoor: Mujhe yaqenan Bhatt ke sath kam karne mai koi aitraaz nahi ho ga woh apne andaz ki filmain banane mai maher hain mian har aik ke sath kam karne ko tayar hon mian mukhtalif logo ke sath kam kar raha hon magar mera khayal hai ke Bhatt zyada tar nay aur ba-salahiyat logo ko samne latey hain jo bohat achi baat hai.

Question: Rohit Shetty ne aap ko film “Golmaal” series mai aap ko bohat popular kirdar diya magar es ke bad apni ksi film mai aap ko cast nahi kya. Kyun?

Tusshar Kapoor: Main aesa nahi sochta woh mere sath film “Angoor” banana chahta tha magar ye project filhal rok diya gaya hai kyun ke woh Shahrukh ke sath “chennai express” mai masrof hai es ke bad es ke pass aik aur project hai jo ghaleban “Singham 2” hai es ke bad shaed woh “Angoor” banaey mere sath agarcha ab tak koi cheez es silsiley mai final nahi hoi hai.

Question: jab koi kehta hai ke Tusshar Kapoor kamyabi jeetendra ka beta ye Ekta ka bhai hone ki wajha se hasil ki hai to kya aap ko afsos hota hai?

Tusshar Kapoor: Bilkul nahi, jab tak log kehte hain ke main kamyab hon to sab thek hai magar koi bhi es baat se inkar nahi kar sakta ke main jetu ji ka beta aur Ekta ka bhai hon lekin es ka ye matlab hargiz nahi ke mere daddy meri safarish karte hain ya pher mai sirf Bala Ji ki filmain he karta hon , maine apna career Vashu Bhagnani ki film “mujhe kuch kehna hai” se shoru kyat ha agar mere daddy meri safarish karte to main sirf in logo ki filmon mai kam kar raha hota jin ke sath mere daddy ne kam kya tha aaj zyada tar log mujhe film “Golmaal” mai mere kirdar “lucky” ki wajha se jante hain maine Ekta ke elawa bhi kamyab filmain di hain.

Question: film “dirty pictures” ne kamyabi ke tamam record tod diye hain magar es ka credit Vidya Balan aur Imran Hashmi ley gay, kya aap samajhte hain ke aap ke sath na insafi hoi?

Tusshar Kapoor: Film ki release ke baad to ye kehna ghalat hai ke mere sath na insafi hoi hai. Mujhe is silsile mai koi shikayat nahi hai logo ka kehna hai ke maine acha kaam kya hai main kam as kam ye to keh sakta hon ke meri kamyab filmon mai aik film “Dirty Picture” bhi hai.

Question: Bohat se log aap se mehaz Ekta kapoor ka bhai hone ki wajha se taluqat badhate hongey take inhain koi faeda mil sake?

Tusshar Kapoor: Dekhain ksi se bhi dosti karte waqt koi na koi maqsad zaror hota hai magar sachi baat ye hai ke main etna samajhdar zaror hon ke koi agar mujh se dosti karta hai to mai samajh leta hon ke e ski dosti mai kya maqsad shamil hai main aese matlabi logo se khud ko dor he rakhna pasand karta hon.
 
© Copy Rights 2012 -1015     www.internetpk.com All Rights Reserved Contact Us