www.internetpk.com
 
 
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Virat Kohli

Interview: Virat Kholi is an Indian test, ODI and T20 cricketer, simply he is an international cricketer and he is middle order batsman of Indian cricket team. Virat Kohli was born 5 November 1988 in Delhi, India. His parents name is Prem Kohli, Saroj Kohli. He is a famous Indian cricketer in the world. In this page you will find and read Virat Kholi niterview in Hindi and Urdu.
Virat Kohli
 
 
 
 
 

Biodata:

Name: Virat Kohli

Personality: Cricketer

Born (Birthday): 5 November 1988

Birth Place: Delhi, India

Fields: Cricket

Parents Name: Prem Kohli, Saroj Kohli

Siblings: Bhavna Kholi, Vikash Kholi

Interview of Virat Kohli:

Bharti batsman Virat Kohli is waqt bhar-por form mein hain in ka bat musalsal runs ugal raha hai, haliya dora Sri Lanka ke doran bhi in ke bat ne meazban bowlers ko karara jawab diya, in ki umda batting ko dekhte howe abhi se in ke bare mein badi badi pesh goiyan bhi samne aana shoru ho gain hein koi in ko Sachin Tendulkar ka jan-nashen qarar de raha hai to koi in ko Bharat ka mustaqbil ka captain qarar dene per tula howa hai cricket pandito ka kehna hai ke Virat Kohli he woh wahid batsman hai jo ke one day cricket mein Sachin Tendulkar ke sab se zyada senturyoun ka record tod sakte hein woh ab tak 90 one day matches mein 13 senturyan score kar chuke hein jab ke es tarz mein in ka score 3886 hai Test Cricket mein inho ne 8 matches mein abhi tak sirf 1 century score ki hai jab ke 32.73 ki osat se 491 runs score kiye hein Virat Kohli ne apne 4 sala international cricket career mein bohat kuch dekha aur sikha hai Virat Kohli ki batting jitni mature hai bator insane woh etne mature dekhai nahi dete inho ne apne khosusi interview mein field or off the field mukhtalif mamlat per dil khol kar guftagu ki.

Question: Guzishta 12 mah ke doran Bharti team shaeqeen ki tawaqaat per pori nahi utri magar baqi kheladi banisbat aap ne tawaqaat se bhi badh kar khel pesh kiya aap ko es bare mein kesa lagta hai?

Virat Kohli: Main humesha khud ko mazbat rakhne ki koshish karta hon, main es baat ki parwah nahi karta ke mere erd gird kiya ho raha hai aur na he main ksi bhi qisam ki sorat-e-hal ka presser khud per leta hon, aap ke liye zarori hai ke ap humesha mazbat rahein aur khud ko achi performance ki targheb dete rahein aur her guzarte din ke sath behtar hone ki koshish karein, yahi cheez hai jis ki main guzishta 12 saal se koshesh kar raha hon aur mujhe es baat ki bohat khushi hai ke mujhe es ka faeda bhi ho raha hai, main es baat per bhi bohat khush hon ke main mushkil se mushkil sorat-e-hal mein bhi apne team ki madad karne ke qabil hota hon, es se aik to ap apni team ko fatah ki rah per gamzan karte hein dosra khud aap ko bhi apne oper etminan hota hai, mujhe pori umeed hai ke home season ke doran bhi main es form ko aage le kar chalon ga aur esi tarha team ki fatohat mein apna hissa dalta rahon ga.

Question: Sri Lanka mein ap ne bohat achi batting ka muzahera kiya aur ab aage ka kiya programe hai?

Virat Kohli: Sri Lanka se meri khush-gawar yadein wabasta hein maine apne career ki pehli series bhi Sri Lanka mein kheli thi es ke bad bhi maine 2009 aur 2010 mein bhi Sri Lanka mein series kheli magar woh mere liye zyada achi sabit nahi hoi jin mein main tawaqa ke mutabiq perform nahi kar paya. Es liye jab es bar Sri Lanka ke liye saman bandha to maine irada kar liya tha ke apni kar-kardagi se yahan per mazi ki mayos kun performance ki bhi talafi karon ga main Sri Lanka mein es liye bhi perform karna zyada pasand karta hon kyunke ye woh jagha hai jahan per maine Bharat ki janib se apna pehla match khela tha aur wese bhi Sri Lanka cricket ke liye aik achi jagha hai.

Question: Kahin bhi series khelne ke liye wahan ki condition se hum-aa-hung hona bohat zarori hota hai magar ye kehna jitna aasan hai karna utna he mushkil hota hai, ap ko fast yap her slow viketon ke liye khud ko tayar karne ke liye kitni mehnat karna padti hai?

Virat Kohli: International cricket mein ap ko her qisam ki condition mein khelne ka gur malom hona chahiye kyunke ap ko diniya bhar mein mukhtalif mosami halaat aur pitches per khelna padta hai, humare yahan vikite slow aur spin ke liye mawafiq hoti hein jab ke England aur Australia mein fast aur bonse vikitein hoti hein, es liye ap ko dono condition mein mukhtalif approach ke sath medan mein utarna padta hai, Sri Lanka ke haliya dore ke doran hume mushkil ka samna nahi karna pada kyunke waha ki condition bhi humare mulk jesi he hai aur dosri bat ye hai ke hum Sri Lanka mein bohat zyada cricket khel chuke hein es liye achi tarha jante hein ke wahan per kesa khela ja sakta hai.
Aesi condition mein ap ko sirf aur sirf bunyadi chezon per tawajha dena hoti hein, aik janobi asiai kheladi hone ke nate main in he condition mein esi qisam ke tracks per khel kar bada howa hon. Esi wajha se ye piches mere liye masla nahi bani, wese bhi meri koshesh hoti hai ke condition se qata nazar match ki sorate-hal ke mutabiq khelon, ap medan mein utarne se qabal wicket ki achi tarha janch padtal bhi kar leni chahiye aur pher esi ke mutabiq batting karni chahiye.

Question: Aap apne international cricket career mein world cup fatha ka maza bhi chakh chuke jab ke kai aehum test matches ki kamyabiyon mein bhi team ka hissa rahen aap ke nazdek ye kamyabiyan kiya aehamyat rakhti hein?

Virat Kohli: Mere liye sab se badi khushi ki baat ye hai ke main world cup fateh side ka hissa raha hon aru mere liye zyada aehum es liye bhi hai ke ye mera pehla world cup tha jab hum logo ne guzishta baras Sri Lanka ko shikast de kar world cup ka final jita to es waqt mere khushi ka koi thekana nahi raha tha aur main bhi dosre kheladiyon ki tarha raat bhar khushiyan manata raha tha, esi tarh test cricket bhi mere liye kafi aehamyat rakhti hai ye aik aesi tarz hai jis mein main achi kar-kardagi ka muzahera karna chahta hon. Aaghaz mein main Test mein zyada acha perform nahi kar paya lekin jahan condition kafi mushkil hoti hai aur yaha ke bare mein kaha jata hai ke Australia aik aesi jagha hai jo ke bator player ap ko bana bhi sakta hai aur mita bhi sakta hai, mujhe khushi hai wahan ke mushkil tareen condition mein bhi maine achi batting ka muzahera kiya, es tarha ki chezein humesha ksi bhi international cricketer ki zindagi mein kafi aehamyat rakhti hein, jab ap world cup jesa bada tournament jeette hen ya pher test cricket mein acha perform karte hein to ap ka khud apni zaat per aetmad badh jata hai aur es etminan ke sath sath khushi ka bhi koi thekana nahi rehta, main world cup aur test performance dono se mutmaen hon magar ye bhi aik haqeqat hai ke es waqt ap ki achi kar kardagi ka lutf dobala ho jata hai jab ap ki team fatah bhi hasil karti hai magar badqismati se Australia mein humari team aik bhi test match nahi jeet pai.

Question: Aap aik no-jawan cricketer hein. Off the field ap ko mukhtalif cheezon ka samna karna padta hoga. Ap in se kese nimatte hein?

Virat Kohli: Ye ksi ke bhi sath hota hai, main us waqt sirf 19 baras ka tha jab team mein aaya tha, es umer mein aap ke liye ye mumkin nahi hota ke aap team mein aaein aur aate he bard-bari ka sabot dena shoru kar dein, aap se kai ghalatiyan bhi hoti hen magar acha insane wahi hai jo in ghalatiyon se sikhe aur in ko dohrane se bache, agar ap apne khel ke sath mukhlis hein to pher zaror in baton ko samjhe gey agar aap apni ghalatiyon ko sudhar lein ge to aakhir mein khushi bhi khud aap ko he hogi kyunke ba-her-hal! Ye aap ka aur ap ke khel ka mamla hota hai.

Question: Crickets ko hasil hone wali shohrat aap ke nazdek kya aehamyat rakhti hein?

Virat Kohli: Mere nazdek shohrat aik sanwi cheez hai jab ke ap ka asal as-sa-sa ap ka khel hai, jab karname aap field mein anjam dete hein, shohrat inhe se hasil hoti hai aur ye koi aesi cheez nahi hai jis ki main tammna karta hon ya pher shohrat ke piche bhagta hon, ye koi aesi cheez bhi nahi hai jo agar mere pas na rahi to mujh per koi khas farq pade ga, mujhe malom hai ke log mujhe zyada janne lage gey aur mere peche aur pagal ho ge magar ye koi aesi cheez nahi ho gi. Jis per main fakhar karon ga aur na he es qisam ki cheezon ko main bura samajhta hon, mera sab se bada maqsad cricket mein behtareen performance pesh karna hai aur jab ap field mein aesa karte hen to dolat aur shohrat to pher ap ko hasil hona shoru ho he jati hai.

Question: Delhi ki team mein Virender Sehwag aur Gautam Gambhir aap ke senior rahe hein kya inho ne bhi ap ki career mein bhi koi madad ki hai?

Virat Kohli: In don one mujh per kafi gehra asar dala, viro bhai (Sehwag) mere coach raj kumar sharma ke kafi qareeb then, mujhe yad hai ke aik bar inho ne mere coach se kaha ke “ye cricket per zyada dhayan nahi deta. Es liye log es ke bare mein bohat batein karte hein” in ke in alfaz ne mujh per kafi gehra asar dala aur wase tanazur mein mere liye kafi madad gar sabit howe, team mein shamil tamam senior kheladiyon ne humesha meri badi madad ki, in ki humesha ye koshesh rahi ke main apna talent ksi dosri chezon mein barbad na karon.

Question: Taqreban tamam he kheladi khas tor per cricketer kehte hen ke woh akhbar nahi padhte aur na he news channel dekhte hen, aap es bare mein kya kehte hen?

Virat Kohli: Main bhi koi cheez sanjidgi se nahi padhta. Maine ye cheez apni team mein shamil kai senior kheladiyon se sikhi hai, jab main acha karta hon to mujhe es baat ki zarorat nahi hoti ke log es baat ko samjhe ke maine acha khel pesh kiya hai. Mere liye khud he apne khel se mutmaen ho jana kafi hai aur ye dekhna hai ke meri kar-kardagi team ke bhi ksi kaam aai hai ye nahi aur agar main acha perform nahi kar pata tab bhi mujhe es baat ki zarorat nahi hai ke log mujhe bataen ke main bura khela hon kyunke es tarha ki cheezon se aap per preshar badh jata hai.

Question: Es ka matlab ye howa ke jo dressing room aap ke bare mein sochta hai wahi aap ke liye kafi hai?

Virat Kohli: Ge han yahi cheez aap ke khel mein bada aehum kirdar ada karti hai, aap ke liye sab se zyada aehamyat es baat ki hai ke aap ke sathi kheladi aap ka aehtaram Karen, jab aap ka coach janta ho ke aap mein qabliyat mojod hai aur woh aap ki himayat karta ho aur aap ke sath kheladi bhi es baat se qata nazar ke aap ke bare mein press mein kiya likha ja raha hai woh aap ka aehtaram aur aap ki himayat karte hon, ibtadai 2 test matches mein jab maine achi kar-kardagi pesh nahi ki to her aik ne kehna shoru kar diya ke “ye test cricket ke liye mozo nahi hai, es ko drop kar diya jae” magar humare caption Mahendra Singh Dhoni ne muje chance diya, coach neb hi mujhe chance diya aur meri team ne mujh per apna aetmad barqarar rakha jis se mera aetmad bahal howa aur main eagle match mein achi performance di, aap ke liye sab se aehum ye baat hoti hai ke dosron ka aap per aetmad barqarar rahe aur aap bhi es ko thes na pohachne den.

Question: Aap wahid no-jawan kheladi hein jinhone teno tarz ki cricket ke liye team mein jagha mazbot bana li hai, aap es hawale se padne wale ezafi bojh se kese nimatte hein?

Virat Kohli: Main es ko ksi dabao ke tanazo mein nahi dekhta, main es ko ek moqa samajhta hon aur es hawale se khud per fakhar mehsos karta hon, jab main team mein shamil howa tha aur jab main ek format mein regular khelne laga tha to es waqt maine ye sochna shoru kar diya ke main aakhir chahta kya hon? Tab pher main ne Bharat ke liye test, ODI aut T20 teno formats ke liye team mein jagha banane ko apna maqsad banaya aur ab es mein kamyab ho chukka hon.

Question: Kiya aap samajhte hein ke aap ko mustaqbil mein Bharat ka captain qarar diya jana qabl-az-waqt hai?

Virat Kohli: Main nahi samajhta ke Captain banne ka koi waqt muqarar hota hai, qayadat milni chahiye ya takher se, agar mujhe nibe captain (vise caption) ki zamadari sopi gai hai aur logo ne ye sochna shoru kar diya hai ke mujh mein qayadat ki salahiyat mojod hai to pher main es se ghabra nahi raha kyunke main zamadari ka bojh uthana pasand karta hon, nibe captain milne se mein mature ho gaya hon aur mere khel mein bhi behtari aai hai. Es liye main samajhta hon ke zamadari he mujhe zyada behtar banati hai, ye koi aesi cheez nahi hai jis ko main apne sathi kheladiyon ke liye tabdeel kar lon.

Question: Batting aap ke nazdek kya maene rakhti hai?

Virat Kohli: Batting mere liye ibadat ki tarha hai jab mein crease per jata hon tab pher mere khayalat mein batting ke elawa aur koi cheez nahi hoti us waqt main pori duniya se la taluq sirf aur sirf apne khel per tawajah markoz kiye howe hota hon, mere khayal mein koi bhi batsman jab khud ko es halat mein mehsos karta hai to es ke liye batting he dunya ki sab se khobsurat tareen cheez ban jati hai, jab aap apni team ke liye behtar khel pesh karte hein tab ap ko malom hota hai ke team aur shaeqeen dono he aap ko sarahe gey aur yahi cheez mujhe bulandiyon ki inteha per ley jati hai.

 
© Copy Rights 2012 -1014     www.internetpk.com All Rights Reserved Contact Us