www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Health
 
 

Vishal Gandhi

Vishal Gandhi Interview: Vishal Gandhi is a famous, good looking Indian TV actor. He was born on 31 December 1969 in India. In this page you will find and read gossip with interview of Vishal Gandhi in Urdu and Hindi.
Vishal Gandhi
 
 
 
 
 

Vishal Gandhi Interview:

Question: Ap ne “Pyaar Ki Yeh Ek Kahaani” mein Kabir ka role play kiya tha aur ab Star Plus ke show “Ek Doosre Se Karte Hain Pyaar Hum” mein Anikat ka kirdar ada kar rahe hein, kya ap ko corrector ki tabdili ki wajha se koi mushkil pesh aai?

Vishal Gandhi: Ksi bhi actor ke liye mukhtalif corrector karna humesha mushkil hota hai maine “Pyaar Ki yeh Ek Kahaani” mein 20 sala nu-jawan ka role play kiya tha aur es show mein 24 sala larke ka role play kar raha hon mujhe mukhtalif noueyat ke correctors karna pasand hai aur yeh mere liye aik acha tajurba hai kyunke main samajhta hon ke ek actor ki salahiyaton ka imtehan he us waqt hota hai jab woh mukhtalif correctors kare.

Question: Ap shadi shuda ho, us waqt ap ki bivi ka kiya rad-e-amal hota hai jab larkiyan ap se qareeb hone ki koshesh karti hein?

Vishal Gandhi: Hum dono ko etni samajh tou hai ke yeh sab es profession ka hissa hai lehaza meri bivi kabhi kuch nahi kehti, lekin ap ne sirf female fans ki baat kyun kahi, mere tou mard paristar bhi kafi tadad mein hein!

Question: Ap ki pasand,dida movie koun si hai aur kyun?

Vishal Gandhi: “Maine Pyar Kiya” aaj bhi achi lagti hai kyun ke Salman Khan mera favorite actor hai.

Question: Ap hafte mein kitna waqt TV dekhne mein guzarte hain?

Vishal Gandhi: Mujhe TV dekhne ka mushkil se he waqt milta hai kyun ke morning shift mein kam karta hon, es liye subha saverey uthna parta hai aur raat ko deir se ghar wapsi hoti hai, etna thak jata honk e khana khan eke baad foran he nend aa jati hai, aesey mein TV dekhne ka ksey hosh rehta hai albatta ager chutti ke din moqa mil jae tou TV ke samne ghanta 2 ghanta beth kar channel ghumata rehta hon.

Question: Kya koi aisi television show hai jise dekh kar ap ki aankhon mein aansu aa gay hon?

Vishal Gandhi: Bilkul nahi, kyun ke main television per kam karta hon aur janta hon ke camera ke pechey kiya hota hai, kabhi kabhi ksi show ke kuch scene mutasir karte hein lekin main inhein dekh kar rota nahi hon albatta baz auqat shouting ke doran jazbati ho jata hon maslan aik scene mein mere on screen bhai aur behan ne jab mujhe gale lagaya tou main khasa jazbati ho gaya kyun ke real life mein mera koi bhai behan nahi hai, shouting ke doran es tarha ke scenes mein ap jazbati ho jate hein lekin baad mein jab use TV per dekhte hein tou ap per us ka koi aser nahi hota.

Question: Bachpan mein ap ki pasand,dida kitab koun sit hi aur kyun?

Vishal Gandhi: Maine bohat zyada kitabein nahi parhi lekin mujhe comic’s parhne ka shoq tha, maine apne dost ke kehne per “The Secret” nami kitab parhi jo ke bohat achi thi, es ke elawa mere pas kitabon ya writers ka koi selection nahi hai.

Question: Kya ap aik achey dancer ho?

Vishal Gandhi: Mian apne ap ko ek acha dancer zaror samajhta hon lekin es ke sath he yeh bhi kahon ga ke mujhe dance karne se zyada usey dekhne mein dilchaspi hai.

Question: Ager aesa hai tou ap ksi dance reality show mien hissa kyun nahi letey?

Vishal Gandhi: Mera khayal hai ke etne barey muqablon mein shirkat karne ka aehal nahi hon, es ke liye mujhe ba-qaeda dance sekhna hoga! Filhal tou acting se he fursat nahi hai es liye dance ki taraf kese tawajah dey sakta hon.

Question: Guzishta dino ap shouting ke silsiley mein Ahmedabad gay they wahan ka dora kesa raha?

Vishal Gandhi: Mujhe yeh shehar humesha se he pasand hai kyun ke yahan ke rehne wale bary purjosh aur pur-khulos hein, guzishta bar mein atariyan ke silsiley mein wahan gaya tha aur khub maza aaya albatta Ahmedabad ki garmi kuch tung karti hai.

Question: Ab tak es industry mein ap ka safer kesa raha?

Vishal Gandhi: Maine kai production houses ke sath kam kiya hai aur mukhtalif noueyat ke correctors kiye hein chahey woh “Bandhan Saat Janamon ka” mein nokar ka role ho ya “Pyaar Ki Yeh Ek Kahaani” mein college ke talib-e-elm ka, mujhe humesha mukhtalif qisam ke role miley hein aur main es per bohat khush hon, es baat ki bhi khushi hai ek ek baar pher ek jazbati drama mein kaam kar raha hon, jis se maine humesha enjoy kiya.

Question: Ap kab se acting kar rahe hein?

Vishal Gandhi: Maine child actor ke tour per film “Ekka Raja Rani” mein kam kiya tha, bad mein kuch commercials aur modeling assignment bhi kiye lekin kabhi bhi acting ko career banane ke bare mein nahi socha tha, yeh mehaz itafaq he hai ke TV drama mein acting kar raha hon.

Question: Es ke baad kiya erada hai?

Vishal Gandhi: Mian films mein kam karna chahta hon leking behtar hoga ke wahan jane se pehley television per mazed kuch kam karon kyun ke yahan ap ko apni ghalatiyon se sekhne ka sabaq milta hai jab ke films mein ap ke liye moqa se faeda uthane ki ek he gunjaesh hoti hai ager click kar gay tou mazed kam milne ka imkan mil sakta hai warna ap ko sab log nazer-andaz kar dein gey.

Question: Reality shows ke bare mein ap ki kiya ray hai, kya ap bhi yahi samajhte hein ke in ka script pehley se likha howa hota hai?

Vishal Gandhi: Mujhe reality shows ka concept pasand hai, kuch log samajhte hein ke in ka script pehley se likh liya jata hai lekin maine kuch reality shows ki recording qareeb se dekha hai aur yaqen se keh sakta hon ke tamam tasurat aur jazbat haqiqi hote hein aur in ka script pehley se nahi likha jata.

Question: Ager moqa miley tou ap in reality shows mein shirkat karna pasand karo gey?

Vishal Gandhi: Mujhe dance aur comedy ka bohat shoq hai aur janta hon ke es se bhar-por tafreh miley gi lekin sara masla waqt ka hai, wese such tou yeh hai ke abhi tak mujhe ksi reality show mein hisa lene ki offer nahi hoi aur main ksi ke darwaze per ja kar apne moun se nahi keh sakta ke mujhe bhi ksi reality show mein moqa diya jae.

Question: Fursa ke auqat mein ap kiya karte hein?

Vishal Gandhi: Maine state level per basket ball kheli hai lehaza jab thora bohat waqt milta hai tou court mein ja kar bachon ke sath basket ball khelta hon warna apne portable play station se dil behlata hon, es ke elawa koshesh karta hon ke apni bivi sun home, ke sath kuch quality time guzaron kyun ke hum dono working schedule mukhtalif hein.

Question: Ap ki shadi ko 3 saal ho chukey hein, kesa mehsos hota hai?

Vishal Gandhi: Sab kuch wesa he hai jo shoru mein tha, koi tabdeli nahi aai aur filhal apni family mein azafa karne ki koi mansoba bandi nahi kar rahy! Abhi kuch arsa aur aik dosre ki mohabbat se lutf anduz hona chahtey hein.

Question: Career ke doran kabhi koi aesa marhala aya jab ap ne socha ho ke actor ban kar ghalati ki?

Vishal Gandhi: Bilkul nahi! Main apne career se pori tarha mutmaen hon wese tou ap ko zindagi ke her shobe mein jadu-jehad karna parti hai, es lehaz se yahan bhi aagey barhna etna asan nahi jo kuch mujh per guzri woh main he janta hon, behar ha ab mere achey din aa gay hein es liye mazi ko bhula dena he behtar hai albatta es waqt bohat uljhan hoti hai jab humein late hours mein kam karna parta hai, yahan per subha aane ka tou ek waqt muqarar hai lekin wapsi ka koi time nahi, jab tak kam khatam na ho jae ap set se nahi hil sakte lekin main usey bhi profession ka aik hissa samajh kar bardasht kar leta hon.

Question: Ager actor na hote tou kiya kar rahe hote?

Vishal Gandhi: Maine career planning ke bare mein kabhi nahi socha zyada se zyada yahi keh sakta hon ke ager actor na hota tou apna koi chota mota business kar raha hota akhir roti kamane ke liye kuch na kuch tou karna parta hai.

 
© Copy Rights 2012 -1015     www.internetpk.com All Rights Reserved Contact Us