www.internetpk.com
 
 
 Urdu Quotes
 Jokes
 Lyrics
 Computer
 Mobile Phones
 Coaching Centre
 Postal Codes
 Poetry
 Beauty Tips
 Articles
 Blood Bank
 News
 Schools
 Sports
 Cricket
 National Songs Of Pakistan
 Urdu Nazmain
 Urdu Kids Stories
 Health
 
 
 Home Urdu Kids Stories

Akalmand Khargosh

Urdu Kids Stories: We provide you most attractive and latest collection of Urdu Kids stories for Pakistani and Indian people in Urdu and Hindi. In this page you will find, read, free download new and best Urdu kahani, bchon ki kahaniyan, short Urdu stories, and many moor interesting story. Children will enjoyed with our latest and best collection of Urdu kahaniyan and free send your friends and family members by whatsapp and mobile sms. Spend your free time and happy moment with our best, new mazahiya, dilchasp, sabaq amooz and desi kahaniyan in Urdu and Hindi.

Akalmand Khargosh Urdu kids story. Read and free download your favorite kahani in Urdu, Hindi.

Outline: Elephants flock to the shores of a pond surrounded by water in a green and shady forest…. The water in the pond began to dry and there was no water for the elephants…. Forced by the heat and thirst, elephants decided to go to another pond or another jungle….. Somewhere after searching, they found a pool full of water…. The name of this pond was "Chashma-e-mah" On the other side was a group of rabbits…. The rabbits had been living there for years… then… the wise rabbit, with his wisdom, forced the elephants to move away from the pond.

Aik sar sabz aur shadab jangal mein pani se labreez talab ke kinare hathiyon ka jhund hasi khushi rehta tha yahan tak ke aik lambe arse tak pani nahi barsa aur us sar sabz jangal ko khushk Sali ne apni lapait mein le liya. Talaab ka pani dhere dhere khushk hone laga aur hathiyon ke liye pani nahi reh gaya. Garmi aur piyas ki shidad se majbor ho kar hathiyon ne ksi aur talab ya ksi aur jangal ki talash mein jane ka fesla kiya jahan pani ho aur woh wahan zindagi basar kar sakein, kai dino tak talash karne ke bad kahin door unhein pani se bhara howa talab nazer aaya jis ke aetraf mein khobsurat aur hare bhare darakht lage howe thein, woh qadre josh o kharosh mein chalne lage us talab ka naam “chashma-e-mah” tha, dosre taraf ke hisse mein khargoshon ka aik grouh rehta tha, khargosh barso se wahan reh rahein thein unehin is musibat ki koi khabar nahi thi jo in ke taraf aa rahi thi.
Hathi aage barh rahe thein jo un ke raste mein par raha tha unhein rondte ja rahe thein, khargosh ye halat dekh kar khouf se idhar udhar bhag rahe thein, un mein se na jane kitne hathiyon ke pairon ke niche aa kar apni jan se hath dho bethein thein aur bohat se khargosh zakhmi ho gae thein.
Hathi talab ke pas pohche tu us mein ghus kar thande aur methe pani se apni pyas bujhane lage.
Khouf se kanpte howe khargosho ne ye halat dekhi tu hathiyon se door jangal ke aik kone mein jama howe au res masle ka hal dhondne lagein, apne sathiyon ke kuchal kar marne aur zakhmi hone per sab intehai ghamgeen thein, mozu e behas ye tha ke agar hathiyon ne esi jagha rehne ki than li tou pher hum khargosh kya karein ge. Aik ne kaha ke agar hathi yahan reh gae tou rozana hum mein se kuch ki mout yaqini hai kyoun ke ye be parwah janwar hein aur hum mein etni jan nahi hai ke hum inhein yahan se bahar nikal sakein, aik aur khargosh ne apna sir peet kar kaha ab kya hoga ye musibat tw khatam hone wali nahi hai unhone bari mayosi se sir hilaya. Achanak feroz naam ke khargosh ne bolna shoru kiya, us ne kaha, mujhe ap sabon ke pareshan, na-umeed aur ghamgeen hone koi wajha samajh nahi aa rahi, es mein koi shak nahi ke hathi hum se bohat bare aur taqatwar hein lekin humein khuda ne aqal di hai, hum unhein yahan se nikalne ke liye apni aqal ka istamal karein ge, mere zehan mein aik tarkeeb aai hai mujhe umeed hai ke woh mufeed sabit ho gi, aik khargosh ne pocha tumhare zehan mein kya tarkeeb hai? Pher us ne jawab diya, jab raat hogi tab dekhna.
Us raat chodwi ki raat thi, chand pora nikla howa tha aur chandni ne mahol ko roshan kar rakha tha feeroz ne dekha ke hathi pare howe aram kar rahe thein, feeroz aur aage gaya aur aunchi awaz mein kehne laga tumhara sardar koun hai? Us ke liye paigham laya hon, aik hathi khada howa aur feeroz ki taraf badhte howe bola, main hathiyon ka sardar hon, kya paigham laye ho? Aur kis ka paigham laye ho? Feeroz usey dekh kar darra lekin himmat karte howe kum lehje mein kehne laga, chand ki taraf se paigham laya hon, ye chashma chand ki malkiyat hai, tum sabon ke yahan rehne se chand hi dino mein es talab ka pani khatm ho jae ga, esi liye chand bohat naraz hai aur us ne paigham diya hai ke tum sab jald se jald yahan se chale jao, agar tumhe yaqeen nahi hai tw aao mein tumhein us ka ghussa dekhaon, ye keh kar khargosh talaab ke taraf gaya aur chand ka aks us mein saaf nazar aa raha tha, khargosh ne kaha agar hummat hai tw apni sud talab mein dalo, dekho ke chand ko kitna ghussa aata hai, hathi ne sud dali, pani hila tw chand ka aks bhi hilne laga aur niche oper hone laga.
Bewaqoof hathi ko yaqeen aagaya ke chand bohat ghusse mein hai aur woh es se khouf zada ho gaya, hathiyon ke sardar ne foran ja kar dosre hathiyon se kaha ke yahan se jaldi nikal chalo kyounke chand bohat ghusse mein hai, humari jan bachna mushkil hai, us ne ye kaha aur bhagne laga, dosre hathi bhi apne sardar ke piche piche dorne lage aur talab se bohat door chale gae.
Hathiyon ke jate hi khargosh apne bilo se nikal kar khushi se nachne lage, unhone feeroz ko bhi shukuriya ada kiya aur es baat per bhi bohat khush howe ke un ki aqal hatiyon ki qowat per ghalib aa gai.

Moral Story: Jeet humesha akalmand ki hoti hai (Winning is always wise).

 
 
 

 
 
© Copy Rights 2012 -2020     www.internetpk.com All Rights Reserved Contact Us