www.internetpk.com
 
 
 Urdu Quotes
 TV Channels
 Jokes
 Lyrics
 Computer
 Mobile Phones
 Coaching Centre
 Postal Codes
 Poetry
 Beauty Tips
 Articles
 Blood Bank
 News
 Schools
 Sports
 Cricket
 National Songs Of Pakistan
 Urdu Nazmain
 Urdu Kids Stories
 Health
 
 
 Home Urdu Kids Stories

Hoshiyar Mochi

 

Urdu Kids Stories: We provide you most attractive and latest collection of Urdu Kids stories for Pakistani and Indian people in Urdu and Hindi. In this page you will find, read, free download new and best Urdu kahani, bchon ki kahaniyan, short Urdu stories, and many moor interesting story. Children will enjoyed with our latest and best collection of Urdu kahaniyan and free send your friends and family members by whatsapp and mobile sms. Spend your free time and happy moment with our best, new mazahiya, dilchasp, sabaq amooz and desi kahaniyan in Urdu and Hindi.

Hoshiyar Mochi Urdu kids story. Read and free download your favorite kahani in Urdu, Hindi.

Outline: This is a story of a poor shoemaker, who used to stay in small village with his wife. He had no work in the village and soon he had no money even to by food…  There is no work… I must try my luck in the big city… the shoemaker reached the big city… I shall soon have enough money to by a donkey… after a few days he had earned four gold coins… he bought a donkey with two of them and decided to return home… on his way he passed through a jungle… the thieves caught him… this donkey crates gold… we shall give you fifty gold coins for this donkey… the maker sold the donkey and returned home… he was very happy to have got the gold coins… I shall be the first to keep the donkey with me… the next morning when he got up… all of them understood that the had been fooled… they leave for the shoemaker home… where is that shoemaker… I simply send milo to him and milo delivers my message… we got nothing from the donkey… but you will have to sell us this dog too… the shoemaker agreed to sell them the dog… milo, to tell father that someone is here to meet him… I think he must have been missing me… milo, stayed with all the member of the gang one by one… they did not pay heed to anything the shoemaker had to say… they put him in a sack and left to teach him a lesson… let us rest for a while in the church… this church was on top of a hill… a Shepherds was passing by… leave me… if that is the case, come I shall put you in the sack… and taking his sheep’s, got away from there… listen, let’s throw him here in the mud… while returning, they saw the shoemaker on the road… I come out with their help and brought some gold with me too… wait! Take us to that magical place… if you want the gold then you must lock yourselves in the sack… the cobbler threw all of them in the mud… seeing this, the shoemaker laughed and went to his house.
Clever Cobbler

Aik gaon mein aik ghareeb mochi apni bivi ke sath rehta tha usey gaon mein koi kaam nahi milta tha, jald hi us ke pas anaaj kharedne ko bhi pesa nahi raha tou aik din us ne aik fesla kiya aur apni bivi se kaha, ab humein aur zyada yahan nahi rehna chahiye, yahan koi bhi kaam nahi hai, mujhe apni qismat bade shehar mein aazmana chahiye, shayad mujhe wahan per koi acha kaam mil sakey pher mochi aik bade shehar mein pohncha aur gali gali ghomta aur bolta jata, naye jote banwa lo, naye jote banwa lo ya apne purane jote bilkul naye jote ki tarha banwa lo.
Pehle din tou mochi ko koi kaam nahi mila, agle din wo pher bade shehar ki galyon mein yahi alfaz dobara se bolne laga, achankal aik khatoon ne usey bulaya aur kaha, janab mochi meharbani kar ke in joton ki muramat kar dijiye, mochi us ke darwaze per beth ke jote sil diye aur us ne apni mehnat ki ujrat 1 tanbe ka sikka liya aur chala gaya jese hi woh agli mein dakhil howa aik aur khatoon ne usey pukara aur us se kuch jote murammat karne ko kaha, mochi ne joton ki murammat ki pesa liya aur chala gaya, mocha ne socha ke aaj meine bohat mehnat kiya aur bohat kama liya esi tarha agar woh mehnat kare ga tou jald hi aik gadha khareed ley ga.
Us ne bohat mehnat se kaam kiya aur kuch dino ke baad us ne chaar sone ke sikkey kama liye thein. Un mein se 2 sikke se us ne gadha khareeda aur ghar aa gaya, agle din us ne apna sara saman bandha aur apne gaon ki taraf nikal para, apne raste mein usey aik jangal se guzarna para jahan usne choron ka aik goru dekha per woh pareshan nahi howa, mochi bohat Danish-mand tha usne himmat nahi hari aur usne aik mansoba banaya, usne aik sone ka sikka gadhe ke gale mein bandh diya aur aage chala, choron ne usey pakad liya aur mochi se kaha “apna sara paisa nikalo, chalo jaldi karo” mocha ne kaha “main aik ghareeb mochi hon, mere pas es gadhe ke elawa aur kuch bhi nahi hai, meharbani kar ke mujhe jane dijye, jese hi usne ye bola, gadha renga aur us ke gale se woh sone ka sikka zamin per gir para, ye dekh kar choron ne mochi ko bohat mara aur kaha humein bewaqoof banate ho agar tum ghareeb ho tou pher ye sone ka sikka kahan se gira?, mochi ne kaha “ye gadha sona peda karta hai, esi tarha se mujhe sara paisa milta hai” ye sun kar choron ne kaha “tum humein ye gadha baich do, hum tumhein jane deinge”. Mochi ne kaha nahi agar mein es ko baich donga tou mere pas kuch nahi bache ga, choron ne kaha hum gadhe kabadle tumhe 50 sone ke sikke deinge, mochi ne gadha baich diya aur choron se bola esy bari bari sab apne sath rakhna warna tum ladte reh jao ge, aur pher apne ghar aa gaya.
Mochi bohat khush tha ke use sone sikke milein thein, es paise se usne aik poltry farm kharida es doran choor bhi gadhe ko lekar apne adde per pohanch gaey thein, choron ke sardar ne kaha ke es groh ka sarbara mein hon es liye es gadhe ko sab se pehle mein rakhon ga, choron ne apne sardar ki baat man li aur us raat choron ka sardar astabal mein gadhe ke sath soya, woh jagte hi sara paisa le lena chahta tha per jab subha woh utha tou dekha ke astabal mein aesa kuch bhi nahi tha usne pore astabal ka moaena kiya per usey kuch nahi mila, woh samajh gaya ke us mochi ne usey bewaqoof banaya hai, es doran wahan aik aur choor aaya aur kaha “sardar ap ko sona mila? Kitne sone ki sikke gadhe ni diye?, sardar ne kaha “aj raat tum esy sath rakho ge tou tumhe khud hi pata chal jae ga”, sardar ne ksi se kuch nahi kaha, kyun ke woh es baat ka yaqeen kar lena chahte thein ke us ne koi ghalati nahi ki, aik aik kar ke sab hi choron ne gadhe ko apne sath rakha per un mein se ksi ko kuch nahi mila, pher sab samajh gae ke unhein mochi ne bewaqof banaya hai, sardar ne mochi ko sabaq sikhane ka fesla kiya aur mochi ke ghar ki taraf nikal pare, mocha farm mein kaam kar raha tha, usne choron ko aate dekha woh foran apne ghar ke andar gaya aur apni bivi se kaha “ghor se suno, jab woh choor yahan ayein ge aur mere bare mein pochein gein tou unhein batana ke mein farm mein kaam kar raha hon aur humare kutte “milo” ko bhejna mujhe bulane ke liye” ye keh kar woh apne ghar ke piche chhup gaya, kuch deer ke baad choor wahan aa pohnche aur mochi ka pocha, mochi ki bivi ne bilkul wesa hi kiya jesa us ne samjhaya tha, choor ye dekh kar heran reh gaein aur bolein ye kese ho sakta hai ke kutta apni baat samjha de, mochi ki bivi ne kaha han jab mujhe koi kaam hota hai tou main kutte hi ko bhejti hon aur woh sari batein samjha deta hai, jab choor mochi ki bivi se baat kar rahein thein, mochi aa pohcha aur kaha “oh tou ye ap hein, ‘milo’ ne bataya ke ap mujh se guftagu karna chahte hein” chooron ke sardar ne kaha ke “humein gadhe ne kuch nahi diya, tum ne humein dhoka diya aur hum se jhoot bola.” Mochi ne bola “mujhe yaqeen hai ke tumhein koi ghalat fehmi hoi hai, jo kuch bhi mere pas hai woh us gadhe ke wajha se hi hai” choor ne kaha “thek hai hum tum per yaqeen karte hein per tumhe ye kutta bhi humein bechna hoga, hum tumhein es ke liye 40 sone ke sikke deinge” thora inkar karne ke baad mochi razi ho gaya kutta bechne ke liye, choron ne kutte ko liya aur chalein gaein, jab woh ghaar mein pohnche to sardar ne kaha ke woh pehla hoga jo kutte ko apne pas rakhe ga, dosron ne uska hukm tasleem kiya aur chale gaye.
Sardar ne apni beti ko bulaya aur kaha mein kaam ke liye bahar ja raha hon agar koi mujhe bulane ke liye aaye tou es kutte ko mujhe bulane ke liye bhej dena, kuch deer bad aik admi wahan aaya aur us ne sardar ki beti se kaha ke woh apne abba ko bulaey, sardar ki beti ne kutte ko kaha ke jao aub abba se kaho ke koi un se milne aaya hai, kutta ye sunte hi wahan se bhaga bajaey sardar ke pas jane ke woh sidhe mochi ke pas gaya. Jab choor ghar wapas aaya tou us ne dekha ke “milo” wahan nahi tha woh samajh gaya ke “milo” yaqinan apne malik ke pas chala gaya ho ga tou woh mochi ke ghar gaya aur bola ke milo tumhare pas aya hai? Han, woh yahin hain, mere khayal se usey zaror meri yaad aa rahi ho gi, usey thora waqt dijiye aur yaqeen kijiye akhir kar woh ap ko apna malik maan hi ley ga. Sarda milo ko apne sath ley gaya aur usne agle din usye apne aik sathi ko de diya, milo groh ke sare member ke sath aik aik kar ke raha per har din woh mochi ke pas wapas aa jata, sab ne ye jan liya ke aik bar pher us ne dhoka diya hai, unhone ne faisla kiya ke es baar who mocha ko sabaq sikha kar rahein gein, aik bar pher woh mochi ke ghar pohnchein aur baar woh mochi ki dalilon ko pori tarha nazerandaz kiya aur usey borey mein band kar diya aur usey sabaq sikhane ke liye wahan se ley gaye, mochi chup chap bory mein leta raha, raste mein woh aik church ke pas se guzre un mein se aik ne kaha ke bohat garmi hai hum kuch der yahan aaram kar lete hein, un choron ne borey ko wahin chhor diya aur sab ke sab aram karne ke liye church ke andar chaley gaye, woh church aik pahad ke choti per tha, bakriyon ka aik jhund wahan se guzar raha tha jab mochi ne bakriyon ke jhund ki awaz sunni tou usey aik tarkeeb sochi aur buland awaz mein chekhna shoru kiya “main ye nahi karon ga, main ye nahi karon ga, mujhe jane do” bakriyon ke malik ne mochi ki awaz suni aur woh us ke janib aaya aur bola “tum kya nahi karo gey aur kis ne tumhein bory mein dala hai? Mochi ne kaha “woh mera nikkah badshah ki beti se karwana chahte hein per mein nikkah nahi karna chahta” ye sun kar bakriyon ke malik ne kaha ke “kyun kya tum pagal ho? Agar mein tumhari jagha hota to shehzadi se shadi kar leta” mochi ne kaha “agar aesa hai tou aao tumhein bory mein band kar deta hon, tum jao aur shehzadi se nikkah kar lo per mujhe pehley borey se bahar nikalo” bakriyon ke malik ne mochi ko bahar nikala aur khud borey ke andar ghus gaya, mochi ne usey bandh diya aur us ke bakriyon ko wahan se ley kar chala gaya, sham ko choor church se bahir aaye, borey ko liya aur chaley gaye, choron ne usey sabaq sikhane ke liye kichad mein phenk diya aur khud wahan se chale gaye, wapas aate howe unhone mochi ko sadak per dekha aur sakte mein aa gaye aur bolein tum yahan kese aa gaye? Mochi ne kaha “us kichad ke nichey aik talasmi jagha hai wahan bohat sona tha aur us sone ki ye bakriyan nighabani kiya karti thien aur un ki madad se hi main bahar aaya hon aur apne sath kuch sona bhi le kar aaya hon ab tou main bas wahan sone jar aha tha” sardar ne kaha, ruko humein us talasmi jagha per ley chalo, khabardar jo tumne wahan us sone ko hath bhi lagaya, choron ko groh mochi ke sath us jagha per pohncha, mochi ne kaha, agar tumhe sona chahiye tou tumhe khud ko borey mein band karna hoga. Tab hi choron ne khud khud ko borey mein band kar liya, mochi ne un sab ko kichad mein phenk diya, choor chikhte rahe, mochi hansa aur apne ghar chala gaya us ke bad woh aman aur sakoon se apni bivi ke sath raha.

 
 
 


 
 
© Copy Rights 2012 -2020     www.internetpk.com All Rights Reserved Contact Us