www.internetpk.com
 
 
 Urdu Quotes
 Jokes
 Lyrics
 Mobile Phones
 Coaching Centre
 Postal Codes
 Poetry
 Beauty Tips
 Articles
 Blood Bank
 News
 Schools
 Sports
 Cricket
 National Songs Of Pakistan
 Urdu Nazmain
 Urdu Kids Stories
 Health
 
 
 Home Urdu Kids Stories

Jadui Nariyal

Urdu Kids Stories: We provide you most attractive and latest collection of Urdu Kids stories for Pakistani and Indian people in Urdu and Hindi. In this page you will find, read, free download new and best Urdu kahani, bchon ki kahaniyan, short Urdu stories, and many moor interesting story. Children will enjoyed with our latest and best collection of Urdu kahaniyan and free send your friends and family members by whatsapp and mobile sms. Spend your free time and happy moment with our best, new mazahiya, dilchasp, sabaq amooz and desi kahaniyan in Urdu and Hindi.

Jadui Nariyal Urdu kids story. Read and free download your favorite kahani in Urdu, Hindi.

Ksi jangal mein aik buzrug baba raha karte thein, jangal se guzarne wale rahgeer baba ji se aqedat ke izhar ke tour per koi na koi cheez un ke pass rakh jate, baba ji aankhein khol kar dekhte jo phal para hota woh kha lete warna jangal ke janwar un cheezon ko kha jate ye silsila isi tarha chalta raha ke log buzrg baba ji ko ibadat karte dekhte magar un per koi khas tawajah nahi dete.
Aik din aik nujawan nariyal ki gathri liye us raste se guzra tou us ne chaar nariyal baba ji ke pass rakh diye, kuch deer bad aik lakadhara Raju wahan se guzra tou us ne aik nariyal tod kar baba ji ko dete howe kaha, ye lein baba ji nariyal ka pani pi lein, baba ji pani pi chukke tou Raju kehne laga, dosra bhi tod don baba ji? Baba ji usey mana karte howe kehne lagein, nahi beta esy mat todo, ye teeno nariyal apne liye tohfa samajh kar sath ley jao, main tumhare bare mein sab janta hon, lekin yaad rakhna, se ko todte waqt jo khahish karo ge woh pori ho jae gi.
Raju bohat khush howa aur khushi khushi nariyal le kar ghar ko chal diya, roz ghar pohanch kar Raju kamai hoi raqam ke teen hisse karta, aik hissa khane pine ke liye, aik hissa kheraat karne ke liye aur hissa bachat. Us ki khahish thi ke woh lakdi ka kaam kabhi nahi chhore ga.
Jis din amdani thori hoti us din Raju pareshan ho jata, aur sochta aaj tou kherat ki raqam kam ho gai hai lekin lekin es ko apne kharche ki raqam kam hone ki fikar kabhi nahi hoti thi, achanak usey nariyal ka khayal aaya, us ne nariyal ko toda aur dil mein socha, Allah kare meri amdan kabhi thodi na ho, mere bivi bachey aaram se rahein aur main esi tarha kherat karta rahon.
Us din ke baad se uska karobar barhta chala gaya, ahista ahista Raju ameer ho gaya, log usey Raju Ji keh kar bulane lagein, us ne aik makan bana liya aur apne bivi bachon ke sath achi zindagi guzarne lag gaya. Ab Raju pehle se bhi zyada kherat karne lag gaya.
Raju ke ghar ke paas he aik ameer shakhs bhi raha karta tha jis ka naam bakhshu tha, bakhshu aik din kehne laga, main Raju se zyada kamata hon magar Raju mujh se zyada ameer kese ho gaya, pata nahi es ke pas etne pesey kahan se aa gaey. Esi soch aur kashmakash mein woh aik rooz Raju se kehne laga, Raju ji ap roz roz taraqi karte ja rahe hein, agar ap bura na mane tou mujhe bhi bata dein ke aakhir in sab ka raaz kya hai, kya koi khazana hath lag gaya hai? Nahi nahi bhai aesi koi baat nahi hai ye sab tou jangal wale baba ji ki meharbani hai, bhole Raju ne tamam baat Bakhshu ko bata di. Bakhshu kehne laga, pher tou ap ke pas do mazeed nariyal bhi honge, kya ap mujhe kal woh anmol nariyal dekha dein ge? Raju ne hami bhar li.
Agle din Bakhshu ne bazar se aik nariyal kharida aur chhupa kar Raju ke ghar pohanch gaya, bohat deer tak nariyal ko takte rehne ke baad Bakhshu ne aankh bacha kar apna nariyal Raju ke nariyal se tabdeel kar diya aur ghar lout aaya, ghar loute he Bakhshu nariyal todne he wala tha ke us ki bivi bol padi, suniye, nariyal ka pani ksi bartan mein dalna, bivi ke bolne par Bakhshu ko bohat ghussa aya aur woh ghusse mein bol utha, mujhe ghareeb banna hai, Bakhshu ko apni ghalati ka ahsas howa ke main “ameer ho jaon” ye kehne ke bajae us ke moun se nikal gaya ke “main ghareeb ho jaon”, magar ab kuch nahi ho sakta tha.
Ahista ahista Bakhshu ki tammam doulat khatam hone lagi. Aik din dakoun ne us ke ghar daka maar kar baqi ki raqam bhi loot li, us ki aesi halat ho gai ke Raju ne bohat si raqam usey kherat kar di.
Bakhshu ne apni ghalati tasleem karte howe Raju se muafi mangi, Raju kehne laga “koi baat nahi mere bhai, tumhe apni ghalati ka ehsas tou howa, ab dobara aesi ghalati kabhi nahi karna” ye kehte he Raju ne dosra nariyal bhi Bakhshu ko de diya, Bakhshu us nariyal ko ghar ley gaya aur aaenda ke liye lalach se humesha humesha ke liye touba kar li aur pher se ameer ho gaya.

Sabaq: jo lalach karta hai woh humesha nuqsan uthata hai, jo Allah pak ne ap ke naseeb mein likh diya hai, woh ap ko har haal mein mile ga. Es liye ksi si hasad nahi karna chahiye aur humesha apni kamaai ka kuch hissa ghareebon per kharch karna chahiye.

Moral Story: Who is greedy he always loses. Whatever Allah has written in your destiny, they will get you in every situation. So no one should be jealous and always spend some of their earnings on the poor.

 
 
 

 
 
© Copy Rights 2012 -2019     www.internetpk.com All Rights Reserved Contact Us